الاثنين، 6 أكتوبر 2008

حنين إلي فراق

حنين إلي فراق
ـــــــــ
يتركها سنوات طوال ليعود إليها ويجدها على نفس الحالة التي تركها عليها من العشق والوله والغيرة، يُشاهد على وجهها أخاديد الزمن العميقة كل منها يحكي قصة كفاح وعذاب وجهاد، فهو المُهاجر الذي نسي ظلها وغالى في فراقها ونسي أن له في بلده زوجة وأطفالاً ذاقوا مرارة بعاده وعانوا قسوة أمهم التي كانت تلومهم على بقائها مع زوجها رغم نسيانه لها ولهم
ولكنه قرر العودة كزيارة قصيرة يكررها كل خمس سنوات عاصراً علي مرارته ليمونة الصبر لكل عيوب البلد التي هجرها بلا ندم.
ينظر إلي فتاته التي تركها وحدها ليجد في كل زيارة وجهها وقد عانى آلام المخاض في رسم تجعيدة جديدة لتحكي قصة جديدة من قصص كفاحها المتعددة، فتاريخ حياتها مرسوم علي صفحة وجهها الصغير دون أن يترك منه هفوة، تاريخ يسطره العذاب والألم، تاريخها مع أبنائها الذكور اللذان كانا في حاجة ماسة إلي أب يرافق سنين مراهقتهما ورجولتهما ويعينهما على مشاق الطريق، تبدأ في العتاب لماذا تركتني في وطني غريبة وحيدة بلا حبيب ؟
فيطلب منها الصمت التام حتى يتمعن النظر في عينيها، داره ومرساه وجزيرته الحنون التي يرتاح من عذابات السفر في أحضانهما
ولكنها لا تصمت وتتساءل في دهشة أتحبني؟
فيقسم لها بكل عزيز وغالي بأنه أبداً لم ينسي دفء سنينها
فتعيد علي مسامعه سؤالها الأول وتلح على سماع الرد من شفتيه إذاً لماذا تركتني وحدي أعاني في غربة الوطن؟
سألت سؤالها وهي تبحث في وجهه عن علامات الصدق لعلها تكتشف وجود أخري مُختبئة بين حنايا عينيه وجنبات قلبه.. فهي مازالت تغار عليه وستظل تغار حتى يواريها التراب.
فيرد بأنه أدمن الهجرة والبعاد فهي وحدها تعلم كم عاني في وطن لا يحترم آدميته فقرر تركه بلا رجعة، بل أصبحت زيارته القصيرة لهذا الوطن حمل ثقيل على عاتقه ولكنه يعود من أجلها ومن أجل أبنائه فقط.
ويقضي معها شهر أجازته من بلده الجديدة التي تبنته في عتاب هي تلومه وهو يحاول أن يسترضيها ويستعطف حبهما القوي العتيد ولكنها تستعصي عليه وترفض منحه صكوك الغفران فيحن لليوم الذي يتركها ويعود للسفر والفراق.. لكي يعود لاشتياقه لها.
سيجعلها ترتاح من عتابها وملامها وسيرتاح هو من قربها ومن رصاص كلامها
وسيبقي بينهم الحب ربيع رغم دخولهم في أواخر فصل الخريف.

فهكذا أفضل له ولها... سيبقي علي اتصال بحبها البعيد على أن يزور حبها من قريب.
بقلم سحر غريب

تم النشر في مجلة علّي صوتك الإلكترونية

هناك 33 تعليقًا:

blue-wave يقول...

يااااااااااااااة
بالفعل ما اصعب الموقف
ما اصعب اضطرارنا للفراق
ما اصعب اضطرارنا لفراق من نحب
بل ما اصعب الإضطرار لأى شئ عموما

ojg يقول...

للأسف تتحول الغربة مع الأيام لإدمان
إما لطمع
أو تعود
أو أي سبب
الأسلوب رائع ومعبر جدا
سلمت يداكي
:)

صبرني يارب يقول...

جميل اوي يا سحور
معبر جدا الكلام

بس قوليلى هى بدأت تصعب عليكى ولا ايه ؟؟؟

Mahmoud البطراوى يقول...

كل سنه وانتى طيبه

هو انتى غايبه ولا انا ؟؟

:)

والاسلوب اتحول كمان ما شاء الله اسلوبك بقى عالى اوى
هو انا بقالى كتير اوى كده مجتش

كل سنه وانتى طيبه

د. إيمان مكاوي يقول...

المشكله أن البعد سوف يولد جفاء ..وسيضيع الحب مع الأيام ..من يحب إنسان يحب قربه
تحياتي لقلمك وكلماتك المعبره

محمد فاروق الشاذلى يقول...

إنه التعود على الحياة الجديدة الذى يغريه على البقاء فى الغربة ولفظ الوطن لأبنائه سبب آخر، فلم تعد تذكرنا أوطاننا فى هذا الزمان

عاشقة القمر يقول...

كل عام انتي بخير
فعلا ماصعب الفراق
ولكن نعمل ايه اضطر خليه الانسان يفراق الاحباب هو صعب له ولنا

حنين القلب يقول...

الله
رغم البعد والفراق سيظل الحب بينهما
الفراق احساس من اسوء ما يكون
بس بجد بوست روعه
تسلمى يا مفقوعه

المـــفـــــــقــــــــوعـــــة مــرارتـهــا يقول...

blue-wave
----------------
سعيدة بدوامك علي قراءة موضوعات مدونتي المتواضعة وآسفة علي الغيبة
الفراق بيقسي القلب وبينسي الأحباب
ربنا مايكتبه علي حد
تحياتي

المـــفـــــــقــــــــوعـــــة مــرارتـهــا يقول...

ojg
----------------
إدمان الغربة بقي نوع من الإدمان الذي يصعب الشفاء منه لدرجة كبيرة جداً فهذا الغائب الذي تكلمت عنه في قصتي القصيرة لا يستطيع أن يتخيل حياته بعيداً عن غربته بل نجده يتغني بمزايا البلد التي سافر إليها وكأنها جنة الله علي أرضه وبرغم من أن بعض تلك المزايا متواجدة في مصر الآن لكنه يرفض أن يراها في بلده الأم ويظل يشتاق إلي غربته وهجرته إلي مالانهاية

المـــفـــــــقــــــــوعـــــة مــرارتـهــا يقول...

صبرني يارب
================
هي بتصعب عليا من زمان بسبب هجر زوجها لها وبأتمني من ربنا إني ماأتحطش في الموقف ده زيها لأن هجر الزوج هو أصعب شيء ممكن يمر بواحدة ست عندها عيال ... تعرفي إني كتبت الوضوع ده وهي عندي في البيت وقريته لها بس مافهمتش منه حاجة لدرجة إنها شككتني أن الموضوع مُبهم
وحشاني جداً

المـــفـــــــقــــــــوعـــــة مــرارتـهــا يقول...

بطوط حبوب
-----------------
ميرسي ياعم بطوط أنا فعلاً مُقلة أوي في نشر المواضيع.. كلامك ده شهادة أعتز بيها ووسام علي صدري أتحلي به

المـــفـــــــقــــــــوعـــــة مــرارتـهــا يقول...

إيما ( أم البنين
====================
فعلا البعد بيولد الجفاء وبيولد اللامبالاة فهذا المُهاجر وجد في أصدقاء الغربة أهله وأحبابه ونسي من هم في حاجة إلي حبه وتواجده الدائم بينهم
أشكرك علي كلامك الجميل

المـــفـــــــقــــــــوعـــــة مــرارتـهــا يقول...

قلب مصرى
==================
الفساد في بلدنا جعل الإنتماء ينهار داخل قلوبنا
أنا واحدة من الناس لو جاتلي فرصة للهجرة لهاجرت وتركت هذا الوطن الذي نسي أن به بشر يحتاج إلي حياة أفضل

المـــفـــــــقــــــــوعـــــة مــرارتـهــا يقول...

عاشقة القمر
====================
أنا رأيي أن فراق الزوج لزوجته وأبناءه هو فراق إختياري فما معني الحياة بلا زوجة وولد حتي لو كانت في النعيم فالفطرة السليمة تقول كما قال جحا بلدي هي بلد زوجتي
فالنعيم لكي يُثمر عليه أن يغدق الثمار علي الأبناء أيضاً
وكل سنة وأنتي طيبة

المـــفـــــــقــــــــوعـــــة مــرارتـهــا يقول...

حنين القلب
-----------------
ماأصعب الفراق وماأقساه عندما يكون الفراق فراقاً للوطن والزوجة وفلذات الأكباد

همس الاحباب يقول...

كل سنة وحضرتك طيبة
وعيد سعيد عليكى وعلى اسرتك
وتسلم ايديكى
وربنا يوفقك دائما
تحياتى

Asmaa mahaba يقول...

ازيك يا سحوره معلش انا مقصره معاكى والله
جميله جدااا ومعبره تعرفى لم اتخيلها على حبيبه بل تخيلتها على ام ام يبتعد ابنائها للسفر بعيدا عنها فتظل فى انتظارهم فى اشتياق
تسلم ايدك
هو ايه الموضوع انتى ناويه تحاربينى فى ايامنا الحلوه ولا ايه ههههههه
سومه_87

nona يقول...

تفتكرى انة بيحبها زاى ما بيقول اشك جدا لان الاى بيحب ممكن يبعد سنة بس بيتعذب و تلاقى تليفونات و رسايل و وجع قلب لكن هو خمس سنين جالة قلب منين يبعد عنها و عن ولادة و زيارة شهر واحد فى السنة
ماسالش نفسة هو قعد كام شهر معها من اول سنة جواز و قعد مع ولادة كام شهر فى عمرهم كلة
صعب انة يكون دة اسمة حب بل اسمة انانية لانة احب نفسة عنها و عنهم كلهم
كونى رحيمة بها لانها فعلا عانت مع ذلك الراجل كثيرا
فاصعب شى ان نحب انسان و نضحى بكل شى من اجلة و لا نجد شى بعد ذلك

بنات صاحبة الجلالة يقول...

جميلة اوي يا سحورة بجد والله تسلم ايديكي

بس هو دا ثمن الغربة الفراق عن الاهل والاحباب وترك الزوجه وحيدة شريدة بلا ظل تستند عليه وكل مايفعله ذلك الاب الذي أدمن الغربة هو ارسال اموال طائلة يعتقد بانه بذلك يؤمن مستقلبهم ولكنه لايعلم انه ترك خلفه اطفاله يعانوا من فراق الاب والقدوة وعلي مر السنين هيبقي رؤيتهم لوالدهم أمر طبيعي بلا اي اشتياق او لهفه حاجة مؤسفة لان دا اصبح حال ناس كتير اوي في بلدنا

تسلم ايديكي علي البوست الهايل

خالص تقديري وحبي

momken يقول...

تسلم ايدك
انتى صورتى معانا المراءه المهجوره ببراعه فائقه

كمان صورت وضع الرجل المعانى المهاجر ببراعه تحسدين عليها

تعجبنى جدا تفاصيلك وتحليلك
للمواقف

تحياتى

المـــفـــــــقــــــــوعـــــة مــرارتـهــا يقول...

همس الاحباب
-----------------
وحضرتك طيب
خطوة عزيزة منورني يااستاذي

المـــفـــــــقــــــــوعـــــة مــرارتـهــا يقول...

سومه...مجنونه فى بلد عاقل
---------------------------
القصة حقيقية فعلا لعلاقة زوجة بزوجها المهاجر اللي سافر عشان حياة كريمة في بلد المهجر ونسي اهله وعلي فكرة الحالة دي منتشرة جدا في بلدنا وحقيقي ان شايفة ان الراجل اللي يفكر في الهجرة الدائــــــــمـــــــة بدون أهله هو رجل أناني حتي لو قال عكس ذلك
منورة ياجميل ومشاركتك دائماً مصدر سعادة ليا

nona
-------------------
للأسف انتي عندك حق الأنانية هي الوصف الوحيد اللي نقدر نطلقه علي هذا الرجل فرغم زعمه انه يهيم بها عشقاً لكن انانيته تصرخ من بين السطور
بنات صاحبة الجلالة
------------------------
إنتشار الحالة دي جعل منها وباء تخاف من فيروساته الزوجات فالحالة دي بجد شفتها كتير جدا
منورة ياقمر ووحشاني جدا جدا



momken
-----------------
القصة فيها تناقضات غريبة اعياني البحث عن اسباب الهجر وعن الزعم الكاذب بالحب وتوهان الابناء مابين سماحهم لأبيهم وبين سخطهم عليه
ميرسي علي زوقكوكلامك الذي سأضعه وساما علي صدري

شهد الكلمات
------------------
اكيد هانيجي بعد شوية طيران عليكي

شوية قهوة يقول...

فعلا الفراق صب اوي وخصوصا لما يكون من اقرب الناس الينا
وارجو المتابعة

mahasen saber يقول...

فراق تانى انا مش عارفه ايه موضوع الفراق معايا
كل ما اعمل كليك على بوست ولا حاجه يطلع فيها فراق هو ده بقه حظى ولا ايه ولا قدرى...
بس الانسان لو ما ارتبطش بوطنه وبالمكان اليى شايل ذكرياته اعتقد الغربه هتجرفه بتيارها لبعيد
قصتك حلوه قوى
...انتى نورتينى بزيارتك الكريمه ليا الف الف شكر يا جميله وسعيده قوى بمدونتك الظريفه القيمه دى
..ربنا يوفقك ويكرمك..

إيمان قنديل يقول...

البعيد عن العين بعيد عن القلب

Ehab يقول...

ايه ده يا بنتي بس
حرام عليكي

انا بكره قوي فكرة ان العمر يضيع كله بسبب مشكله تواجه حد فيهرب منها
ويبيع اقرب الناس ليه علشان الظروف هنا كانت صعبه
لو كانت صعبه ممكن يسافر لكن ياخدها معاه مش يسيبها هنا اما لو هي اللي رفضت تسافر يبقى غلطانه لأن بلدها وبلده واحد مينفعش كل واحد في مكان كده
اسر كتير شفتهم كده واتعودوا على ده لكن انا متأكد انهم اسر مفككه صدقيني هم اختاروا القرار الغلط

--------------

تحياتي على البوست الجميل

وسامحيني على الغياب والتقصير

سلاااااااااااااااااااااام
اخوكي ايهاب

فشكووول يقول...

ابنتى الحبيبه المفقوعه مرارتها .. والله .. فعلا .. بلدنا تفقع مرارة التخين .. بس ما علهش .. ما هو لو حد تانى يقبلنا كنا سبنا البلد ورحنا عنده .. يا ابنتى الله اعلم كيف ستتغير بلدنا .. كل التاريخ يقول ان بلدنا هى هكذا .. لا تغيير .. واسألى وول ديورانت صاحب سلسلة ( تاريخ الحضاره) حتلاقى كلام يسد النفس المفتوحه
تحياتى لك وشكرا على زيارتك .. بس متهيا لى ولو انى ما شفتكيش وما لقيتش فى ملف التعريف بتاعك سن ولا صوره ان انتى زى القمر.. ربنا يوفقك وتطلعى صحفيه كبيره وشاعره كبيره
على فكره انا دخلت بايدى اليمين.اشكرك يا بنتى على زيارتك.

فشكووول يقول...

الاخت محاسن : يا كريمه زى بلدك : على فكره انا عارف حكاية عزومة القطر دى .. كانت فى رمضان اما القطر اتعطل .. مش كدا .. الكلام بتاعك بتاع الفالنتايم .. يعنى ايه فالنتايم .. نقول عيد الحب وخلاص .. انا من هنا وجاى حاخد بالى واجيب هديه لمراتى فى هذه المناسبه .. وبعدين انا حاجيب لمين ولا مين ولا مين .. الكل عايز .. انا الوحيد اللى ما حدش بيسأل عنى .. نريد المساواه بالمرأه ,, تحياتى

ريمان يقول...

بجد حاجه صعبه اوى

وانا مش بشجع سفر الوزح لوحدى ويسيب زوجته واولاده

فى ناس سافرت ومرجعتش

اه واله

ومراته واولاده متبهدلين

وهو عايش حياته فى الغربه واتجوز ونساهم

لوالراجل عايز يسافر من الافضل انه ياخد زوجته واولاده معاه

emey يقول...

اصعب الفراق اْما يكون الحب اللى تمنتية اْمامك وميحسش بيكى دة اْصعب شىْ
ربنا يصبرك اْنا قراْت موضوعاتكوعجبتنى جدا ربنا ياْخذ الحوات كلها

Unknown يقول...

جميلة جدا الحقيقة

سحر غريب دى انتى ؟
-----------
عاصراً علي مرارته ليمونة الصبر
التشبيه ده جديد و دمه خفيف عجبنى اوى

صبرني يارب يقول...

ايه يا جميل انتى فين بسأل عليكى بس كلمينى على الميل حتى