الخميس، 9 أبريل 2009

أول الغيث قطرة من دبليو سي المجتمع


في بداية رحلة الوصول لحلقة النيل الثقافية في برنامج .........

بصيت في محفظة نقودي فإذا بي لا أجد بها غير جنيه فضة فكة والباقي صحيح فضربتها في دماغي

الصدئة وقلت اركب ميكروباص وياريت رجليا كانت غرست وأنا رايحة أركب البعيد

كنت هانضرب ياجودعااااان ظلماً وبهتاناً

سواق الميكروباص في منتهي الشهامة والذوق... راجل مافيش كدة لسان طلعله حمار
سوري ياحمار

واحدة ست غلبانة مش عارفة الطريق قالت بكل بساطة وأدب: نزلني السنترال

أول مرة أعرف أن السنترال دي كلمة أبيحة

السواق سمع شتيمته بودنه.. بتقوله سنترال ياعاااااالم ياكفنة

قال بكل ليونة ومياعة كما الدبابة البلهاء : هو أنتي فاكراني خدام عند أهلك

وأخذ يلوح بيده اللي عاوزة قطعها والناس تستحلفه ماعلش عيلة وغلطت خليك أنت الكبير

أطلع ياأوسطي سكتك سالكة

وهو أبداً فقد كان مصمماً علي الإنتقام والست ياعيني تقول له أصلي مش عارفة

السنترال فين وهو أنا لو أعرف كنت سألتك

ومازالت يده تشوح ومصمم علي أنه يتخانق ويطلعها غلطانة وياللهول يداه

أقتربت قليلاً من وجهي

فثرت عليه.. مش أوي يعني بشويييييييش ياجماعة إذا كانوا الرجالة ماأتدخلوش وطلعوا المهراجا السواق صح والست راكبها الغلط ... ناس ذووووق ذوووق صراحة رجالة من ضهر رجالة


المهم محسوبتكم أتعلمت علام مش ولابد اليومين دول اتعلمت اني لما اشوف حاجة غلط أعلق

وأقول رأيي وعشايا عليك ياكرييييييييييييييم

زمان كان ممكن السواق دا يضربني بالقلم وأعيط وأنكتم لكن دلوقتي

قلتله: طيب أفرض أيدك دي دخلت في وشي أعمل أيه أنا دلوقتي

قم رد الملاك البريء الطاهر المظلوم

أنتي مش شايفة بتقول أيه ؟

قلتله الست ماقالتش حاجة غلط الست مش عارفة السنترال فين فعاوزة تأكد عليك عشان ماتنساش

الست ماأجرمتش في حقك.

فأستدار الرجل إلي مقود السيارة وقال بطريقة أقل حدة وكان مستني رد فعلي العنيف عليه

فقد قال : وأنتي أيش دخلك ياآنسة في اللي مالكيش فيه

فعلاً أنا آنسة وعندي عيلين وفعلاً أنا أيش دخلني في اللي ماليش فيه

كانت لازم أيديه تطبع قلم محترم علي وشي وأقول هات كمااااااااااااااان

وطبعاً كان ممكن أتكلم وأديله من المنقي ياجوافة

بس أنا ماليش في شغل الخناقات أنا قلت اللي كان في نفسي وخلااااااااويص علي كدة

وسكت

وهذه كانت البداية

تسجيل الحلقة في اللينك دا للي عاوز يشوف العار

http://www.facebook.com/video/video.php?v=1127415510562&comments

هناك 17 تعليقًا:

المـــفـــــــقــــــــوعـــــة مــرارتـهــا يقول...

الصور مش بتاعتي ياجدعان انا باقول اهوه انا لاطشاها من مدونات صديقة
ها عشان ماحدش يفتكر سوسو حرمياية ولا حاجة

mohamed ghalia يقول...

ياعينى عليكى ياسحر دا انتى اتبهدلتى خالص خالص
ايه يابنتى الى ركبك الميكروباص
يلا ميكروباص يفوت ولا حد يموووووووووووووت

بذرة امل يقول...

عارفة يا سحر أنا بقى عندى فوبيا سواقين الميكروباص
بجد باقوا حاجة صعبة أوى
بصى لو اتزنقتى تانى وقررتى تركبى ميكروباص ياريت تقعدى أخر واحدة خالص فى العربية وحاولى تشغلى أى فور ولا حاجة بحيث ما تسمعيش أى حاجة عشان توصلى بالسلامة ومن غير حرقة دم

MǿиY El-Shreef يقول...

ياعني والنبي بذمتك تعملي مناظره وتفتحي نقاش مع السواق عشان ف الاخر تسكتي

لالالالا كنتي ادتيله منقي ومش منقي جوافه

لالالالا جوافه ايه ده يستاهل بطيخ

هههه

اللهم عافنا من المكرو باص وسواقيه

محمد عبدالرحمن شحاته يقول...

دا طلع سواق أي كلام
علشان كده بيقولوا طبقة السواقين ما يعلم بيها الا ربنا
واضح انك واجهتي كم هائل من المصاعب النهارده

شاب كــ طخين ـــــا يقول...

ربنا يرحمنا من سواقين الميكروباص دول فيهم كل العبر
المهم انتى امبارح مقولتيش البرنامج على قناة ايه :D

مسدس صغير يقول...

ههههههههههههههههههههه
المنقى يا جوافة؟؟
طب وما اديتلوش من المنقى يا جوافه ليه يا انسه.
انتى عارفه انتى فكرتينى بمين؟؟
بمرسى الزناتى ساعة مقعد يقول وانا رحت قايل لابويه الكلام ده مينفعش انت غلطان و و و شتيمه وكلام من ده قالولو انت قلت لأبوك كده؟؟؟
قال : فى عقل بالى يعنىىىىىىىىىىىىىىى

kochia يقول...

الحمد لله انها مجشتش فيا
دانا لسة سائلة علي السنترال الاسبوع اللي فات
ومحدش قالي حاجة

حاجات جوايا يقول...

انتى جميلة فى الحلقة يا سحوره
الحمد لله
انتى زعلانة من ايه
كفاية ان البرنامج مباشر
ايقاعه سريع شوية
بس الحمد لله انه طلع بالشكل ده

فى انتظار باقى الموضوع وانطباعك عن البرنامج
وربنا ينجيكى من سواقين الميكروباص

ولاء يقول...

كلامك عسل اوى انا اول مرة اكتب لحضرتك بس ياريت تكون بداية تعارف واستفاده انا شفت الحلقه وكنتى جميله اوى
ومعلش بقى هما سواقين الميكروباس دول فئه صعب التعامل معاها
المفروض نعملهم نقابه عشان نجمعهم وبعدين نولع فيهم مرة واحده

mohra يقول...

عار ايه بس ...ده انت عسوله جدا يا بنتى

Foxology يقول...

اثبتت التجارب الشخصية وغير الشخصية ان سواقين المكروباص معظمهم مش كلهم مينفعش معاهم غير قلة الأدب والصوت العالى والتهديد بالسلاح ان امكن كمان :)

معلش اهو الواحد مبيتعلمش ببلاش

هشوف الحلقة واقول التعليق :)

تحياتى :)

عـاشق الاقصى يقول...

خسارة كنت مستني اشوف هتكلي العلقة ازاي
لكن نائبي طلع على فاشوش
يلى يا ستي الله كريم في الطوشة الجاية

اختي الفاضلة اشكرك لهذه المقالة اللت يتعبر عن ايام نعيشها ولا نجد طريقة للتغيير
اشكرك وانتظر القادم مع علقة سخنة

صيدلانيه طالعه نازله يقول...

يعنى يا سحر واحده رايحه مقابله فى

التى فى و تركب الميكروباص طب ايه رايك لو كنتى اتضربتى و روحت و عينك زرقه و لاواخدهبوكس فى سنانك احمدى ربنا انها عدت على خير
طبعا انتى اللى سكتك على شتيمتك انه قالك يا انسه
عارفه انا الحكايه دى بتبسط قد ايه و بتحسس الواحد انه لسه يجى منه
كده و لا ايه
هههههههههههههههههههههههه

انا مذنب يقول...

اعتذر عن غيابي الطويل عن مدونتك الجميله

واعرف انها متأخره جدا ولكن الف مبروك على نزول كتابك الجميل

اتمنى ان اجده قريبا واشتريه
اتمنى لكي كل التوفيق

مصطفي ريان يقول...

واضح انه كان يوم خنيق من اوله
بلاش تزعلي

Eno يقول...

تحسي اني سواقين الميكروباص دول بيخرجو همهم في اللي يركب معاهم مع اني الركاب برضه ممكن يكون عنده هم اكبر

ربنا يعافينا
وتحياتي علي الحلقه الجميله والبوست الخفيف ده :)