في بداية رحلة الوصول لحلقة النيل الثقافية في برنامج .........
بصيت في محفظة نقودي فإذا بي لا أجد بها غير جنيه فضة فكة والباقي صحيح فضربتها في دماغي
الصدئة وقلت اركب ميكروباص وياريت رجليا كانت غرست وأنا رايحة أركب البعيد
كنت هانضرب ياجودعااااان ظلماً وبهتاناً
سواق الميكروباص في منتهي الشهامة والذوق... راجل مافيش كدة لسان طلعله حمار
سوري ياحمار
واحدة ست غلبانة مش عارفة الطريق قالت بكل بساطة وأدب: نزلني السنترال
أول مرة أعرف أن السنترال دي كلمة أبيحة
السواق سمع شتيمته بودنه.. بتقوله سنترال ياعاااااالم ياكفنة
قال بكل ليونة ومياعة كما الدبابة البلهاء : هو أنتي فاكراني خدام عند أهلك
وأخذ يلوح بيده اللي عاوزة قطعها والناس تستحلفه ماعلش عيلة وغلطت خليك أنت الكبير
أطلع ياأوسطي سكتك سالكة
وهو أبداً فقد كان مصمماً علي الإنتقام والست ياعيني تقول له أصلي مش عارفة
السنترال فين وهو أنا لو أعرف كنت سألتك
ومازالت يده تشوح ومصمم علي أنه يتخانق ويطلعها غلطانة وياللهول يداه
أقتربت قليلاً من وجهي
فثرت عليه.. مش أوي يعني بشويييييييش ياجماعة إذا كانوا الرجالة ماأتدخلوش وطلعوا المهراجا السواق صح والست راكبها الغلط ... ناس ذووووق ذوووق صراحة رجالة من ضهر رجالة
المهم محسوبتكم أتعلمت علام مش ولابد اليومين دول اتعلمت اني لما اشوف حاجة غلط أعلق
وأقول رأيي وعشايا عليك ياكرييييييييييييييم
زمان كان ممكن السواق دا يضربني بالقلم وأعيط وأنكتم لكن دلوقتي
قلتله: طيب أفرض أيدك دي دخلت في وشي أعمل أيه أنا دلوقتي
قم رد الملاك البريء الطاهر المظلوم
أنتي مش شايفة بتقول أيه ؟
قلتله الست ماقالتش حاجة غلط الست مش عارفة السنترال فين فعاوزة تأكد عليك عشان ماتنساش
الست ماأجرمتش في حقك.
فأستدار الرجل إلي مقود السيارة وقال بطريقة أقل حدة وكان مستني رد فعلي العنيف عليه
فقد قال : وأنتي أيش دخلك ياآنسة في اللي مالكيش فيه
فعلاً أنا آنسة وعندي عيلين وفعلاً أنا أيش دخلني في اللي ماليش فيه
كانت لازم أيديه تطبع قلم محترم علي وشي وأقول هات كمااااااااااااااان
وطبعاً كان ممكن أتكلم وأديله من المنقي ياجوافة
بس أنا ماليش في شغل الخناقات أنا قلت اللي كان في نفسي وخلااااااااويص علي كدة
وسكت
وهذه كانت البداية
تسجيل الحلقة في اللينك دا للي عاوز يشوف العار
http://www.facebook.com/video/video.php?v=1127415510562&comments
الصور مش بتاعتي ياجدعان انا باقول اهوه انا لاطشاها من مدونات صديقة
ردحذفها عشان ماحدش يفتكر سوسو حرمياية ولا حاجة
ياعينى عليكى ياسحر دا انتى اتبهدلتى خالص خالص
ردحذفايه يابنتى الى ركبك الميكروباص
يلا ميكروباص يفوت ولا حد يموووووووووووووت
عارفة يا سحر أنا بقى عندى فوبيا سواقين الميكروباص
ردحذفبجد باقوا حاجة صعبة أوى
بصى لو اتزنقتى تانى وقررتى تركبى ميكروباص ياريت تقعدى أخر واحدة خالص فى العربية وحاولى تشغلى أى فور ولا حاجة بحيث ما تسمعيش أى حاجة عشان توصلى بالسلامة ومن غير حرقة دم
ياعني والنبي بذمتك تعملي مناظره وتفتحي نقاش مع السواق عشان ف الاخر تسكتي
ردحذفلالالالا كنتي ادتيله منقي ومش منقي جوافه
لالالالا جوافه ايه ده يستاهل بطيخ
هههه
اللهم عافنا من المكرو باص وسواقيه
دا طلع سواق أي كلام
ردحذفعلشان كده بيقولوا طبقة السواقين ما يعلم بيها الا ربنا
واضح انك واجهتي كم هائل من المصاعب النهارده
ربنا يرحمنا من سواقين الميكروباص دول فيهم كل العبر
ردحذفالمهم انتى امبارح مقولتيش البرنامج على قناة ايه :D
ههههههههههههههههههههه
ردحذفالمنقى يا جوافة؟؟
طب وما اديتلوش من المنقى يا جوافه ليه يا انسه.
انتى عارفه انتى فكرتينى بمين؟؟
بمرسى الزناتى ساعة مقعد يقول وانا رحت قايل لابويه الكلام ده مينفعش انت غلطان و و و شتيمه وكلام من ده قالولو انت قلت لأبوك كده؟؟؟
قال : فى عقل بالى يعنىىىىىىىىىىىىىىى
الحمد لله انها مجشتش فيا
ردحذفدانا لسة سائلة علي السنترال الاسبوع اللي فات
ومحدش قالي حاجة
انتى جميلة فى الحلقة يا سحوره
ردحذفالحمد لله
انتى زعلانة من ايه
كفاية ان البرنامج مباشر
ايقاعه سريع شوية
بس الحمد لله انه طلع بالشكل ده
فى انتظار باقى الموضوع وانطباعك عن البرنامج
وربنا ينجيكى من سواقين الميكروباص
كلامك عسل اوى انا اول مرة اكتب لحضرتك بس ياريت تكون بداية تعارف واستفاده انا شفت الحلقه وكنتى جميله اوى
ردحذفومعلش بقى هما سواقين الميكروباس دول فئه صعب التعامل معاها
المفروض نعملهم نقابه عشان نجمعهم وبعدين نولع فيهم مرة واحده
عار ايه بس ...ده انت عسوله جدا يا بنتى
ردحذفاثبتت التجارب الشخصية وغير الشخصية ان سواقين المكروباص معظمهم مش كلهم مينفعش معاهم غير قلة الأدب والصوت العالى والتهديد بالسلاح ان امكن كمان :)
ردحذفمعلش اهو الواحد مبيتعلمش ببلاش
هشوف الحلقة واقول التعليق :)
تحياتى :)
خسارة كنت مستني اشوف هتكلي العلقة ازاي
ردحذفلكن نائبي طلع على فاشوش
يلى يا ستي الله كريم في الطوشة الجاية
اختي الفاضلة اشكرك لهذه المقالة اللت يتعبر عن ايام نعيشها ولا نجد طريقة للتغيير
اشكرك وانتظر القادم مع علقة سخنة
يعنى يا سحر واحده رايحه مقابله فى
ردحذفالتى فى و تركب الميكروباص طب ايه رايك لو كنتى اتضربتى و روحت و عينك زرقه و لاواخدهبوكس فى سنانك احمدى ربنا انها عدت على خير
طبعا انتى اللى سكتك على شتيمتك انه قالك يا انسه
عارفه انا الحكايه دى بتبسط قد ايه و بتحسس الواحد انه لسه يجى منه
كده و لا ايه
هههههههههههههههههههههههه
اعتذر عن غيابي الطويل عن مدونتك الجميله
ردحذفواعرف انها متأخره جدا ولكن الف مبروك على نزول كتابك الجميل
اتمنى ان اجده قريبا واشتريه
اتمنى لكي كل التوفيق
واضح انه كان يوم خنيق من اوله
ردحذفبلاش تزعلي
تحسي اني سواقين الميكروباص دول بيخرجو همهم في اللي يركب معاهم مع اني الركاب برضه ممكن يكون عنده هم اكبر
ردحذفربنا يعافينا
وتحياتي علي الحلقه الجميله والبوست الخفيف ده :)