عندما بدأت انفلونزا الطيور سياحتها الطويلة في مصر قلت مافيش فايدة فينا ....مصر هاتستقبلها احسن استقبال وهاتكرمها بكرم ضيافتنا اللي احنا مشهورين بيه
وعدت السنين ووصلت مصر بجدارة للمركز الثالث في عدد حالات الإصابة بإنفلونزا الطيور
والآن يدق بشدة علي بوابة الأوبئة القاتلة مرض جديد ولو انه كان متوقع منذ بداية انتشار انفلونزا الطيور
فقد قيل وقتها ان فيروس انفلونزا الطيور سيتحور إلي فيروس جديد سينتشر بين البشر اذا حدث وتقابل الفيروسان الذي يصيب الانسان
والذي يصيب الطيور في جسد الخنزير مصنع الأوبئة وهو ماحدث فعلاً والفيروس الجديد لعنة جديدة لا علاج لها حتي الآن انتشر بصورة حادة في خلال ايام معدودة ... لعنة الله عل علم وقف ساكناً والناس يموتون ... ماذا قدم العلم لنا لماذا لم
يتم نقل الخنازير من حظائرها القريبة من البشر اولماذا حتي لم يتم ذبحها منذ عرفنا بالمصيبة التي في انتظارنا
الكارثة انهم عندما بدأوا في ذبحها واعدامها بقرار رئاسي قام بعض مربيها بتهريب بعضها
أيها الجهل اللعين مودينا علي فيييييين؟
لقد قتل الفيروس الجديد العديد وقد وصل بالفعل الي اسرائيل جارتنا اللدود ونحن ننتظره قريباً عندنا للأسف فاتحين اذرعنا منتظرين للموت ليأخذنا بين أحضانه مُرحباً
وسيتم تطهير مصر من سكانها في القريب العاجل
ياتري هانروح في التطهير ولا لسة لينا بقية
هو الخنازير اصلاً وسيط ناقل للمرض
ردحذفو لسة قارى كلام بيقولوا
ان خلاص دبح الخنازير مفيش منه فايدة
عشان المرض تحور و بقى بينتقل من بشر لبشر
!!
ربنا يستر علينا
و الجهل كمان اكبر شىء يبوظ البلد
يعنى لسة ناس بتقول العمر واحد و الرب واحد و الفراخ مش حيحصلها حاجة
ماشى كلنا مؤمنين بس نأخذ بالأسباب
ده الفرارجية بيستخبوا فى الحوارى ساعت اى حملة و يطلعوا لما الحملة تمشى
!!
فعلا حاجة غريبة
ردحذفالناس دى متخلفة عقليا
الكارثة هتبقى اكبر واكبر لو الخنازير دى متعدمتش
احييكى على البوست
وربنا يستر على مصر وبلاد المسلمين
عندك حق
ردحذفاحنا بنعمل بإدارة رد الفعل
ولا بمبدأ الحذر
علشان كده هنكون اول اللي تتطهر منهم الارض
مشكور على الموضوع
عندك حق ربنا يستر ازا كان العالم مش عارفين يعملوا ايه فهو هيجي عندنا وهيعمل زي انلفونزا الطيور واسؤ بكتير ربنا يستر
ردحذفحاجه تنقط لا عندنا حكومه بتخاف علينا ولا احنا بنخاف علينا اصلا
ردحذفربنا وحده قادر انه يطلعنا من ده كله
لكي الله يامصر بجد والله
عمرو اديب فى القاهرة اليوم قال ان فية شخصية كبيرة واقفه ضد دبح الخنازير وبتهدد باللجوء الى امريكا اية العالم المعفنة دى هلى اماريكا هتعملوا اية يعنى واحنا بقينا رخاص اوى كدة ارحمنا يارب انا كاتب بوست لة علاقة بالموضوع دة ياريت تشوفية
ردحذفوايه المشكلة لما يروح مننا كام مليون ؟
ردحذفانا سامع ان قرار اعدام الخنازير طلع غلط كان القرار طالع بأعدام المواطنين :)))
تحياتى وربنا يسترها علينا
ابقي تابعي في جريدة النهار تقرير عن مدونتك في العدد المقبل (الاربعاء6أبريل) وارسلي رقم تليفونك علي الايميل الموجود علي مدونتي لمعرفة بعض التفاصيل الاخري
ردحذفاشرف شحاتة
صحفي بجريدة النهار وصاحب مدونة الوسط الصحفي العربي
ربنا يحفظنا كلنا ياسحر
ردحذفوياريت يبقى عند الناس وعى بجد بالمصيبة
فى القريييييييييب العاجل
ردحذفقريب اوى زى منا قلت منتظرين فرج ربنا
جارى تطهير مصر وربنا يستر مش عارف بجد لحد امتى
البوست جميل طبعاً بدون نقاش
Hgسلام عليكم
ردحذفتحية طيبة لكي أختي
دعوة خاصة للمشاركة والكتابة في مجلة رؤية مصرية
المجلة أسبوعية الكترونية صدر منها ست أعداد حتى الآن
بامكانك زيارتها على http://roaua.com/
ومراسلتنا على roaua.com@gmail.com
خالص تحياتي ومستنيكي
رئيس التحرير
ايها الخنزير اذهب بلا رجعة هو فعلا الواحد مش عارف يعمل اية فى الخنازير دى
ردحذفعلى العموم احنا ممكن نعمل حاج ة علشان نقضى عليهم
كل واحد يشوف خنزير يموتة
تحياتى
مش عارفين ازاى نتهنى
ردحذفومنعرفش هنروح فين
ربنا بقى معانا
بس الامل لسه موجود فى الحياه
طول ما فى ناس بتخاف على بعضها
مدونتك جميله
للأسف مفيش أي نوع من أنواع الثقافة في مصر والمصيبة الأكبر أنه يتحول لموضوع طائفي والسبب خنزير
ردحذف!!
ربنا يستر من الفتر ةالقادمة
والله الأحداث دي خلت الواحد يكتب عنده أغنيتين عن إنفلونزا الخنايز في البلوج
:))
تحياتي
ربنا يلطف بينا جميعا، و إلى الآن العلاج الموجود للمرض هو دواء تاميفلو، بإذن الله فيه أمل
ردحذفالظاهرة اللى حاصلة اليومين دول إن بعد ما الخنازير اتدبحت، فللأسف الشديد إن بعض التجار معدومى الضمير بقوا يغشوا بيها اللحمة العادية (لأن سعر كيلو لحم الخنزير ،حسب ما سمعت ، وصل لأربعة جنيه للكيلو) فاليومين دول الواحد المفروض لا ياكل لحمة و لافراخ و لا بيض و حاليا صيد السمك موقوف لغاية شهر يوليو،.......... ربنا يخللى لنا الفول
تحياتى ليكى، ربنا يوفقك دايما
بلوقر
ردحذفThis is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه