الخميس، 14 أغسطس، 2008

كله من وري القلب


البت سوسو باعتالي جواب من تحت عقب الباب عشان أخرجها بس علي مييييييييين خلاص الزمن ده بتاعي انا .. بس انا برضه هاقرالكم هي كاتبة أيه
كله من وري البُطين الأيسر
ــــــــــــــــــــــــــــــــــــ
حماتي حياتي تاكل فول حراتي
بتفقع مرارتي وتمرر حياتي
ساحرانا بجمالها وباليانا بدلالها
بحبك ياغالية ياأم الهمة عالية
بحبك وعاشقة لسانك الطويل
بحبك صباحاً وأحبك مساءاً
ويكفيني منك دخولك عليا

دخولك عليا يقوم حروب
فداكي عقلي يانايمة في قلبي
تجيني في زيارة تولع حريقة
أجيلك زيارة تنزل دموعي
ياقشطة ياملبن ياسكر نبات
ياجدة عيالي ياأم البنين
ولو سألوني عنك هاأقول
دي عاملالي أكشن وشوية دراما
ولو يسيبوني عليها هاأقول
لأ أمسكوني أحسن فيها أروح
في مصيبة في داهية وستين سلاااام
وكله يهون عشان العيون
عيون جوزي آدي أربع عيون
وعيون الولاد برضه أربع عيون
وخليني عايشة وساكتة وصابرة
ومالدنيا إلا صبرٌ كبيير
بحبك لأني داين مدان
وبكرة مسيري أجوز عيالي
وجايز أبقي فيفي الجنان
وممكن أشد في شعري كمان
ــــــــــــــــــــــــــــــــــــــــــــــــــــــــــــــــــــــــــــ
تصدقوا الدمعة هاتفر من عيني بس علي ميييييييين ؟
عموماً بناءاً علي رأي الجماهير العريضة أنا هاأرجع البت سوسو حرنكش المستحمية عشان تكتب أحسن ورايا غسيل ومش فاضيالكم وطبعاً الأولوية عندي للغسيل عشان غسيلي لما يبقي أبيض العوازل تتكاد والمرارات تتفقع أكتر
تشااااااااااااااااااااااااو

هناك 45 تعليقًا:

يوميات نائمة في الأرياف يقول...

أول تعليق
بحجز عشان اروح اقرا واجي تاني

يوميات نائمة في الأرياف يقول...

طيب
كدة قريت
البت سوسو دي دماغها عالية خاااااااالص
أنا نفسي اتعرف عليها شخصيا يعني
بس حقيقي دمها خفيف مووووت
على فكرة انتي كمان عرضك رشيق للمواضيع وأسلوبك حلو اوي
تحياتي

شفقة هانم واحسان بك يقول...

علشان خاطرى فكى اسرها بقى وارحميها وحشتنا اوى

مهيج الجماهير يقول...

مبروك الافراج
كفااااااااااارة
و متبقيش تغيبى عننا المدة دى كلها
سلام

blue-wave يقول...

ههههههههههههههههه
والله دماغها متكلفه
سيبيها والنبى تقولنا حاجات
وانتى برضه ماتنسيناش
تحياتى

بطوط حبوب يقول...

سوسو هترجع؟؟
كفاااااااااااااااره بس برضه يا فيفى مسدات بقى

واحدة مفروسة يقول...

أوعيييييييييييييييي
انتى ناويه تطلقى صراحها؟؟؟
لأ خليها محبوسة ...
احنا خالاص اتعودنا عليكي....
ههههههههههههههه
ولا اقولك فكي اسرها خليها تيجي تطبخلنا اكلتين حلوين علشان رمضان
و يا بخت من قدر و عفى

ayman badr يقول...

ياه قصيدة بحالها فى حب سوسو ياه دى بتعزك قوى ياسوسو امال ايه الكلام الوحش اللى بتقوليه عليها دى زى النسمة
تحياتى على البوست الجميل
ودمتى مبدعة

سبهللة يقول...

اخيرا هاتطلعيها من اوضة الفيران
زمانهم اتسلوا عليها وقرشقشوا ودانها

بس الحمد لله
ان قلبك حن قبل دخول رمضان
كل سنة وانتى طيبة يا سوسو

NilE_QueeN يقول...

لاجل النبي خرجيها

شهد الكلمات يقول...

لووووووووووووووووووووولووووووووووووي

النصر لنا
و عاش الهلال مع الصليب
و الاستقلال التام او الموت في الحمام

اخيرا اللهي يا رب توقعي في الطشت و انتي بتغسلي غسيلك يا بعيدة

اهلا بيكي يا سوسو هانستناكي علي بابا الاوضة بالعيش و الحلاوة و طبق بقلاوة

تحياتي

momken يقول...

اظاهر يا فيفى هانم كده البت سوسو عقلت
وواضح انك جبتى مناخيرها الارض
ولا يمكن علشان رمضان والايام المفترجه؟؟

ماهى سوسسه وتعمل اى حاجه

بس اهى هدونه
وهنشوف الايام هتعمل ايه

ياله رمضان كريم

تحياتى

Wish I were a Butterfly ... يقول...

دخولك عليّ يقوم حروب؟؟

يارب حماتي مش تكون كدة أبدا !!
:)

بس البت سوسو دمها خفيف بجد

تحياتي

سومه...مجنونه فى بلد عاقل يقول...

هههههههه قوات حفظ السلام الدوليه تطالب بالافراج عن سوسو وشنق فيفى

سومه...مجنونه فى بلد عاقل يقول...

قرر مجلس الامن استبعاد فيفى من مدونه سوسو والتحفظ عليها لحين نفاذ التحقيقات

سومه...مجنونه فى بلد عاقل يقول...

صرح الرئيس الجربان بوشكش
ان فيفى وبنلادن وجهان لعمله واحده

سومه...مجنونه فى بلد عاقل يقول...

ياله يا اخت سحر انا بعتلك الست فى ستين سلامه اى خدمه يا باشا

Copa Zaki يقول...

مع اني مش فاهم مين سوسو دي بس عالم التدوين اتغير كتير اوي D:D::D معلش كنت مسافر المريخ و مفيش نيت عندنا بس عجبني اوي هههههه كوميدي برضه

بت خيخة وأى كلام يقول...

ههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههه


ده ينفع النشيد الوطنى فى المدارس بعد كدة يا بت يا سوسو

Dr.Mohammed Gohary يقول...

ههههههههههههههههههههههه
هههههههههههههههههههههههههه
ممكن لما سوسو تتطلق تخطبيهالي
ههههههههههههههههههههههههههه
هههههههههههههههههههههههههه

لا والله دماغها عالية جدااااااااااا
ههههههههههههههههههههههههه
ضحكتيني بجد

بس حلو حوار الفول الحراتي
هههههههههههههههههههههههههه

خلينا نشوفك

ShimaaMahdy يقول...

الف الف الف مبروك ياسوسو ياختى

فرحتلك والله

و اخيرا يافيفى رضيتى على البونيه


اجى تانى بقى الاقى سوسو هى اللى منزله البوست

و اشوف يوم فيك يافيفى البت اكلها الفيران واكيد هاترجع ناقصه حاجه X-(

ان شاء الله اخبار (سومه) تيجى بفايده و نشوف فيكى يوم

:-P

Ahmed El-Agouz يقول...

بجد حلوة بنا يكرمكم
بس ابقي قوليلي اسم مسحوق الغسيل بتاعك ايه
العجوز

المهاجر الى الله يقول...

بوست جميل ومؤثر ويحمل معانى كتير
تحياتى .
ادعوكى لزيارة مدونة عيون على هذا الرابط
ww.eyuon.blogspot.com
وشكرا

الشنكوتي الكبير يقول...

هههههههههههههههههههههههه

اخيرا عرفتي تخلعي منها يا بنت يا سوسو

هههههههههههههههههه

بجد النهارده قريت بوستين عندك جامدين البوست ده دمه زي العسل
والبوست اللي فات بتاع القصه القصيره ده جامد جدا فكرته حلوه قوي
مش عارف اقولك ايه بس وحشتينا
سلاااااااااااااااااام
كل سنه وانتي طيبه
اخوكي ايهاب

نوسه يقول...

فيفى انا كنت فاكره انك شريره يافيفى
بس طلعتى ست الحموات على فكره :D
عاوزاكى تيجى تاخدى كورسات من حماتى بقى هتعجبك اوى
سوسو لكى الله

funckydoctor يقول...

ايه ده أخيرا
عموما اريال يغسل أكثر بياضا
مش عارف نجيب زير نكسرو ولا تلاجة :D

mostafa rayan يقول...

حلوة الأغنية تسلم ايديك

شفقة هانم واحسان بك يقول...

وحشتينا اوى اوى اوى

Om El Bassabees يقول...

تسلم ايدك يا ستى
والله وحشني كلامك

قررت أكون عانس يقول...

سلامتك من فقع المرار

هههههههههههههه
كلامك اثر فى اوى بوست جميل ربنا يخليلك حماتك

شفقة هانم واحسان بك يقول...

سوسو وحشتينا بقى كفاية كده
وبعدين ليكى عندى تاج تعالى خديه

سبهللة يقول...

http://www.babelnagar.blogspot.com/
ادى يا ستى با النجار
بس احنا بقالنا مدة متوقفين عن الكتابة فيه لان احمد زوجى مشغول
وكنا اتفقنا ان ماحدش يكتب فيه من غير وجود التانى
بس لو صاحبتك عايزة اى استشارة مجانية انا تحت امرها ابقى اديها موبيلى وخليها تكلمنى تسألنى على اللى هى عايزة

زيزو الشقى يقول...

بسم الله الرحمن الرحيم

مفقوعة مرارتها مدونتك حلوة قوى

وكل عام وانتى بخير

وكل سنة وانتى طيبة

بمناسبة شهر رمضان

شهر الصوم

تحياتى

وكل احتراماتى

اتمنالك التوفيق

واتمنالك النجاح

مدونتى تنور لو زورتيها

شكرا



عز الدين



سلااااااام

aya يقول...

يا عينى يا سوسو يا حبيبتشى
والله صعبتى عليا
بس الحمدلله انك هترجعلنا بالسلامة


وحشتينى جدا على فكرة


كل سن وانتى بخير يا قمر

Foxology يقول...

اخيرا افراج لسوسو ؟؟؟ ده بمناسبة شهر رمضان ولا ايه ؟؟ :))

تحياتى :)

wanna b a physician يقول...

تحيا سو تحيا سو هيييييييييييييييييييييه هترجع هيه افراج
كفارة يا ست سوسو
كل سنة وانتى طيبة

Sometimes يقول...

وحشتينا بجد يا سوسو

شفقة هانم واحسان بك يقول...

وحشتينى اوى ونفسى اقرالك بجد
على العموم المفاجاه اللى كنتى عايزة تعرفيها اعلنت عناه خلاص

Diyaa' يقول...

تصدقي لو الست فيفي بالموهبة دي نبعتها قصر عابدين ويا ريت المؤتمر العام للحزب الوطني ولاظوغلي..عشان تولعلنا فيهم ويموتوا من الفقعة :)

كيكى يقول...

عايزين سوسو
عايزين سوسو
اعااااااااااااااااااااااااا
افتحلها احسنلك
لمة والله
هنضربلك الغسيل بقذيفة طييييييييييين
قوية برقوية
هههههههههههههههههههههههه
تسلمى يا غالية
وكل عااام وانتى بخير
عووووووووووووووووووووووووووو

snohe يقول...

كل عام وانت بخير بمناسبة شهر رمضان المبارك


تحياتى

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

ňįĝŗő يقول...

المفقوعة مرارتها
كل سنة و انت طيبة
(:
كل سنة و حضرتك طيبة يا مدام سحر
كل عام و انت إلى الله اقرب و على طاعته أدوم

بلغنا الله شهر رمضان الكريم و أعاننا على صيامه و قيامه على الوجه الذي يُرضيه عنا و أعاده علينا أعواماً عديدة و أزمنة مديدة و بلغنا فضل قيام ليلة القدر


يلا سلام

حاسوباتيه يقول...

ههههههههههههههههه
جميل جميل وكب سنه وانتي طيبه وحماتك كمان بالغيظ فيكي هههههههه

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه