مدونة الكاتبة سحر غريب

دستور عليكم يابشر

2011-04-11T20:07:00.000-07:00

داخلة بااقدم رجل وأخر رجل .. بيتي آه بس بقالي مدة مادخلتهوش .. ايدكم معايا بقي نشل العنكبوت ونرش شوية مية ونصلح النور وننزل بالبوستات .. اخباركم ايه يارب تكونوا بخير بعد الثورة والذي منه ومنه .. دا بوستي الاول ورأيي في الأحداث

وعنوانه .. لهذا لا اريد للجيش ان يحكمنا

في البداية علينا ان نتفق انه لولا تدخل الجيش لحماية الثورة لكنا ليبيا جديدة، أو عراق مُستنسخة، وعلينا ان نتفق ايضاً ان الجيش جاء ليحمينا لا ليقهرنا..

اما وقد مرت شهور علي حكم الجيش لنا ولأننا بدأنا عهداً جديداً من حقنا فيه ان نقول مانريد وان نشارك في صنع القرار فلزم علينا ان نقدم نصيحة مُخلصة لجيشنا العزيز، وله مُطلق الحرية ان يعمل بها او لا.

ايها الجيش العظيم بكفي، نقدم لك كامل شكرنا وعليك ان تعود فوراً إلي ثكناتك وعملك الأصلي، فنحن لا نريد ان نورطك معنا أكثر من هذا، فاختار مجلس رئاسي يحكمنا في الفترة الانتقالية، وعفواً وبدون زعل ارحل عن الحكم، اليوم قبل غداً.

فحكم مصر ليس هيناً ومن يتورط فيه في ظل هذا الظرف الحرج لن يسلم من محاكمة الشعب له ولن يرحمه هذا الذي تغيرت اخلاقه واصبح لا يخاف ولا يخشي، فالثورة أعطته حريته واطلقت لسانه.

هل تتذكرون معي ياسادة وزارة الداخلية التي كانت تتدخل في جميع شئون حياتنا، فكانت تهمل مهمتها الاساسية في حفظ الامن وتتوغل في باطن مشاكلنا السياسية لتحلها بالقوى الجبرية، هل نريد للجيش ان يتحول الي داخلية جديدة لنكرهه ونلعنه كما كنا نفعل مع وزارة الداخلية!!

فاليوم اذا تقاعس الجيش و تأخر عن تنفيذ رغبات الشعب اتهمناه بالخيانة والتواطؤ اما اذا تدخل بحسم اتهمناه بالعنف والظلم.

لذا فانا اعلنها صراحة بانني لا افضل حكم الجيش لنا لأنه صخرتنا الأخيرة التي نحتمي تحت ظلها، ولا يجب علينا ان نفتتها لنلقيها علي مشاكلنا لتحلها

ياعيني عليكم ياضنايا

2010-11-11T21:53:00.001-08:00

من اجل مستقبل اولادك .. هذا هو شعار الحزب الوطني الجديد ..
الحزب الوطني بيفكر فيكم ياولادي .. صوتي ياللي مانتش غرمانة لم يكفيه تخريب حاضرنا وسيتفنن في تعكير مُستقبل اطفالنا .. حقكم علي مصر ياغاليين.. فمادام الحزب الوطني حطكم في دماغه يبقي
مستقبلكم بلا ملامح ولله الحمد فعلاً مستقبل مُشرق ومهبب بنيلة تحت رعاية الحزب الوطني .. بانت معالم مستقبلكم وظهرت بوادره فقر وجوع وغلاء اسعار ونهب اراضي وبيع ثم تكهين ممتلكات الشعب.. وفساد تجاوز الحلقوم .. واضح فعلا انه مستقبل ضلمة يحتاج عود كبريت يولع فيه ونخلص ..
شعار مش بالعاه تفهم منه انه طظ فينا وفي اللي جابونا .. هو فيه مستقبل ياجدعان من غير حاضر .. تقدر مثلاً تطلع عُمارة من غير ماتعدي علي الدور الأول فيها ..اعتبرونا عُمارة ياجماعة وظبطوا الحاضر وبعدين اطلعوا علي المستقبل بلاش نط حواجز وحياة ابوكم عاوزين حاضر افضل ثم المستقبل جاي جاي هايروح فين يعني.. ارحموا عيال الوطن وارحمونا

المهندس أحمد علي

2010-11-02T18:50:00.000-07:00

لأنه نقطة ضوء ساطعة في بحر عميق من الظلمات وجب تقديم الشكر للمهندس أحمد علي رئيس هيئة نظافة محافظة القاهرة علي سرعة استجابته لشكوتي بخصوص الارض الفضاء المجاورة لمنزلي
شكراً لك ياسيدي علي إحياءالامل الذي كان قد اصبح يابساً فزرعته من جديد ..شكراً لك علي تصريحاتك التي لم تكن حبراً علي ورق لأول مرة منذ عهد بعيد في تاريخ تصريحات مصر.. وشكراً لعقابك لكل من تقاعس عن تنفيذ مهامه الوظيفية .. شكراً لأن أمثالك قليلون وأتمني ان تتغير مصر الي الافضل وان تختفي من حياتنا الخرابات ومقالب القمامة التي اصبحت أكثر من الهم علي القلب.. اعرف ياسيدي ان الطريق طويل ولكننا معك ... وفقك الله وراعاك

حرب السوس

2010-10-31T19:26:00.000-07:00

أعيش حرباً يومية محتاجة دعواتكم
اشبه حربي بحرب السوس فهي حرباً ليست سهلة فانا لا اعرف سلاح عدوي وحتي عدوي نفسه قد يتحور وقد يتغير لذا اسميتها حرب السوس
احارب بوابين العمارات الذين التف بعضهم حولي لكي لا اسوِر الارض الفضاء ببعض الشجيرات خوفاً من استرزاق حارسة الارض من خيراتها المُحتملة ،
يحاربني بعض الجيران لأنني هددت بوابيهم بإبلاغ الحكومة عنهم لانهم يتخلصون من مخلفات عمائرهم في الارض الفضاء
والاهم اني احارب دبيب اليأس الذي بدأ ينهش بأنيابه أملي
احارب لأن العاملين في هيئة نظافة منطقتي يندعون علينا بمجهوداتهم نقطة نقطة لحد ماهايجيلي نقطة منهم فيزورون خرابتنا الغناء بصورة يومية فيحملون بعض اكياس القمامة ثم يتحججون بأن سيارات الهيئة مصابة باعطال فنية اقعدتها عن العمل
عندي شعور بان التصاقهم بكراسيهم جعلهم يتخيلون بأن تلك الكراسي وبأن سيارات الهيئة سيورثونها لأنجالهم ولذا وجب الحفاظ عليها
حتي تبقي سليمة دائماً
اللهم لخلخ كراسيهم واجعلها لا تحتمل اثقالهم التي كبست علي انفاسنا دهوراً

عذراً فأنت لست وحدك

2010-10-27T17:11:00.000-07:00

عندما هاتفته قلت له انه رجلاً عظيماً ذو رسالة سامية وهي تنظيف مصر من مخلفاتها ومن عشوائية شعبها ولكنني اكملت كلامي بأنه للأسف يعمل وحيداً في مكان يحتاج إلي عدداً كبيراً يشاركه.. انه المهندس أحمد علي رئيس مجلس ادارة هيئة نظافة القاهرة الذي نشر رقم تليفون مكتبه في عدد كبير من المواقع والجرائد لكي يتلقي شكاوي المواطنين الخاصة بمخلفات البناء، ليبحثها بنفسه، قال موظفيه عن كلامه بأنه كلام جرائد فقررت ان اهاتفه حتي اعرف هل نصدق كلام الجرائد ام لا؟ وهل هذا حلم ام حقيقة مسؤل مصري يهتم بشكاوي المواطنين بنفسه؟
رد المهندس احمد علي تليفوني واخذ مني الشكوي بنفسه ولم يحولني لاحد مساعديه وبعد ربع ساعة فقط لا غير وجدت رقماً غريباً يتصل بي ويخبرني بأنه رئيس هيئة نظافة حي المقطم الذي اسكن فيه وانه تلقي شكوتي من المهندس احمد علي شخصياً وطالبني بالصبر حتي يستعد لنقل محتويات الخرابة اللي في شارعنا.
اكتشفت ان المهندس احمد علي ليس وحيداً ياسادة فأنا معه ومعه كل مواطن يرغب في حياة نظيفة، لن اهدأ ولن يرتاح لي بال حتي اعلن للجميع بأن الدنيا لسة فيها خير مادام فيها امثال المهندس احمد علي .

وفي نفس الوقت بدأت اعذر محمد حسني مبارك فالعيب ليس عيبه ولكنه عيب حاشيته وموظفيه الذين يخفون عنه الحقيقة ويجملون له الواقع ويريحون دماغهم .. اعذرني ياريس اللي مايعرفك يجهلك .
سحر غريب

رحمة الله عليكي ياغالية

2010-09-27T17:28:00.001-07:00

حقاً ان الله لا يعطي ابتلاء إلا أعطي الانسان معه القدرة علي تحمله
عندما كانت امي علي فراش مرضها الأخير طُلب مني أن أخدمها لمدة يوم واحد كمرافق في أحد المستشفيات التي لا تقدم إلا سريراً وبعض الدماء والمحاليل ووجهاً كئيباً عكراً من بعض الممرضات والعاملات والأطباء
فوافقت وقلبي يرتعش خوفاً فكلمة الآه التي كانت تخرج من قلب أمي كانت وحدها
كفيلة بجعل فرائصي ترتعد ودمائي تهرب ولكنني ذهبت إليها والخوف يعتصرني
جلست معها استمع الي كل آهة منها لتتجه مباشرة إلي قلبي لتشرخه
كنت أخدمها وهي تتحرج مني وتحاول تقليل طلباتها قدر الإمكان وتسبق اي طلب لها بكلمة "قلب أمك ياسحر"
وكأن المرض هو أحد ذنوبها القليلة أو إنها أختارته بنفسها
فكنت أخدمها وأنسي كدماتي وألم ضرس العقل في فكي
بعد مرافقتها عدت بيتي وكلي رضا وكأن بعض السويعات التي قضيتها تحت قدميها هي سويعات في
الجنة ، لم أشكوا ولم أخف كنت سعيدة وفرحة لأنني قدمت لمن حملتني وهناً علي وهن مايجعلني فخورة بنفسي أمام نفسي .. ماتت أمي ومات معها الحنان من علي وجه الأرض وخلعت ضرس العقل الذي كان يؤلمني والذي صبر في فمي حتي ودعت قلبها الطاهر النقي
قلت لها سأفتقدك سأفتقد حديثك وطعامك وحسن صحابتك
سأتذكر قوتي وأنا أقف بجوار جسدك بعد أن فارقت أرض الفناء وسأتذكر رنين كلماتك والحب الذي كان يقطر منها ، بكيتك وسأظل أبكيكِ ليس خوفاً عليكي ولكن خوفاً علينا من بعد فراقك

وسبحان من يعطي البلاء ويعطينا معه القدرة علي تحمله
رحم الله أمي الغالية وغفر لها ذنوبها وأسكنها فسيح جناته
نسألكم الدعاء

الحياة من غيرها

2010-06-20T19:41:00.000-07:00

البني آدم مننا له طاقة لا يستطيع ان يبددها كلها علي شخص واحد

الحياة من غيرها هاتمشي عادي ..وايه يعني لو صديق ضاع مع الايام
ممكن اندم فعلاً علي تبديد أيامي معاها ولكن مافعلته معي
لا يستحق مني اكثر من لحظات قليلة
من الندم وذلك لأن الندم في حد ذاته لن يعيد لي تلك الايام الضائعة
ولن يعيد لي تلك الصداقة المرحومة
لم اعتاد علي فقد الاصدقاء بعد ولكننا في زمن لا كبير فيه علي الخيانة
والندالة
وداعاً صديقتي
وبكرة تندم ياجميل

2010-06-12T19:38:00.000-07:00

ياروح مابعدك روح
جسد الفتي مدبوح
قرر يفارق الحياة
مش بإيده ياولداه
دا الظلم قادر
والأمن غادر
والضمير مخنوق
قتلوه ودمه علي هدومهم
لسة مابردش يابرودهم
قالوا عليه حشاش
والصادق فيهم بكاش
عيونهم البجحة قوية
وردودهم محفوظة وردية
قتلوه ودمه علي هدومهم
لسة مابردش يابرودهم
وفيها أيه لو مات خالد
بكرة هايتولد مارد
يُقف لهم بالمرصاد
ياخد لخالد حقه
ويرجع الظلم لحُقه
يقفل عليه البيبان
ويسد عليه الحيطان
ويقول بصوت صحيان
دولة الظلم ساعة
وبكرة للعدل ميت مليون ساعة

بقلم سحر غريب

مرارتي يامصر

2010-04-20T08:07:00.000-07:00

خلاص المولد شطب والمواضيع أتقفلت ولا جديد تحت الشمس ولذلك سأنشر هذا المقال للتذكرة
عندما قرأت أن وزير الصحة الدكتور حاتم الجبلي والذي يمتلك دار الفؤاد بجلالة قدرها سافر بزوجته للعلاج في الخارج علي نفقة الدولة ساعتها جاءني حالة أرق وهسهس وخوف من مستقبلي المرضي.... السيد الوزير لم يستأمن بلده علي زوجته يبقي أنا المواطنة اللي بتتفرج من بعيد هاأستأمنها إزاي، أنا مش مُعترضة علي سفر الست العيانة، لأننا شعب عاطفي وبنتعامل بحسن نية وطيبة تُحسب لنا علي كل حال، أن مُعترضة علي زوجها اللي عارف أن الوضع مش ولابد وساكت وقانع وبيقول أن الحالة عال العال والأشية معدن وكأن الناس الغلابة مطلوب التخلص منهم علي وجه السرعة فتنظيم الأسرة لم يأتي بالنتيجة المُرجوة منه، واللي مامعاهوش ثمن العلاج في الخارج يستثمر فلوسه أوفر في مقبرة له وللعائلة الكريمة فالموت هو السلعة الوحيدة المتوفرة في بلادي والتي سيتم تصديرها للخارج عن قريب وأهو كله توفيراً للعملة الصعبة وللحياة الأصعب.
ثم تخيلت الريس وهو يتكلم مع وزيره الجبلي في التليفون طلباً للنصيحة بشأن مرارته التي كانت موجودة أو أياً كان مرضه فيقول له : ها ياجبلي جاتلي المرارة تنصحني بأيه ياحبيبي؟
فيرد الدكتور الجبلي : عليك وعلي ألمانيا بيشيلوا المرارة هناك ذي الشعرة من العجينة ومن غير بنج .
فيرد الرئيس: طيب مااعملها هنا احجزلي أوضة عندك في المستشفي، أحسن الشعب عينيه مقورة ومدورة وماعندوش دم وهايبصولي في المرارة كمان.
فيبهت الجبلي( ماهو لو الريس دخل عنده الفؤاد مش هايدفع، وهو الريس هايدفع لوزيره، مش أصول مريسة) : لا بلاش ياريس مافيش أوض فاضية عندي، وبعدين شعب أيه اللي أنت عامل حسابه دا، أنت كدة بتوفر أوضة فاضية للمواطن الغلبان يتعالج فيها كتر خيرك قلبك علي البلد وبعدين ألمانيا مُتخصصة في المرارة يولع الشعب وعيون الشعب المقورة المُهم مرارة سعادتك.
ووزير الصحة له باع طويل في تجميل الحقائق وتزييفها فقد قال يوماً لن أنساه ماحييت للريس رداً علي سؤال سيادته : هو السرطان ذاد في مصر كدة ليه؟
فرد حاتم الجبلي وكأن السرطان دا يبقي أبن خالته لزم : لا ياريس السرطان هو هو من يوم آدم وحوا بس العلم تطور كتير والاكتشاف المُبكر للمرض ذاد .
معذور أصله لم يعدي ولو بالصدفة البحتة علي مستشفيات السرطان ( اللي العلاج فيها بقي بالطابور، طابور أطول من طابور العيش المشهور) ولم يري بعينه الشاب الصغير المُصاب بالمرض الخطير والذي أمسك بالسكين لكي يحاول أن يقتلع المرض بنفسه من الألم الذي يشعر به بعد أن فشل الطب ( المُتطور في علاجه علي رأي السيد الوزير) في علاج الألم الفظيع الذي يشعر به.

رجعت بالسلامة ياريس بس ياريت تعالج مرارتنا عشان احنا تعبانين ومحتاجين نظرة عطف منك ومن وزرائك (أعداء الشعب )
سحر غريب

حدث في السويس

2010-03-13T06:56:00.000-08:00

ستكون للسويس دائماً مكانة عظيمة داخل قلبي، ففيها تمت إستضافتي في ندوة داخل صالون هيروبليس الثقافي يوم عيد ميلادي الثلاثين، تنظيم ممتاز للحفل وصحبة كبيرة من الشباب الذين أفتخر بأني تعرفت عليهم وأفتخرأيضاً بأن في بلدي مصر هذه النخبة المُثقفة ... لقد شعرت بوجود الأمل حياً يُرزق في صحبتهم ... ولم تكتفي السويس بأستقبالي بخيرة شبابها بل أستقبلني أيضاً مجموعة من النخبة المُثقفة من جميع الأعمار والمستويات، والذين يقدمون الدعم اللازم لهؤلاء الشباب بمنتهي الحب والاقتناع ... وجدت مجتمعاً هاديء الطباع وتلاحم كبير بين الشباب والاكبر سناً... مدينة السويس هي مدينة يجب أن تتوج بلقب المدينة النموذج ... والتي أتمني أن أري بقية مدن مصر مثلها ... أنا أعشق السويس
وأهل السويس

هي مصر عاوزة أيه؟

2010-02-21T11:05:00.000-08:00

في محاولة طبيعية لتدجين البرادعي طالب بعض مقدمي برامج التوك شو البرادعي بأنه يخليه في مجاله النووي
طيب ماهو لو كل واحد خلاه في مجاله ماكانش مبارك حكم من اصله وكان مفروض يفضل في مجاله كظابط الطيران
مصر محتاجة إلي تعديل جذري في الدستور
محتاجة ( سواء كان من البرادعي او غيره ) حد يدخل انتخابات الرئاسة ويكون في اجندته اصلاح الدستور بصورة جذرية
ومن كلمات البرادعي التي لن تسلط الحكومة عليها الضوء بطبيعة الحال
مصر تستحق أفضل من هذا بكثير الإصلاح السياسى لابد أن يبدأ من تعديل الدستور لمحو نسبة العمال والفلاحين من الدستور وفصل السلطات عن بعضها، نظراً لوجود حالة اشتباك بين السلطات التشريعية والتنفيذية والقضائية”.

وأضاف البرادعي إن التعليم والجامعات بمصر في بدايات الثورة كانا أفضل بكثير مما هما عليه الآن فتقييم الدول الآن ليس على تعداد الجيش والآلات العسكرية وإنما بوجود العلماء والمبدعين في كافة المجالات”.

وأوضح أن “هناك 30% من المصريين لا يعرفون القراءة والكتابة في الوقت الحالي وأن 20% من أفراد الشعب يعيشون تحت خط الفقر وهذا أمر لا يمكن السكوت عليه ويجب أن نعيد النظر في الكثير من المفاهيم وأن يكون هناك تخطيط شامل للمستقبل”.

وشدد على أن رجل الشارع في مصر غير راض عن الأوضاع التي تمر بها بلده ولابد من الاعتراف بأن لدينا أخطاء، وأن نسعى إلى الإصلاح وأن نعطي للإنسان الحرية والكرامة حتى ننطلق إلى أرحب الآفاق في التنمية الإنسانية”.

وطالب البرادعى بتحديد مدة الرئاسة بفترتين فقط على أن تسمح التعديلات بتداول حقيقى للسلطة بعيداً عن التداول الشكلى ولفت إلى أن الحاصل حالياً هو مجرد تغيير شكلى للدستور وهو إجراء غير ديمقراطى بالمرة.

وقال البرادعى: “علاقاتى بالشعب والبسطاء من المصريين أقوى بكثير من علاقاتى بالحكومة والنظام مشيراً إلى أنه مستعد للدخول فى معارك ضد أى نظام لصالح المواطن المصري”.

وكشف الدكتور البرادعي أنه لن يرشح نفسه لرئاسة الوكالة مرة رابعة في نوفمبر المقبل وأنه سيعود لمصر وسينخرط في العمل الإصلاحي العام ولا يطمح في تولي مناصب تنفيذي
بعد عودته

ودارت الأيام

2010-02-16T17:00:00.000-08:00

عندما تستمع الي الراحلة السيدة أم كلثوم تغادر روحك الجسد وتحلق في الفضاء مبتعدة عن هذا العالم الآدمي القاسي
قد تغني معها حتي لو كانت حنجرتك حنجرة مستنسخة من حنجرة ضفدع يتيم يبكي من وحدته ومن ظلم العالم له
ولكنك مع ذلك تصر وتصمم بأن تكمل القصيدة
حتي لو أشتكي الجيران فأنت هنا سيد أمرك ... أنت هنا ولست هنا... فأنت في حضرة أم كلثوم
هل سمعت رائعة أم كلثوم ودارت الأيام فوجدت الذكريات تنهال علي عقلك كالسيل
الذي ماصدق أن يحصل علي حريته بعد أن إمتلئت سحابة ذكرياتك عن آخرها
هل دندنت مع كلماتها فتعذبت ثم أرتحت لأنك قابلت حبيبك في خاتمة الأغنية
إن روعة أم كلثوم تتمثل في تجسدك لكل كلمة تنطقها بشفتاها
تعلموا حب أم كلثوم لو كنتم لا تحبوها ...ولو كنتم تسمعوها وتعشقوها مثلي فهنيئاً لكم
أم كلثوم هي كلمات ولحن وصوت ... صوت قوي سانده لحن أقوي وكلمات غاية في الروعة
ولذلك فإن تلك الكلمات ستبقي دوماً حية تصدح في الوجدان فتهذبه

كل سنة وانتم طيببين
حبوا الخير بعض

دكاترة دول والا تجار

2010-02-12T17:46:00.000-08:00

عندما تشعر بألم في الأسنان فإن حياتك تتوقف عن الإبتسام تسارع الخُطي لزيارة طبيب الأسنان
وبعد زيارة الطبيب تتوقع أن تنتهي آلام أسنانك ولكن الذي يحدث معي هو العكس
فطبيبي الذي أنا مغتاظة ومفروسة ومفقوعة منه في نفس واحد وليس نفسين فحركته الغير آدمية بالمرة ليست سابقته الأولي معي بل أنها الثانية
فعلي مايبدوا أن تلك الوسيلة هي وسيلته المؤكدة لفتح سبوبة جديدة داخل فمي العزيز
حيث يقوم الدكتور المُحترم بعلاج ضرس لا يحتاج العلاج ويكتفي في كشفه بمجرد النظر
رغم طلبي منه في كل مرة أن يتأكد قبل أن يبدأ العمل لكنه يرفض ويؤكد دائماً أن نظرته لا تخيب
وبعد أن ينهي عمله في ضرسي الذي لم يكن به ألماً أصلاًيعاودني الألم فأعود لزيارته من جديد ليصحح خطأه
وفي كل مرة أدفع مبلغاً مُحترماً من المال
أريد أن أشكيه ولكني لا أعرف إلي أين تتجه شكواي لغير الله

دعوة لحضور عيد الإنتماء المصري

2010-02-09T13:35:00.000-08:00

تقرر إقامة حفل عيد الإنتماء المصري يوم الخميس من الساعة الثالثة وحتي الساعة الثامنة مساءاً وذلك في نادي شباب الجزيرة
الدخول مجاني
يسعد فريق عيد الإنتماء ان يدعوكم لهذا الحفل

ثم اقرر اقامة ندوة عن كيف تصبح عظيما

التى تدور حول كيفية نجاح الشخصات الشابة فى مجتمعنا وكيفة تحديهم للصعاب والمشاكل التى واجهتهم فى حياتهم

والتى يحاضرها

الاعلامى الشاب احمد يونس

رسام الكاركاتير دكتور شريف عرفة

الاستاذةرشا محمد أحمد خليفه
مدير تطوير مشروعات

الكابتن نادر السيد وبطلنا الجميل "جدو" بطل منتخبنا القومى

الاستاذة حنان مفيد فوزى

رائد الثقافة فى مصر فى السنوات الاخيرة
الاستاذ محمد عبد المنعم الصاوى

ويشرفنا بالحضوراذكى طفل فى العالم الطفل المصرى محمود وائل

كان يوماً لا يُنسي

2010-02-07T20:35:00.000-08:00

أراني في كوابيسي وحيدة لا صديق ولا رفيق فتصيبني حالة من الفزع فأنا مخلوقة تتنفس بشراً وأعشق التواجد في مجموعات ودائماً عندي هاجس من تنظيم أي إحتفال خاص بي ثم أفاجأ بأني أجلس وحيدة
وفي يوم حفل التوقيع فوجئت بعدد كبير لم أكن أتوقع حضوره
فمفروسة مثلاً والتي كانت دائماً تضع حدوداً للتعامل مع أصدقاء النت ظهرت فجأة لتساندني في هذا اليوم
وعلا صيدلانية طالعة نازلة صديقتي القديمة التي لم تراها عيني إلا في هذا اليوم ظهرت أيضاً
وفاتيما وسووو وصديقي مصطفي الذي رأيت في عينيه نظرة أخ فخور بمن هي أخته
وأحمد بدراوي العزيز النشيط وبطوط حبوب وبسكوتة والغالي أشرف توفيق وخطيبته الجميلة
والأستاذ محمد فتحي الذي نورنا بحضوره وإسلام جاويش الذي جاء متأخراً كالعادة
والأخ المحترم نبيل المقدس الذي كنت أتمني أن أقابله لولا فرق ربع ساعة تأخرتها أنا
والغالية نبضات وسلوي رئيسة حزب الأحلام والأستاذ عمرو عز الدين وبسمة التي كانت كأم العروسة مشغولة بالتصوير والتي أسرتني بجدعنتها كالعادة ورنا الطيبة التي خلقها الله لتساعد الجميع والأخت العزيزة حنان البحيري صديقة الفيس بوك ... واللهي انتي خير مثال علي إن الفيس بوك ممكن تيجي من وراه صداقات متينة والحبيبة أسماء رمضان التي نورتنا بحضورها ومصطفي ريان الذي أنهي حفل توقيعه وجاء ليشاركنا حفلنا وسارة صورصارة ورنيم الذين فاجئونا بنقابهن
وميرا العزيزة وضحي حلمي الحبيبة التي أسرتني بوجودها وطيبتها هي وأخيها المُحترم .... ومحمد حمدي الأخ العزيز وعادل صاحب مدونة بأحب السيما ..........مش عاوزة أنسي حد إلخ إلخ إلخ
شكراً للجميع علي الحضور
أعذروني لو نسيت ذكر أي فرد فالذاكرة تعاني ياولداه
وأعذروني لهذا الخط فالمدونة فيها مشاكل

دعوة لحضور حفل توقيع الكتاب الجديد لسحر غريب

2010-01-20T04:52:00.000-08:00

دعوة لحضور حفل توقيع الكتاب الجديد لسحر غريب

انتم مدعوون لحضور حفل توقيع كتاب تعيش وتاخد غيرها وذلك في تمام الساعة الواحدة ظهراً من يوم السبت الموافق السادس من فبراير داخل معرض الكتاب بدار ليلي في سراي كندا التي تقع علي الجانب الأيسر من بوابة الدخول الرئيسية بعد قاعة عرض الشروق بقاعتين.

كتاب تعيش وتاخد غيرها هو الكتاب الثاني للكاتبة سحر غريب بعد كتابها الاجتماعي الساخر حماتي ملاك، يتميز كتاب تعيش وتاخد غيرها بالجرأة والصراحة أحياناً وبالمُشاغبة أحيانا أخري.

ً ستعيش بين صفحات الكتاب داخل مصر الحقيقية بحلوها ومرارها ومشاكلها أوعدك بأنك لن تقرأ داخل الكتاب، مصر التي تم تزييف حقائقها أو مصر الوردية التي أوهمونا بوجودها، ستقرأ رأي إمرأة وتسمع صوتها الذي لم نعتاد علي سماعه.

تتميز بعض المقالات بالسخرية اللاذعة في تناول الأحداث، سخرية قد تضحكك أحياناً ولكنها أبداً لن تخدعك.

ستقرأ أيضاً رسالة صريحة موجهة إلي رئيس مصر مباشرة، ستقرأ تبشيرك بالشهادة ورأي صريح مُباشر في قضية نقل الأعضاء بين المسلم والمسيحي.

مُنتظرة تشريفكم

لينك جروب الكتاب علي الفيس بوك

http://www.facebook.com/group.php?gid=259060080968&ref=mf

عمورة وجحا

2010-01-13T07:38:00.000-08:00

قررت أن أجرب حظي واحكي لأطفالي عن جحا ونوادره ...فوجئت بهم يتفاعلون ويقهقهون

فجحا الساذج أحياناً الذكي غالباً مازال يستطيع ادخال البهجة علي جيل النت والفضائيات

فقد صمموا ان ابحث لهم عن كتاب يضم كل نوادره فقد عشقوه من اول قصة

ضحك عمورة كما لم يضحك من قبل عندما وصلنا في حكاية جحا والحمار عند الجزء الذي يحمل فيه جحا وابنه الحمار علي اكتافهم ارضاءاً للناس

وقد قررت ان ابحث عن كتاب يضم نوادر حجا الكاملة خلال فترة المعرض لاني اعتقد ان كتاب كهذا في يد أطفالي سيجعلهم يعشقوت القراءة من منكم قرأ لجحا وماهي هي افضل القصص التي اعجبتكم ؟

دماء ليلة العيد

2010-01-10T17:06:00.000-08:00

تخيلت نفسي مكان ضحايا نجع حمادي بعد صلاة العيد لأجد نفسي ضحية مسجاة داخل بركة من دمائي، ماذا فعلت بأي ذنب قُتلت، لا تخبرني بأني ضحية لانتقام أرعن جاهل يريد أن يقتص لفعلة لم أرتكبها، تصرخ روحي ماذا فعلت يا ربي لكي تضعني في هذا الموقف الذي لا أحسد عليه؟، انتقم لي يارب لا تترك من رفع سلاحه علي روحي البريئة حيًا يُرزق.
هذا هو المشهد الدامي الذي زار خيالي عندما سمعت عن الأحداث المؤلمة في نجع حمادي، فأصعب ما يُمكن تصوره هو أن يتحول العيد الآمن والذي من المُفترض أن يكون سعيدًا إلي مأتم وصراخ وعويل، هل نعيش داخل غابة أم أن الغابة باتت تعيش داخلنا؟
يقينًا لم يكن مثل هذا الحادث المأسوي ليحدث لو كان هناك قانون قوي قادر على أن يردع مثل تلك الأفعال اللإنسانية الجاهلة التي تثير الفتن وتسبب الاحتقان، هل كان مفروضًا علي زائري الكنيسة ارتداء ملابس مضادة للرصاص مثلاً وحمل السلاح للرد علي الأعمال الإرهابية الغير مُتوقعة، لقد فقد الوطن صفة من المفروض أن يتميز بها وهو الأمن والأمان ولو كنت مكان وزير الداخلية لقدمت استقالتي فورًا لأني فشلت في توفير الأمن يوم العيد.
لم يكن حادث كهذا ليحدث لو نظرنا جميعًا في المرآة قبل أن نُقدم على أي عمل طائش غير مسئول ووضعنا أنفسنا دائمًا مكان الضحية البريئة وأهلها.
أعذر غضب الأخوة المسيحيين بل غضبي يعادل غضبهم ولو كنت مكانهم لما سكت ولطالبت بعمل حداد رسمي علي شاشات التليفزيون تضامنًا مع أسر الضحايا المجروحين.
حزينة على القتلى، يصرخ قلبي وتبكي دموعي على ما حدث، أشعر بعجز فظيع لأن يدي مُكبلة لا تملك غير الحزن والألم وتقديم التعازي، لا أملك إلا أن أطلب من الحكومة تنفيذ حكم الإعدام فيمن تجرأ ورفع السلاح على ابن وطنه وجاره وصديقه وأخيه وأرجو عدم وضعه تحت خانة المريض العقلي التي أصبحت شماعة الحكومة الجاهزة للجميع، فما حدث غير مقبول بالمرة سواء من عاقل أو مجنون أو رد سوابق.

تعيش وتاخد غيرها

2010-01-07T09:28:00.000-08:00

انتظروا كتابي الجديد في معرض الكتاب

يتناول الكتاب مقالات ساخرة تدور حول موضوعات مختلفة في حياة المصريين منها ازمة إنتماء المصري لبلده ومقالات أخري عن المشاكل التي يعاني منها جميع المصريين وغيرها من الموضوعات المختلفة التي تدور في إطار ساخر

هي وازواجها الاربعة

2009-12-28T07:30:00.000-08:00

وصلني علي ايميلي مقال تم نشره علي موقع الحوار المتمدن والمصري اليوم، مقال للكاتبة نادين البدير، المقال أقام الدنيا ولم يقعدها، ولاقي هجوماً ضارياً من جميع الرجال علي اعتبارها امرأة فاضية فارغة العقل تدعو للإنحلال والفجور، وهجوماً من بعض السيدات بإعتبارها إمرأة تحرم ماحلل الله.
الكاتبة تتكلم في مقالها عن رغبتها في الزواج بأربعة رجال، وهي رغبة كما فهمت بلاغية ليس المقصود منها انها امرأة فاسقة او منحلة لكي تقبل أن تتزوج بأربعة وهو ماتحرمه جميع الاديان السماوية والأرضية.
هي فقط تكلمت عن موضوع سبق ان سمعته من الكثيرات الرافضات للزواج الثاني والثالث وأكيد الرابع، تكلمت بنفس المنطق الذي ساقته الكثيرات، لم تضيف الكثير من عندها، وليس معني ذلك ان جميع النساء مُنحلات لأنهن يرفضن الزواج الثاني للرجل....هي فقط تتمني أن يضع الرجال انفسهم مكان الزوجة المغدورة التي تجد نفسها علي الرف بعد عشرة العُمر الطويل، التي ضحت بمستقبلها وتنازلت عن ماضيها من أجل رجل مزواج لن يستطيع تنفيذ العدل بينها وبين الأخريات( وإن خفتم ألا تعدلوا فواحدة).
ترفض نادين مايدعيه الرجل بأن طبيعته هي التي تُملي عليه ذلك فالمرأة لو أرادت أن تجعل من قلبها وجسدها مسكناً للإيجار الجديد لأستطاعت وهو مايحدث بالفعل مع بنات الليل.
هي ترفض فقط حلال قننه القرآن وأستغله الرجال أسوأ استغلال.

سحر غريب

نقول ثور يقولوا أحلبوه

2009-12-21T13:40:00.000-08:00

لن ترتاح الحكومة ويهدأ لها بال إلا لو قام جميع المواطنين بعمل هجرة جماعية للمقابر فالمقبرة هي المكان الوحيد الآمن الذي لن تشعر فيه بأنك مُستهدف من الحكومة وضرائبها وتحكماتها المُستفزة وحتى لو فرضت الحكومة ضرائبها علي الموت والموتى، لن يُضيرك ساعتها شيئاً، فالموت هو الشيء الوحيد الذي لا يخضع لرغبات الحكومة المحمومة في السيطرة.
إن المُضحك المُبكي في مولد قانون الضرائب الجديد هو أن وزير المالية يدّعي أن مصلحة الضرائب أصبحت تحترم المواطنين، أبحث عن هذا الاحترام الذي دوشونا به فلا أجده فيبدو أنه احترام ممنوع من الصرف أو إحترام تحت طاقية الأخفي، فكيف تحترمنا مصلحة الضرائب وفي نفس الوقت تتعامي عن رفضنا الشديد لمبدأ الجباية القهرية لأموالنا في ظل الظروف الاقتصادية العالمية الصعبة.

من الملاحظ والذي لا يترك محالا للشك ومنذ مدة غير قصيرة أن مصر ركبت صاروخ وسافرت به إلي المريخ ولم يعد يسري عليها مايسري علي بقية دول العالم، فهي في واد والعالم كله في واد آخر مضاد له في الإتجاه، فهي مُصابة بالعمي ولا تري من الغربال الذي يشف عن عالم تفتك به الأمراض والأوبئة فيموت مواطنيها وهي مدية الطناش وتتمسك بقراراتها رغم الرفض الشعبي والمنطقي لها، قلنا لها أن شعبها ثوراً جاف جوعان قالت وماله أحلبوه.
فالحكومة ياسادة تتعامل معنا علي إننا شعب من الأغبياء فتطالبنا جميعاً بتقديم إقرارات ضريبية رغم تأكيدها بأن الضريبة لن يخضع لها الجميع وهو مانشك فيه لوجود أزمة ثقة بيننا كشعب وبينها كحكومة، وهي أزمة لها ما بيررها علي مر السنين، فلو كنا جميعاً لن نخضع للضريبة فلماذا نحن مطالبين بتقديم الإقرارات؟ هل لأننا شعباً يُعاني من الفراغ العاطفي مثلاً وفي حاجة مُلحة إلي حكومتنا البارة طيبة القلب لكي تقضي علي فراغنا الذي قد يجعلنا ندخن السجائر ونبوظ بقي( أصل الفراغ نهايته وحشة ).
أما الشيء المؤكد هو أن مُعفي اليوم هو ممول الغد، هذا أمر مؤكد تاريخياً وعقلياً وعلينا السمع والطاعة.

مع تحياتي

واحدة ممولة في الغد القريب

ولا عزاء للديموقراطية
تم النشر في موقع الاقباط متحدون
سحر غريب

أستاذي العزيز ... شكراً

2009-12-16T22:07:00.000-08:00

هل أحلم ؟ ماهذا الذي أراه ؟إنه الكاتب أسامة غريب يطلب مني الإضافة علي الفيس بوك

ياخبر أسامة غريب بنفسه صاحب كتاب مصر ليست أمي الذي غير نظرتي إلي الكتابة السياسية فكان كتابه هو حجر الأساس الأول والأكثر أهمية في إهتمامي السياسي... أسامة غريب صاحب كتاب أفتوكا لايزو ... لا أصدق نفسي حتماً أنا أحلم ..دققت النظر أكثر ... إنه هو ..أرسلت له رسالة شكر نابعة من القلب وعرفته بنفسي أكثر ... فكانت المفاجأة السارة في كلماته الآتية : تعرفت علي كتاباتك و أعجبتني و لهذا طلبت اضافتك و أتمني لك كل الخير و التوفيق في مسيرتك المهنية..و جميل أيضاً أنك جارة في المقطم..يعني بلديات..تحياتي

هذه كانت كلماته التي صنعت حالة من البهجة داخل نفسي ... جميع الكلمات والعبارات كلها لن تستطيع أن تعبر عن السعادة والفرح اللذان يمرحان الآن داخلي... سعيدة جداً بتلك الشهادة الغالية... وطبعاً كان لازم التسييح فشهادة كتلك لا تأتي في حياة الكاتب إلا مرة واحدة في العُمر

أتمني أن أكون عند حُسن ظن أستاذي بي

هي الحرب

2009-12-13T00:22:00.000-08:00

يرفضون البرادعي لانه لم يخوض حروب مصر كما فعل جمال
نكونش في حرب واحنا مش داريين ؟
ياتري الحروب في الاحلام تتحسب والا لا؟ ميت مرة اقول الغطي مهم جدا اثناء النوم.
مش جايز جمال، طويل العمر طول عمر حارب واحنا مش عارفين، مش جايز يكون بيلعب ريد اليرت الحربية علي الكمبيوتر وكانت غيته يحارب تحت لواء مصر ... مش برضك حروب الكمبيوتر تتحسب والا ايه يااخوانا ؟
وبعدين هو مش ابوه حارب يبقي هو كمان حارب ؟
هو مش اتحرم من ابوه وهو في حرب اكتوبر يبقي حارب اليتم وابوه علي وش الدنيا شفتم بقي احنا ظالمينه ازاي؟ وبعدين هو مش حارب داخل اروقة الحزب واداها طناش وسابهم يزوروا براحتهم ؟
الانتخابات الجاية الحزب عاوز بخليها استنساخ لاول انتخابات رئاسية في عهد مبارك فاكرينها؟
كانت انتخابات في منتهي النزاهة الصراحة
انتخابات العاهات الحقيقية ولبسنا احنا الشعب طراطير او طرابيش من تاني دي حتي الطراطير طلعت موضة مش هاتتغير غير بالطبل البلدي
مع تحياتي وخالض تقديري

التوقيع

واحدة بتحارب مع حلل المطبخ بذمة وضمير
سحر غريب

علي مشارف الثلاثين

2009-12-05T23:55:00.000-08:00

اقف الآن علي مشارف الثلاثين.. خائفة مترددة أؤخر قدم وأقدم الأخري أنادي علي العشرينات وأتوسل إليها ألا تتركني فأنا لم أحقق أحلامي الكثيرة فأحلامي ماتزال جنيناً يحيا داخلي ...لم تتنفس نسائم الحياة بعد ولم تصرخ صرختها الأولي

ولم تأخذ أسماً يُميزها، أحلامي لم تسكن البيوت ولكنها مازالت تسكن داخل رحم أفكارى

مُصابة أنا بإكتئاب ماقبل سن الثلاثين، هكذا أسميته فمن تلك اللحظة ستتغير نظرة العالم لي سأتحول من فتاة عشرينية إلي إمرأة ثلاثينية .

سأنتظر خطوط تجاعيدي الأولي وشعيرات رأسي البيضاء فبعد الثلاثينيات تحين الأربعينات والخمسينيات بملحقاتهما المقيتة.

خائفة أنا فهاهنا ستكون نقطة اللاعودة .

ولن يكون بإمكاني كإمرأة أن أكذب بشأن عُمري فأنا كتاب مفتوح يرفض أن يكذب أو يتجمل

كتاب تعرف تفاصيله كلها منذ نظرتك الأولي علي العنوان.

سحر غريب

كل سنة وانتم طيبين

2009-11-27T09:28:00.000-08:00

عيد أضحي مبارك علينا وعليكم

أعتذار واجب

علي مصر بجميع مواطنيها ومسؤليها تقديم الاعتذار الواجب لشعب السودان الطيب لاننا تسببنا بدخول مجموعة من الإرهابييين داخل اراضيهم المُسالمة ,,,,فعذراً يااهل السودان

الفيفا عندها غيبوبة ؟

2009-11-18T22:16:00.000-08:00

شاهدت المباراة الفاصلة بين مصر والجزائر في السودان بعد طول مقاطعة لكرة القدم.... ليس مهماً المكسب او الخسارة

ولكن الأهم هو ماحدث بعد المباراة فرغم ان الجزائر قد فازت بالمباراة الا ان همجيتهم غلبت علي طباعهم

حتي في فرحهم همجيين.... هكذا هم

اللي حصل في السودان لا يصح السكوت عليه ... معاملة غير متحضرة بالمرة تستحق وقفة

من الذي جعل منا شعباً مهاناً لا كرامة له ... يهينه اللي يسوي اللي مايسواش... رغم شهرتنا باحتضان الغريب ...

يجب التدخل الفوري لاعادة الكرامة المجروحة للمصريين ... نطالب بعقاب عاجل من الفيفا للجزائر

يشبه العقاب الذي غير جمهور مصر بعد حادث القاء الطوبة الشهير

نطالب بحرمان الجزائر من الصعود والتأهل لكاس العالم

هكذا يكون العدل ويكون العقاب العادل الموجع

والذي سيكون له مردود كبير علي اخلاق مشجعي الجزائر من هنا ورايح

من أجل مصر

2009-11-10T16:24:00.000-08:00

رر

قالوا عنا اننا نحمل شعلة التغيير ونمتلك رغبة خالصة فيه

قالو عنا شباب مستنير وموجة ثقافية جديدة تسعي للخروج بمصرنا من كبوتها

لماذا نستسلم ونقبع الأمل داخلنا

من أجل مصر أتبني حملة البطاقة الانتخابية في يد الجميع

سأبدأ بنفسي وأرجوا أن نتحرك معاً

عاوزين بطاقات إنتخابية للجميع

حتي نستعد للإنتخابات الرئاسية القادمة

لنأتي للحكم برئيس جديد

ليس كراهية في الرئيس القديم حاشا لله ولكن لرغبتنا الحقيقية في التغيير

فياشعب السبعة آلاف سنة ليست أمريكا بأفضل منا

بصفتي مواطنة مصرية مقهورة

أتمني من كل قلبي أن نتحد سوياً من أجل

إختيار رئيس مصر القادم

لقد جربنا الجيش فلنجرب العلم والحكم المدني وليكن محمد البرادعي

وكما أختاره العالم بالأغلبية ليرتقي إلي أعلي المناصب فلنختاره

معاً من أجل مصلحة مصر

مع تحياتي

سحر غريب

دا جروب كبير علي الفيس بوك لدعم البرادعي ارجو منكم الإنضمام إليه لتكوين رأي عام قوي

http://www.facebook.com/group.php?gid=123551066565

يتهموننني بالضعف وانا أرى فى نفسى قوى

2009-10-12T12:36:00.000-07:00

فى بداية دخولى عالم التدوين كانت كلمة جارحة او اتهام ظالم من قاريء قادرة على جعلى اتنحى عن العالم ومن فيه وأتقوقع داخل نفسى باكية ناقمة على اخلاق الناس التى أنهارت، اما الآن فنفس الكلمة ونفس الاتهام لم يعد يستثير داخلى غير الشفقة فقد بت قادرة على فهم الطبيعة البشرية التى تحب ان تهد اى موهبة على وشك اثبات ذاتها.. شخصيات تمسك معاول هدم لتهد غيرها ولكن يبدوا انني اخذت مناعة فشكراً جزيلا لكم
واطمئنوا ايها الناقدون
فلا تعليق من مجهول قد يكون معلوماً سيجعلنى اتوقف

فانا اقوى من تسفيه المتطاولون، ومن هجوم الهاجمين
وسأكتفى بإلغاء تعليق غير مُعرف وعلى وجهى بسمة لا أكثر ولا أقل ودعاء من القلب بالهداية قد يتبعه رد سخيف منى على كلمات سخيفة قد قرأتها فلا تتعبوا انفسكم لتكيلوا الاتهامات وتوجهوا اصابع الاهانات لى فانا وضعت على عيني عصابة لن تجعلنى أتأثر بما تكتبون وسأكمل مشواري راضية بما حققته وبما سوف احققه بعون الله

فانا الآن أتعايش مع نفسى فى سلام

وعندى قناعة أكيدة بأن الناس أذواق ولا أتوقع أن يجمع الجميع على أرائى وكتاباتى بنسبة مية

فى المية وأتقبل الاختلاف بصدر رحب ولكنى أتمنى أن يكون هذا الاختلاف

لا يفسد للود قضية وألا يتجاوز حدود اللياقة والأدب

المرض علينا حق

2009-10-01T20:14:00.000-07:00

لا تقولوا عنى مفرطة التشاؤم فهو ليس من طبعى

ولكنها الدنيا التى كشرت عن أنيابها فجأة وظهر منها الجانب المظلم الموحش

لقد قضيت يوما فى احد المستشفيات

فماذا رايت؟

رايت الموت يحوم حول المرضى

رات الشدة من بعض الممرضات اللاتى يتعاملن بمنتهى القسوة

ينسون انهم ملائكة رحمة ففوجئت بهن شياطيناً للقسوة

انتابتني القشعرية الف مرة ومرة

لم يهمد لى جفن فى هذا المكان

حيث يتم وضع مريضاً فاقد للنفس مع آخر قد يكون له أملاً فى الحياة

وليس مهماً نفسية المريض كونه يرى الموت امامه

اتمنى الا ارى عدواً كان او حبيباً فى احضان اى من تلك المستشفيات الكئيبة

تعيش وتخسر ياباشا

2009-09-20T03:17:00.001-07:00

مش فاهمة انا ليه الشماتة فى فاروق حسنى
واحد قدم فى شغلانة وخسر
المسألة مش محتاجة هوليلة وازعرينة
كل الحكاية ان دمه طلع تقيل على قلب اصحاب الشغل
بس هو مايياسش كدة ويسمى ويحاول يشوفله صنعة يكسب من وراها دولارات

ومش مهم انه يغير مهنته واضح ان مهنة وزير ثقافة مش بتأكل بسبوسة
عنده شغلانات بالهبل وكلها ترفع الراس والركبة
ان شالله حتى يقف فى كشك بتوزعه الحكومة خليه نموذج مشرف لشبابنا الصغير ومش عيب ان الواحد يبدأ من جديد ويكوم فى نفسه

والا اقولكم احنا نعمل جمعية ونلم من بعض قرشين نساعده بيهم عشان يفك رهنية البسكليتة اللي باعها عشان يشترى البدلة الجديدة اللى طلع بيها فى التليفزيون واهو كله بثوابه ربنا يوسع يطعمكم مايحرمكم، قادر ياكريم.

كل سنة واتنتم طيبين ياشعب البلوجراوية

2009-09-20T03:17:00.000-07:00

كل سنة وانتم بخير وفي صحة وسعادة.

حماتى لسة ملااااااااااك

2009-09-08T17:22:00.000-07:00

هل جئتي ياحماتى تطلبين ناراً أم تراكي جئتى تشعلين البيت ناراً

الست حماتى ربنا يعمر بيتها بخناقة شبه اللي عملتها عندى في بيتي جاءت زيارة وكانت ناوية تقعد عندى قول تلات أيام بالكمال والتمام

اول يوم شيلتها على كفوف الراحة فهى كانت مريضة بالانفلونزا المعدية بصورة وبائية لدرجة انى اخدت الدور منها واتسطحت على الكنبة جنبها مريضة

دا اول يوم مرعلى خير رغم العدوي التى اصابتني

اليوم التاني وانا مريضة متسطحة اخذ اولادى العفاريت يلعبون ويجرون هنا وهناك وانا زورى مع الصيام تعبان لايخرج صوتاً

حتى جاء زوجى من عمله وهنا صدّرت له حماتي بوذاً مستورد من القلب الاسود فدخل زوجى المطبخ عليا مجلجلاً : انتي عملتى ايه في ماما نفسيتها مش تمام اوعي تكونى زعلتيها

ومع الحاحه

قامت الحريقة اخذت تحكى له عما حدث : الست مراتك سامعة عيالك بيصرخوا ومش بتنطق

انتم جايبيني هنا تتعبونى والا تريحونى بقي دا بيت فيه واحدة ست

اخذت اسمع كلام يخرج من فمها رصاصا مع محاولة يائسة من جانبي لكي اهدئها

انا كنت نايمة عيانة ياناس اعمل ايه بس

مش مهم طبعاً بالنسبالها نومي وتعبي اللي هي السبب فيه وجوزي بالطبع كان معها على طول الخط مافيش تهدئة من ناحيته، وطبعا فضيحتى هاتبقي بجلاجل

على اساس كلامها اللي انا متصوراه واللي هايكون : انا روحت عند ابني ، مرات ابني بقي ست بااااااااااااااااردة

العيال بيعملوا دوشة وهي مش هاين عليها تقول بس ياواد

طبعا جوزي في حالة زعل منى بسبب مامته

والملاك هاتفضل طول عمرها ملاك تعمل العملة وتقعد تتفرج على الدنيا بتولع حواليها

هااااااااااااااا دنيااااااااااااااااااااااا وحدووووووووووووووووووووه

مفاجآت ميكانو

2009-08-31T20:38:00.000-07:00

ذي ماعودناكم أول كل شهر في مجلة ميكانو

معانا بالاضافة للموضوعات المتميزة الجميلة من كتابنا الموهوبين

معانا تسالى رمضان

ومعانا مفاجأة المجلة القنبلة...... الفنان خالد الصاوى ......الفنان المتميز الذ شاركنا بإبداعاته وأرائه في مجلتنا العزيزة في بابه صاويات

لينك المجلة هو

http://www.mikanoo.com/

وماتنسوش تضيفوا مدوناتكم عندنا حتى لو مش عاوزين تدخلوا سباق المدونات فاضافة مدونتك في ميكانو يضمن لها الزيارة انا واحدة من الناس بأزور المدونات المضافة في ميكانو ولينكه هو

http://dir.mikanoo.com/

محاولة متواضعة مني لرسم الكاريكاتير

2009-08-28T23:22:00.000-07:00

طول عمري احب الرسم وبدأت مؤخرا في المشاركة في ايفيهات الكاريكاتير فعشان كدة خدوا اولى محاولاتى في هذا الفن الجميل

من غير تريقة

وعشان انا لسة ماتمكنتش من استخدام الفوتو شوب واضافة الوان وكلمات للصورة

فالراجل دا بيقول : نفسي تكملوا جميلكم وتبعتولى السحور على البيت دليفرى ربنا يطعمكم مايحرمكم

كل سنة وانتم طيبين

2009-08-25T22:19:00.000-07:00

كل سنة وانتم طيبين

يارب نعرف نستفيد من رمضان

ولو ان التليفزيون عامل حملة تليفزيونية موجهة ضدنا

اللينك دا لينك موقع لدكتورة فاضلة

دكتورة داليا الشيمي

زوروه

http://3ain3alabokra.com/

فى مصيفنا فأر

2009-08-15T16:52:00.000-07:00

بقلم: سحر غريب

لم أتشرف بمعرفة فأر عن قريب طوال حياتي إلا من خلال جيري صديق توم اللدود ورغم أني عاشقة لجيري الفأر الجميل الصغير الذي يشاغب القط توم إلا أن الفأر على الطبيعة له طعم وشكل ورعب تاني خالص، رعب لن تجده حتى في أفلام الرعب المستوردة.

فقد تكرم عليا الزمان وهاداني بفأر صغير لم ينبت شاربيه بعد، يبدو أنه قد ضل طريقه إلى شقة المصيف المستأجرة وجعل من مصيفي مصيف الرعب الصيفي، وأصابني بعقدة المصايف فقد جعل حياتي جحيمًا لا يُطاق.

فعلاقتي به يمكن اختصارها بخوف من أول نظرة وحتى آخر نظرة، ولكي تعلم مدى صغر حجم هذا الفأر المتناهي فما عليك إلا أن تسمع وصفي له عندما صرخت على زوجي منادية عليه لينقذني من بين براثنه فقد رأيته أولاً كصرصور صغير يشاغبني فهو ينطلق جيئة وذهابًا بسرعة الصاروخ متجولاً في الحجرة الصغير، حتى وقف لبرهة صغيرة موجهًا نظره الثاقب ناحيتي وكأنه يلومني على حبسي لحريته في العدو الصباحي وكانت نظرة أعلن من خلالها عهدًا جديدًا من التحدي: يا أنا يا أنتي يا ست هانم فى المصيف دا.

وبدأت المعركة بصرخة مدوية من حنجرتي معها اصفرار وهربان سريع للدم مع هروب وكر وفر من جهته، ثم وضع زوجي لاصقة فئران وهي لمن لا يعلم عبارة عن لصق يوضع فوق قطعة من الكارتون يتوسطها طعام يحبه الفئران فيدخل الفأر الخية ويلتصق بها.

ولكن زوجي العزيز الذي أخذ على عاتقه مهمة تخليصنا من غزو الفأر الصغير وضع للفأر قطعة من الطعمية مؤكدًا على أن الفئران يحبون الطعمية، ورغم أننا تعلمنا في المدارس أن الفأر يأكل الجُبن إلا أن زوجي العزيز كان في حاجة مُلحة إلى محو أمية فأرية، فالفأر أبن الذوات رفض الرمرمة وترك قطعة الطعمية تعاني الوحدة ولم يفكر في أن يمتد إليها بالأكل.

وبعد عدة وصلات من الصويت الأوبرالي من جهتي مع تجوال أكثر ونظرات تحدي من جهة فأرنا الغازي المقتحم أخذنا نتساءل من أين جاء الفأر الغريب؟ وهل هو عدو أم حبيب؟ ومن أين دخل؟ من الباب أم من الشباك أم من داخل البالوعة المفتوحة على مصراعيها؟ وهل هو بطل سباحة مخضرم ليغوص داخل البالوعات ويصل إلينا بلا نقطة ماء واحدة؟

أما كونه صغير الحجم فقد جعلنا ننهي أجازتنا سريعًا فمعنى حجمه الصغير هو أنه مازال طفلاً معولاً من والدين محبين سيسارعون بالبحث عنه وقد يشرفونا ويقضون معنا في مصيفنا عدة أيام حتى يأتي صغيرهما معهما!وتخيلوا ماسيفعله فأرًا بالحجم الطبيعي وليس بالحجم الكارتوني في شخصي الضعيف، فحزمت حقائب السفر مع بحث دائم ومستمر وتنفيض عنيف لكل قطعة ملابس حتى لا يعلق بها الفأر ويسافر معنا إلى القاهرة ليقضي على البقية الباقية من أعصابي المنفلتة.

تم نشر الموضوع في موقع الأقباط متحدون

أما تصوير لقاءى أنا وزوجى مع الإعلامية المتميزة رولا خرسا فستجدوه في نفس الموقع

ولينكه

http://www.copts-united.com/article.php?I=171&A=6241

تسجيل الجزء الأول من لقاء سحر غريب مع رولا خرسا

2009-08-14T01:52:00.000-07:00

آخر البرامج

2009-08-13T05:38:00.000-07:00

البرامج دي انا طالعة فيها ان شاء الله

اولاً... هاتشوفونى النهاردة الخميس الساعة عشرة مساءاً في برنامج الحياة والناس مع رولا خارسا على قناة الحياة

ثانياً .... يوم الأحد علي قناة اللورد في برنامج حكي بنات الساعة سبعة مساءا

ثالثاً.... يوم الأثنين في برنامج شبابيك على دريم الساعة الثالثة مساءاً

ماتنسوش تتابعوا مجلة ميكانو علي لينك www.mikanoo.com
واعذرونى لانشغالي اليومين دول بس اوعدكم اني هاارجع تاني قريب

مالحب إلا للحبيب الأخير

2009-07-15T07:24:00.000-07:00

تحديث

بكرة الساعة سبعة مساءاً علي برنامج الثقافية كافيه لقاء مع بعض من فريق عمل مجلة ميكانو وباب حارة لسعان على النيل الثقافية انتظرونا .

قررت فى لحظة تهور أن تعود للماضى، فقامت بمحادثته لترى إلى أى مدى قد تغير، وإلى أى مدى هى نفسها تغيرت، كانت تحكى لى ماحدث مع نظرة تعجب فلتت من عيناى دون قصد على جرأتها الغير معهودة، ولكنى تعودت على الصمت فى تلك الحالات حتى أعرف كل ماحدث للآخر بدون تخويفها أو زرع قلقها من ناحيتى.

فأكملت كلامها وكأنها تحادث نفسها: لقد كلمته وياليتنى ماكلمته

رددت عليها بأسى متوقعة منها كارثة : ليه أيه اللى حصل بس خلاكى تقولى الكلام دا؟

قالت : حسيت أنه لا يصلح وأن جوزى برقبته

فقلت لها : كويس وهو المطلوب إثباته

فقالت مرة أخرى : لأ دى مصيبة كدة لما جوزى يضايقنى عقلى هايهنج مش هايقدر يرجع لماضى

قديم خنقته بايدى لما دورت عليه.

لقد كان حب الماضى بالنسبة لها مسمار جحا الذى كان يعيدها بلا ندم للماضى القديم

كان يشدها لتسترجع كل ماحدث، أما الآن وبعد أن تأكدت من كونه لم يكن يصلح لتكمل حياتها معه فقد قتلت بيديها مهدئاتها النفسية، ياليتها تركت الماضى في حاله ولم تنبش فيه

لقد نبشت قبراً لتكتشف أن مابه جيفة ميتة لا يمكن إحيائها

نصيحتى لها ولغيرها هى دعى الماضى للماضى أرجوكم لا تنبشوا قبره أتركوه يرقد بسلام

ليترككم تعيشوا بسلام، وتأكدوا أن الحب للحبيب الأخير أحبوه وتقبلوه

سحر غريب 16/7/ 2009

غداً علي القناة الثانية المصرية

2009-07-11T11:27:00.000-07:00

غداً من الساعة الثامنة صباحاً حتي الساعة التاسعة صباحاً معادي معاكم في برنامج يسعد صباحك

غداً على النيل الثقافية

2009-07-06T12:07:00.001-07:00

غدا علي النيل الثقافية من الساعة الواحدة وحتي الساعة الثانية ظهراً في برنامج الاجندة علي النيل الثقافية

لقاء معى

وقد تفضل الأخ العزيز محمد تهامى بتصوير الحلقة

وهى علي الللينك التالى

http://www.facebook.com/profile.php?id=601482023

الحق العدد الجديد

2009-07-01T05:08:00.000-07:00

عدد جديد من ميكانو

علي اللينك

http://www.mikanoo.com

حكاية بنت اسمها مريم

2009-06-17T18:31:00.001-07:00

مريم بنوتة صغيرة لا يتعدي عمرها خمس سنوات تعيش في كندا مع ابيها وامها في هجرة دائمة
قررت مامتها زيارة مصر لمدة عدة أشهر لكي تري بلدها ويتعرف ابنائها علي اقاربهم والأهم علي مصر
صعدت مريم الطائرة هي واخوتها الثلاثة وأمهم، كانت سعيدة فأخيراً ستري جدتها وخالتها وخالها الذي جمع بينهم
النت والماسنجر فقط ومرت الرحلة بسلام أو هكذا تخيلوا فماحدث بعد ذلك لم يخطر ببالهم
فرغم ان اخبار انفلونزا الخنازير تملأ الدنيا الا ان ام مريم لم تتخيل انها مُعرضة لهذا المرض

ولم تستوعب فكرة ان تلبس هي وابنائها الصغار كمامات
ونسيت كبسولة الأمراض الطائرة وهي الطائرات

وتبادل الفيروسات الذي يتم فيها منهم وإليهم
وبدلاً من استقبالهم بالترحاب استقبلهم رجال الأمن ووضعوهم في الحجر الصحي
فقد تبين عن طريق المسح الحراري للام واطفالها بان مريم مُصابة بانفلونزا الخنازير او اتش وان ان وان
ولكن مايثير الدهشة حقاً هو ان هذا المسح الحراري لم يتعرضوا له في مونتريال حيث استقلوا الطائرة من مطار كندا
فلو كان تم المسح الحراري هناك لكان المريض قد تم الكشف عليه وتم علاجه في بلده حيث الرعاية الصحية الأفضل والمعاملة الآدمية الأفضل ولما قام بإصابة اي راكب آخر بالعدوي

دا شيء عجيب بقي مصر المُتخلفة البلد اللي عايشة ومش عايشة فيها جهاز الكشف الحراري

عن المرض وكندا بمالها بهيلمانها مافيهاش واحد ذيه

ايه نسلفهم واحد؟

اهم شيء
ان تدعوا لمريم بالشفاء العاجل

آخر الأنباااااء يابشر

2009-06-12T20:49:00.000-07:00

تحديث

حلقة القناة الثانية أتأجل ميعادها ولما أتأكد من ميعادها الجديد هاابلغكم

انا عارفة اني مقصرة معاكم كلكم نفر نفر بس حقكم عليا بجد

اولاً ميعادكم معايا

يوم الأتنين الساعة العاشرة صباحاً ان شاء الله علي القناة الثانية في برنامج يسعد صباحكم هاتشوفوني

طبعاً ماتشوفوش وحش......... قولوا هانشوفك

خدتكم في الكلام تاني هام نزل لي موضوعات للمرة الاولي والأخيرة في صفحة شبابية ساخرة اسمها شبورة علي صفحات اللواء العربي الورقية

ثالث هام الأخ المبدع محمد تهامي عمل معايا حوار علي مدونته ولينكها

http://nohamy.blogspot.com/

ودلوقتي هاسيبكم مع موضوع جميل للأخ المبدع إسلام جاويش صاحب مدونة اصحي يامصر

ثورة جديدة في عالم المدونات يتزعمها اسلام جاويش ..

أبناء شعبى البار ، قررت أنا الموقع أدناه أن أقوم بثورة شعبية موجهة ضد الناموس
ولازم لازم تشاركونى فيها كلكم دا الرب واحد والدم واحد
إحنا خلاص زهقنا ، خلاص بجد بجد تعبنا
مش كل شوية وانا قاعد على الكومبيوتر صاحى أو نايم ألاقى جيش عرمرم مزود بقوة جوية خارقة نازل عليا قرص وفين يوجعك ياسمسم
ولما بأصحى وابص لنفسى الاقى اثار الخسائر كتيرة اوى،..اهئ اهئ

لقد أصبح الوضع مستحيلاً حيث ضرب الناموس سكور عالي في مص دمائي يابشر
لازم من دلوقتى نتحد ونتكاتف ونتلاحم ونعمل ثورة ضد الناموس انا لما بجهز اسلحتى وابدأ في ابادته بالرش تارة وبالضرب تارة أخري، الاقيه يغيظنى ويروح طاير قدامى ...حاجة بجحة اوى يعنى

جبت فوطة وقعدت اضرب فيه مافيش فايدة حطيت نفسي تحت اللحاف لإخفاء معالم حدودي عن أنظار قوي العدو المتربصة بي ثم رشيت رشة جريئة ولكن الناموس واعي ونبيه فلم تأتي الفوطة معه بنتيجة وأخترق اللحاف بكل مهارة وبعد الرش انتعش وفاق وقال بكل وقاحة أديني رشة كمان
ياشعبي المقروص سأتقدم الآن ببنود مطالبنا من كبير النموسجية وهي

أولاً ... يطلعو الهرم ويمصوا من اللى فيه ...احنا غلابة ومالناش فيه
ثانياً ...يحدو من ازمة التطورات اللى فى مجتمعهم..عمر الحق ماكان يمنعهم
ثالثاً .... اتاحة الفرصة لمزاولة أعمال القرص من الساعة واحدة إلي الساعة الثالثة وبعدة كدة ياخدوا اجازة
رابعاً ....نحن غير مسؤولون عن أي فعص او موت او رش أي ناموسة منكم في غير ساعات عملكم الرسمية
خامساً...اذا لم تتم الموافقة علي مطالبنا الشرعية في حياة بدون قرص فإن الضرب سيستمر وهندخل في حرب شعواء ستستمر لأجيال قادمة.
وعلي السادة القراء رفع حالة الطوارئ القصوى وتدريب مشيليات مُجهزة للقضاء علي فلول العدو وسنكمل ثورتنا

نوركم غطي علي الكهربا

2009-06-03T13:33:00.000-07:00

الدنيا منورة بزيادة

اتاري اوباما عندنا

يامرحبا يامرحبا نوركم غطي علي الكهربا

والطريق واقف بس ولا يهمك ياجدع الطريق طوووول عمره واقف

دي اقل حاجة عندنا نقدر نقدمهالك ياراجل ياسكرة

................

الدنيا قايمة ومولعة بسبب زيارة أوباما وأنا مش قادرة أستوعب السبب في اللغط

والكلام دا ايه

مصر أم الكرم وطول عمرها فاتحة ذراعها للزوار والسواح وغيرهم

هانيجي عند الراجل السكرة اللي قدر يجمع أمريكا كلها وراه وقدر يعمل جو حلو في العالم

وبيحاول يحسن في صورة امريكا امام الكل.... ونطرده

دا احنا ماعملنهاش في بوش اللي اعلن حروبه الصليبية علي العرب كلهم

نقوم نعملها مع واحد ذي اوباما

شعب يخاف مايختشيش

انت ليه يامواطن تعلي في سقف توقعاتك وتأفور في طلباتك خليك علي قدك يامواطن منك ليه

عشان مايحصلش بعد كدة كبوة وشعور بالاحباط

ودمتم

سحر غريب

اخيرا مجلة ميكانو

2009-05-31T19:29:00.000-07:00

أخيراً وبعد طول انتظار

صدرت مجلتنا الالكترونية

يارب تعجبكم

مجلتنا شبابية ساخرة

قنبلة المجلات الالكترونية

امتداد طبيعي لعالم التدوين الثري جدا

لينك المجلة هو

http://www.mikanoo.com

فريق العمل

سحر غريب

اسلام جاويش

احمد سووو

احمد الصباغ

بسمة عبد الباسط

مصطفي ريان

سلوي سمير

بدرية طه

اسماء رمضان

رحاب السيد

مايكل محسن

امينة الشريف

حسام غانم

محمد فرج

الاستاذ شيرين الكردي

علا بركات

والقائمة لسة طويلة

وماخفي كان أعظم

2009-05-24T00:21:00.000-07:00

عندما تقرأ عريضة دفاع محامي هشام طلعت مصطفي تتلخبط داخلك المفاهيم

المحامي بيدافع بطريقة غريبة عن راجل يادوب علي علاقة غير شرعية بواحدة

فنانة وكأن العلاقة دي شيء عادي كدة مافيش فيه عيب ولا حاجة

بصراحة أنا أتعلمت أن العلاقات خارج إطار الجواز بتبقي حرام وخصوصا علاقات السرير
المحامي قال أن طلعت معترف أنه كان ناوي يحطلها مخدرات ويبلغ عنها لكن أنه يقتلها فحاشا لله ياباشا

انا شايفة بقي من وجهة نظري المتواضعة أن الدفاع أدان هشام طلعت مصطفي ولم يبرئه
ياتري بقية رجال الأعمال مفاهيمهم متشابهة مع مفاهيم هشام وألا هشام دا المذنب الوحيد فيهم
هشام طلعت مصطفي وجريمته دليل علي أن الفساد أغرق مصر
وأن مقياس غرور وفسق رجال السلطة وصل لدرجة غير مسبوقة
لدرجة أن غروره صور له أنه يقتل وهايطلع منها كما ولدته أمه بريء ابن بريء

ولو كنتم في بروج مشيدة

2009-05-19T04:40:00.000-07:00

حفيد الريس مات .... خبر مؤكد مش من اعلامنا طبعا اللي أتأخر لبعد الهنا بسنة لكن من كل وسائل الاعلام العالمية ....اعلامنا خايف ليطلع الخبر اوشاعة شبه الاشاعة القديمة اللي موتوا فيها الريس بجلالة قدره قبل كدة واتحبس فيها

رئيس تحرير جريدة محترم ... قال ايه عشان البلد كانت هاتروح في شربة مية

قال يعني الرجل الثمانيني لما يموت- الشر برة وبعيد- البلد يوميها مش هاتقوم لها قومة

شفتم لما ضربوا المربوط خاف السايب ازاااااي ؟

اما بخصوص انه مات أثر تناوله وجبة ملوثة من أحد المطاعم .... فهي لا تعدو أن تكون إلا أوشاعة شعبية خبيثة

تتمني من الريس ان يفوق ويصحصح لبلده مصر ومعدة أبناء مصر التي اصبحت سلة قمامة

سلع العالم التي لا تصلح للاستهلاك الأدمي

ومع ذلك فنحن نشعر بالأسي لهذا المُصاب الجلل والطفل ذنبه ايه في اختلافنا مع جده وسياسة جده الله يرحمك يامحمد

ويصبر باباك ومامتك علي فقدانك

الدنيا حر

2009-05-17T22:01:00.000-07:00

الصيف شكله داخل السنة دي وهو ناوي يشوينا بناره

انا قاعدة في البيت بس لسة الواد ابني اللي في بكالوريوس كي جي وان بينزلني

الصبح وبعد الضهر عشان يحضر نفسه لحفلة المدرسة بروفات بقي وشغلانة مايعلم

بيها الا ربنا وطبعاً بعد التوصيلة دي تلاقوني

راجعة لبيت وانا ناوية اختم حياتي وانام النومة الابدية

بس لسة في العمر بقية

واحتي

2009-05-15T13:07:00.000-07:00

عاهدت نفسي من ذي قبل الا ابوح يما داخلي

ولكني لا استطيع ان اوفي بعهدي

فمدونتي مازالت هي واحتي الجميلة التي ارتاح بها

فانا لست سعيدة

ينتابني شعور كبير بالتعاسة

إضراب إيجابي

2009-05-14T07:54:00.000-07:00

طبعاً لما يقولوا اضراب يبقي لازم أشارك اصل محسوبتكم بقي عندها ادمان لشم رائحة التمرد التي تتواجد بكثرة في الاضرابات ولما يقولوا إضراب عن الفساد يبقي

لوماشاركتش هااخاصم نفسي كتير

فكرة الاضراب جديدة من نوعها

إضراب إيجابي

إضراب عن الفساد واللي أخترعوه

اضراب عن سياسة الدورج المفتوح وتفتيح المخ والغمز بالفلوس

لكي تحصل علي حق من حقوقك

مـــــيـــــــكــــــانـــــــو

2009-05-10T16:52:00.000-07:00

ميكانو

هاتلاقي نفسك معانا

أنتظرونــــــــــــــــــــــــــا

قريبــــــــــــــــــــــــــاً

انضموا للجروب علي الفيس بوك

http://www.facebook.com/group.php?gid=81348759766#/group.php?gid=81348759766

مأزق القرارات

2009-05-06T10:49:00.000-07:00

تحديث

غداً الخميس الساعة خمسة ونص في برنامج أسرار البيوت علي الأيه آر تي شوفوني

وشكر خاص لجريدة النهار ومعد صفحة عالم المدونات الأستاذ أشرف شحاته لنشر بوست من بوستاتي في الصفحة

طوووول عمر جوزي في وقت اتخاذ القرارات المصيرية أعصابة تبقي بايظة وشايط علي طول

كنت ساعتها بااااااااااااااااردة والا التلاجة وكنت دايماً أقول له ليه كدة الدنيا ابسط من كدة

ومش مستاهلة ان الواحد يتعب نفسه بالمنظر دا

صحتك أهم من الدنيا يابعلي

لحد لحد ماجه الدور عليا وبقت في ايدي قرارات لازم اخدها ومشاكل مفروض احلها

اكتشفت ان الدنيا مش سهلة ذي ماكنت فاكرة ومش بسيطة خاااالص ومحتاجة تفكير واتخاذ قرارات

قبل ماامشي عاوزة اقول حاجة ...انا دخلت عند زميل تدويني رائع أحبكم تزوروه ...العزيز مايكل

http://strugglingmichealitoo.blogspot.com/

الفرخة والخنزير

2009-05-01T14:40:00.000-07:00

عندما بدأت انفلونزا الطيور سياحتها الطويلة في مصر قلت مافيش فايدة فينا ....مصر هاتستقبلها احسن استقبال وهاتكرمها بكرم ضيافتنا اللي احنا مشهورين بيه

وعدت السنين ووصلت مصر بجدارة للمركز الثالث في عدد حالات الإصابة بإنفلونزا الطيور

والآن يدق بشدة علي بوابة الأوبئة القاتلة مرض جديد ولو انه كان متوقع منذ بداية انتشار انفلونزا الطيور

فقد قيل وقتها ان فيروس انفلونزا الطيور سيتحور إلي فيروس جديد سينتشر بين البشر اذا حدث وتقابل الفيروسان الذي يصيب الانسان

والذي يصيب الطيور في جسد الخنزير مصنع الأوبئة وهو ماحدث فعلاً والفيروس الجديد لعنة جديدة لا علاج لها حتي الآن انتشر بصورة حادة في خلال ايام معدودة ... لعنة الله عل علم وقف ساكناً والناس يموتون ... ماذا قدم العلم لنا لماذا لم

يتم نقل الخنازير من حظائرها القريبة من البشر اولماذا حتي لم يتم ذبحها منذ عرفنا بالمصيبة التي في انتظارنا

الكارثة انهم عندما بدأوا في ذبحها واعدامها بقرار رئاسي قام بعض مربيها بتهريب بعضها

أيها الجهل اللعين مودينا علي فيييييين؟

لقد قتل الفيروس الجديد العديد وقد وصل بالفعل الي اسرائيل جارتنا اللدود ونحن ننتظره قريباً عندنا للأسف فاتحين اذرعنا منتظرين للموت ليأخذنا بين أحضانه مُرحباً

وسيتم تطهير مصر من سكانها في القريب العاجل

ياتري هانروح في التطهير ولا لسة لينا بقية

حماتي ملاك في مجلة كل الناس

2009-04-29T12:08:00.000-07:00

فيه تحقيق عن الحماوات نزل في مجلة كل الناس بقلم الكاتبة الموهوبة هند أمين

التحقيق اخذ منها ست صفحات منهم صفحة كاملة تمثل مشاركتي في التحقيق

بجد أنا سعيدة جداً أن مجلة عريقة ذي مجلة كل الناس تكتب عن كتابي

في نفس المجلة اللي بيكتب فيها الشاعر والمفكر الذي احترمه واحترم أرائه كلها

فاروق جويدة والكاتب الكبير دكتور سامي هاشم الذي أتابع عموده في النهاردة أجازة

ابقوا اقروا التحقيق وبلغوني رأيكم

سوبر أديب

2009-04-27T11:09:00.000-07:00

محمد تهامي موهبة جديدة خارقة للعادة يثبت أن الموهبة لا تحتاج عمراً طويلاً لكي تختمر داخل الإنسان

سعيدة بوصول كتبه إلي مكتبتي وقد لاحظت من خلال قراءتي لكتابه بني آدم مع وقف التنفيذ

أن نقطة قوة محمد تهامي في الكتابة هي كتابة الروايات التي تنبع من أعماق ودهاليز التاريخ فتصف

حدث قديم مثلاً من خلال مجموعة من الشخصيات والأحداث الخاصة

وقد أنهيت أول قصة قصيرة من كتاب بني آدم مع وقف التنفيذ وتركت الكتاب وأخذت أقول

بصوت عالي ووووووووووووواو

القصة روعة بالفعل وأسلوب محمد فيها أكثر من ممتاز... لون جديد سيخلق كتب مبسطة

للتاريخ الذي هجرناه

ولقد حضرت مؤخراً حفل توقيع كتاب هيروبلس لمحمد تهامي

والكتاب معي في جدول قراءاتي وسأقرأه وأقول لكم عن رأيي بصراحة فيه

سعيدة بمحمد جداً وأتنبأ له بمولد أديب جديد

خارق للعادة أو سوبر أديب

بالتوفيق يامحمد

راحت عليك يالساني

2009-04-26T05:53:00.000-07:00

اذيكم كلكم

انتم ناس ممتازين خاااالص وحلوين وذي الفل

بس أنا بقي اللي لازم أكن في الذُرة واخليني في حالي وانكتم عشان كلامي دا بيجيبلي وجع القلب

وبيزعل ناس كتيييييييير مني

مش معني كدة اني هااقفل المدونة

لأ بس هااحاول مااقولش كل اللي جوايا

أومال انا باعمل ايه دلوقتي ؟

باقول برده اللي جوايا .

ياريت اللي قري حاجة تزعله يسامحني

انا بصراحة كنت فاكرة ان المدونة مش مقروءة

حاجة كدة مالهاش لازمة حاجة خاصة بأفضفض فيها وأطلع اللي جوايا بدال مااطق

بس واضح اني بعد كدة هااطق من سُكات

ولا من شاف ولا من سمع

مصر هاتفضل زحمة

2009-04-21T10:46:00.000-07:00

تحديث :

موضوع كتبته الكاتبة النشيطة باسنت موسي علي موقع الأقباط المتحدون زوروه علي اللينك دا

http://www.copts-united.com/article.php?I=57&A=2089

مصر هاتفضل زحمة عارفين ليه؟

لان المصري لو اتخلص من الزحمة عينيه هاتفتح علي حاجات مش ولابد

الديموقراطية مثلاً والعياذ بالله يااخوانا دي رجس من عمل الشيطان ولازم نبعد عنها

طول ماندي ضهرنا للديموقراطية هانفضل عايشين عيشة هنية

والا الحرية... استغفر الله العظيم... البت سحر النهاردة بتجيب سيرة حاجات مش ولابد

دي الكلمة لوحدها تودي النار والعياذ بالله

وعشان شيطاننا الله يجازيه مايوزناش ونجري وري الحاجات الوحشة دي الحكومة

كتر خيرها مظبطانا زحمة وطوابير والذي منه

يعني تعمل ايه المغفور لها ... غلبت معانا

شعب لسانه عاوز القطع والبنية مستحملانا

ولا يوم قالت تخلص علينا ولا يوم فكرت ... شفتوا فكرت بس ..تخنقنا بسحابة بنفسجي

واحنا مع كل دا مش مقدرين نعمة الديكتاتورية .. يديمها علينا نعمة

ومش مقدرين سياسة اللسان المقطوع اللي مابيسمحش غير برأي واحد وكلمة واحدة

تعيش الكلمة الواحدة تا تا تعيش

دي الوحدة حلوة ياجودعااااااااان

في بلدنا انت معي اذاً انت قديس انت ضدي فانت ابليس

والعياذ بالله

انتم معايا ولا مش معايا

خلي باااااااااااااالكوفكر كويس ياعم انت وهو

معااااااااااااايا

زيارة المنصورة أتأجلت ولما يتحدد ميعادها هاابلغكم

2009-04-19T07:11:00.000-07:00

تحدديث مهم جداً : جاني تليفون من محمد هشام عبية كتر خيره الراجل شقيان معانا بصراحة بيقول ان صاحب المكتبة أعتذر عن حفلة التوقيع فالحفلة أتأجلت ولما يتحدد ميعادها بعد هاابقي

المهم حلقة قناة الإنسانية عدت علي خير والمذيعة كانت هايلة بصراحة وشاطرة ومحضرة علي غير عادة

مذيعين الايام دي

بكرة قناة الإنسانية

2009-04-17T17:13:00.000-07:00

غداً السبت بعد الساعة خمسة في برنامج نون النسوة علي قناة الإنسانية

شوفوني

بيقولو هايعملوا مداخلة تليفونية مع حماتي ومع جوزي

ربنا يسترررررررررررررررررر

أدعولي أروح علي بيت جوزي بعد الحلقة مااروحش في حتة تانية

الحاجة الإيجابية الوحيدة في اليوم الغريب إياه

2009-04-16T12:38:00.000-07:00

الحاجة الإيجابية الوحيدة يوميها كانت أسماء رمضان صاحبة صفحة المدونخانة في

جريدة العالم اليوم ... كانت الطراوة الوحيدة في اليوم دا

يابخت اللي هايتجوزها بجد مش مُجاملة لأن فيها صفة هايلة في البنت

وهي إمتصاص الغضب

فبالرغم من ان الجو كان مشحون بالغضب

لكن هي كانت محافظة علي إبتسامتها معايا طول الوقت

وكنت مع كل الأحداث دي مبسوطة إني شايفاها قدامي وبنضحك سوي

واعتقد ان دا كان العزاء الوحيد يوميها

ربنا يسعدك يانسمتي الرقيقة

يافراشة جوة قلبي

غير بقي ان اسماء عملت للمدونين صفحة كبيرة عريضة للمدونين علي الجريدة

وهي بنت موهوبة جدا في اختيارتها وفي كتاباتها وخلت جرايد كتيرة

تهتم بكتاباتنا كمدونين

ربنا يباركلنا فيها يارب

أعمل أيه يابشررررر

2009-04-13T20:13:00.000-07:00

ندخل بقي علي البرنامج ومخرج البرنامج اللي كان هايشوطني علي أساس

أن الأخراج عكننة وصوت عالي واضح أنه خريج معهد أتهد وأكتم ياغلس

أنا لاقيته بيزعق قلت أهديه بكلمتين لوجه الله وعشان خاطر الأذن الوسطي بتاع الأنا فقلت كلمة لاقيته بصلي شزراً

وكان ناقص يديني القلم اللي فلت من كف سواق الميكروباز وعينيه جابتني من فوق لتحت بمنتهي الأشمئزاز

رغم أني كنت مستحمية وحاطة آي لاينر

دا احنا كنا في فيلم رعب ياجرعان ...علي رأي عمنا سووووو

المهم مسكت كتابي وحاولت اديه للمُعد والمذيع في ذات الوقت عشان مايطلعش في البرنامج تور الله في برسيمه

ويبقي عنده نبذة هو هايكلم مين لكنه رفض يبص علي العنوان حتي

ماعلينا عدي ياليلة ... الليلة معصلجة ومش عاوزة تعدي

خلصنا الحلقة والتوتر شغال علي ودنه وصوت المخرج العالي بيشخط في المذيع علي السبيكر بتاعه كان هايطرشه

مش مهم هما زملا مع بعض يطرشوا بعض براحتهم خاااالص

بعد البرنامج طلب المذيع نسخته المجانية قلتله لأ دي نسختي أنا وأنت ياعم الأمور

لسة مديني سؤال في الحلقة انتي كسبتي قد ايه من موال الكتاب دا قلتلك ولا نكلة

هي الناس مش بتصدق ليه؟

ياجماحة أنا يوم ماأخدت تلاتين جنيه علي القطعة في مجلتي سيحت وقلت لكل الناس حتي حماتي

الكتاب غير مربح بتاتا وتسجيل الحلقات للبرامج التليفزيونية بيبقي ببلاش دا احنا اللي بنصرف علي التليفزيون يابشر

المهم تنازلت علي مضض وأديته النسخة اللي كانت معايا وكويس أنها بس اللي كانت حيلتي وقتها قووووم أيه

الباشمعد والمذيع جاله تليفون من واحدة عزيزة عزيزة عندها عزة وكرامة وطالبة نسخة من كتابي مجانية برضك شوووووف إزااااااااااااااااااااي ؟ ولاقيت المذيع ماسك التليفون وبيطلب مني بمنتهي اللطف والأدب نسخة مجانية كمان

بصيتله بصة شزراً رداً علي البص اللي اخدته في اليوم العجيب دا كله وقلت ببرود متناهي

خليها تشتريه من المكتبة .... النسخ المجانية بح مافيش خلصت

قفل مع الست وعاتبني البيه إزاااااااااااااااااااي واحدة ذييي تحرجه قدام جارة مامته اللي في مقام خلته لزم

وتقول له خليها تشتريه

الناس فاكرين أن كتابي لما يقع في أيديهم ويقروه يبقوا كدة عملولي خدمة عزيمة عزيمة ياأرض

اللواء ... الواد سوووو النهاردة مأثر في معجمي اللغوي أصل هو بتاع الست عزيمة بتاعة أرض اللوا

واحدة صحبتي صديكتي لما شافتني بعد طول غياب قالتلي فين نسختي المجانية

قلت لها ببجاحة عادي في الزبادي ياجماحة : أنزلي أشتري نسخة من أي مكتبة مالكتاب يُصرف من المكتبة

قالتلي لأ دا أنتي مفروض عليكي توزعي علي الجروب كله مجاني دي شهرة ياعبيطة

دا أحنا هانعملك شهرة وسط المجتمعات الجاهلة كلها

وأنا من مدونتي ومن منبري العالي بأقول هي البت دي جاية مع مين يااخوانا

شيلوا البت دي من وشي بدال مااروح فيها في نصيبة

يعني أنا أستلفت تمن الكتاب من جوزي وقلت ضيقة وتعدي لكن كمان أستلف تمن النسخ اللي هاانزل ألمها من السوق

وأرجع أوزعها ببلاش تاني ليه ياعالم ياكفنة

ياجماعة حد يفهمهم إني بالمنظر دا هاادفع تمن الكتاب مرتين ودا مش أصول لا مؤاخذة

قال دعاية قال وأنا أجيب منين ؟ أعمل قرض من البنك انزل اشتري بيه الكتاب

من السوق بدال مايرطرط ... تصدقوا حكاية النسخ المجانية اللي خلت ناس كتير

تحطني في خانة البخلاء القيحة التلقيحة الغلسين هاتخليني أمتنع بجد عن

طبع طبعات جديدة من الكتاب أو كتابة ونشر كتاب جديد

أنا مش هااعيش كل يوم في الموال دا

أول الغيث قطرة من دبليو سي المجتمع

2009-04-09T10:13:00.000-07:00

في بداية رحلة الوصول لحلقة النيل الثقافية في برنامج .........

بصيت في محفظة نقودي فإذا بي لا أجد بها غير جنيه فضة فكة والباقي صحيح فضربتها في دماغي

الصدئة وقلت اركب ميكروباص وياريت رجليا كانت غرست وأنا رايحة أركب البعيد

كنت هانضرب ياجودعااااان ظلماً وبهتاناً

سواق الميكروباص في منتهي الشهامة والذوق... راجل مافيش كدة لسان طلعله حمار

سوري ياحمار

واحدة ست غلبانة مش عارفة الطريق قالت بكل بساطة وأدب: نزلني السنترال

أول مرة أعرف أن السنترال دي كلمة أبيحة

السواق سمع شتيمته بودنه.. بتقوله سنترال ياعاااااالم ياكفنة

قال بكل ليونة ومياعة كما الدبابة البلهاء : هو أنتي فاكراني خدام عند أهلك

وأخذ يلوح بيده اللي عاوزة قطعها والناس تستحلفه ماعلش عيلة وغلطت خليك أنت الكبير

أطلع ياأوسطي سكتك سالكة

وهو أبداً فقد كان مصمماً علي الإنتقام والست ياعيني تقول له أصلي مش عارفة

السنترال فين وهو أنا لو أعرف كنت سألتك

ومازالت يده تشوح ومصمم علي أنه يتخانق ويطلعها غلطانة وياللهول يداه

أقتربت قليلاً من وجهي

فثرت عليه.. مش أوي يعني بشويييييييش ياجماعة إذا كانوا الرجالة ماأتدخلوش وطلعوا المهراجا السواق صح والست راكبها الغلط ... ناس ذووووق ذوووق صراحة رجالة من ضهر رجالة

المهم محسوبتكم أتعلمت علام مش ولابد اليومين دول اتعلمت اني لما اشوف حاجة غلط أعلق

وأقول رأيي وعشايا عليك ياكرييييييييييييييم

زمان كان ممكن السواق دا يضربني بالقلم وأعيط وأنكتم لكن دلوقتي

قلتله: طيب أفرض أيدك دي دخلت في وشي أعمل أيه أنا دلوقتي

قم رد الملاك البريء الطاهر المظلوم

أنتي مش شايفة بتقول أيه ؟

قلتله الست ماقالتش حاجة غلط الست مش عارفة السنترال فين فعاوزة تأكد عليك عشان ماتنساش

الست ماأجرمتش في حقك.

فأستدار الرجل إلي مقود السيارة وقال بطريقة أقل حدة وكان مستني رد فعلي العنيف عليه

فقد قال : وأنتي أيش دخلك ياآنسة في اللي مالكيش فيه

فعلاً أنا آنسة وعندي عيلين وفعلاً أنا أيش دخلني في اللي ماليش فيه

كانت لازم أيديه تطبع قلم محترم علي وشي وأقول هات كمااااااااااااااان

وطبعاً كان ممكن أتكلم وأديله من المنقي ياجوافة

بس أنا ماليش في شغل الخناقات أنا قلت اللي كان في نفسي وخلااااااااويص علي كدة

وسكت

وهذه كانت البداية

تسجيل الحلقة في اللينك دا للي عاوز يشوف العار

http://www.facebook.com/video/video.php?v=1127415510562&comments

النهاردة شوفوني علي الآي تي شو علي النيل الثقافية

2009-04-08T13:23:00.000-07:00

النهاردة الساعة واحدة يوم الخميس الموافق 9/4 أنا ضيفة لبرنامج آي تي شو علي قناة النيل الثقافية لأتكلم عن المدونات الإلكترونية الساخرة

والمدونات التي تحولت إلي كتب

شوفوني

يارب ماتشوفوا وحش

يشمعني جوزي

2009-04-04T00:44:00.000-07:00

موعود معايا بالعذاب ياجوجل

غيرت اسم المدونة ييجي خمس ست مرات لحد دلوقتي ... وعم جوجل الله يحفظه يمشي ورايا ويغيره ... وانا بأقول لعم الحاج جوجل ماتزعلش نفسك واحمد ربنا دا انت في نعمة ... والله نعمه .... دا انت عمر معرفتي بيك لا يتعدي سنتين تلاتة بكتيره أومال ياعين قلب أمه... المسكين جوزي يعمل أيه معايا بقاله في العذاب دا ييجي تمن سنين.. ومش ناوية اديله افراج واخلعه ... قاعدة علي قلبه تقيلة بقي خفيفة اهو قاعدة والسلام... كان حقنا نعمل له تمثال

بصراحة الراجل مستحمل بلاوي

وانا الصراحة بأعذر الراجل فلما ييجي يشتريلي هدوم عيد والا هدية واطلع عينه معايا وبعد مااشتري الحاجة من هنا اروح البيت واصمم واقعد اعيط بالدموع الساخنة عشان استبدلها وارجعها للمحل الوحش الكوخة اللي بيضحك علي الزباين ويخليهم يشتروا حاجات مش في دماغهم اساساً... اصلي كنت شاربة حاجة اصفرة وانا باشتريها

والراجل بناءاً علي دموعي الحارقة لازم يعصر علي نفسه زتونة وينزل معايا تاني ويعرض نفسه للأحراج بس بصراحة حقه يقول ماعلش اصل المدام عيلة وبترجع في كلامها

وعشان كدة بتدب خناقة سنوية لرب السما يوم عيد ميلادي عشان يهرب من انه يشتريلي هدية

انا مش عارفة لحد دلوقتي التردد دا كان فين وانا باخد قرار مصيري ذي قرار جوازي الذي كان اسرع قرار اتخذته في حياتي واللي مفروض يبقي اصعب قرار الواحدة بتاخده ... وغالبا والله اعلم بقيت حريصة ذيادة عن اللزوم بعد التسرع الرهيب اللي اتجوزت بيه

بيني وبينكم وكلام في سركم الستات كلها كدة

القرارات مش شغلتهم

فعشان كدة لازم تستحملوني هو انتم اقل من جوزي وسيبقي الاسم علي ماهو عليه

حماتي ملاك

سيبقي الحال علي ماهو عليه

2009-04-02T10:51:00.000-07:00

زوروا مجلة علي صوتك

عاملين المرة دي شغل عالي اوي روحوا وبلغوني رأيكم

عدد أبريل من مجلة على صوتك
http://www.3allisotak.net/
معنا فى هذا العدد
الأفتتاحية وعضم الترب مع محمد فرج
وملف العدد عن الكذب والأشائعات
ومعنا فى آراء مستقلة
المأذون الطبى / حريتى فى الحلم / مصر المضربة / شوارع غير صالحة للسير الأدمى / دار الكتب على الأنترنت
ومعنا أيضا فى قسم كلام ستات
قمر 14/ كيف تواجهين كذب طفلك
وخدمة جديدة وباب جديد فى قسم كلام ستات وهو نبضات القلوب وأمكانية أرسال كل مشاكلكم والوصول الى حل لها معنا
ومعنا قسم علمى علمك وخرطوشة تاريخية والرياضة وحلو وفنان والعدالة والقانون وابداعات فنية
ومعنا فى النت والتدوين عدد من تدوينات المدونين وخدمة جديدة فى طرح أعمالكم التدوينية معنا
ومعنا أضحك من قلبك بريشة الفنان ياسر حسين
وأخيرا بريد القراء وأستقبال كل أعمالكم لنشرها
http://www.3allisotak.net/

إضراب الحبيب ذي أكل الزبيب

2009-03-31T00:14:00.000-07:00

جاءني صوته عبر أثير التليفون مختنقاً مكتوماً مهزوزاً، نبراته تحمل صدي معاناته في السجن وقسوته

ساعتها سألته هل عذبوك قال نعم، عذبوني وهذا هو الطبيعي في أمن الدولة

ساعتها فقط قررت أن تشارك مدونتي في الإضراب

سألبس السواد علي الحرية رحمها الله في مثواها الأخير

سأشيعها بملابسي السوداء

وسيتم تلقي العزاء يوم السادس من إبريل

وعلي من يتعاطف معنا لبس ملابس الحداد

أنا ضد التخريب الغير هادف والمظاهرات العشوائية ولكني لست ضد الإضرابات السلمية

حقاً هي وسيلة العاجز ولكنها أفضل من لا شيء

هي وسيلة بديلة للصراخ علي أطلال الديموقراطية

ولكنها مع ذلك وسيلتنا الأولي التي كونها الغليان وأعتقد أنها مقدمات لحركة كبري قادمة لا نعلم أبعادها بعد

لنثبت لصناع القرار بأنهم يحكمون بشراً سيأتي عليهم اليوم لينفجروا ويعلنوا عصيانهم ورفضهم لمظاهر الظلم ... هي وسيلتنا لإعلان وجودنا ورفضنا للأمر الواقع

نحن نشجب نعترض نرفض الإستبداد وسياسة كتم الأنفاس

نحن مازلنا أحياء وسيظل صوتنا مجلجلاً

نحن هنا رغم حقد الحاقدين وقمع القامعين

نحن نتنفس تحت الظلم

أنا..........اللي منخوليا مش هو

2009-03-29T13:12:00.000-07:00

في يوم من ذات الأيام كنت فاتحة الماسنجر بتاعي لاقيت الماسنجر بتاع أخويا منور...قام نقحت عليا عروق الغلاسة ... قلت أغلس عليه وأضايقه، عادي أخوات وبنغلس علي بعض، وبما إني غلسة ولمضة وحشرية دخلت فيه شمال في شمالـ، مش قلنا أخوات وأنا أتحرمت بسبب جوازي بدري من إني أشد شعر أخويا وهو يشد شعري وأمسك زمارة رقبته وهو يمسك زمارة رقبتي، أقطع كتبه وهو يرسم علي كتبي ويشخبط عليها، ياخسارة مالحقتش أتهني وأعيش الجو الأخوي الخنيق دا أتخطفت وأتجوزت بدري، عيني عليا

المهم ماسنجر أخويا منور وكمان صورته منورة، هي آه من بعيد بس هو أخويا عارفاه، حد يغيب عن أخوه أبن بطن مامته حبيبته، متصور وفي حتة عمري ماشفتها قبل كدة، بس البعاد وحش وهو أنا يعني أعرف كل الأماكن اللي أخويا أتصور فيها

أنا : انت قاعد بتعمل ايه ياابني

BUZZ!!!

أنا : أنت مش وراك كلية بكرة أيه اللي مصحيك لغاية دلوقيت؟
محمد : مين معايا؟
أنا : انا اختك
محمد : ايوه اختى مين؟
أنا : يادي النيلة.... عد غناماتك ياعم جحا... تلاتة في البيت نايمين جوة وواحدة في بيت جوزها

محمد : مش فاهم حاجة
أنا : انت بتنجان ياأخي

أكتشفت مؤخراً إني أنا اللي بتنجانة بس حاطة منيكير
أنا : انا سحر
اوعي تقول سحر مين.... أحسن بالكي بورد وهاافتح نفوخك

كويس أنه هو اللي مافتحش نافوخي وكان هايبقي معاه حق والقانون في صفه ميه في الميه
محمد : معلش عشان بس فى زهايمر
أنا : ههههههههههههههه
الزهايمر ينسيك اختك
يافرحة امك بيك
محمد : سحر مين؟
أنا : سحر مين؟وكمان بتسأل ياخاين العيش والملوخية؟

طب خد ... طب خد .... طب خد
محمد : بجد مش مركز
يابنتى فكرينى

كنت هااجننه... وماله

أنا : ابقي اسال ماما (......) اللي نايمة جوة وهي تفكرك
محمد : ماما مين؟
محمد : ولا اعرف حد بالإسم ده
حضرتك بتكلمى مين بالظبط

مافيش فايدة يابني انت لو بتكلم حيطة كان زمانها فهمت أن صلتك بيها كالصلة بين الحيطة وقرع العسل
أنا : انت هاتشتغلني
صورتك قدامي يامحمد سمير
محمد : انا اصلا مسميش محمد سمير
أنا : كلمة السر حمودة

هنا بانت الرؤية مادام ماعرفش كلمة السر والسيم اللي بينا يبقي في الحكاية إنا وكأن ولكن ولعل

أنا : لا بجد انت مين

خلاص بدأت أتقهقر وأرجع بالذاكرة لوري، حاسب ياعم الكلاكس خرمان
محمد : حضرتك الى مين
انا معرفش حد اسمه سحر
أنا : انا اسفة
افتكرت ايميلك ايميل اخويا
انت شبهه جدا جدا
محمد : حضرتك عندك مدونة على النت؟
أنا : اه
حماتي ملاك
محمد : يانهار ابيض
دى بقى يتقال عليها ايه
فرصة سعيدة

وقد كاااااااااااااااان
الحمد لله اني فهمت أخيراً لان واحدة يشبه تركيب مخها تركيب مخ الحمار الحصاوي المريض بالتخلف العقلي الذي يجعله أحمر من بقية الحمير اللي خلقها ربنا ... كان حتما ولابد تتمسك برأيها أكتر بس ماحصلش
فرصة أسعد يامحمد وربنا يخليك يامحمد كان زماني بأعاني من حالة إزبهلال وتوهان بسبب الموقف المحرج دا.... بجد البني آدم دا معجزة إلهية يستطيع أن يمتص حرج أي إنسان، موقف ذي دا كان ممكن يرقدني أسبوع عيانة وعندي حالة توهان وأرق يصاحبه إحمرار شديد بسبب الحرج الشديد

أصل محسوبتكم آه حمارة بس عندها مشاعر وأحاسيس وشوية دم صغننين وفيلينج من اللي بيبقي مدفون جوة ومابيطلعش غير في الشديد الأوي

غلبتني معاها

2009-03-23T14:16:00.000-07:00

تحديث مهم جداً
--------------
كل سنة وانت طيب ياعم محمد وعقبال ميت سنة وحكاية محمد غاليا حكاية هاابقي احكيها البوست اللي جاي او حتي هاابقي انزل لكم اول حوار حصل بيني وبينه لأنها صدفة جميلة
اللي يحب يعيد علي محمد ويقول له كل سنةوانت طيب يدخل اللينك دا
mohamed ghalia

الست دي هاتجنني
------------------------------------------------------------------------------------------

من كام يوم كدة شافتني واحدة جارتي ست زووووق زووووق صراحة بتحبني مووووووووت

وكل ماتشوفني لازم تحسسني إنها قلبها عليا ونفسها ياعيني تخدمني في أيتها حاجة بس أنا أأمر،

اول ماشافتني قالت: مالك ياختي أنتي خسيتي كدة ليه؟

باين علي جوزك منكد عليكي وسادد نفسك، ماعلش ياختي هما الرجالة كدة مالهومش فايدة في الدنيا غير انهم ينكدوا علينا

وبصرف النظر عن اللي حصل لكتابي فلذة عقلي بيديها حيث لاقيتها اخدته تتفرج عليه وطلبت تقراه وترجعه تاني وهي في قعدتها حطته جوة بقها وقعدت تسلك بيه سنانها بصيت ليها والقرف يكاد يبتلعني بصي سيبي الكتاب لما تتعلمي القراية ابقي استلفيه تاخديه لفة وترجعيه

انا أول مرة أعرف أن الكتب ممكن نستنفع من وراها ونسلك بيها أسنانا أنا طول عمري أعرف أن الكتب مكانها الوحيد قدام عينينا او نضارتنا ماتفرقش لكن جوة البق اهو دا اكتشاف لوزعي جديد الست دي تستحق براءة إختراع لمجهودها الخارق في خدمة العلم والمثقفين

ورغم ان كتابي صعب عليا بس اللي أثر فيا عطفها وحنانها علي شخصي الضعيف

ورغبتها الحارة في زعزعة ثقتي في نفسي، الزعزعة اسم مستخرج من زعازيع القصب

ويدل علي مدي ضعف وسوء طعم عود الزعازيع المذكور

مش مهم بقي انها من كام شهر شافتني وقالت كلام يضرب الكلام دا علي نافوخه يموته فقد قالت ونظرة الاشمئزاز تعلو وجهها وكأنها قد رأت الست قشطة بلحمها وشحمها :

ايه ياختي دا؟ انتي سايبة نفسك تتخني كدة ليه لازم تخسي احسن جوزك يبص برة، الرجالة دي عينيها زايغة ولما تصدق ان الست بتاعتهم تقصر في اهتمامها بنفسها يقوموا يطلعوا يبصبصوا برة

والبصبصة اسم مشتق من بص يبص يبصبص يعني عينيه تزوغ والامؤاخذة

طيب انا هااتجنن يعني اعمل ايه لما تخنت شافتني طفسة والفيل صديقي المقرب ولما رفعت قالت عليا بقيت شبه العرسة تاكل وتنسي ... احسن حاجة اني اخليها تتفرس واقول لها

انتي مالك جوزي راضي وانا راضي وإيش دخلك انت ياقاضي

مش كدة والا ايه؟

آأأأأأأأأأأأأأأأأأأأأأأأأأ ه يانا

2009-03-22T14:14:00.000-07:00

امبارح اكتشفت ان الماسنجر بتاعي بياكل ويتغذي ويقتات علي الرسايل الأوف لاين

قلت اصلحه، وجبت عدة الشغل والشاكوش بالمرة عشان لو عصلج معايا اضربه بيه واخلص من قرفه، والنوم جفاني وفضلت سهرانة مخصوص عشان اشوف له صرفة واصلحه

برضه مافيش فايدة ، انا آه بأقعد ألف علي المساعدة جوة الكمبيوتر واكتر من مرة حليت مشاكلي بنفسي

لكن واضح اني المرة دي جيت أكحلها عميتها وجات الطوبة في الإيميل بتاعي إللي قفل بالضبة والمفتاح

وأدخل إيميلاتي ورسايلي الحجز وحكم عليهم بالمؤبد

ومش عارفة أتصرف إزاي، فحاولت أخد المساعدة من الستات والبنانيت اللي عندي علي الماسنجر بصراحة هما جدعين جدا

بس للأسف إمكانياتهم الهندسية الكمبيوترية مش مساعداهم، حاولت مع الجنس لآخر بس ماحدش معبرني والندالة حكمت

وانا اتعودت إني لما اتزنق في حاجة اطلبها منكم

نصيبكم كدة معايا هانعمل ايه؟

عشان كدة عاوزين حد مهندس كمبيوتر ولو حتي من منازلهم يتبرع ويقوللي هو الإيميل بتاعي جراله أيه قبل مااحاول اصلحه وأكمل العك وأجيب ضرف الكمبيوتر كله في وشي وانتم عارفين ان الكمبيوتر أصبح كالماء والهواء

وماحدش يقوللي بخريه لأني عندي حساسية من ريحة البخور

ولا إديله حقنة لأنه بيخاف من الحقن

انا هنا مستنياكم

جبت لها قلق

2009-03-20T19:15:00.000-07:00

لما يسألني حد جبتي لمامتك ايه في عيد الأم أرد بدون تردد جبت لها قلق مزمن
والقلق دا بيكون ذي الهدية الأكيدة المؤكدة التي تهادي بها الفتيات والداتهم عارفين ليه
عشان يامخلفة البنات ياشايلة الهم للمات
بصراحة الله يكون في عون أي أم عندها بنت مش عشان البنات وحشة لا سمح الله، لأ عشان البنت معجونة بمية قلق وخوف، فعندك خوف الأم علي بنتها وهي لسة صغيرة أحسن حد يضحك عليها وياخدها في حتة ضلمة وتلاقيها تعصر علي نفسها لمونة عشان تصاحب بنتها الرغاية لأجل تعرف المستخبي كله ولا تفاجأ بأمور لا يعلم مداها إلا الله، وبعد لما البنت تتأهل وتتجوز تلاقي أم العروسة فاضية ومشغولة عقلها مش معاها مع بنتها اللي هاتفارقها وتسيب اوضتها وحضن مامتها ثم نأتي للقلق الأكبر والذي يميز أم البنات عن أم الصبيان وهو حمل وولادة فلذة كبدها، تلاقي الأم المسكينة ياحبة عيني بتحس بآلام بنتها وكأنها بعد ماشابت رجعوها تحمل وتعاني من ألام الطلق ووجعها فأم البنت تكون أم مركبة أم لآخر نفس ولا لما يوم مابنتها ترجع لبيت مامتها متخانقة مع المحروس جوزها تلاقي الأم ياعيني اللي كانت مش عايزة تفارق بنتها خايفة عليها لترجع وتهد بيتها بأيديها وتقعد تحايلها وتحايله عشان ترجع المية لمجاريها.
عشان كدة كل سنة وأنتي طيبة ياأمي ياأم الأربع بنات

ومع أني ماعنديش بنات ومستنية لما ولادي يكبروا ويهادوني بهدية مختلفة عن هديتهم السنوية وهي الصداع النصفي، وعارفة قد أيه الأمهات بتتعب وتقاسي سواء أم البنت أو الولد في ولادة وتربية أولادها فبقول لكل أمهاتنا كل سنة وأنتن طيبات

سحر غريب

عندما تكتئب سوسو

2009-03-18T12:31:00.000-07:00

عندما تكتئب سوسو

عندي إكتئاااااااااااااااب

صحيت الصبح النهاردة لاقيت حالتي مش ولابد أعمل أيه ؟

أنام تاااااااااااني مادام الإستيقاظ يوقظ معه المواجع والآلام المبهمة

نمت النهاردة أكتر من 14 ساعة كاملة وبرضه مكتئبة ... واضح من خلال تجربتي العلمية المخبريه أن النوم يُزيد الإكتئاب ولا يقضي عليه

لبست نظارتي البنية التي تجعل الدنيا قاتمة أمام عيناي وجدتها فاتحة بالنسبة لما يجول بخاطري من أفكار سوداء شديدة القتامة

ماذا حدث؟ ماهذه الحالة الغريبة ؟ أهي حالة طارئة وستزول أم أن الإكتئاب سيظل مآنسني كثيراً ؟

طول عمري أكره الزعل وأعمل علي تحويل كل لحظة حزينة إلي ضحكة حتي لو كانت غارقة في الدموع

أفقدت موهبتي تلك في ظروف غامضة ؟

أسرقت مني الفرحة في عز الفرحة ؟

ماذا حدث لماذا يطبق أخطبوط الحزن علي صدري وينفث سمومه الموحشة التي لا تنتهي.

أحياناً أتمني الإختفاء وهدم مابنيته والبدء من جديد بداية ناصعة البياض ليس فيها ألم أو ذكريات، أتمني أن أستيقظ يوماً وقد فقدت كل ماعلق بالذاكرة، وأتمني أكثر أن يكون لي في ذاكرتي الجديدة حق الاختيار فأنا حالياً لست مُخيرة بل مُسيرة ومُجبرة علي المضي بلا عودة ولا أمل في تصحيح الأخطاء.

ماهذا الذي يحدث تمر الدقائق والساعات والحالة تتفاقم وتتزايد وتخلف ورائها جروح غائرة لا تندمل ولا تطيب، أشعر بالوحدة الموحشة المطبقة فقد وضعت حدوداً لما يجب أن يُقال، وأنا بعد لم أعتاد علي الكتمان فأنا مخلوقة تحيا علي الفضفضة وإخراج مخلفات الأحزان.

هل سينقشع الظلام وتسترد الضحكات مكانها في قلبي ويُعيد الكون لي ماسلبته الأيام؟

حزينة أنا رغماً عني

إهداء خاص إلي كل المدونين

2009-03-16T08:26:00.000-07:00

إلي كل اهل المدينة الفاضلة التي خلقناها في عالمنا الإفتراضي... إلي كل من وضع كلمة او أضاف تعليقاً يبني ولا يهدم

إلي الجميع

حلقة برنامج الأجندة الثقافية علي قناة النيل الثقافية والتي سجلها مشكوراً الأخ المبدع العزيز محمد التهامي صاحب الكتاب الجميل بني آدم مع وقف التنفيذ ورواية هيروبولس

مع شكر للأخت العزيزة رحاب السيد لنشرها موضوع عن الكتاب بجريدة الدستور اليومي يوم السبت الموافق 14/3

تحياتي

حبيبة والحب

2009-03-11T19:21:00.000-07:00

أخيراً لفظت لحظات الصمت أنفاسها داخل قلب حبيبة، تكلمت حبيبة وقالت وباحت بما تخفيه
ظلمتها الدنيا وساعدت هي الدنيا لكي تجهز علي شعورها بالمساندة ممن حولها
طمست حبيبة معالمها وعاشت بيننا كسراب لا تريد لأحد أن يعرف عنها شيئاً ولا أن يتصل بها عندما تغيب
وافقت علي الوجود بيننا ولكن بشروطها القاسية وهي الكتمان والوحدة رغم أن قلوبنا تتمني منها الثقة فينا وفي حبنا اللامحدود لها
باحت حبيبة بما تخفيه وياللهول لقد أخطئت هي في حق نفسها أولاً
أخطئت حين أحبت من لا يكافئها اجتماعيا ودراسياً والأهم خلقياً
أخطئت حين تركت مصيرها بين طيات ورقة في صورة وصل أمانة قد تسجن من أجل ماتحتويه من أرقام خادعة.
وعندما حانت لحظة المواجهة هربت حبيبة بطفلها لكي تنجو من قضبان السجن وهذا حقها فهي قد تم خداعها بأسم الحب... لعنة الله عليه، هذا الإحساس الغامر الذي يصيبنا بشلل حاد في خلايا التفكير.
حبيبة لقد علمتنا الدنيا أن نتعلم من أخطاء الآخرين
لماذا تضنين علينا بما أعطاك الله من ابتلاءات التجربة
لماذا تتركين غيرك يقاسي كما قاسيت لأنك في يوم من الأيام لم تخرجي شكواك خارج أضلعك، ولم تشاركينا فيها
حسناً فعلتِ حبيبتي حينما قررت الاعتراف لنا بمكنون صدرك
فلو سألتني ماذا ستفعلين لو كنت مكاني وخفق قلبك لشخصاً وفرض والدك عليه مالا طاقة له به... لما خرج الحل عن أن أكتب له ورقة توازي الورقة التي اكتتبها والدي عليه وتلغي ما جاء فيها.. تماماً كما فعلتِ.
أنتِ لم تصنعي بدعة في قانون الحب... ففي عالم الحب العقل يتلاشي ويأخذ أجازة طويلة حتى يستيقظ من سباته العميق علي كارثة أدخله فيها القلب بكل رعونته وطيشه.
ولست وحدي من ستفعل فعلتك التي تعاقبين نفسك عليها الآن فقد سألت غيري من الفتيات عما سيفعلنه، ولم يخرج رد فعلهن عما حدث بالفعل معك.
هل رأيتِ كيف تفكر النساء؟
نحن في نفس المركب الغارقة تتهادي بنا الأمواج وتتخطفنا الأعاصير والجاني هو الحب

إذا أردت أن تعرف حكاية حبيبة الغالية فما عليك إلا زيارة مدونة روح قلب ماما لصاحبتها فاتيما

كل سنة وانتم معايا طيبين

2009-03-07T06:18:00.000-08:00

يقول الرجل الخمسيني الذي يبكيني كثيراً ويسعدني قليلاً ان الاحتفال بعيد الميلاد يجب أن يكون بلبس ملابس الحداد علي سنة ولت وأنتهت ورغم زعمه هذا أجده يحتفل بعيد ميلاده ...حقاً يكون الاحتفال علي الضيق ولكن من قال أن إحتفالي بعيد ميلادي يكون علي الواسع العريض

مالمانع في أن أطفيء شمعتي وعلي وجهي إبتسامة ... فانا لا أبكي علي عام خاصمني وآذن بالرحيل ولكني أستقبل عامي الجديد بوجه مبتسم سعيد جايز يحن عليا ويكون عاماً من الانجازات والنجاحات

سأحتفل بسنة جديدة رغم انف المتشائمين فأنا سعيدة

ولم لا أسعد وأنا أعيش وسط أجواء من الصداقات الجديدة التي تهون علينا الطريق

فاتيما التي جلست بجواري في لحظاتي الحرجة لتعيد لي ثقتي في نفسي وتميل علي قلبي لتحادثه وتخرجه من لحظات إكتئابه التي كادت تفتك به

محمد غاليا الذي أصبح أخي و لم تلده أمي وجعل من الدنيا مكاناً أفضل لكي نعيش فيه وأعاد لي ثقتي بأن مصر مازالت تلد شباباً تفخر بأنهم من بلدك... ومعرفتي بأخي العزيز محمد هي خير دليل علي أن الصدفة قد تكون خير الف مرة من الف ميعاد

رئيسة حزب الأحلام التي أثبتت لي بأن بيتنا كان أرض خصبة لخلق مجموعة بنات مرهفات الإحساس قد لا يستيطيعون التعبير عن ذواتهن باللسان ولكن القلم أصدق تعبيراً من كل ألسنة العالم

لم لا أحتفل وفي حياتي هؤلاء وغيرهم وغيرهم الكثيرون

لم لا أحتفل وأنا مدونة أملأ الدنيا الصماء ضجيجاً

سأحتفل معكم

كل سنة وانا طيبة وانتم معايا طيبين ومالين عليا الدنيا

كلكم مدعويين لحضور حفل توقيع الكتاب بنقابة الصحافيين

2009-03-02T11:39:00.000-08:00

ينظم جروب كتاب جديد بالأسواق حفل توقيع جماعي للكاتب محمد فتحي صاحب كتب ليك شوق في حكاية ومصر من البلكونة ووبيض

بالبسطرمة ونامت عليك حيطة

والكاتب تامر أحمد صاحب كتاب ضربة حب وحدث في انتيكا وكتاب اخبط راسك

وسحر غريب صاحبة كتاب حماتي ملاك

وغيرهم

وذلك بمبني نقابة الصحفيين بشارع عبد الخالق ثروت وذلك من الساعة السادسة مساءاً يوم الخميس الموافق 5/3

ماتنسوش حلقة حواء وآدم في الفترة المفتوحة بإذاعة القاهرة الكبري من الساعة الثانية عشر ونصف بعد منتصف الليل يوم الثلاثاء الموافق 3/3

انا في اذاعة القاهرة الكبري

2009-03-01T13:09:00.000-08:00

يوم الثلاثاء الموافق 3/3 علي الراديو في اذاعة القاهرة الكبري في البرنامج المفتوح حواء وآدم من الساعة الثانية عشر مساءاً وحتي الساعة الثانية صباحاً .. ابقوا اسمعوا البرنامج ان شاء الله

والسهرة صباحي

غدا أنا وحماتي وحسام في التليفزيون

2009-02-28T12:41:00.000-08:00

انتظروني بكرة الاحد الموافق 1 مارس إن شاء الله علي قناة النيل الثقافية من الساعة واحدة إلي الساعة اتنين ظهراً

في برنامج مشترك مع المدون صاحب مدونة فضفضات والصحفي والكاتب الكبير حسام مصطفي إبراهيم صاحب كتاب من غلبي ولولا وجود الحب ويوميات مدرس في الأرياف

وذلك في برنامج الأجندة الثقافية وقد أورد الأخ حسام مصطفي بخفة دمه اللامحدودة بعض الإحتياطات الواجب التأكد منها حتي تتمتعون بمشاهدة آمنة

نصائح لتحقيق درجة أمان عالية في أثناء المشاهدة: (وقد أعذر من أنذر)
يجب أن تكون المسافة بين التليفزيون والمشاهد مما لا يقل عن 10 أمتار، وكلما زادت كان افضل!
يفضل أن يكون المشاهد قد صلى الظهر وليس عليه ديون لأحد!
يا حبذا لو كان المشاهد قد حج بيت الله، ونال عفوه ورضوانه، تحسبًا لأي ظروف طارئة!
لا يجب أن يشاهد البرنامج مشاهدٌ واحدٌ بمفرده، هذه مخاطرة لا داعي لها، ولكن يوصى بالكثرة للتكاتف حال حدوث أي أزمة!
الأسر التي تضم بين صفوفها طبيبا أثناء المشاهدة، من المتوقع أن تحقق نتائج مشاهدة أكثر أمنًا.
لابد من وجود موبايل واحد على الأقل مشحون البطارية، داخل نطاق التغطية، وبداخله رصيد يكفي اتصالا بالجهات الأمنية وأجهزة الدفاع المدني!
غير مسموح بشدة التحديق في السيد الضيف لفترة طويلة، ويفضل لمن ينوي ذلك أن يرتدي نظارة شمسية من النوع المعتبر التي تمنع نفاذ جميع أنواع الأشعة لعين مرتديها!
يمنع وجود الأطفال والقُصّر وطلاب العلم الذين يوشكون على الامتحان وكبار السن والمرضى وذوي الاحتياجات الخاصة والآملون في الزواج ذات يوم والحوامل وضعاف القلب وأصحاب الضغط المرتفع وباقي عموم شعب مصر!
هذا، وتتمنى لكم إدارة الأمن والمتانة بمرور العاصمة، مشاهدة ممتعة!

ويجعله عامر

وانا من موقعي هذا اتمني ان يحن علينا حد من المدونين ويسجل الحلقة

وهنيالك يافاعل الخير والثواب

ده اول ايفنت اما تاني ايفنت ولان صاحباته كلهم غاليين عندي جدا والكتاب بتاعهم يجنن فهاعمل الاعلان ده عن حفل توقيع كتاب انا انثي اللي بالمناسبة هايل جدا ورائع لاني ماقدرتش استني حفل التوقيع فاشتريته بالفعل وبجد بجد تحفة بالموضوعات اللي فيه

والدعوة لحضور حفل توقيع العدد الثالث من سلسلة مدونات مصرية للجيب

كتاب "أنا انثى " ..لمجموعة من المدونات النساءأول كتاب يناقش اهتمامات المرأة بقلم مجموعة من النساء ويطرح القضايا للنقاش ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق ومن المشاركات في كتاب ..أنا أنثى

فاتيما

نوارة نجم

اسر ياسر

ايناس لطفى

نرمين البحطيطى

شمس الدين

د . رشا عبد الرازق

بيلا شريف

مكسوفة

بسمة عبد الباسط

مريم الغنيمى

إيمان نادى

زهراء امير

آية الفقى

مروة السيد

أميرة محمد محمد محمد

مذكرات عانس

نرمين البحطيطى

سلمى أنور

انجى سمراء النيل

سارة ابراهيم على

سمر مجدى

مروة النجار

شيماء حسن

نسرين عبد النعيم

د.مرام محمود

ايناس لطفى

نجلاء الشربينى

محاسن

يصاحب الحفل عرض فيلم قصير و

المكان المركز الثقافى الدولى17 ش السد العالى ميدان فينى الدقىالشارع المقابل لشيراتون الجزيرةاقرب محطة مترو انفاق محطة الاوبراالزمان يوم 3 مارس الساعه 4.30 عصرا
22 فبراير, 2009 02:31 ص

سياسة الضرب علي القفا

2009-02-18T04:21:00.000-08:00

سياسة الضرب علي القفا

قفانا يامصريين ورم وتعب وجاب دم من كتر الضاربين عليه ومع ذلك مازلنا نتلقي الصفعات القاسية بلا هوادة واللي مكتوب علي الجبين لازم يشوفه القفا ويابخت من بات مضروب علي قفاه ولا باتش ضارب فالمصريين معروف عنهم استكانتهم التي فاقت الحد فلا هناك منادي بحق يحصل علي حقه ولا هناك مقاوح بيحصل علي مراده ...واضرب راسك في أجمدها حيط وتأكد مليون في المية أن حقك مهضوم مهضوم وفوقيه كوباية سفن آب وأبسط مثال علي كلامي هو ماحدث في نكسة كل النكسات نكسة الغاز ... المصريين رفضوا وأعترضوا أن خير أرضهم اللي ملكهم يتصدر لألد أعدائنا اللي هايفضلوا طوووول عمرنا وعمرهم أعداء رغماً عن محاولات التطبيع الضارية التي تأخذ مجراها الآن علي المستوي الحكومي ... وبالفعل حصل المصريين علي حكم قضائي بوقف تصدير الغاز بناءاً علي رغبة شعبية وقضائية مؤيدة لهذا المنع ... ولكن الحكومة في عز تلك المعمعة طمئنت الأخوة اليهود ـ وتم ذكر هذه التهدئة في جرائدهم ـ بأنه لا مساس بتصدير هذا الغاز لإسرائيل والحكومة كلمتها عمرها ماهاتنزل الأرض أبداً ..وطظ في الشعب وإرادة الشعب .. شعب أيه اللي أنت جاي تقول عليه ... وتم المراد وتم نقض الحكم وإلغائه ولا حياة للإرادة الشعبية والرغبة الشعبية

ليه وصلنا لكدة ... ليه اتحولت كلمتنا لكلام في الهوا
عشان لما بياع يديك بضاعة البوبي لامؤاخذة يرفض يشتريها وتسكت وتقول سُهي عليه .... ولما بياع الملابس يبيعلك هدوم بواقي هدوم لا يمكن أن تُلبس وأنت ولا تفتح بقك المسمسم ولا تشتكي ... ولما تتسرق عيني عينك وتفضل راضي بأكلة سد الحنك الشعبية اللي مخلياك مش عارف لا تصد ولا ترد... و لما تدفع رشوة بدون وجه حق لواحد مرتشي عشان تاخد حقك اللي كدة كدة لازم تاخده بالعرف والقانون هاتاخده لكن نعمل ايه استسهلت وقلت تهين قرشك ولا تهينش نفسك رغم ان اهانة قرشك معناه اهانتك واهانة اي حد يحاول ياخد حقه بعدك.. احنا بلا فخر اللي بنربي الحرامية علي أيدينا ونديهم حقوق مش من حقهم .. بعد كدة مانقدرش نتكلم ونقول احنا ليه بقينا كدة

لأن سيادتك واحد من الجناة اللي جنوا علي كلمتنا وخرسوا صوتنا

شكراً لأحلي ناس

2009-02-14T12:10:00.000-08:00

شكر خاص لبرنامج أنت تسأل والكمبيوتر يجيب الذي تكلم عن الكتاب في احد حلقاته مع المدونات التي تحولت إلي كتب

شكر مكرر للأخت العزيزة أسماء لنشرها تغطية شاملة لحفل توقيع الكتاب في جريدة العالم اليوم في صفحتها المتميزة المدونخانة

شكر متأخر للأخ محمد دماغي اللي نشر تغطية لكتب المدونات واللي نزلت في جريدة الشروق

شكراً جزيلاً للأستاذ محمد مفيد مدير موقع دار الكتب الإلكتروني لإبداء رغبته في الإعلان عن الكتاب في الموقع الف شكر ياأستاذي الفاضل

شكراً لنضال محرر بموقع عشرينيات علي عمل موضوع عن الكتاب وآسفة جدا لأني أتأخرت في الإجابة علي أسألتك لظروف كمبيوترية طارئة

شكراً مقدماً للأخت الغالية رحاب السيد واللي عملت موضوع عن الكتاب في جريدة الدستور ومستنية دوره في النشر ... رحاب بصي أنا بحبك مووووت سواء نزل الموضوع أو مانزلش

شكر لندي إمام معدة برامج في قناة الوصل الفضائية لأهتمامها بموضوعات كتابي والبحث عني شخصي المتواضع لكي تعمل معي حواراً للقناة

شكراً لفاتيما مع بوسة كبيرة أوي

وشكراً من هنا للسنة الجاية لكل المدونين

خليها تصدي وموديلها يعدي

2009-02-14T11:19:00.000-08:00

الناس اللي هااحكيلكم عنهم هما ناس شالوا ايديهم من علي خدهم وحاولوا يتصرفوا بإيجابية .. طبعا احنا يادوب هانتفرج عليهم بس بكرة نعمل ذيهم في حاجات بنستخدمها واسعارها علي قدنا

الناس دي وقفوا قدام الإستغلال وقالوا له أستوووووووووووب لحد كدة

حل عن سمانا وسيبنا نتنفس

الحكاية أيه ؟

كلنا عارفين ان سعار الأسعار جعل من حياتنا كمواطنين حياة صعبة وكل مانسأل ليه الأسعار بتزيد كدة نلاقي رد واحد مافيش غيره أصل الأسعار العالمية أرتفعت وأحنا لازم أسعارنا المحلية ترتفع هي كمان احنا مش في جزيرة مهجورة لوحدنا .. فيه خامات بنستوردها من بلاد برة

ورغم أن المخزون من السلع بيبقي بالأسعار القديمة المنخفضة لكن التجار أول مابيعرفوا أن فيه أسعار بترتفع بيقولوا بركة ياجامعر ويقوموا يرفعوا الأسعار بسرعة رهيبة وأحنا ذي الهبل بنجري نشتري

و لما الأسعار أنخفضت علي مستوي العالم وقف التجار وقالوا لا مساس بالأسعار المحلية... أسعارنا ثابتة بغراء وإستحالة تنزل قيد أنملة

ياسلاااااااااااااااااااااااااام

يشمعني هما المصريين مالهومش نفس يتمتعوا بإنخفاض الأسعار دا ذي بقيت شعوب العالم ولا المصريين في الفرح منسيين وفي الحزن مدعيين

وعشان كدا ظهر جروب علي الفيس بوك ياريت كلنا ندعمه وننشره ونحاول نروج له وياريت ننفذ بنوده وهي عدم شراء أي سيارة حديثة حتي نتساوي مع شعوب العالم المتقدم والنامي في إنخفاض الأسعار و حتي تتساوي الاسعار اللي في الفضاء مع اسعار السيارات في اي دولة عربية اخري ممكن حتي تبقي اغني مننا خليك إيجابي وشارك في الجروب او حتي ماتشتريش عربية ... أنا عن نفسي ممتنعة عن شراء عربية من قبل الجروب دا ماينزل الأسواق مُجبر أخاك لا بطل ... وعندي أمل ان الجروب دا ينزل تمن العربيات وزساعتها يبقي في مقدور اي مواطن عادي يشتري عربية صغيرة تحميه من سؤال اللئيم ....والجروب دا أسمه خليها تصدي وموديلها يعدي ولينكه

http://www.facebook.com/group.php?gid=113387005313

صورة من الحفل

2009-02-14T10:08:00.000-08:00

اسفة الصورة متأخرة لكن المثل بيقول ان تأتي متأخراً أفضل من الا تأتي أبدً

انا مش هانشر كل الصور عشان الناس اللي مش عاوزة تنشر صورها ماتزعلش

طبعا حفل التوقيع كان حفل جماعي فكان معي كتاب كبار مخضرمين وهما نانسي حبيب وكتابها بأحب السيما والاستاذ العبقري حسام مصطفي ابراهيم وكتابه من غلبي والكاتب الكبير محمد هشام عبية وكتابه الحالة ميم

بحبكم

2009-01-30T11:26:00.000-08:00

الف الف شكر لكل اللي شرفني بالحضور وكل من لم تسمح له الظروف انه ييجي الحفلة

بجد بجد ومن غير مبالغة رفعتم راسي واسعدتموني لسنة قدام

وكان فيه ناس فاجأتني بوجودها ... ربنا مايحرمنيش منكم

الحمد لله احب اطمنكم علي حركة الكتاب... كتابكم كلكم ... كتاب كل حد دخل عندي وشجعني وكل اللي طالب بان المدونة تتحول لكتاب ... شكرا الف شكر

________________________________________

كل الأمهات تحمل في تسعة أشهر ولكن حملي انا استمر سنة كاملة ... نعم حملي فكري داخل عقلي فقد بقي جنيني يتغذي بحنايا قلبي وكان حبله السُري يوصل بين أفكاري واصابع يدي ... كبر جنيني واكتمل نموه فوق وريقاتي .. كانت الولادة قيصرية متعثرة اضطررنا فيها بالتضحية بالوقت والصبر والأعصاب ... ثم وضعت الكتابة داخل الحضانة والتي كانت مدونتي الالكترونية الي تابعها الآلاف فترعرع صغيري ونما وبات طفلاً يحبو ويتكلم ويطالب بأن تجمع أجزاءه في كتاب ينتظر الأيادي لكي تحمله من فوق الأرفف وتشتريه.

كتابي الصغير يافلذة عقلي هل ستنمو؟ هل سيكون لك أخوة غيرك أم أنت طفل وحيد؟

حبيبي أراك واقفاً علي الأرفف فأخاف من وحشتها عليك ... سامحني حبيبي فلو كان الأمر بيدي لوقفت بجوارك حتي تترك رفك المخيف بلا رجعة... كتابي العزيز لا أملك إلا دعوة الأم لك بأن يجعل الله في وجهك القبول ويحبب فيك خلقه من الغلاف الي الغلاف ... ستبقي انت اعز الأبناء حيث أنك أنت الأبن الأول الذي يتجاهل كل الأعراف ويأخذ لقب أمه التي حملته وهناً علي وهن ... أمه التي سهرت الليالي من أجل عينيه ... كن بسمة أو كن رواية ولكنك دوماً ستكون أبني الغالي الحبيب وسيبقي اسمك منيراً في شهادة ميلادك كتاب حماتي ملااااك باسم أمك سحر غريب

حفل توفيع الكتاب

2009-01-23T08:37:00.000-08:00

ان شاء الله حفل توقيع كتاب حماتي ملاك بقلم سحر غريب يوم الجمعة القادم الموافق 30/1/2009

المكان دار نشر كيان بسراي كندا في معرض الكتاب الساعة 3.30

قاعة كندا موجودة بجوار قاعة ايطاليا الدخول من بواية المعرض الرئيسية

ياريت بجد بجد اشوفكم كلكم هناك جنبي

مستنياكم

يوم ميلاد سعيد

انضموا لجروب الكتاب علي الفيس بوووك

http://www.facebook.com/groups.php?ref=sb#/group.php?gid=43106967485

3 /1/2009

يوم ميلاد ابني الورقي

كتابي الذي يحمل غلافه ووريقاته ساعات من عمري وايام من سنيني

مدونتي التي كانت ملجأي وملاذي تحولت الي كتاب يتم تداوله وقراءته

هل ستكلل التجربة بالنجاح ام ستكون البداية والنهاية في نفس الوقت

حضر معي ساعة الميلاد مجموعة من اصدقائي المدونون

احمد الصباغ بحضوره الطاغي

دماغي بفلسفته ودماغه العالية

نيجرو الشخصية الكاريزمية الجميلة التي تري فيه صديقا قديما برغم انك قد تكون تراه لاول مرة

عسقلاني شخصية دمها خفيف جدا

نضال الصحفي الشاب الذي يهتم بالاحداث الجارية

سارة الصورصارة اللي اكلتنا كوكيز بالقرفة والزنجبيل عمايل ايديها

شيماء وسمر من الزقازيق صاحبة مدونة كرانيش

وكانت معانا الكاتبة الصحفية الجميلة اسماء من جريدة العالم اليوم والمهتمة بكل مايخص المدونين

النهاردة ماكانش فيه حفل توقيع كتاب بس الجمعة الجاية هايبقي فيه حفل توقيع

مش عايزة ابقي لوحدي فردانية

تعالوا املوا القاعة عليا

ياإما مني زكي يابلااااااااااش

2009-01-09T15:28:00.000-08:00

ياإما مني زكي يابلااااااااااش
-------------------------------
حماتي الغالية فيها طبع انتم عارفينه ومتابعينه وهو انها عندها ميول استخباراتية وطرق تعذيب ذهنية تفوق الموساد في قوته وضراوته وعندها مقدرة غريبة علي دحلبة اللي بتكلمه وتقنعه بأمور يعتقد إنها خارجة من دماغه هو شخصياً... وياااما وقعتني في الكلام وانا ذي الشاطرة كنت بأقع ذي المدب واطلع كل اللي جوايا ...الست دي خسارة انها ماكملتش في سلك التعذيب كانت هاتبقي ظابط شرطة ممتاز علي كتفه نياشين بالكووووم.... فمثلاً لو أتأخرنا في الذهاب إليها تبدأ هي في أخذ أقوالنا لتعرف ليه أتأخرنا ثم تسأل الشهود عن الواقعة والشهود طبعاً هما أطفالي الصغار لأننا في نظرها كلنا كذابين وتبقي ليلتنا مطينة بطين لو الأقوال تضاربت يبقي أكيد الحكاية فيها إنّا... عشان كدة دايماً تلاقيني رايحالها بمصحف عشان أحلف عليه كلما دعت الحاجة لذلك... وبرضه مش بتصدق... علي رأي المثل قالوا للحرامي أحلف قال جالك الفرج ....وأنا في نظرها شيخة منصر.
طبعاً حماتي عرفت عن موضوع الكتاب وهي مرحبة بطريقة مريبة ..تدعو للقلق والحذر جايز برضه عشان تخليني اقرالها اليوميات دي وتستخدمها ضدي ... الجديد بقي أنها بتحكي عن يومياتها من أول ماأتولدت لحد ماأدحدر بيها الحال وبقت حماتي.
وبعد ماحكت عن زواجها الأول من دبلوماسي سوري علي ضرة والمعاملة الوحشة اللي كانت بتتعاملها هناك عشان هي مصرية ثم هروبها منه ولجوءها للقنصلية المصرية ثم طلب الطلاق من زوجها السوري وتدخل الرئيس عبد الناصر شخصياً ليطلقها منه ثم زواجها من حمايا الذي كان يعمل في شركة رمسيس نجيب للإنتاج السينمائي مما جعلها علي علاقة صداقة بالعديد من الممثلين والملحنين منهم الموجي وأحمد رمزي وسعاد حسني وفتونة علي رأيها أو فاتن حمامة مش قلنا أصحاب بقي وبيدلعوا بعضيهم وزهرة العلا ... كل ده وانا باسمع ولأني علي نياتي فبأصدق... جايز بتسرح بيا كالعادة بس أهي حكايات مُسلية بتقتل الوقت اللي بيمشي يتمخطر طول ماأنا في صحبتها... ورغم ان الحكايات دي كانت بتتحكيلي علي حلقات علي مدار سبع سنين بس هي لاقت اني ممكن اشهرها واطلعها السما...فبدأت تزود الجرعة.. الجميل في الموضوع انها عاوزة تعمل قصة حياتها فيلم بس حقوق الملكية تبقي ليها هي بس وبشرط ان مني زكي تمثل دورها لانها شايفة نفسها في شبابها شبه مني زكي الخالق الناطق... دي وجهة نظر يا مني ماتزعليش نفسك وقالت ان حمايا طلب منها توكيل عشان يكتب لها قصة حياتها ... واخدين بالكم من التكتيك بتاعها بتحاول تعمل نفسها عليها طلب عشان تخليني اقول وليه تتعبي حمايا أكتبه أنا...بس علي مييييييييييييين خلي الطلعة دي لحمايا ده لو فيه طلعة أصلاً... كفاية عليا كتاب واحد ولو انها ممكن يتعمل منها موسوعات.

عرفان بالجميل

2009-01-04T16:25:00.000-08:00

تحديث

ــــــــــــــــــــــــ

مدونة حماتي ملاك علي صفحات تيلي بيزنيس ملحق الخميس من العالم اليوم في باب المدونخانة وكتبته الأستاذة أسماء رمضان واستعانت فيه ببوست من بوستات المدونة

وفي نفس الصفحة تكلمت عما يقدمه المدونون من جهاد لمساعدة أهل غزة بقيادة آبي

شكر واجب لكل من وقف بجواري في خطوتي الكبيرة وعلي رأسهم زوجي العزيز اللي شجعني بكل قوته رغم اني كنت مش موافقة علي فكرة نشر الكتاب لكن مش هاتصدقوا ان حماتي كمان موافقة ومستنية نسختها علي أحر من الجمر ... شكرا ياغالية مش عارفة من غيرك كنت عملت ايه؟

أحمد الصباغ اللي نظم لي موضوع الفيس بوك بجد بجد انت إنسان مُحترم جداً يا أحمد ومُتعاون وبيحب يساعد واتمني ان ربنا يوفقك في مجلة اليومين دول وفي اي خطوة تدخلها جديدة ويوقف لك ولاد الحلال لانك انت فعلاً ابن حلال

الأستاذ محمد هشام عبية الصحفي والكاتب بجريدة الدستور الراجل ده ياجماعة أكدلي حاجة مُهمة جداُ أحنا غافلين عنها ومتناسينها وهي إن مصر لسة بخير ... بصراحة تعاون معايا بشكل إيجابي ومدّني بكل المعلومات اللي سألته عليها بكل صبر وطيبة ... شرقاوي أصيل

بسمة عبد الباسط ورغم ان هي كمان مشغولة بكتابها البنات عايزة ايه لكن البنت دي وقفت معايا وقفة رجالة من أول مادخلتني معاها في مجلة علّي صوتك لحد دلوقتي بنت تستاهل كل خير بصحيح واللي عرفتني علي ناس ممتازين في مجلة علّي صوتك وعلي راسهم هبة ووليد وبدرية ووينكي

واحدة مفروسة وهي المُشجع الأول لي في هذه المدونة اللي لولاها كنت انكسرت من زماااان واستسلمت لليأس لكن هي بصراحة وقفت جنبي كتير... وطبعاً معاها دوبا وقوس قزح وفاتيما ومدام كعبولة والشنكوتي الكبير وبطوط حبوب ومدام صبرني يارب ونوسة الغائبة وفوكس وإينو وعروسة ننوسة زوجة إحسان بيك ومصطفي ريان ومواطن مصري نايم وسبهللة وسلوي رئيسة حزب الاحلام وسالي حاجات جوايا ونبضات وممكن وآيار وقطة الصحراء وضياء ودكتورة اجدع بنوتة وخمسة فضفضة وشهرذاد وطهقانة ومحمود واي مي واهو ده عيبه ونونو عاشقة النقاب ومدونات زوجة عاشقة وطبعا صيدلانية طالعة نازلة وصحفية روشة وميس دوت وبجابيجوا ومحمد فوزي وعلا بركات واحمد منتصر وعاليا حليم وسمباتيك وحنة وهاجر ونودي ودكتور هيما وحاسوباتية ولعلها خير وسنووايت وأمواج اللي تعليقها اتحفظ في دماغي وآية وآبي بتنجاني ووائل وغنيم ومجداوية واحمد سلامة وفراشة وايوية وميشيل وروني المصري وسنوحي و وشاب نفسه يحقق حلمه وبلوجاتي وفيس مووون وام احمد المصرية وغراب وحمامة ويوكي وساد دورا واريج السمر والشموع السوداء والوحدة بتقتلني وفانكي دوكتور والتكية وابو امل ووشاب من نفسه يحقق حلمه وحسام مصطفي ابراهيم وسوووووو وهمس الاحباب وبابا ابو خالد وام دودو حبيبي واوعي تفكروموناليزا وبكر وروفي ومايوشا واحمد سكر وبنوتة مصرية ودكتور بهدوء ونسيان ووميس سوسة والمجني عليها وكلاكيت تاني وتاني وشيماء احتمال وكيكي ومحاسن صابر وياسر حسين وفنانة مفروسة وصالح سعيد وكفراوي وكوارث وغني يابهية واميرة الصعيد ومن هنا وهناك وجيهان علي وانثي الخيال وانين الحزن وبنت مصرية وواحد من البلد دي ودينا سليمان ومادي واسماء ومشربية و cenotaphوست البيت وEldebugوويمني وسوسو وعلي حب ومادي ونايل كويين ووشيري وعلي اسم مصر وومن وجني ورامي اشرف وصفا والارهاب المنزلي وزوج مخنوق وزوجته الرائعة ومها زين وحزلوقة وعلي بلاطة وطبعا الربان وانسانة وساموراي فور ايفر وساسو وبرقش وميرو وعفراء ووصوت من مصر ودكتور شاندرا وجميما وميجو مشمش ومجرد حكاية ومصري بالغربة وبت خيخة واي كلام وميادة و ودعاء مواجهات واميرة الصعيد والوردة البيضا وwanna b a physicianومروة الزارع وساد دورا و انسانة شوية شوية وحبيبة وانت عارفني وانا عارفك ونودي 87 وليسندرا ودينا وكناري وعبدو الرايق وفرنسا هانم وكاميليا ونور الإسلام وولاء وبونجو ونوري allfollowsomeو DayDreaming وsemsema و شقاوة شعب واحمد ابو العلا وCrystal Lobna كلكم كلكم.. اللي ماقراش اسمه مايزعلش اصل ضهري وجعني ومش قادرة اكمل

أحمد أبو زيد الناشر اللي بصراحة تعبته معايا وكنت كل شوية أقوله غير ده واعمل ده والراجل بصراحة كان صبور لأبعد الحدود رغم اني قلتله اكتر من مرة ان الإزعاج اللي انا عملته له هو ضريبة التعامل مع الجنس اللطيف ...

الفنان العبقري طارق عزام اللي صمم صورة الغلاف اللي للأسف مش عارفة انزلها علي المدونة بسبب النت اللي شغال بالزق ... بجد شغله عبقري

رحاب السيد وهي صاحبة مدونة بنات صاحبة الجلالة وصحفية في الدستور انا بجد محظوظة اني اتعرفت علي واحدة بالطيبة دي

الناس دي ياجماعة وقعتلي من السما هدية ...اول مرة اتعرف علي مجموعة طيبة كدة مرة واحدة ... احمد ربنا عليهم وعلي معرفتي بيهم وكان لازم ابعت لهم رسالة شكر في المدونة لاني احب اعترف بالجميل وياريت كان في ايدي حاجة تانية اقدمها لهم كنت قدمتها بلا تردد

غزة صداع في رأس مصر

2008-12-30T22:40:00.000-08:00

بعيدا عن الإنفعال الغير مُبرر والمبالغة في ردود الأفعال سنتكلم عما يحدث الآن في غزة وعن دور مصر وعن الحنق الذي يعاملنا به الفلسطينين وكأننا نحن من رفع السلاح في وجههم وليس عدوهم اللدود...فرغم النزاعات الداخلية علي أرض فلسطين والتي جعلت منه بلداً مفككاً لا يعترف برئيس واحد تجد أنهم مصرون علي الحرب ورفض مد فترة الهُدنة.. ولا أعلم مبرراتهم المُقنعة في هذا الأمر فمن الواضح أنهم غير مستعدون بالمرة للدخول في حرب...أم تراهم أدمنوا الولولة والبكاء ورؤية الأشلاء تتطاير مع قاذفات العدو ثم ابتزاز ضمير العالم بها ... إن سيدنا محمد وهو رسول الله المُنزه عن الخطأ قام بعقد هدنة مع اليهود والكفار... أأنتم ياشعب فلسطين المفكك أفضل من رسول الله...
أما المصيبة أنهم ومعهم بقية جمهور العرب المتفرجون مصرون علي زج مصر في حرب ليس لنا فيها ناقة ولا جمل.. ألا يكفيهم أن رئيسنا الذي دخل بياتاً شتوياً طويل الأمد خرج من بياته مخصوص لكي يشجب الأعتداء الإسرائيلي.. برغم أنه لا يخرج من هذا البيات المقدس مهما كانت حاجة شعب مصر إليه، لا تنكروا أن المصريين فلسطينين أكثر من الفلسطينين أنفسهم.. وكم من مرة أوفد رئيسنا مساعدات لشعب فلسطين الشقيق وهو مالم يحدث مع شعب مصر اللاجيء... وكل هذا وعلم مصر يُحرق علي الأرض المحتلة ويُقتل معها جنودنا علي الحدود بأيدي الفلسطيني الشقيق... أنتم أيها المساكين أخترتم خيار الحرب الذي يُعتبر خياراً غبياً في ظل ظروفكم الحالية.. فعليكم أن تصمدوا وحدكم فليست قراراتكم الخاطئة إلزاماً علينا... نحن نتعامل مع الفلسطينين كأنهم أطفال يخطئون ونتسامح معهم... يقولون للغول عينك حمرا ويريدونه أن يتحمل... حارب الغول إذا أردت ولكن يجب عليك أولاً أن تكون مُستعداً لمواجهته إذا سن سكاكينه ووجهها نحوك...لقد ذكرني موقف الفلسطينيون بموقف رجل ضعيف لا حول له ولا قوة وهو يهاجم رجلا يفوقه في الحجم والعقل ومع ذلك تجده يقول ما تقدرش .
لقد قلت ومازلت أقول أن الفلسطينين فقدوا أبعاد ومصداقية قضيتهم عندما رفعوا سلاحهم علي بعضهم البعض... هنا فقط أوقفت قلمي عن الدفاع عن قضيتهم وتمنيت أن يهديهم الله... أما عن فتح معبر رفح وأستقبال الفلسطينين عندنا فاحذروا يا شعب مصر المطالبة بهذا الأمر بدواعي الإنسانية فالفلسطينين سيدخلون أرضنا ثم يلقون صواريخهم من عليها وهنا ستتذرع إسرائيل لكي تدخل وتعود لإحتلال أرضنا مرة أخري ونحن كشعب عاني من الحروب وويلاتها الكثير والكثير في غني عن احتلال جديد... ويا عرب إذا أردتم حرباً فعلية مع إسرائيل فعليكم حمل السلاح بأنفسكم.. يكفيكم شجب وخطابات شديدة اللهجة وشحن في مشاعر الأخوة العرب ومعهم الفلسطينين ضد مصر... ومن الشخصيات التي نددت بمصر رجلا أحترم وقفته الشجاعة وهو حسن نصر الله الذي أعترف أن دخوله حرباً مع اليهود وخطفه لجنودهم كان قراراً خاطئاً أدخل لبنان في حرب غير ضرورية.... عدونا واحد ولكنه يحتاج منا التكاتف والإيمان والصبر والترابط , عندما نترابط ساعتها فقط سنقف يداً واحدة ضد هذا السرطان اليهودي الذي دخل بيننا ولكن كيف نترابط وفي البلد الواحد فتح وحماس وسنة وشيعة ...عندما ننسي اختلافاتنا العقائدية والسياسية ساعتها فقط سنضع أيدينا علي أول الطريق السليم في حربنا المقدسة ضد أعدائنا... عدونا ذكي ويحتاج منا إلي ذكاء مماثل ووقفة رجل واحد.
سحر غريب

آخر الأخباااااااااااااااااااااااار

2008-12-25T19:15:00.001-08:00

أعلن أنا المدعوة سحر غريب عن تهوري العقلي وحالة جنان مفاجئة أصابت نخاشيش مخي

عن توقيعي عقد كتاب حماتي ملااااااااااااااااااااااااااك مع دار نشر كيان او ليلي سابقاً وهاينزل علي المعرض ان شاء الله

أديني سمعت كلامكم أهوه واللي كان كان

بس وحياة العيش والبوستات اللي بينا... لو حماتي رفعت عليا قضية تعويض مادي ياريت تلموا من بعض ذي الشاطرين وتدفعولي التعويض احسن الكتاب اقشط تحويشة عمري وخلاني قاعدة من غير اللامؤاخذة الحديدة

قفلوا عليكي يا حلوة تابووووووت

2008-12-20T19:02:00.000-08:00

حتشبسوت ... فاكرينها الست الكمل اللي لبست لبس الرجال ونطت علي حكم مصر في الدولة الحديثة وحكمتها... ست عليها هيبة تهز اجدعها شنبات... ست بألف راجل ... خرجت من تابوتها ونظرت ناحيتي شزراً وبكل تأفف قالت :
نفسي ايام العز ترجع تاني للمصريين... نفسي اشوف المصري رافع راسه من تاني وليه شنة ورنة ذي ايامنا يافراعنة مش دلوقتي المصري بقي مقهور ياكبد أمه وكل مين يسوي ومايسواش بيديه علي قفاه وفين يوجعه... دول قالوا في الأمثال اللي يخرج من داره يتقل مقداره وانتم يامصريين عاوزين تهجوا من بلدكم وتسيبوها... طب مين هايبني أهراماتكم؟ومين هايزرع ومين راح يقلع؟
قلت لها : بلدنا بقت قاسية أوي علينا والفقر في الوطن غربة... مصر السبب في اللي بيحصل ده طردت العلماء عشان مش مدياهم فرصة يكبروا ولما خرجوا وفاتوها واحد منهم اكتشف الفمتو ثانية والتاني اكتشف علاج للسرطان واخدوا جوايز عالمية والاسم مصريين والفعل أمريكان مخترعين .. تفتكري ياست الستات لو كانوا الناس دي فضلت في مصر وفضلت الحكومة تناقرهم ويناكفوها كان زمانهم اكتشفوا حتي صباع موز... خلينا ساكتين وبالهجرة متهنين وخليكي انتي في حالك ماهو اللي مايعرفش يقول عدس.
قالت الست شوشو: طب واللي سمعت عنهم في رقدتي ... الناس اللي بتهاجر هجرة غير شرعية وبترجع في بطن السمك مخفية.
أنا وقد بدأ صبري ينفذ من جهلها الحاد بحال البلد: الناس دي أكتشفت ان موتهم احسن الف مرة من عيشة الضنك اللي عايشينها هنا.
قالت وعرق الوطنية نفرعلي رقبتها: فين انتمائكم يافراعنة فين أمجادكم فين اهراماتكم فين كرامتكم
قلت لها خليكي نايمة في رقدتك ياحاجة ماتتعبيش نفسك... مصر خلاص جالها جفاف انتمائي... مصر مابقيتش الحضن اللي في البرد بيدفينا مصر حضنها بقي شوك بيشكشك فينا.
اختفت حتشبسوت في تابوتها صارخة ارجعوا مصر ياولاد مصر ... مصر محتاجاكم
هنا استيقظت من نومي لأكمل كتابة ورق الهجرة الذي بدأت فيه بالأمس وما أعطلكيش ياأرض الجدووووووود.

صناعة الأحذية تلقي دفعة (بوش ) قوية

2008-12-14T23:05:00.001-08:00

دخل عمو بوش التاريخ من باب جديد نوفي لم يدخله رئيس من قبل وهو باب الجزم والشرابات النفاثة ... ووصل مقاس وجهه من الجزم إلي 44 وهو مقاس كبير جداً بالنسبه لعقل بوش الصغير.

صحفي مغوار قام بما يتمناه العالم أجمع ورمي حذائه الذي أصبح سعره الآن 18 مليون دولار .. ولو إن الجزمة من غير صاحبها ماتسواش... ومع ذلك انا زعلانة منه لأن الراجل مابلغناش بنيته قبل مايعملها كنا عملنا حملة شعبية جمعنا فيها جزمنا البالية وهادينا بها العم بوش...رغم أن الأحذية خسارة فيه كان لازم ينضرب بالقبقاب البلدي... أما الشيء المُستفز فهو أنه بينما كان بوش ينضرب بالشووووز وجدته باسماً مستبشراً.. مش بأقولكم غبي باين عليه كان فاكرها تحية عربية رفيعة المستوي نظراً لجهوده العظيمة في قتل كل عمليات السلام الفتاكة.

كان نفسي بس فردة من الفردتين الصاروخيتين تلبس في وشه... كان هايبقي ساعتها العيد عيدين.

أعذروا فرحتنا فبوش رغم أنه مجرم حرب فإن زعماؤنا الأشاوس لم يطالبوا العالم بحقوق الشعوب المقهورة بل أنه سيخرج منها كما الشعرة من العجينة... فجاء هذا الصحفي الجريء ليفش غلنا الذي وصل إلي الحلقوم بحذائه التاريخي... وأنا وغيري من منكوبي العالم النامي والمتحضر نطالب بتكريم هذا الشاب العبقري والتأكد من سلامته.

أجمل ماقيل عن الحادث الصرماتي العظيم

وإذا الحذاء ضرب وجهه .. صاح الحذاء بأي ذنب أُضرب

دايماً علي بالي

2008-12-14T23:05:00.000-08:00

رغم اني قديمة شوية علي الدنيا وبطلت اروح المدرسة وبطلت اتعلم من زماااااااااان بس لسة جوايا حب لأيام المدرسة .

حب غريب ... كنت بأحب المدرسة ومش بأحب المذاكرة... مخكم مايسرحش لبعيد انا كنت شاطرة اه بس مش متفوقة يعني ... ومع ذلك كنت ارفض الغياب بتاتاً.. وحالة حب المدرسة دي كانت واضحة في فترة الثانوية العامة جايز لاني كنت كارهة لقعدة البيت لوحدي وعارفة اني استحالة هااذاكر لو بابا وماما مش قاعدين فوق راسي .. لحد مادخلت الكلية بتاعتي وهي أداب إرشاد سياحي وعشقت الكلية ونظام الدراسة فيها ...فكنت اول واحدة تلاقيها قاعدة في المدرج مستنية المحاضرة وكنت واخدة المسألة جد أوي لدرجة ان كشكول محاضراتي كان من المراجع المهمة للمناهج ... واتذكر اني ماغيبتش عن الدراسة في الكلية غير يوم واحد فقط وكان بالقوة الجبرية لاني كنت عيانة جدا وكنت يوميها رايحة الكلية لولا ان بابا لحقني وانا نازلة... كان عندي يوميها احتفان في الزور ...الاحتقان اللعين اللي منعني من الاشتراك في كورال المدرسة زمان رغم صوتي اللي كاان حلو.

دلوقتي بقي لسة بأحب المدرسة وأيام المدرسة مع أولادي.. الولاد شخصيتهم بتتحسن طووول ماهما في مدارسهم وبيتعاملوا اجتماعيا مع اطفال في سنهم... البكاء والصراخ بيقل في فترات الدراسة والنوم بيتظبط والحالة بتبقي عال العال

بجد بجد بجد ربنا مايحرمنا من المدارس ويبعد عنا الاجازات وهم الأجازات

البقاء لله

2008-12-07T05:02:00.001-08:00

مات في العيد

مات ساجداً وهو يؤدي صلاة العيد في ساحة الجامع

خرج من بيته علي قدميه وعاد محمولاً علي الأكتاف

يارب نموت جميعا موتته.... ساجدين... مُهللين مُكبرين مُسبحين

نعم كان عيدنا في ميتم ولكنه كان أجمل مأتم حضرته في حياتي .. ربنا يجازي عم أحمد علي ماقدمه لنا من صلة رحم كانت قد تباعدت بالسنين... فقد ترك عم أحمد وصية وصي فيها زوجته وابناءه بألا يُقام صوان للعزاء وألا يصرخ علي فراقه احد.. كنا نتجمع في بيته لنري بعض وتجمعنا في بيته عندما فارق الحياة... لقد كان حاداً في الحق كالسيف، ولكنه كان يري فينا جميعاً أبنائه له حق النصيحة علينا.

رحمه الله وألهم أهله الصبر والسلوان

نسألكم الدعاء له ولأهله

كل عيد وأنتم طيبين

2008-12-07T05:02:00.000-08:00

كل سنة وانتم بالخروف مضحيين وفي اللحمة غرقانين وبالفتة فطرانين

وبصينية الرقاق متعشيين ... وكفااااااااااااية كدة عشان جوعتوا عصافير بطني

سي السيد العصر الحديث أسمه سي مُهند

2008-11-24T15:19:00.001-08:00

شاهدنا جميعاً ثلاثية الكاتب العبقري نجيب محفوظ الذي صور لنا إذدواجية الشخصية التي كان يتعامل بها السيد أحمد عبد الجواد مع المُجتمع فهو داخل جدران بيته ومع زوجته وأبنائه رجلاً قاسي القلب يُعامل زوجته بمنتهي الدونية ولا يري في شخصها سوي خادمة ومُربية لأبنائه أما خارج البيت فهو رجلاً حنوناً مُجاملاً مع الغواني عاشقاً للضحك مع الأصدقاء... هذه كانت شخصية سي السيد التي كان يسير علي نهجها مُعظم الرجال وكانت المرأة تحتمل هذا بأعتبار أن هذه النوعية من الرجال كانت تُعبر عن توجه عام للرجال... فمُعظم الأزواج يرفضون مُساعدة زوجاتهم في البيت حتي في أبسط الأمور وذلك لإعتقاد الرجل بأن مكانته وعرشه سيهتزان أمام زوجته وينزل درجةً عن مكانة سي السيد التي يعشقهاإذا أخطأ و ساعدها لا سمح الله.

أما الآن وبعد أن خرجت المرأة للعمل وتساوت الرؤوس بينها وبين زوجها وأصبح للمرأة كياناً مُستقلاً ودخل خاص وأراء تختلف عن أراء زوجها فقد أصبحت شخصية سي السيد شخصية غير مقبولة إجتماعياً، شخصية عفا عليها الزمان وأصبحت من العصر البائد، وطالبت المرأة في حقها بمُعاملة أفضل وإحترام أكثر.

ثم خرج علينا التليفزيون التُركي بمسلسل شاهدناه جميعاً في المُجتمع النسائي الرافض لشخصية سي السيد.. هذا المُسلسل الذي أثار زوابع نسائية ومُطالبات بمعاملة تُشبه مُعاملة مهند بطل المسلسل لزوجته نور العنيدة.. وحرص سي مُهند علي مُعاملة نور بمنتهي الرومانسية والأدب ناهيك عن الهدايا القيمة التي يغدقها عليها والأزهار الحمراء الكثيرة تعبيراً عن حبه لها و التي يهديها إياها بمناسبة وبدون مناسبة أما عندما خُطفت نور من مهند قام بتمشيط الأرض بحثاً عنها وواجه الموت من أجل رموش عينيها... طبعاً منتهي الخيال... فلا يوجد زوج علي أرض الواقع يدخل حرباً كتلك الحرب الضارية من أجل زوجة قابلة لإستبدال والتجديد، ثم حدث خلاف بين مهند وزوجته نور وصل بهم إلي مرحلة الطلاق ولكنه كان طلاقاً مُتحضراً ليست به إهانات ومهاترات بل حتي طلاقهما كان يغلب عليه الطابع الرومانسي، كما أعاد المسلسل قيمة الترابط الأسري والحب العائلي الذي أختفي من عصرنا الحديث والذي تهفو نفوسنا إلي إسترجاع القليل منه.

بعد هذا لا تتعجب عزيزي الشاب إذا طالبتك خطيبتك بأن تكون العلاقة بينكما كعلاقة نور بزوجها مُهند ولا تتعجب إذا طلبت منك التوقيع علي عقد يضمن لها أن زوج المُستقبل لن يقرب شخصية سي السيد من قريب أو من بعيد فمهند بالطبع يكسب.

أما أنا فلم تعجبني شخصية مُهند فعلاوة علي جماله المُبالغ فيه والذي أرفضه في الرجل حتي لا تتخاطفه الفتيات والسيدات ويكون عُرضة للمُعاكسات... فأنا أيضاً أرفض نوعية الهدايا التي كان يغدقها مُهند علي زوجته وبالفعل وضعتها في قائمة المحظورات بيني وبين زوجي فالزهور لا تستهويني فهي سرعان ما تذوي وتذبل وتموت لتتساقط دموعي عليها فهذه الزهور تدخل علي قلبي سعادة مؤقتة سُرعان ماتتحول إلي ميتم علي ذبولها... كما أن حب مُهند ورومانسيته كانت مُبالغ فيها بشكل كبير بمعني أصح حب ملزّق ...فقد ترك مُهند عمله في نهاية الحلقات لكي يعيش تحت قدم زوجته ليراعيها ويحبها وهذا ما لا أقبل فيه في الرجل حتي لوكان يمتلك من كنوز الأرض ما يغنينا طوال العمر.

الخلاصة أنه مطلوب من الرجل لكي يكسب قلب أمينة المُعدلة أن يتخذ من مُهند بعضاً من هدوء نفسه وصبره علي زوجته ومراعاته لكونها زوجة تعمل ولها كيان في نفس الوقت الذي يشقي هو في عمله.

بقلم سحر غريب

تم النشر في مجلة علّي صوتك

التصاق جنيني

2008-11-19T15:43:00.000-08:00

فلذة كبدها يخطو نحو سنته الأولي في المدرسة..... يرتدي ملابسه الجديدة وهو سعيد يحفظ كلماته الأولي ويحفظ أسمه حتى يتسنى له الرد علي سؤال معلمته له... ما أسمك ؟

تضع طعامه في حقيبته الضخمة بالنسبة لحجم أبنها الصغير... تود لو تصبح مجرد علبة ألوان صغيرة لتدخل حقيبته وتراقب خطواته الأولي وتطمئن علي استقراره والأهم أن تبقي معه وألا تفارقه لحظة ...فكما ارتبط بها الصغير ارتبطت هي بكيانه وكلماته القليلة... هل كبر عُمر وبات طفلاً مُستقلاً وغداً يُصبح رجلاً حراً طليقاً خارج عش براءته؟ هل سيتركها وحدها تنتظره يومياً علي أحر من الجمر كما كانت تنتظر أخيه.. من سيسليها في غيابه بعد أن كان ملجأها في وحدتها الصباحية؟
قصير القامة هو ومع ذلك تراه وتشعر بلفتاته وتستمع إلي همساته بلهفة...... هل ستلاحظ مُعلمة الفصل وجوده كما لاحظت هي... هي تراه وتشعر بنظرات الذكاء تقفز قفزاً عنيفاً من عينيه الواسعتين ... يفتح عيناه عن آخرهما وكأنه لا يطيق صبراً و يريد أن يسبق سنه ليحيط علماً بكل شاردة في هذا الكون.
تذهب إلي مدرسته معه في يومه الأول معها آلة التصوير الخاصة بها لتلتقط جميع لفتاته وهمساته حتى لحظات صمته ستلتقطها... ستصور لحظات الميلاد الثاني لجنينها... اليوم هي التي ستصور وستكون حاضرة بكل كيانها لتساعده علي قطع حبليهما السري الذي جمع بينهما .
تجلس بجواره فيطمئن بوجودها يلعب مع زملائه الجدد ويتعرف عليهم ويكون صداقات طفولية بريئة، يتجاوب مع مُعلمته وينظر كل بضع لحظات ناحية أمه الحبيبة ليتأكد من عدم خذلانها له... تتمني ألا يطلب منها الجميع تركه... تريد البقاء.. هل تأخذه وتعيده معها إلي البيت؟! ستتقبل الأمر الواقع علي مضض فبرغم خبرتها السابقة مع أخيه لا تريد أن تتركه وحده فهل يتركها صغيرها لترحل؟
تنسحب تدريجياً كانسحاب المُخدر من جسد المُدمن ... ينظر طفلها إليها ويطلب منها البقاء... أبقي أمي لا ترحلي أريدك بجواري في تجربتي الجديدة، لا ترحلي أمي لا تتركيني للمجهول يعصف بي، من هؤلاء كي تستأمنينهم عليّ... أبقي معي.
يتمسك بملابسها ويرفض تركها تتساقط عبراته المودعة... تختفي أمه عن مرمي بصره الباحث عنها يـــــــــــــــــصــــــــــــــــرخ
أمــــــــــــــــــــــــــــــى لا ترحلي .
بقلم سحر غريب

عزيزي الشاب خدعوك فقالوا

2008-11-15T14:55:00.001-08:00

قرأت مؤخراً كتاب لدكتور تامر أحمد ..ضربة حب ... الكتاب لذيذ ورسم البسمة... بل القهقهة علي وجهي ولكني أختلف مع محتواه بالثُلث فهو يري أن الزواج هو نهاية لأي مشاعر طيبة بين الطرفين وهو التوقيت الذي يموت فيه الحب وتنتحر الأشواق

بصريح العبارة كلامه يعني أن لزواج مقبرة العشاق وأنا هنا أرفض هذه العبارة جملةً وتفصيلاً فالزواج هو جنة العشاق وهو محل ميلاد الحب إذا كان لم يولد بعد

لفد لاحظت في الآونة الأخيرة إمتناع الشباب عن الزواج وسببهم في ذلك هو أن المتزوجين في جحيم وأن جميع المتزوجين تعساء والأبتسامة التي كانت تنير عيونهم قبل الزواج أختفت وحل محلها تكالب الأمراض علي الشخص المتزوج، برغم أن الدراسات أثبتت أن المتزوج أكثر صحةً من العازب

وهنا سنستعرض سوياً بعض إمتيازات الزواج التي قد يغفلها البعض في ظل مطحنة الحياة... نعم لا تخلو الحياة من منغصات ولكن أليست تلك المُنغصات متواجدة في حياة العازب كما تتواجد في حياة الرجل المتزوج... أتنكر عزيزي الزوج أن تلك الزوجة هي رفيقة كفاحك التي تحزن لحزنك وتفرح لإبتسامتك

ألا ترون معي أن الرجل يتحول بزواجه من مجرد فرد في أسرة إلي ملك مُتوج علي عرش أسرته الجديدة

أليست تلك الأنثي التي أخترتها بملء إرادتك هي الصدر الحنون الذي تسند رأسك عليه كلما ألمت بك مصيبة لا قدّر الله

أليست زوجتك هي المرأة التي من يديها أكلت طعامك وملئت معدتك بنتائج وقفتها الطويلة في المطبخ بلا كلل ولا ملل يومياً كعرض مُستمر مُتحملة لكي تري نظرة الرضا في عينيك ولتكافئك علي جهدك من أجلها

أليست تلك الزوجة هي من حملت أطفالك في بطنها راضية سعيدة .. وتركت هذا الجنين ينمو ويأخذ من قوتها ... ألا تستحق تلك الزوجات كلمة حق تعطيها حقها

الزواج جنة لا يتكلم الأحياء فيها عن جمالها بل ينتظرون لكي يتكلمون عن مساؤها عندما تظهر فلا تستمع لكل من قال لك أن العزوبية هي الطريق الأفضل وتذكر أن العمر سيجري بك لتجد نفسك وحيداً في شيخوختك بلا رفيقة تسعدك وتحدثك

نعم هناك أياماً تمر علي المتزوجين يتمنون فيها الفراق ولكن مُجمل الحياة أفضل ألف مرة من الحياة قبل الزواج

مُطرب الحي لا يُطرب

2008-11-10T04:04:00.000-08:00

بعد تخرجي مباشرة من دراستي الجامعية عملت لمدة سنة كمُعلمة في حضانة كنت أقوم بتحفيظ القرآن والأحاديث ومعاني الكلمات وبعض الأناشيد الدينية وكنت متفانية في عملي بصورة كبيرة جدا فكان الطفل ذو الثلاث سنوات يحفظ معي من السور مالا يحفظه الكبير ومع ذلك كان هناك من أولياء الأمور من يشتكي ويتصيد الأخطاء الصغيرة التي لا تضر أحدا ولكنها السبق بالشكوي بدلا من الشكر ......وعندما أضطررت لترك العمل في تلك الحضانة لظروف زواجي في منطقة بعيدة عنها وجدت مظاهرة حب من أولياء الأمور تنعي حظ أولادها بتركي لهم، وكنت كلما زرت تلك الحضانة يقابلني نفس أولياء الأمور ... الشاكيين القدام بالشكوي من المُعلمة الجديدة التي لا تضاهيني عملاً والتي أتوقع أن كلمات الشكر ستنهال عليها عندما ترحل أيضاً.. وعلي رأي المثل مُطرب الحي لا يُطرب...والمثل الثاني الذي ينطبق علي تلك الحالة ...الشيخ البعيد سره باتع

احكي لكم هذه الحكاية لأنها تتكرر كل يوم وآخرها في إجتماع أولياء الأمور الأخير في مدرسة أبني فبدلاً من شكر مُعلمته علي مجهودها الجبار.. فهي تعلمهم اللغة الإنجليزية يصاحبها الحساب ومعهم العلوم ومع ذلك تجد أولياء الأمور يهاجمونها بضراوة لمجرد نسيانها لكتابة صفحة الواجب في كراس المتابعة ...وعندما سألت مُعلمته عن كيفية توضيح جزئية من المنهج لأبني وجدت واحدة من أولياء الأمور تعلن بصوتها الجهور أن مهمة إدخال المعلومات في أذهان أبناءنا ليست مهمتنا بل هي مُهمة المُعلمة وحدها لا غير

ماذا حدث لنا ؟

لماذا أختفت الكلمات الجميلة مثل جازاكِ الله خيراً وشكراً من قاموسنا ؟

فعن تجربة حقيقية احب ابلغكم ان المدرسين والمدرسات يبذلون طاقات جبارة لا تتناسب مع مرتباتهم الصغيرة ولكنهم راضون قانعون ..فسعادتهم تكتمل عندما يكون في مقدورهم إدخال المعلومات في تلك العقول البكر الصغيرة وليضع كل ولي أمر في أعتباره ان كلمته الطيبة ليس معناها مطالبته بدفع مبالغ إضافية لهذا المعلم ولكن الكلمة قد تكون هي الحافز السريع لهذا المُعلم... وهي ترياق الصبر الذي يداوي هزال مرتبه ... ودائماً وأبداً أرجو أن نضع أنفسنا مكانهم وتلتمس لهم العذر بل ونساعدهم بكل طاقاتنا لكي يكون أطفالنا في أحسن حال

إذا كنت أيها القاريء واحداً من أولياء الأمور الشاكيين فسارع إلي مدرسة أبنك وأشكر مُعلمه أو مُعلمته علي الجهد المبذول وأعلم أنك بهذه الكلمة التي لن تكلفك شيئاً قد صنعت منه مُعلماً جديداً بشوشاً سعيداً مُقبلاً علي تعليم أبناءك ... ولا تنسي أن الكلمة الطيبة صدقة

أيها المدون ... لا تستهن بكلمتك فقد تكون في كلمتك الشفاء

2008-11-07T11:04:00.000-08:00

لو مخك تعب أو أعصابك تلفت وشخصيتك أتهزت ...بقوة عشرة ريختر ... علي فين هاتروح يامسكين ؟
طبعاً هاتعمل فيها ابن ذوات وهاتروح علي أقرب دكتور نفساني تشكيله حالك
أنا بقي لقيت حالتي أتدهورت وروحي بقت في مناخيري وخلاص فاض بيا فقلت ألجأ للعلاج النفسي... مش عيب هاتقولوا مجنونة...أنا مجنونة المهم أحافظ علي أبراج الحمام إللي معششة في نافوخي
ولكن خطوة كهذه تحتاج لكثير وكثير من التفكير والفحص والتمحيص

وبماإني مجنونة... مش قلت هاروح للنفساوي أتعالج قعدت مع نفسي في جلسة تحضيرية للزيارة النفساوية ولقد صور لي عقلي زيارة الطبيب النفساني كالتالي
ففي عيادة الطبيب النفساني ذو المدة القصيرة والفيزيتة الكبيرة
سيجلسني الطبيب علي الشيزلونج وهايطلب مني قول مابدا لي بدون كسوف أو حرج ... وسيحدد الفترة الزمنية المسموح لي فيها بالشكوي وهي ساعة بكتيره وقد يحدث بيننا الحوار كالتالي
أنــا : تعبانة يادكتووووووور ...مش قادرة أكتم في نفسي أكتر من كدة
الدكتور : قدامك ساعة واحدة بس عشان زمايلك العيانين إللي برة ... فأدخلي في الموضوع بسرعة
يلحقها بنظرة خاطفة علي الساعة
أنــــا : حماتي يادكتور .. بتييجي في الكوابيس وعملالي قلق ... ساعات أشوفها طابقة علي زمارة رقبتي وراسها وألف سيف أن زمارتي بتاعتها ولازم تاخدها مني
الدكتور : هـــــــا وبعدين .. ماكل الحماوات كدة يشمعني أنتي إللي تعبتي وجاية تشتكي .. عندك مامتي كانت عاملة في مراتي بلاوي والست كانت مستحملة وساكتة وعمرها ماأشتكت ...ولما أشتكت وزعتها
أنــــــــا : ومرات حضرتك فين دلوقتي ؟؟؟
الدكتور : طلقتها من زماااااااااااااان ... إللي مالهاش خير في أمي مالهاش خير فيا.
أيه الدوكتور الكفتة ده ... أما عقلي مهوي صحيح
أنـــــــــا : أنا خلااااااااااااص فاض بيا يادكتور وعشان كدة قلت آجي زيارة لحضرتك جايز تديني دوا يسبب لي برود وجمود نفسي مع الست حماتي
الدكتور : وجوزك يامدام رأيه أيه في الحكاية دي
أنـــــــــا : وهو يقدر يعمل أيه يعني ؟ دي مامته برضه يادكتور ... ومش هاينفع أفضفض معاه عشان ماأعملش زعل مابينهم
الدكتور : بصي يابنتي ... حلك الوحيد في الفضفضة وعشان كدة عاوزك تيجي عندي جلسات فضفضة أسبوعية ...تعالي الأسبوع الجاي عشان نكرر الجلسة
ثم نظر نظرة فاحصة علي ساعته المحتلة لمعصم يده الشمال وقال
تايم آوت ... ميعادنا في الجلسة التانية
أنـــــــــا : طب كلمة واحدة كمان يادكتوووور
الدكتور : وقتك خلص يامدام أنتي فاكرة مافيش غيرك في العيادة ...العيادة مليانة عن آخرها بالعيانين ...ويمكن الواحد منهم محتاج علاج أكتر منك ... بالسلامة يابنتي
وطبعاً سأخرج من عيادة الطبيب وسيكون قراري بعدم معاودة الزيارة مرة أُخري ... وسأفوم بمعالجة نفسي بنفسي ... والحاجة أم الأختراع ... وتفتق ذهني عن علاجي الوحيد في مدونتي الحبيبة وزوارها الأعزاء ...وجلساتها اليومية غير مدفوعة الأجر يصاحبها ألاف الأطباء النفسيين المتفهمين الصبورين ... فرُب مدونة خير من ألف طبيب
ولو كان بيدي لأعطيت لكل مدون منكم شهادة تثبت جدارته لممارسة مهنة الطب النفسي
شكراً لك يادكتور منك له
وربنا مايضربلكم الأرباع

Too good to be true

2008-11-05T01:04:00.000-08:00

اللهم أجعله خير
يبدو أن المصريين مصممين علي حمل الهم إلي مالا نهاية فحتي عندما نجح أوباما لم يفرح بعض المصريين علي إعتبار ان سياسة أمريكا ثابتة إتجاه اليهود والفلسطينين
ونسي المصريون أن رخاء أمريكا عندما أهتز أهتزت معه أرصدة العالم الإقتصادية
إن نجاح أوباما ليس معناه أن أمنياتنا كعرب ستتحقق ولكن يكفي أن أوباما رجل سلام وأنه سيلتفت إلي بلاده لكي ينشغل بها
ولا يأتي من يقول بأن المعونة ستخفض فمصر ليست في حاجة إلي معونة لا أمريكية ولا بلغارية
لقد أكتفي العالم من الحكم الجمهوري الذي كان يبطش بالعالم ككل
وبصراحة لقد ذكرتني الأصوات التي حاز عليها مكين المرشح الجمهوري بصراع الزملاكاويين علي السلطة فهناك تعصب للحزب سواء أكان أداءه جيداً أم لا بصرف النظر عن الثمان سنين العجاف التي عاشتها أمريكا
وختاماً أحب أفرقع قُلة قناوي من النوع الفخم أمام البيت الأبيض في عملية إنتحارية إحتفالاً بخلاص العالم من الكُبة الكئيب المدعو بوش الله مايعيد أيامه
الذي كان كابوساً كابساً علي أنفاس العالم لمدة ثمان سنوات بحالها رغم فشله الذريع في إدارة أمور أمريكا والعالم من حولها
أنا متفائلة عارفين ليه لأنه مافيش حاكم هاياخد لقب أسوء حاكم علي مر التاريخ الامريكي كما حصل عليه بوش