عندما تقرأ عريضة دفاع محامي هشام طلعت مصطفي تتلخبط داخلك المفاهيم
المحامي بيدافع بطريقة غريبة عن راجل يادوب علي علاقة غير شرعية بواحدة
فنانة وكأن العلاقة دي شيء عادي كدة مافيش فيه عيب ولا حاجة
بصراحة أنا أتعلمت أن العلاقات خارج إطار الجواز بتبقي حرام وخصوصا علاقات السرير
المحامي قال أن طلعت معترف أنه كان ناوي يحطلها مخدرات ويبلغ عنها لكن أنه يقتلها فحاشا لله ياباشا
انا شايفة بقي من وجهة نظري المتواضعة أن الدفاع أدان هشام طلعت مصطفي ولم يبرئه
ياتري بقية رجال الأعمال مفاهيمهم متشابهة مع مفاهيم هشام وألا هشام دا المذنب الوحيد فيهم
هشام طلعت مصطفي وجريمته دليل علي أن الفساد أغرق مصر
وأن مقياس غرور وفسق رجال السلطة وصل لدرجة غير مسبوقة
لدرجة أن غروره صور له أنه يقتل وهايطلع منها كما ولدته أمه بريء ابن بريء
هو هياخد برائة لسببين
ردحذفالاول ان هو اقتصاد دولة
والتانى ..علشان القانون فى البلد دى زى ما قال عادل امام (قانون ساكسونيا)
خلى بالك انا اول ما شوفت طلعت مصطفى افتكرت ان دة اللى قتل..دا شكلة ميديش على راجل اعمال خالص..دا قتال قتلة ..والله من شكلة.
ردحذفاما بالنسبة للبرأة ممكن ياخدها..فى بلد الكوسة بتاعتنا...اما بالنسبة للاقتصاد بتاع الدولة ..مش واقف علية ..هو فعلا هيسبب خشارة فى فترة اعدامة لو اعدم يعنى..بس فى ناس تانية ممكن تمسك الشركات
بتاعتة زى اخوة..
وفى بلدنا ممكن تسمع اى شئ
تحياتى
بصى يا سحر انا حاسه ان كلام المحاميين كلهم عجيب و غريب و على الرغم ان علاقتى بالقانون بالضبط زى علاقتى بتونى بلير لكن كلامهم بوظ الشويه اللى كنت فاهماهم الباشا فريد الديب محمود سعد يسأله عن اسره هشام يقولك ده راجل متجوز و بلاش نخوض فى اسرار البيوت يسأله عن سوزان يقوله عيب نقول عليها منحله دى متوفيه الان و بين يدى الله يقوله هو صحيح دفع لجوزها السابق مليون و نص عشان يسيبهاله يقوله المسمى غلط هو دفع فى مقابل تطليقها
ردحذفالكلام كله فساد فى فساد و انا رأيى انه لو ما كنش خد اعدام المفروض اسرته كانت تتبرى منه او تحجر عليه عشان السفه اللى كان بيصرف فيه فلوسه
الدنيا فعلا بقت فساد فى فساد و القضايا اللى زى دى بتبقى فرصه عشان ورقه السوليفان اللى مغلفه الناس دى تقع و نشوفهم من غير تلميع
عندك حق فعلا
ردحذفبيتكلموا عن العلاقة الغير شرعية انها حاجة مش مستاهلة ليه يعني ماشي مع واحدة لا وهو كمان راجل متجوز
اللى استغربته ان مش شوفت على وشه اي علامات خوف او حزن لما الحكم اتقال ..مش عارفة دة من اثر الصدمة ولا ايه
لسه ماما كانت بتقولي مين اللى كداب اكيد في حد كداب
كل محامي عمال يدافع بكل ثقة
بس انا واثقة ان القضااء في مصر مش ساكسونيا وانه لو هو القاتل فهو هايعدم
ماتقلقيش ياسحر
ردحذفبراءه ياختي وتحيا مصر حره مستقله
زغرطي بقى يابهيه
شوفى يا استاذة سحر
ردحذفالموضوع كله فى انّ كبيرة اووووى وهتبان مع الأيام اصلها مش سايبة كدة ياخدو واحد من وسطهم ويعدموه الا لو الباقى عاوز كدة قصدى واضح طبعا :)
تحياتى :)
السلام عليكم
ردحذفعندك حق الناس دي عندهم مفاهيم مختلفة
حتي حدودهم محتلفة وكأنها لا تقف عند أي شئ مهما كان
نتمني الخلاص من بقية المفسدين والمتحكمين في مصير البلد يوتجهون به الي جيوبهم
الله يهديهم وياخدهم ويريحنا منهم جميعا
تحياتي
لحد دلوقتى مش معروف المرحومة ماتت
ردحذفو هى على ذمة مين
فيه ثلاثة بيقولوا
كات مراتى قبل ما تموت
!!!
ياريت ما تنسيش
ردحذفان لسه فى نقض وفى إستئناف
وانا اشك ان الحكم هايبقى كما هو عليه
حتي الان بقول يعيش قضاء مصر
ردحذفأتمني مغيرش الجملة
:))
تحياتي
اهوا هيتعدم
ردحذفعوووو
المشكلة ان القضية دي فيها عك معكعك عالاخر الواحد من اول القضية دي ما بدات وهو مش فاهم منها حاجه والمشكله ان فعلا الناس معدش عندها ثقة في القضاء ولا الكلام دا عادي يعني ان طلع الحكم دلوقتي اعدام بعدالاستئناف ولا النقض بقدرة قادر يبقى برئ براءة الذئب من دم ابن يعقوب والناس بقى اللي فعلا بيغيظوني المحامييان مش بفهم منهم حاجه وبحس انهم بيبيعوا كلام وخلاص وعامة لو طلع منها براءة او ايا كان الحكم
ردحذففي ربنا
بلوقر
ردحذفThis is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه