الأربعاء، 19 نوفمبر، 2008

التصاق جنيني


فلذة كبدها يخطو نحو سنته الأولي في المدرسة..... يرتدي ملابسه الجديدة وهو سعيد يحفظ كلماته الأولي ويحفظ أسمه حتى يتسنى له الرد علي سؤال معلمته له... ما أسمك ؟

تضع طعامه في حقيبته الضخمة بالنسبة لحجم أبنها الصغير... تود لو تصبح مجرد علبة ألوان صغيرة لتدخل حقيبته وتراقب خطواته الأولي وتطمئن علي استقراره والأهم أن تبقي معه وألا تفارقه لحظة ...فكما ارتبط بها الصغير ارتبطت هي بكيانه وكلماته القليلة... هل كبر عُمر وبات طفلاً مُستقلاً وغداً يُصبح رجلاً حراً طليقاً خارج عش براءته؟ هل سيتركها وحدها تنتظره يومياً علي أحر من الجمر كما كانت تنتظر أخيه.. من سيسليها في غيابه بعد أن كان ملجأها في وحدتها الصباحية؟
قصير القامة هو ومع ذلك تراه وتشعر بلفتاته وتستمع إلي همساته بلهفة...... هل ستلاحظ مُعلمة الفصل وجوده كما لاحظت هي... هي تراه وتشعر بنظرات الذكاء تقفز قفزاً عنيفاً من عينيه الواسعتين ... يفتح عيناه عن آخرهما وكأنه لا يطيق صبراً و يريد أن يسبق سنه ليحيط علماً بكل شاردة في هذا الكون.
تذهب إلي مدرسته معه في يومه الأول معها آلة التصوير الخاصة بها لتلتقط جميع لفتاته وهمساته حتى لحظات صمته ستلتقطها... ستصور لحظات الميلاد الثاني لجنينها... اليوم هي التي ستصور وستكون حاضرة بكل كيانها لتساعده علي قطع حبليهما السري الذي جمع بينهما .
تجلس بجواره فيطمئن بوجودها يلعب مع زملائه الجدد ويتعرف عليهم ويكون صداقات طفولية بريئة، يتجاوب مع مُعلمته وينظر كل بضع لحظات ناحية أمه الحبيبة ليتأكد من عدم خذلانها له... تتمني ألا يطلب منها الجميع تركه... تريد البقاء.. هل تأخذه وتعيده معها إلي البيت؟! ستتقبل الأمر الواقع علي مضض فبرغم خبرتها السابقة مع أخيه لا تريد أن تتركه وحده فهل يتركها صغيرها لترحل؟
تنسحب تدريجياً كانسحاب المُخدر من جسد المُدمن ... ينظر طفلها إليها ويطلب منها البقاء... أبقي أمي لا ترحلي أريدك بجواري في تجربتي الجديدة، لا ترحلي أمي لا تتركيني للمجهول يعصف بي، من هؤلاء كي تستأمنينهم عليّ... أبقي معي.
يتمسك بملابسها ويرفض تركها تتساقط عبراته المودعة... تختفي أمه عن مرمي بصره الباحث عنها يـــــــــــــــــصــــــــــــــــرخ
أمــــــــــــــــــــــــــــــى لا ترحلي .
بقلم سحر غريب

هناك 36 تعليقًا:

خمسة فضفضة يقول...

السلام عليكم ورحمة الله وبركاته

هي كده حياة الانسان مراحل متتابعه بيربط بينها الصراخ والعويل

يخرج من بطن امه وهو بيصرخ ويروح المدرسه اول يوم يعيط يخلص الثانويه يعيط عشان مجموعه ماكانش كويس يتخرج من الجامعه يعيط عشان مش لاقي شغل
يتجوز يعيط عشان هايفارق اهله ويتحمل مسئوليه تقيله
وفي الآخر خالص يفارق الدنيا وكل الناس بتعيط عليه

دي سنة الحياه

حاجات جوايا يقول...

ياربى
قلقتينى خالص يا سحر
انا مش عارفه ارد
بجد خايفه اوى من اليوم اللى دودو هيدخل فيه المدرسة وشايله همه بشكل فظيع ..
ده انا لغاية دلوقت مش قادرة اسيبه ينام لوحده

ربنا يقدرنى ويقدر كل ام

وانتى اخبارك ايه يا جميلة ؟؟
يارب تكونى بخير دايما
سلامى للاولاد وباباهم .. وفيفى يللا بالمرة

مفكر يقول...

السلام عليكم::

وصف رائع أخذني من أمام الشاشة إلى المدرسة،،

الطفولة-الأمومة ثنائي رائع حقاً

أنا عايز كدة طفل عنده من أقل من 3 سنين ابوسه كدة وأحضنه وألعب معاه

حضرتك سحر غريب مش كدة؟؟؟

أبدعتي في وصفك..

أتمنى أن أراك على طول في مدونتي

ان شاء الله أتابعك

مفكر

مفكر يقول...

بالمناسبة.......شكراً على زيارتك الجميلة...وأدام الله عليك الود بينك وبين من تحبين..

دمتي في حفظ الله

زوجه يقول...

السلام عليكم
بكلماتك الرقيقه نقلتيني من الوقت الحاضر لسنه قدام
انا كمان ممكن يكون عندي مشكله اني اودي بنتي حضانه
وربنا يقدرني علي ده
فعلا مشاعر الامومه والطفوله البريئه مشاعر لاتوصفها الكلمات
ربنا يدي كل محروم يارب

Mahdi Mahdi يقول...

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم ، وجنت على نفسها براكش

فاتيما يقول...

كدا يا سحر
قلبتى علينا الذكريات
القصة دى بتاعتك ..صح ؟
بس وصفتى بدقة مشاعرنا كلنا كامهات
و مدى تعلقنا بأطفالنا
قبل تعلق أطفالنا بينا
دمتى بكل الحب يا سحورة
ملحوظة
المدونة بتاخد شكل اجمل و أجمل كل مدى

رئـــــيسـة حزب الأحلام يقول...

عمر افندى اخباره اية وحشنا الواد الشقى واحمد اكيد كمان
هو احنا نقدر
ربنا يخليلك الاولاد وتفرحى بيهم
تحياتى لكى وللاسرة

صبرني يارب يقول...

انا كنت مع مريم حاسه ان انا الى مش عايزه امشي واسيبها مش هى

بصراحه هي دلقتني وراحت على العيال والمراجيح واندمجت

واقولها امشي يا مريم
تقولي اه يا ماما مع السلامه

رحمه الى كانت معصلجه شويه بس عادي برضه

ولادي بايعينى اصلهم
هههههههههههههههههههههههه

همس الاحباب يقول...

تلك هى سنة الحياة
ربنا يخليكوا لبعض
وتسعدى بيهم وتشوفيهم احسن ناس فى الدنيا
تحياتى

وومن يقول...

يااااااااه

ايه ده قلبي وجعني كويس اني مكنتش موجودة لما كركر ابن اختي راح الحضانه

ولو انه بيستني لحد ما بنت الجيران تعيط وبعدين هو يعيط

تقريبا تضامناً معاها

ربنا يقدرك علي تربيتهم وتفرحي بيهم يارب

موناليزا يقول...

اسلوبك رائع فى الكتابة
وكانك بتوصفى اول يوم فى الحضانة فى المدرسة اللى كنت بشتغل فيها
الجميل بقى ان فيه مشاهد الام مابتشوفهاش خالص وهى دور المدرسة وهى بتسكت الطفل بعد ما مامته بتمشى

Dr. Chandra يقول...

السلام عليكم ورحمة الله و بركاته

اثارت في تدوينتك هذه ذكرياتي فقد كنت ممن يرفضون الذهاب الي المدرسة نظرا لتعلقي الشديد بوالدتي ولم يفلح معي الا اسلوب والدي القاسي عن طريق الضرب
هو احساس بالارتباط والانفصال لا اعتقد انهم يفهمونه لكن استطعت انت ان تصوريه
فان كان هذا التصوير من وجهة نظر الام فان كل ما دار احسست به انا من وجهة نظر الابن

تحياتي ليك

مشمشه يقول...

جميل اوى الاحساس الى انتى كاتباه عجبتنى جملةوتساعده على قطع حبليهما السرى الذى جمع بينهما وكأن الحبل لم يقطع بعد منذ لحظه الميلاد اد ايه وصفتى الام بشكل رائع سبحان الله لسه كنت بتكلم النهارده انا وصحبتى عن كده عن ان الام احساسها باولادها حاجه تانيه حاجه جواها هيا وبس مهما لف الطفل وحب وشاف بيرجع فى حضن امه وكأنما هيا موطنه الاصلى وهيا كده فعلا

مولان يقول...

بجد خلتيني ابكي

موقف صورتيه ببراعه

وبكلمات رقيقه اوي

المـــفـــــــقــــــــوعـــــة مــرارتـهــا يقول...

خمسة فضفضة
=======================
تصدقي عندك حق احنا كبشر زنانين بشكل وحش من المهد إلي اللحد
تحياتي

المـــفـــــــقــــــــوعـــــة مــرارتـهــا يقول...

حاجات جوايا
====================
بصي ياسالي نصيحة متجربة حاولي تنزليه حضانة قبل المدرسة عشان ياخد علي انفصاله عنك والاهم طبعا انك لازم تسيبيه يبدأ ينام لوحده في سريره عشان ياخد علي بعده عنك
وربنا يعينك وماتخافيش حتي لو مرتبط بيكي اوي هايقضي اول اسبوع او اتنين بالكتير بيعيط بس اهم حاجة ماتستسلميش لعياطه وترجعي لانه من المهم انه يعرف انه مش كل ماهيعيط هايلاقيكي تاني والا هايغلبك
نورتيني ياقمر

المـــفـــــــقــــــــوعـــــة مــرارتـهــا يقول...

مفكر
================
منورني يامفكري العبقري
انا سحر غريب بس القصة دي نشرتها في مجلة علي صوتك فعشان كدة سبت اسمي
اتفضل ساندويتش بقي من سندويتشات عمر ماهو ماينفعش تيجي مع عمر المدرسة وماتاكلش ساندوتش منه
علي فكرة دي اهم حاجة بيحكيلي عليها لما يرجع من المدرسة كل ماباسأله انت عملت ايه في مدرستك ياعمر ؟
يكون الرد اكلت الساندويتشات ياماما
شكرا علي زيارتك
سحر غريب

المـــفـــــــقــــــــوعـــــة مــرارتـهــا يقول...

زوجه
================
انا بقي كل مايكبر ولادي بأرتبط بيهم اكتر يعني وهما صغيرين مارتبطش بيهم كدة واحساسي بانهم اسفنجة بتتشرب مني كل حاجة بيسعدني جدا
ربنا يعينك علي اول يوم في المدرسة ويجعله سهل
علي فكرة انا لاحظت ان الطفل الاول في عدة امهات مابيبقاش انفصاله عن امه صعب ذي تاني طفل
سعيدة جدا بمدونة ابو فاطمة وحرمه
ربنا يديم عليكم التفاهم يارب ويسعد ايامكم

المـــفـــــــقــــــــوعـــــة مــرارتـهــا يقول...

فاتيما الغالية
====================
ربنا يخليكي يافاتيما
ايوة دي قصتي يارب اكون اقدرت اعبر عن مشاعرنا كأمهات ماهو مافيش حد هايقدر يكتب عن احاسيسنا غيرنا
قبلاتي

المـــفـــــــقــــــــوعـــــة مــرارتـهــا يقول...

رئـــــيسـة حزب الأحلام
==========================
انتي عارفة بقي ان احمد باشا عنده امتحان في بكالوريوس اولي ابتدائي في العربي والماث ادعيله بقي احسن الحساب بتاعه تقيل عليه شوية

المـــفـــــــقــــــــوعـــــة مــرارتـهــا يقول...

صبرني يارب
==================
انا ابني الكبير ماغلبنيش كدة كان برضه مستبيع وانا كنت مبسوطة اني باشوفه بيكبر
اما عمر فعشان هو الصغير فكنت مش مستعجلة انه يكبر لدرجة اني ماكنتش باصلحله لغته لما بيتكلم واقعد اضحك علي طريقة كلامه ومش في بالي انه يتعلم لدرجة اني كنت فاكراه فهمه علي قده طلع العيب فيا انا مش فيه ولله الحمد

المـــفـــــــقــــــــوعـــــة مــرارتـهــا يقول...

همس الاحباب
==================
ربنا يخليك لهمس ياابو همس ويباركلك فيه وتشوفها عروسة

المـــفـــــــقــــــــوعـــــة مــرارتـهــا يقول...

وومن
==============
العيال عندها تضامن فظيع مع بعض وفعلا انا لما كنت اودي اي من ولادي المدرسة في البداية اخاف اول مااشوف حد من العيال بيعيط اقول اهلا يبقي ابني هايساندهم في الحركة البكائية
ده كان فيه طفل قعد يعيط في نهاية اليوم ومسك فيا وحايلني انه ييجي معايا كان هاين عليا اعيط معاه انا ياكبيرة

المـــفـــــــقــــــــوعـــــة مــرارتـهــا يقول...

موناليزا
==================
انا جربت اشتغل فترة اني اشتغل في الحضانة كانوا الولاد بيسيبوا مامتهم بعد كام يوم ويمسكوا فيا انا علي اساس اني مامتهم البديلة غير العياط اللي بيستمر طول مالام مش عاوزة تمشي تعرفي انه احيانا انك تاخدي الطفل من امه اسهل عن لما الام تبقي هي كمان مصممة تقعد مع ابنها

المـــفـــــــقــــــــوعـــــة مــرارتـهــا يقول...

Dr. Chandra
===============
ماشاء الله عليك ذاكرة قوية
ولا اليوم ده مأثر فيك للدرجة دي عشان كدة مش قادر تنساه
عقبال يارب ماتشوف ابنك داخل المدرسة

المـــفـــــــقــــــــوعـــــة مــرارتـهــا يقول...

مشمشه
====================
الامومة كتلة من المشاعر والاحاسيس بس ده مايمنعش ان فيه امهات ودي نسبة قليلة خسارة فيها لقب ام
منوراني وسعيدة ان القصة القصيرة عجبتك

المـــفـــــــقــــــــوعـــــة مــرارتـهــا يقول...

مولان
================
ده انتي اللي رقيقة اوي
ربنا يسعدك يارب ويرزقك بابن الحلال ويرزقك بعدها بالذرية الصالحة

واحدة مفروسة يقول...

سحورة ازيك ؟
وحشاني موت
اولا مبروك على عمر المدرسة و يارب تشوفيه احسن راجل فى الدنيا
على فكرة انتى كاتبة الموضوع حلو اوي
خلو احساس الم انها عاوزه تبقى علبة الوان فى شنطته علشان تراقيه و تشوفه

و على فكرة الالتساق ده بيتكرر بصورة اخرى و باحساس تاني عند الزواج
برضه الواحد بيحس انه مش عاوز يسيب اهله

احييك على الموضوع جميل كلعادة
و بما انك بقيتى فاضيه الصبح
حمللى الماسينجر وخلينا نتكلم
سلام

قوس قزح يقول...

اقولك على حاجة غريبة
انا الموقف كان معايا العكس
انا اللى مكنتش عايزة امشى و هو اللى كان خلاص منسجم معهم و عايز يشارك
و ده يمكن لانى كنت عاملة حساب اليوم ده ز كنت بعوده انه يقعد فى بيت الجد او الخال بدون وجودى او انه يشارك فى نشاط فى النادى و اقعد انا فى مكان بعيد شوية


عارفة يا سحر رغم انك فى الكوميدى فوق الوصف و كنتى بتخلنى اجى جرى اتابع فيفى عملت فيكى ايه
لكن فى البوست ده حسيت منه انك مالينى سيستم :)

عجبنى الاسم اوى
و فكر ان برغم ان الطفل اتولد لكن لسه الحبل السرى موجود عاطفته بينه و بين امه


تحياتى لقلمك

غير معرف يقول...

هكذا قرأت (البوست ) وعيني غارقة بالدموع هذا الإحساس شعرت به ولا زلت أتذكره كانه كان بالأمس مرت 19 عاماً على أول يوم دراسي لي و أتذكر فراق يدي ويدي أمي والذي كان كخروج الروح من الجسد أذكر أني جلست طوال اليوم أشم رائحة كف يدي الذي ما زال عطر أمي يغمره كم تعلقت بها و كم أحببت أن أكون في يوماً من الأيام أباً كي أشعر بما تشعر ويشعر الأباء جميعا وها قد جاء اليوم الذي تمنيته طويلا و أنتظر إبني الأول بفارغ الصبر فهل يا ترى سيشم إبني رائحة كف يد أمه ام سيتناسها ويدخل عالمه الجديد مخلفا وراءه أماً كم التعاعت لرؤيته يئن وضحكت عند إبتسامته وكلمته الإولى....
دعونا لا نسبق الأحداث وننتظر فلم يتبق الا قليل القليل !!
أسف على الإطاله البوست تحــــــفه...

mahasen saber يقول...

ياه يا سحر هو ده احساسنا بخطوات فلذات اكبادنا الاولى لعالم العلم الرحب والفسيح

عارفه اول يوم لابنى فى الحضانه فضلت اعيط كل ما يبص عليا
وقلبى كان بيعضنى انى هسيبه وامشى
بس الحمد لله دلوقتى بيقولى مع السلامه يا ماما انتى مش هتروحى الشغل

ربنا يباركلك فيه

Foxology يقول...

جميلة جدا بالرغم من صغرها فى المساحة لكن كبيرة فى المعانى

تحياتى :)

المـــفـــــــقــــــــوعـــــة مــرارتـهــا يقول...

واحدة مفروسة
========================
وانتي كمان واحشاني جدا جدا بس الاماسنجر رافض يتجمل وانا استسلمت لليأس
ميرسي ياقمر علي كلامك الجميل

المـــفـــــــقــــــــوعـــــة مــرارتـهــا يقول...

قوس قزح
=================
أظن انتي عارفة ان رأيك قد ايه مهم بالنسبالي وانا باحترمه جدا فماتتخيليش شهادتك دي وسام اعتز بيه



عزيزي غير مُعرف
-----------------------
ربنا يكمل لزوجتك علي خير ويوصل الدنيا عشان يلاقي اب حنون مثلك يتأثر بكلماتنا عن الأمومة
دمت طيب القلب

mahasen saber
=====================
الاطفال علي فكرة بيحبوا المدرسة وجوها بس هما لازم بس يطلعوا عينينا في الاول
ربنا يخليهولكويباركلك فيه ويعوضك فيه خير
Foxology
======================
اشكرك جدا وربنا يسعدك

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه