السبت، 28 فبراير 2009

غدا أنا وحماتي وحسام في التليفزيون




انتظروني بكرة الاحد الموافق 1 مارس إن شاء الله علي قناة النيل الثقافية من الساعة واحدة إلي الساعة اتنين ظهراً


في برنامج مشترك مع المدون صاحب مدونة فضفضات والصحفي والكاتب الكبير حسام مصطفي إبراهيم صاحب كتاب من غلبي ولولا وجود الحب ويوميات مدرس في الأرياف


وذلك في برنامج الأجندة الثقافية وقد أورد الأخ حسام مصطفي بخفة دمه اللامحدودة بعض الإحتياطات الواجب التأكد منها حتي تتمتعون بمشاهدة آمنة




نصائح لتحقيق درجة أمان عالية في أثناء المشاهدة: (وقد أعذر من أنذر)
يجب أن تكون المسافة بين التليفزيون والمشاهد مما لا يقل عن 10 أمتار، وكلما زادت كان افضل!
يفضل أن يكون المشاهد قد صلى الظهر وليس عليه ديون لأحد!
يا حبذا لو كان المشاهد قد حج بيت الله، ونال عفوه ورضوانه، تحسبًا لأي ظروف طارئة!
لا يجب أن يشاهد البرنامج مشاهدٌ واحدٌ بمفرده، هذه مخاطرة لا داعي لها، ولكن يوصى بالكثرة للتكاتف حال حدوث أي أزمة!
الأسر التي تضم بين صفوفها طبيبا أثناء المشاهدة، من المتوقع أن تحقق نتائج مشاهدة أكثر أمنًا.
لابد من وجود موبايل واحد على الأقل مشحون البطارية، داخل نطاق التغطية، وبداخله رصيد يكفي اتصالا بالجهات الأمنية وأجهزة الدفاع المدني!
غير مسموح بشدة التحديق في السيد الضيف لفترة طويلة، ويفضل لمن ينوي ذلك أن يرتدي نظارة شمسية من النوع المعتبر التي تمنع نفاذ جميع أنواع الأشعة لعين مرتديها!
يمنع وجود الأطفال والقُصّر وطلاب العلم الذين يوشكون على الامتحان وكبار السن والمرضى وذوي الاحتياجات الخاصة والآملون في الزواج ذات يوم والحوامل وضعاف القلب وأصحاب الضغط المرتفع وباقي عموم شعب مصر!
هذا، وتتمنى لكم إدارة الأمن والمتانة بمرور العاصمة، مشاهدة ممتعة!


ويجعله عامر


وانا من موقعي هذا اتمني ان يحن علينا حد من المدونين ويسجل الحلقة


وهنيالك يافاعل الخير والثواب

ده اول ايفنت اما تاني ايفنت ولان صاحباته كلهم غاليين عندي جدا والكتاب بتاعهم يجنن فهاعمل الاعلان ده عن حفل توقيع كتاب انا انثي اللي بالمناسبة هايل جدا ورائع لاني ماقدرتش استني حفل التوقيع فاشتريته بالفعل وبجد بجد تحفة بالموضوعات اللي فيه

والدعوة لحضور حفل توقيع العدد الثالث من سلسلة مدونات مصرية للجيب

كتاب "أنا انثى " ..لمجموعة من المدونات النساءأول كتاب يناقش اهتمامات المرأة بقلم مجموعة من النساء ويطرح القضايا للنقاش ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق ومن المشاركات في كتاب ..أنا أنثى

فاتيما

نوارة نجم

اسر ياسر

ايناس لطفى

نرمين البحطيطى

شمس الدين

د . رشا عبد الرازق

بيلا شريف

مكسوفة

بسمة عبد الباسط

مريم الغنيمى

إيمان نادى

زهراء امير

آية الفقى

مروة السيد

أميرة محمد محمد محمد

مذكرات عانس

نرمين البحطيطى

سلمى أنور

انجى سمراء النيل

سارة ابراهيم على

سمر مجدى

مروة النجار

شيماء حسن

نسرين عبد النعيم

د.مرام محمود

ايناس لطفى

نجلاء الشربينى

محاسن

يصاحب الحفل عرض فيلم قصير و

المكان المركز الثقافى الدولى17 ش السد العالى ميدان فينى الدقىالشارع المقابل لشيراتون الجزيرةاقرب محطة مترو انفاق محطة الاوبراالزمان يوم 3 مارس الساعه 4.30 عصرا
22 فبراير, 2009 02:31 ص


هناك 20 تعليقًا:

mohamed ghalia يقول...

أكيد التليفزيون والدش هينوروا بكرة
وهناخد الإحتياطات اللازمة
بالتوفيق دايما

Mafrousa يقول...

سحووووووووووووووووووووووووووور
حعملك با ي باي ابقى شاوريلي
هههههههههههههههه
شوفتى بقا ميزة حماتك
جعلتك مشهورة
هههههههههههههههههههههه

د.خالدأمين يقول...

يابختك ياست


جايالك تمام



تلاقيها وسايط بقي وكده


اسامه الشيخ عمك؟
مش كده

حسام غانم يقول...

ألف مبروك

هنتفرج إن شاء الله

عايزين تألق بقى

mahasen saber يقول...

يا حبيبة قلبى هتنورى يا سحوره

بس مفيش معاد تانى انا هبقى فى الشغل مش هعرف اشوفك الا لو حد سجل الحلقه
وعليه الى مخرج وارشيف البلوجر الفضائى والفيديوهاتى اليى هو طفاطيفو هقله يسجل الحلقه يا رب يسجلها

بس هتنورى هتنورى هتنورى اكيد يا جميله

mahasen saber يقول...

طبعا متزعلش منى لانى مقصره فى زيارتك والاعلان عن كتابك عندى انا اسفه والله يا سحر بس المشاغل حتى هتلاقى عندى بوستات كتير فى مدونتى الى الان مردتش على تعليقاتها والله يا سحر مشوار القاهره كل اسوع دمرنى بدنيا وذهنيا فاعذرينى

بس ان شاء الله باتر كتابك وكتاب مصطفى وكتاب استاذ شرين ينوروا ويشرفوا المدونه عندى
بس ارجو المعذره بس

أحمد سعيد بسيوني يقول...

للاسف ماعندناش القناة دي على الوصلة

هننتظر الفيديوهات بقى على النت

وفقكم الله

Unknown يقول...

السلام عليكم

ان شاء الله هتابعكم

وتنوري الشاشه دايما

وبالنسه لأصحابك والكتاب

ربنا يوفقهم يارب

وعايز اقول حاجه هو انتي ليه كررتي بعض الأسماء
يمكن دي زيادة معزّة

يالله ربنا يديم المعروف

برقش

حاسوباتيه يقول...

تنوروا طبعاالتلفزيون بس يارب يكون في تلفزيون تاني بعد اللقاء ده شكلمينى الاذاعه والتلفزيون هيولع ههههههههههههههه ربنا يستر

Dr.Mohammed Gohary يقول...

طاب وربنا التليفزيون هينور يا سوسو

مش تقولي كنت أأمن عليه

هههههههههههههه

هحاول أصحا بدري
أنا كاتب التعليق الفجر أهوووووو

وزعلان منك

Foxology يقول...

كان نفسى اشوف الحلقة ! الشغل بأة معلش :)

عموما الف مبرووووك وعقبال الــ cnn

تحياتى :)

Dr.Mohammed Gohary يقول...

سوسوووووو
أنا صحيييييييييييت
وقااااااااااااعد من حداااااااااااااشر ونص

أصلي حاسس الحلقة مش هتقضيكي
وهتبلطجي عليهم
وتغوزي رئيس القناة وتقوليله يطلعك وقت أطول
فقولت أقعد من بدري تحسبا لأي طوارىء
حلوة تحسباً دي

زي حسبنا الله ونعم الوكيل بالظبط


ههههههههههههههههه

في انتظار القمر وحماته العسل

والنجووووم

علشان يبقا قمر في عز الضهر
ههههههههههههههههه



تحياتي

صبرني يارب يقول...

جمييييييييييييل كويس انى لقحت اشوف البوست قبل معاد البرنامج يادوب اروح اجيب القناه يا جميل

بوسه كبيييييييييييره

صبرني يارب يقول...

شووووووووووفتك يا كوتي

عسووووووووووووووووله

مبروك على الكتاب يا جميل عقبال الكتاب التاني ان شاء الله

اللقاء حلو موت يا قمر

حسام غانم يقول...

لقاء جااامد جدا

بس الإعداد ضعيف

قال عم أحمد قال

mostafa rayan يقول...

مبروك يا سحرانا شوفت الحلقة وعملت تنويه عنها عندي بجد كانت حلوة قوي
اهم ما يميزها انك وحسام كنتو منورين في الكادر كمان كنتو بتتكلمو بثقة مافيش ارتباك الكاميرا كمان انتي عجبتيني قوي لما اتكلمتي عن المدونين الاخرين وكتبهم زي الغزالي وانا انثي والبنات عايزة ايه
بس انا كنت حابب انكم تتطلعو مع بعض مش كل واحد لوحده
بس ان شاء الله تتعوض المرات الجاية
مبروك ومن نجاح لنجاح

فاتيما يقول...

إيه يا سحورة دا
و العالم اللى بتصحى متأخر زى حالاتى تعمل إيه طيب ؟؟
أشوفها لما حد يسجلها بقى
بس عارفة إنك اكيد كنتى منورة و مشرفنا كعادتك
و عقبال كل الكتب الجاية
مشكرين على التقديمة الحلوة للكتاب
و منتحرمشى منك يا حبيبتى أبداً
سلامى لكل أحبائك و احبائنا
لولى و سالى و زوجك العزيز و العيال
و حماتك يلا يعنى ملهاش نفس !!
بوسة و حضونة يا حبيبتى

همس الاحباب يقول...

الف مبروك وعقبال الفضائيات كماااان
تستاهلى كل خير
والبركة فى طنط فيفى طبعا
هههههههه
مع الاسف هكون فى الشغل
واتمنى انه حد يسجل الحلقة ونيقى نشوفها
تحياتى

Soooo يقول...

الف الف مبروك
بس يا خساره .. كنت في مرماية شغل ماعرفتش اشوف الحلقه
ياريت تكوني مسجلاها عشان نتفرج عليها بروقان
طب والله بجد فرحتلك ونفسي اشوف حماتك قوي قوي
لأني متأكد انها اطيب من الطيبه نفسها
كفاية ابتسامة ابنها وهو واقف جمبك يوم حفل التوقيع

وبعدين هو قال اننا لينا عزومه
فين الكلام ده؟؟؟
نرجو التوضيح عشان انا من ساعتها ماكلتش





سلاموووووووووووز

فكرة من الزمن ده يقول...

ياخسارة جيت متاخرة طب مافيش اعادة ياريت تعرفيلنا
الف الف مبروك