البوست ده برضه هدام ... خلاص أنتم عرفتوني وعرفتوا أفكاري الهدامة ... إللي بتتنطط في نافوخي وكل شوية تطلعلكوا في تقليعة جديدة ... مرة إضراب ومرة وقت لنفسي ...سمعاك ياهيما سوسو مش هاتجيبها لبر السنة دي .... فعشان كدة منك له من غير ماأهاتي وأنبح في صوتي ... خلي المودام تتاخر من قدام الشاشة بالصلاة علي النبي .. من غير زق ولا طرد وكارت أحمر
قوووومي ياختي البوست ده هداااااااااااااااااااااااااااام
ماليش دعوة ... ها ... أنا عاوزة وقت لنفسي ... الست مننا عاوزة فسحة لوحدها والراجل منكم لازماً ولابد يسيب الست بتاعته تبعد عنه في أجازة يوم ولا حاجة ... نخليها في الأسبوع مرة واحدة ... ماتزقش ياجدع أنت وهو ... أنت ياراجل ياللي بتحدف طوب ... اللمبة عليها أقساط أصلها غالية من القلاوووظ هاأدفعك تمنها ... بلااااااااش خليها يوم في الشهر ... عشان خاطر الراجل بتاع الطوبة بس
الرحمة حلوة ... أرحموا من في الأرض يرحمكم من في السماء
من موقعي هذا بعد يوم خروجة حلوة مع أخواتي المدونات ... أطالب وأنادي وأشجب وأنتحب عاوزة يوم ليا يابشررررر
عاوزة أخرج لوحدي من غير راجل يطلع عقده عليا ويقعد يفرس وينكد فيا
يوم واحد في الشهر كتير عليا ؟
اليوم ده بقي يومي وأنا حرة فيه أفرده أكويه .. أن شالله أتمشي فيه ... براحتي خااااااااالص حد شريكي ماأنا طوووول الشهر شغالة فولبينية بلقمتي وهدمتي ويوم مايخرجني سي الأستاذ جوزي ... يقعد يبستفني ...
كدة عطلتيني عن شغلي مش الوقت ده أنا أولي بيه
طب بذمتكم حد ضربه علي أيده وقال له يخرجني
وعشان ماأسمعش الكلمتين إللي يسدوا النفس ويوجعوا البطن قررت بكل بساطة أخرج لوحدي ...ممكن بالولاد ولو إني أحبذ أكون من غيرهم ... أروح الكوافير ... قال يعني البت مقطعة السمكة وديلها وهاتقضي أجازتها تتزوق للبيه برضه ... بلاش كوافير .... يسقط الكوافير
أقابل جيراني ... وهما الجيران هايروحوا فين أبقي أزورهم وسط الأسبوع ... ساعة كفاية عليهم
هأطلع مع أصحابي فسحة ... فسحة حريمي ... أبعد عشان أقترب
وهو كمان يطلع مع أصحابه فسحة رجالي .. أنا واحدة ديموقراطية وبأحب المساواة والعدل .. وأهي تبقي أجازة زوجية نغير فيها وشوش
تعيش الافكار حرة مستقله هو ده الصح يا قمر بجد
ردحذفده اللى محتاجينه حتى انا ابعد كمان عن الشغل لااااااااااا كوافير وحركات لا احنا نقلبها عيال ولعب وتنطيط حد طايل يا نهار ابيض
سيبك انتى آآآآآآآى هو مين اللى بيحدف قلل هنا اه هو اسلام قافش فيه سيبك منه
هنروح برضه هههههههههههههههه
تسلمى يا قمر علشان اليوم تحفه بجد
مفقوعه يا أختي عندك حق ...المفروض مادام جوزي بيروح رحلات رجالى ...أنا كمان أعمل رحلات حريمي...لوحدي خاااااااالص
ردحذفوتحيا الوحده النسائيه
انا موافق
ردحذفاول مرة اتفق معاكى ضد فيفى
ههههههههه
لا بجد فكرة حلوة مع انى المدام مش بتخرج معايا دايما مع اخواتها
وانا عايش الحياة مع نفسى
علشان كده حلوة عيشة الحرية
تحياتى
اه نسيت اقولك
ردحذفبس طبعا اتاخدى فيفى معاكى الفسحة
ولا اتخرجى من غيرها يبقى لا الولد ولا امه ما ينفعش يا سوسو
تحياتى ليكى
هيه هيه هيه
ردحذففسحه ببلاش كدة يا ولاد
ايوة و اللهى
حاجه ببلاش كدة
ههههههههههههههههههههههههه
يسقط الكوافير
يسقط الاستبداد و الذل عشان خروجه
و احنا يعنى منعرفوش نخرجوا لوحدنا و لا ايه
لا
دة احنا جامدين اوى
و لا سمكه و لا ديلها
احنا حيتان اختى
فكووووورة زى العسل
و دمتــــــــــــــــــــم
هههههههههههههههه واضح ان ده اول نتايج الخروجة بتاعت امبارح
ردحذفانا معاكى و اشجع و اؤيد
و لتحيا الستات و ليسقط الرجالة
و حلو المكان على فكرة لانه فاضى و تحسى كده انه ملكنا .. ده انتم كنتم واخدين القاعة كلها لحسابكم يا جبابرة هههههههههههههه
التجمع بتاعكوا دا شكله كدا اسفر عن حاجه وهيخليكوا تتمردوا علي اجوازتكوا
ردحذففعلا الحريم لما بتتجمع مع بعض بيبقي في مشاكل
ماشي يا ستي خدي فسحه لوحدك بس اما هتخرجي هتحسي انك ناقصك حاجه
تحياتي
كل اجازة زوجيه وانتى بالف صحة وسعادة
ردحذفحلوة الفكرة دى ربنا يعينك
تحياتى لكى
عندك حق والله اينعم ان لسه مفيش حد خانق عليا جوزى او كده بس فيه اخواتى وابويا و السفر وحورات كده ملهاش لازمه
ردحذفانا معاكى ف كل كلمه قولتيها يا ريت بقى يفهموا اننا عشان نقدر نستحملهم حتى ولو بنحبهم موووت لازم ناخد وقت لنا احنا وبس من غير نصنا الوحش
سلام يا جميل واضم صوتى لمفروسه واقول تحيا الوحده النسائيه
بالعكس افكار بنائة جداً ..
ردحذفالوقت اللي بتقضيه وحدك فى اجازة من روتين حياتك حينعكس عليكى و حيخليك اقل فرسة حقيقي .. لانك حتشتاقي للهدوء و تجديد ليكي و ليه .
حقيقى كان يوم جميل و اسعدني كتير تواجدي معكن
دمتي بكل ود
ايه ده ياسوسو ... هما هيقلبوكى على الراجل من قعدة واحدة كده ... ياختى الواحدة منكم ملهاش غير بيتها وعيالها ... سيبولنا احنا قعدة القهاوى والقرف ده ... صدقينى انتى مش هتستحملى رخامة انك تخرجى كل يوم وتشوفى اصحابك كده .. لا لا لا ايه الرخامة دى ... مالهم الاربع حيطان والتليفزيون والشاشة ال17 بوصة بتاع الكمبيوتر يعنى ... صحيح عالم مش عارفة مصلحتها
ردحذفايه الافكار الحلوة دي
ردحذفتغيير الجو حلو برضه وبيجدد النشاط
أصل أنا لسه جايه من رحلة جميلة
عشان كده أؤيد وبشدة هذه الافكار
الهدامة هههههههه
تحياتي لك وسلامي لفيفي الغائبة الحاضرة
انا شامم ريحة انقلاب فى المدونات النسائيه ومطالبه بالاستقلال يوم بس انا بضم صوتى لصوتكم وخلوها يومين كاملين انتى تقضيهم فى بيت والدتك وهو فى بيت والدته ده بيشعر كلاكما بالشوق للاخر
ردحذفوانا عن نفسى ناوى اعمل كده بجد وخلال اليومين دول لا تكلمنى ولا اكلمها حتى بالموبيل بس الاقيها الاول
صح كده
ردحذفلازمن ولا بد يكون في خصوصيه للزوج والزوجه
مش لازم يكونوا مع بعض على طول
كده صح
تحياتي
appy
ردحذف-------------
أيه يابنتي القلل اللي بتتحدف علي نافوخك دي
هو الحاج إسلام ماشي وراكي بقلة
ماتزعلش ياأسلام ده انت الخير والبركة ياراجل بس يوم في الشهر عشان توحشك
ربنا يسعدكم يارب
واحدة مفروسة
ردحذف==================
انتي بس اقنعيه وصدقيني هايقتنع ومن غير خناق ورحمة والدك
همس الاحباب
ردحذف===================
انا الحقيقة كنت مقفلة علي جوزي اي فرصة للخروج وكنت خانقاه انا بأعترف بس ده لاني أنا مخنوقة عن نفسي ومش بأخرج غير معاه فعشان كدة كنت لازقة فيه بس لما سمحلي اني اخرج يوم بالولاد لوحدنا لاقيتها فكرة حلوة اننا نعمل يوم اجازة زوجية
samourai 4 ever
ردحذف----------------------
انتي ماجيتيش ليه بس دي كانت خروجة حلوة
قوس قزح
ردحذف==================
بسم الله ماشاء الله علي المكان وعلي الناس اللي نورت المكان
انا مش قادرة اصدق ان المدونين مجموعة متنقية ومحترمة كدة
انتي عارفة احنا كنا قاعدين عمالين نشبه علي بعضنا وكأننا اتقابلنا قبل كدة سبحان الله
GeHaD
ردحذف===================
انا كنت حاسة اني ناقصني حاجة مهمة جدا ده كفاية البوز بس
رئـــــيسـة حزب الأحلام
ردحذف-------------------------
المرة الجاية تبقي معانا ان شاء الله
نور
ردحذف=================
تحيا الوحدة النسائية
الواحد محتاج راحة ياختي قطيعة ماحدش بيتفسحها بالساهل
•√أريـ السمر ـج√•
ردحذف==========================
بصي ياجميل انا عاوزة تفاصيل فكرة الكتاب اللي اتكلمتوا فيه وانا في التويليت مع عمورة عشان انا نفسي أشارك معاكم لو الفكرة هاتتنفذ
Eldebug
ردحذف------------------
لا ماتخافش ده انا اقلب بلد
ده كان اتفاق بالأجماع مافيش حد اقنع حد بيه ... احنا اتفقنا اننا انبسطنا بدون رجالة
امل
ردحذف================
فيفي بتسلم عليكي ... وهي اكيد معايا بنفسها في كل حتة بأروحها
هي هاترجع اكيد بس فاصل عشان الناس ماتزهقش من الست الغلبانة
رئيس جمهوريه نفسى
ردحذف=======================
رأيك بأعتز بيه يامحمود ... هي دي الرجالة العاقلة فالأجازة مصلحتك أولا
Ahmed Mubarak
ردحذف---------------------
هاتروح فين في الأجازة بقي ؟
اهى دى الافكار هنضعها فى الاعتبار وفى انتظار المزيد من افكاركم
ردحذفهوا انا يعنى عشان مش من هنا تسيبونى وحدى و محدش حتى يعزمنى عزومه مراكبيه
ردحذفماااااااشى انا مخمصاكى و مش حكلمك تانى و حاصلط عليكى من لا تخاف و لا ترحم
ههههههههههههههههه
ابعتى الايميل بتاعك عشان اضيفك على المسينجر
ده لو سمحتى يعنى
سوسو ياجامد....تحيا الخروجات الحريمى
ردحذفاذيك هاى انا نزلت جزأ تانى من اميره بكل الناس اتمنا تعليقك عليها واتشرف بيكى تانى ونزلى شات بقه بدل الفضايح دى
ردحذفايه الكبت ده كله
ردحذفطب سؤال بجد...طالما فيه قمع...اتجوزتوا لييه
طالما هوا عنده شغل وحضرتك بتعطليه عنه...ليه اتجوزك ...
سورى ان الكومنت تحول لسؤال فضولى لولبى حلزونى..:)
مدونة حلوة على فكرة
ya7`ty t2olesh bt2ry afkary???
ردحذفlooooool
ana lesa 3amla moshkla 3al 7ewar da embare7 wel-nahrda we 3amla edrab..
we 3amlah b2a b2alb gamed mana lesa ma3andesh 3ayl wala tayyel...
bas kont 3ayza tare2et nakshet el2asad mnk tany
طيب اصبرى شوية بدل متجيبلنا الكلام
ردحذفهيقولو اننا قومناكى على جوزك وهيقفلك باب الخروج من أصله
مش تبقى حدقة كده وتلبدى فى الدرة وتقولى يااااااااااه دى خروجة مملة وسخيفة علشان ميحسش انك شبطانة ويسيبك تخرجى تانى
كده
كده
=======
لقد سعدت للغاية برؤيتكم جميعا
دمتم أسرة جميلة
وأخوة غاليية
وصحبة أغلى
======
هبة
monaliza
ردحذف===============
أدينا بنتبادل الأفكار واللي ينفع حد ممكن مش ينفع التاني وصاحب العقل يميز
تحياتي لكي
صيدلانيه طالعه نازله
ردحذف========================
بجد انا نفسي أشوفك
بصي ايميلي هو
sosogharieb@yahoo.com
كيكى.........
ردحذف======================
جميل ان الواحد يبقاله يوم لنفسه
ادم المصرى
ردحذف=====================
حاضر ياآدم من عينيا
safa7_karmooz
ردحذف--------------------
القمع ده مش بيظهر غير بعد الجواز بعد مابتكون الفاس وقعت في الراس
والصراحة الستات بتتجوز عشان يبقي ضل راجل ولا ضل حيطة
سنة الحياة ياسفاح نعمل ايه ؟
ولا بيهمنى
ردحذف===============
خليكي ناصحة وبلاش طريقة نكشة الأسد
بدل مايخرج يتفرج برة علي الستات الأمريكاني
ربعدين ممكن الإضراب ماينفعش في كل الحالات .. يعني في حالتك ابسط شيء هايخرج ياكل برة ويسيبك لواحدك
خدي اللي ينفعك وسيبي اللي يضرك وكله بشويش من غير خناقات وحياتي عندك
Doba
ردحذف=================
انا اتكلمت براحة علي الآخر ماتخافيش ماقلبتهاش خناقة بس اكتشفت اني انا والولاد محتاجين اننا ننفصل شوية عن زوجي ونخرج لوحدنا لانه لما بيخرج معانا بيلاحق الولاد فمش بيخليهم يعرفوا يتصاحبوا علي اولاد من سنهم وده مش مظبوط وبيخلي الاولاد مش إجتماعيين ولو لاحظتي ان ابني الكبير بياخد وقت علي مابياخد علي الأولاد اللي في سنه رغم ان مامته مش كدة خالص بس ده من طباع باباه
وانا عايزة اشربه طباعي انا بس مش عارفة
المهم انه كان يوم جميل ... وأنا لحد دلوقتي مش قادرة اصدق ان فيه عقليات جميلة كدة ممكن تتجمع في مكان واحد
افكار جميلة
ردحذفواللقاء مع الاحبة جميل ومفيد ويريح الرجالة شويا ههههه
خلينا نشوفك
تحياتى
ههههههه
ردحذفمن حقك طبعا
كل اجازة زوجية وانتى طيبة يا سوسو
ردحذفعقبال الاجازة اللى جاية يا جميله وتفرحى وتقبى كل ايامك هنا ومن غير فيفى
هههههههههههههههه
ردحذفانا يامع حد بيجيب فى سيرتى يا جدعان
:):)
د/هيما
ايوه دي احسن فكره يوم في الاسبوع للست تفك بعيد عن جوزها و قرفه و ترتاح من دوشة العيال و بعدين نعمل انقلاب و يبقي يوم في الاسبوع
ردحذفبصى انا شايفة كدة حالة تمرد فى الجو اهدى يابنتى ومتسبيش الراجل هتمشى يوم لوحدك هيخرج 100 لوحدة صدقينى وبعدين تعملى زى المفروسة فمدونة فرنسا والرايق وترقعى بالصوت
ردحذفنصايحك دى اخرتها ايييييية
وحشتينى بجد
تحياتى ياقمر
عايزين رحلات من دى علطول اهو الواحد يعرف يشم هواء نضيف ابقوا قولولى
ردحذفتخيلى فكره حلوة
ردحذفانا لسه الحمد لله ماحدش خنق عليا ولا فى زوج ولا فى حماتى
بس فكره للمستقبل الواحد يتفق عليها قبل ماالفاس تقع فى الراس
تحياتى لافكارك الرائعه دى
ميه ميه يا سوسو على فكره دى مش افكار هدامه دى افكار ميه ميه وبعدين اشمعنا هو كل يوم بعد الشغل بيروح يقعد عالقهوه مع اصحابى ولما بيروح فرح واحد صاحبه مبياخدش مراته معاه وكل يوم يقول فلان كان عنده مشكله وكنا بنحلها
ردحذفمن الستات انهم هما كمان يقضوا يوم حريمى خالى من النكد والهم والغم والسلام عليكم ورحمة الله
فكرة كويسة جدا
ردحذفموافقة
واهو الاتنين يرتاحوا !!!
هو
و
هي
ده مش بعيد هو لو عجبته الفكرة يقول لها يللا نخليها 30 يوم في الشهر !
أو العكس
هو دة مش حاجة عادية
ردحذفاصل انا كنت فاكرة انه عادي يعني ان كل واحد ياخذ اجازة زوجية ووقت اما يكون حاسس بدة بالاتفاق مع الطرف الاخر
لو دة مش حقيقي
يبقي لازم اعيد التفكير
اشكرك
سمراء
ازيك ياقمر يارب تكوني بخير
ردحذفعارفة انا مرة كتبت قصة عن الأجازة الزوجية دي الستات ياختي طلعو فيا شمال قوي دة .. اللينك بتاعها لو حبيتي تقرأيها
http://mostafarayan-shabesaer.blogspot.com/2008/04/blog-post_12.html
لكن بصراحة الأجازة الزوجية احيانا بتكون مهمة لتغير الجو بس يارب فوفو ماتشبطش فيكي وتحكم رأيها تروح معاكي
ربنا يوفقك ودمت بكل الخير
ههههههههههههههههههههههههه
ردحذفانا مش فاهم حاجة بصراحة
بس ايه المواضيع الهدامة الجامده دي
ننتظر زيارتكم في مدونة ميخافي شكلها الجديد
ايه الأفكار الهدامة دى :))
ردحذفوبعدين محنا معشر الرجالة بنشقة ونتعب عشانكم ولا ايه ؟
عموما تحياتى
بس فين حماتك من البوست ده ؟؟ :))
ههههههههههههه
ردحذففظيعة يا سحر
ممكن تيجى تشوفى الفيديو وتوريه لخطيبى
بوسيهولى بوسة احتياطى عقبال لما اشوفه تانى
Tamer Nabil
ردحذف--------------------
ماهم الرجالة بيشتغلوا وطول اليوم بيغيروا وشوش .. لكن الستات ياعيني عليهم وخصوصا ست البيت اللي مش بتشتغل بتتخنق من قعدة البيت ومافيش حد بيحس بيها
funckydoctor
ردحذف========================
غلطش أنا ؟
Desert cat
ردحذف===================
يارب ياختي يارب
Dr-hema
ردحذف=================
أومال ايه مش انت المعترض الأكبر لأقترحاتي .. قلت اسلم عليك
اخبار التلاجة أيه ؟
ابقي سلملي عليها وبوسهالي جثة جثة
EmY
ردحذف=================
احنا نعمل حاجة حاجة ناخد اليوم اللي في الشهر وبعدين نخليه يوم في الأسبوع .. بلاش الأنقلاب يبقي بسرعة بشوييييييييييييش وبراحة
كلاكيت تانى وتانى
ردحذف=========================
ماهو كدة كدة بيخرج لوحده وحتي من غير مايسيب خبر علي الاقل هابقي واخدة الأذن
انتي كمان وحشاني
شفقة و احسان
ردحذف=====================
انا ماكنتش رايحة اصل انتي عارفة القرارات بتاعة الخروجات دي ممكن تتغير علي آخر لحظة للست المتجوزة لو جوزها غير رأيه من غير مناسبة
حتي مش باقول ولا باعمل إعلان اني رايحة في المدونة وبسيبها لظروفها
بس المرة الجاية هابقي اعملها تحديث عندي وابلغكم اننا خارجين
NoRaaMaHdy
ردحذف==================
ياسلام لو عرفتي تقنعي اللي هاتتخطبيله بالفكرة دي يبقي احسن واحسن لان الرجالة ممكن تقنعيهم بأي حاجة مادام لسة مادخلتيش القفص بس بعد مابتدخلي قفص الزوجية اللي كان ممكن تقنعيه بيه في يوم احتمال تقنعيه بيه في سنة ومش مؤكد
3ala asm masr
ردحذف======================
تخيلي ان الرجالة موافقين علي الفكرة دي اوي اهي فرصة ياخدولهم راحة زوجية هما كمان
خبيب
ردحذف================
تلاتين يوم في الشهر ليه هايهجروا العش
سمراء
ردحذف==============
للأسف في مجتمعنا الأجازة حاجة عادية بالنسبة للراجل لكن للست غير عادية
وخصوصاً لو ست بيت مش بتخرج بتبقي رجليها تقيلة علي الخروج ودايماً محتاجة زوجها يخرجها
mostafa rayan
ردحذف=======================
وهو اناأتجننت عشان اقول لها و آخد الأذن منها
وهاجموك ليه بس ده انت اكتر واحد بتكتب عن حقوق المرأة
الجمعاوي الاصيل
ردحذف=====================
حاضر انا جاية
Foxology
ردحذف==================
حماتي في بيتها ... انا قلت اغير شوية عشان مش تزهقوا منها
shaimaa samir
ردحذف==================
أدعيله انتي بس عشان عنده انترفيو عشان يدخل المدرسة الواد مش فاضي بيشقي عشان ينجح
تعرفى وانا بقرأ كلامك افتكرت نكته اقولهالك ؟؟
ردحذفهقولها
بيقولك بيسئلو واحد سعيد فى حياته الزوجيه قوى ايه سر سعادتك فى حياتك الزوجيه ؟؟
رد الراجل بكل اندهاش وثقه فى نفس الوقت وقالهم السر انى انا وزوجتى متفقين نخرج مرتين فى الاسبوع ومتفقين مع مطعم بنروحه ديمايوم سبت ويوم التلات
انا يوم السبت وهى يوم التلات
بس قوليلى اخبار حماتك ايه مراحتش معاكى ولا ايه
ايه يا بنتي الافكار الهدامة دي براحةشوية
ردحذفثم اصلا الرجالة بيبصلنا علي اننا آلات تشتغل 24 علي 24 و لو عكييتي ولا تعبتي تبقي تستحقي الاحلال و التبديل
كدة فتحتي علي نفسك طاقة لجهنم الحمرا و احمدي ربنا انهم حدفوكي بالطوب بدل ميحدفوكي بالرصاص
تابعوا ماساة مستشفي المطرية
ردحذففي فيديو جديد قربا جدا علي
عكروت للابد
:)
اه ياختي والله عندك حق ده حتى من باب تزويد اللهفة بين الزوجين واهو تاخد نفسها برضه ياختي وتستريح شوية من العيال ومن دوشتهم ومن المطبخ
ردحذفربنا معاكي
بس ابقي خدي حماتك معاكي تفسحيها بالمرة ههههههههههه
تحياتي
ادى دقنى ان ما اخدتى علقه والرجاله حيعملوا تجمهر ضدك ويطالبوا بحبسك او اغتيالك ....لايميها يا مفقوعه وخليها مره فى السنه ليتهمونا بالفجور ولا النشوذ هههههه محنش ناقصين سمع
ردحذفتحياتى ليكى يا هدامه هانم
سو_87
ههههههههههههه
ردحذفطيب يا فالحه لو رحتى رحله نسائيه يمكن فيفى تلزقلك وتيجى معاكى
اذيك يا مفقوعة
ردحذفللاسف مدخلتش عندك من ساعة الحفلة
فكراني
علي فكرة انتي كان اول حد اقابلة في الحفلة دي
لما سالتك هو في ايه
لما العالم كانت بتضرب بعض
عوزة اقولك انك انتي الشخص الوحيد الي ساب اثر جوايا بجد
حسيتك رقيقة وامورة ومتعاونة
لاني ساعتها سألت وحدة جنبك لقيتها مش بترد
فسألتك هو في ايه عرفتيني الي فيها
انا متكلمتش معاكي كتير بس حبيتك
وارتحت لوشك اوي
بجد
كان نفسي من زمان ادخل واسيبلك كلامي
بس انا والله بمتحن ومزنوقة اوي
يعني انا بكتب كلامي ده الفجر اهه
عشان مفيش وقت يعني دلوقتي برفه عن روحي شوية
بس كلها 16 /6
واخلص بقه
احب اقولك اني بحبك في الله
وندمانة اشد الندم اني مكنتش معاكوا فى المقابلة بتاعتكم دي
بجد
بس اكيد هتتكرر واكيد هشوفكم انشاء الله
تحياتي
وعندي طلب منك
احب اعرف رأيك الشخصى فى المشكلة الي عرضتها علي مدونة اقلع همومك بتاعت المشاكل
هي مشكلة بنت ندمانة
يا ريت تحاولي تقوليلها حاجة تساعدها
وتطلعها من حالتها السيئة
يعني كنوع من انواع تفريج الكربة
ارجع واقولك نتقابل بعض 16 علي مدوناتنا
حبة اوي اني اعرف المجموعة الرائعة
وبالاخص الي كانوا في المقابلة
بحجد لميتوا احسن المدونين في اللقاء ده
تحياتي
مش هتيجى الفيس بوك تشوفى الجروب بتاعى عن المطلقات
ردحذفhttp://www.facebook.com/group.php?gid=24205381223
ولنك مدونة نعم مطلقة ولا اخجل ورا على بروفيل كلاكيت
http://motalaka-with-out-fear.blogspot.com/
وتعالى شوفى البوست الجديد هتفهمى فسرك بقى ماشى
تخرجي لوحدك ياعيب الشوم
ردحذفالستات عندنا ليهم تلات خارجات وداخلتين
ال تخرج كل شهر ال
وبعدين مين هيطبخ اليوم ده
مناكلشي يعني ولا ايه
مين هيرتب البيت ولا نعي مبهدلين بأه
طبعا ده هزار
حقك اكيد ف يوم يكون offم كل حاجه حتي لو تقعديه ف البيت
على فكرة انتى بتتبطرى على النعمة
ردحذفهو فى واحدة دلوقتى لاقية جوز يخرجها
هى اه بتبقى غالبا خروجات منيله بنيله بس اهى خروجة والسلام
عموما فى اليوم اللى انتى تخصصيه لنفسك خدى حماتك معاكى تونسك انتى عارفة دى غلبانة ومش لاقية حد يسليها
تحياتى
امواج
ردحذف===================
ههههههههههههههههه
جميلة النكتة دي ياعسل ... هاابقي اعملها ... بصي الفكرة ان الازواج الرجالة كدة كدة بيخرجوا يبقي يخرجوا براحتهم وستاتهم يخرجوا هما كمان في نفس اليوم عشان الست ماتتقهرش
مدام كعبولة
ردحذف==================
أسكتي ... مش بعد الفكرة دي احلويت في عين جوزي وعاوز يخرجني قال جمعة وسبت بس انا اتشرطت عليه لو قعد يزعق فيا قدام الناس ـ بيحصل ـ مش خارجة معاه تاني
لو لاقيتي واحدة ماشية في الشارع وجوزها عمال يقول بصوت عالي مش هااخرجوا تاني وبيتعصب والناس كلها بتبص عليهم .. دي يبقي انا والعائلة الكريمة
انا حالياً جايلي ييجي تلات عروض من جيران واصحاب وصديقة الكلية والبقية تاتي بس هو بس يعتقني لوجه الله ويسيبني افك عن نفسي انا والولاد
akroot4ever
ردحذف==================
دي مستشفياتمصر كلها مآسي هي جات علي مستشفي المطرية بس
انا جاية ان شاء الله
HERO
ردحذف=================
ابقي افتكرلما ربع جنيه مخروم بلاش منها حماتي لا الفسحة تقلب غم
سومه...مجنونه فى بلد عاقل
ردحذف==========================
هي بس ديتها عربية نص عمر وانا هاتلاقيني في كل التجمعات ولا حوجة للاستاذ جوزي
هو احنا بيهمنا ده احنا جامدين اوي
آآآآآآآآآآآآآآآآآآآى
عبده الرايق
ردحذف===================
ماتخافش لو اخدتها معايا هابقي اقولك تيجي تتعرف عليها وهي هاتقوم باللازم وتقشطك
maha zein
ردحذف===================
ربنا معاكي يامها ياحبيبتي وتخلصي علي خير معلش هانت وميرسي كتير علي كلامك الجميل في حقي ... انا لاحظت ان معظم المدونين لذاذ وعشريين جداً ياريت لما نتقابل تاني نبقي نقعد معاكي ونتعرف عليكي أكتر
انا جاية حالا
كلاكيت تانى وتانى
ردحذف======================
ماانا دخلت المدونة دي يانيموا دي هايلة انا هاجي تاني حاضر
دكتور بهدوء
ردحذف=================
طب تصدق ان الكلام ده ممكن يتقال فعلا من الرجالة ويزعلوا ان المدام عاوزة تتهوي شوية
semsema
ردحذف=====================
بصي انا ساعات في خروجات زوجي يجيلي صداع واقعد احايله عشان يوطي صوته في العربية عشان نافوخي ماينفجرش وهو يزودها اكتر ..دي مش خروجة ده انتحار
وبعدين ايه حكاية حماتي معاكم اوعوا تكون اشتكتلكم ولا حاجة ؟
بالعكس يا مفقوعه دى فكرة بناءة جدا
ردحذفهى دى الأفكار و لا بلاش
بت يا سوسو انا معاكي فى التضامن ده
ردحذفشوفي بجد انا من زمان باقول الكلام ده ولا حد معبرني
بس اظاهر انى انا خلاص هانفذه خصوصا ان اصغر ولادي هايروح المدرسه على الصيف الجاي اه الصيف دار التحفيظ.
يا مؤمنه ده انا مش فلبنيه بس ده انا كل حاجه فى الدنيا وحياتك
فلبنيه وبيبى سيتر وسكرتيره تنفيذيه ومديرة علاقات عامه ومساعد والوزير بتاع التدابير . والمكوجي عشان بنكسل نروح لحد المغسله . والطباخ طبعا والخدامه ما بتجيش بقالها اربع شهور وانا بدالها يا اختي .وبانزل السوق وافري ثينج ولسه الصيف طالع وعلى الى باشوفه فى الصيف يا اختي .
كل ده ومش من حقنا يوم اجازه فى الشهر ده الفلبنيه احسن مننا .
وبعدين عيال ايه الى اخدهم معايا ما ده منى عينه يا امي .
لاااااااا انا اطالب بيوم اجازه ليا فى الشهر يتكفل هو فيه بالعيال
تصدقى بالله
هو طالع دلوقتي عشان النهارده الجمعه عقبال املتكم بيطيروا طيارات من فوق السطوح اول ما لقانى على مدونتك يا اختي قوم يقولي ما تتأخريش علينا فوق .
قلتله ليه يعنى قالي كده العيال معايا كلهم .
مش عايزه اقولك بقى كمية المدافع والصواريخ الى اتفحت فى وشه .
عايز يطلع يلعب مع العيال فوق بس وانا موجوده عشان تنتفي المسؤليه
وكذلك بابا بيقعد يسمع فيا كلام عشان مش باخرج العيال فى الشمس طب خدودهم يا بابا معاااااااااك واخرج ما انت قاعد فاضي ليلا نهارا معاشات .
يقولي طب لبسيهم يلا وتعالى انتى كمان .
ياابويا الحاج عندي طبيخ ومواويل انا
يقولي خلاااااص خليهم لما تبقى فاضيه
تقوليش انا مخلفه العيال دي عشان امة لا اله الا الله تستمع بهم وانا بس الى اشيل على قلبي ؟؟؟؟؟؟؟؟؟؟؟؟
اه يابا يا انا يا امه . انتى بتفكرينى ليه
وبعدين من قلبي باحقد عليكم على الخروجه الى خرجتوها مع بعض دي ماليش دعوه اعملوا حسابكم تبقوا تيجوا المنصوره عندنا يوم هاوديكم النادي وهاعملكم اكلير بالشيكولاته وبيتزا بس تعالوا بقى
يا غيظاني يا بت يا سوووسووووووو
زهرة الياسمين
ردحذف===================
الفكرة بناءة لينا
لكن هدامة علي الجبهة التانية .. في سرك اللي هما الرجالة يعني
صبرني يارب
ردحذف===================
احنا الأول نخلي الأجازة بالولاد وبعدين حبة حبة نخليها من غيرهم
هو انتي مش بتيجي القاهرة بتاتاً
لما تبقي نازلة قولي واحنا نعمل تجمع مخصوص وبرضه نعمل بيتزا وأكلير
الله يطمنك والله خوفتينى جداااااااا
ردحذفوانا اصلا خايفة من الجواز وشكلى كدة هروح لدوكتور نفسى يظبتنى
مفيش حتى يوم خروج حسبى الله ونعم الوكيل ولا حتى ع النت وكمان كبل
نونو
ردحذف====================
هي دي سُنة الحياة ... كلنا لها
بس ماتخافيش الجواز مش وحش قوي كدة
يعني برضه ليه مميزات كفاية انك تحسي ان فيه ناس مرتبطة بوجودك .. ان كان زوجك او اولادك .. وانك مهمة وليك دور في الحياة ...ماتخافيش
ايه بس الحلوه دي لاوكمان ديموقراطية ده جوزك ده في نعيم هههههههههههههههه ماشاء الله عليكييييييييييييي
ردحذف