الاثنين، 13 أبريل 2009

أعمل أيه يابشررررر



ندخل بقي علي البرنامج ومخرج البرنامج اللي كان هايشوطني علي أساس

أن الأخراج عكننة وصوت عالي واضح أنه خريج معهد أتهد وأكتم ياغلس

أنا لاقيته بيزعق قلت أهديه بكلمتين لوجه الله وعشان خاطر الأذن الوسطي بتاع الأنا فقلت كلمة لاقيته بصلي شزراً

وكان ناقص يديني القلم اللي فلت من كف سواق الميكروباز وعينيه جابتني من فوق لتحت بمنتهي الأشمئزاز

رغم أني كنت مستحمية وحاطة آي لاينر

دا احنا كنا في فيلم رعب ياجرعان ...علي رأي عمنا سووووو

المهم مسكت كتابي وحاولت اديه للمُعد والمذيع في ذات الوقت عشان مايطلعش في البرنامج تور الله في برسيمه

ويبقي عنده نبذة هو هايكلم مين لكنه رفض يبص علي العنوان حتي

ماعلينا عدي ياليلة ... الليلة معصلجة ومش عاوزة تعدي

خلصنا الحلقة والتوتر شغال علي ودنه وصوت المخرج العالي بيشخط في المذيع علي السبيكر بتاعه كان هايطرشه

مش مهم هما زملا مع بعض يطرشوا بعض براحتهم خاااالص

بعد البرنامج طلب المذيع نسخته المجانية قلتله لأ دي نسختي أنا وأنت ياعم الأمور

لسة مديني سؤال في الحلقة انتي كسبتي قد ايه من موال الكتاب دا قلتلك ولا نكلة

هي الناس مش بتصدق ليه؟
ياجماحة أنا يوم ماأخدت تلاتين جنيه علي القطعة في مجلتي سيحت وقلت لكل الناس حتي حماتي

الكتاب غير مربح بتاتا وتسجيل الحلقات للبرامج التليفزيونية بيبقي ببلاش دا احنا اللي بنصرف علي التليفزيون يابشر

المهم تنازلت علي مضض وأديته النسخة اللي كانت معايا وكويس أنها بس اللي كانت حيلتي وقتها قووووم أيه

الباشمعد والمذيع جاله تليفون من واحدة عزيزة عزيزة عندها عزة وكرامة وطالبة نسخة من كتابي مجانية برضك شوووووف إزااااااااااااااااااااي ؟ ولاقيت المذيع ماسك التليفون وبيطلب مني بمنتهي اللطف والأدب نسخة مجانية كمان

بصيتله بصة شزراً رداً علي البص اللي اخدته في اليوم العجيب دا كله وقلت ببرود متناهي

خليها تشتريه من المكتبة .... النسخ المجانية بح مافيش خلصت

قفل مع الست وعاتبني البيه إزاااااااااااااااااااي واحدة ذييي تحرجه قدام جارة مامته اللي في مقام خلته لزم

وتقول له خليها تشتريه

الناس فاكرين أن كتابي لما يقع في أيديهم ويقروه يبقوا كدة عملولي خدمة عزيمة عزيمة ياأرض

اللواء ... الواد سوووو النهاردة مأثر في معجمي اللغوي أصل هو بتاع الست عزيمة بتاعة أرض اللوا


واحدة صحبتي صديكتي لما شافتني بعد طول غياب قالتلي فين نسختي المجانية

قلت لها ببجاحة عادي في الزبادي ياجماحة : أنزلي أشتري نسخة من أي مكتبة مالكتاب يُصرف من المكتبة

قالتلي لأ دا أنتي مفروض عليكي توزعي علي الجروب كله مجاني دي شهرة ياعبيطة

دا أحنا هانعملك شهرة وسط المجتمعات الجاهلة كلها

وأنا من مدونتي ومن منبري العالي بأقول هي البت دي جاية مع مين يااخوانا

شيلوا البت دي من وشي بدال مااروح فيها في نصيبة

يعني أنا أستلفت تمن الكتاب من جوزي وقلت ضيقة وتعدي لكن كمان أستلف تمن النسخ اللي هاانزل ألمها من السوق

وأرجع أوزعها ببلاش تاني ليه ياعالم ياكفنة

ياجماعة حد يفهمهم إني بالمنظر دا هاادفع تمن الكتاب مرتين ودا مش أصول لا مؤاخذة

قال دعاية قال وأنا أجيب منين ؟ أعمل قرض من البنك انزل اشتري بيه الكتاب

من السوق بدال مايرطرط ... تصدقوا حكاية النسخ المجانية اللي خلت ناس كتير

تحطني في خانة البخلاء القيحة التلقيحة الغلسين هاتخليني أمتنع بجد عن

طبع طبعات جديدة من الكتاب أو كتابة ونشر كتاب جديد

أنا مش هااعيش كل يوم في الموال دا

هناك 17 تعليقًا:

محمد عبدالرحمن شحاته يقول...

الأول مبروك على اليرنامج
انتي كنتي منوره الشاشه
وبعدين ماتزعليش بتوع الإخراج صوتهم عاليوأكتر كلمه بيقولوها
فركشششششششش
وفعلاً الواحد لما يمل كتاب ما بيخلص من النسخ المجانيه
وهي برضه بتعمل صيت
وربنا يوفقك

MǿиY El-Shreef يقول...

معلش يا سحوره هنعمل ايه يعني

انتي قلتيها عزيمه يا ارض اللوا :D

بس سيبك انتي من ده كله البروج كان تحفه

وان شاء الله اول مانزل بلدنا الحبيبه هبقى اشتريه من المكتبه :D

عقبال الكتاب الجاي يا جميله

د. ياسر عمر عبد الفتاح يقول...

الف مبروك على الكتاب
وألف مبروك على النايل سات كله



بقلك إيه؟
معاكيش نسخة مجانية ليا؟
ده أنا هعملك دعاية فى الصعيد
:):):):):):):)

nohamy يقول...

عادي بتحصل ومصدقك

Foxology يقول...

هههههههههههههههههههههههههههههه

ده بجد حاجات رخمة جدا اللى بتحصل دى :))

معلش اللى ميعرفش يقول عدس

تحياتى :)

محمد فارس يقول...

السلام عليكم ورحمة الله وبركاته
هي النسخ المجانيه خلصت بجد
طب سلامووووووو عليكوووووووووو
انا كنت جاي اخد نسخه واروح
مافيش نصيب
ها استني اللي بعده
الف مبروك علي الكتاب
والف مبروك علي الرنامج
والف مبروك علي اعجاب البشريه بيكي

مع خالص دعواتي لك بتحقيق النجاح
في كل اعمالك

محمد فارس يقول...

اه انا اسف نسيت وعلقت
وانا ما كنتش ناوي اعلق لانك
مش بتردي علي التعليقات
لكن اهههههه كنت عايز اعمل مصلحه
واخد كتاب من اللي بححححححححححححححح
سلاااااااااااام

صيدلانيه طالعه نازله يقول...

يا سوسو اما بنعمه ربك فحدث يعنى لو الكتاب باع عشر نسخ قولى يا حبيبتى احنا عنينا بارده و الله
هههههههههههههههههههههه
اكيد المخرج عرف اللى حصل فى الميكروباص
عشان كده كان بيبصلك شذرا
تعيشى و تاخدى غيرها يا قمررررررر

Darsh Basha يقول...

يانهار ابيض اية شغل الشحاتة دة بقى ..حتى فى الكتب ..ما كل واحد يحترم نفسة كدة ويشترى الكتاب ..امال هو معمول علشان يتوزع ولا اية ..

لكن على العموم لو اتبقى كتاب فاضى ولا حاجة ابقى احجزهولى.

فاتيما يقول...

معلشى يا سحورة
ما دي بقى توابع النشر
و الوجه الآخر لنجاح كتابك
مواقف كتير غريبة كدا و ملهاش تفسير غير التناحة بتاعة البشر ...
أحسن حاجة إنك تقولى الحقيقة
النسخ المجانية خلصت خلاص
و اللى حابب يروح يشترى
و إطبعى الطبعات الجديدة و ميهميكيش يا بنتى ...
سلامى لسلوى و سالى و للأستاذ طارق و العيال و فيفى لأ

Ahmed يقول...

ياسلام
انتي مسمعتيش أبو بلاش كتر منه

تلاقي مثلا شخص مش مهتم بالقراءه ولا حاجه بس برده عايز نسخه مجانيه

أصل الواحد لما بيمسك حاجه مجانيه في أيديه بيحس بالانتصار والنشوه حتى لو مكانش هيستخدمها
المهم انها ببلاش

ابراهيم يقول...

عموما مش مهم مانتي عارفة احنا عيشين في دنيا الانهازية ولا انتي ناسية ولا اية
انا سعيد باني اتعرفت علي مدونتك واتمني ان يكون بينا تواصل كما اتمني ان يكون بينا تواصل http://anaabnalikwan.blogspot.com/

mohamed ghalia يقول...

فهمية بالراحة انى النسخ المجانية خلصت هههههههههههههههههه

شاب كــ طخين ـــــا يقول...

معلش استحملى بقى ده تلفيزيون بلدنا
والثقافيه دى با الذات خنقه ما بعدها خنقه
انا اشتريت الكتاب ومن فترة بس انتى بردوبخيله كان المفروض وزعتيه مع العيش ههههههههه

حاجات جوايا يقول...

هههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
ولا يهمك يا سحورة
هههههههههههههههههههه
دى ناس قيحة يا بنتى مش هاين عليهم يشتروا كتاب

دى حتى الكتب كنوز
بس مين يفهم ومين يقدر
ههههههههههههه

سيبك منهم ولا يهمك طالما بتعرفى تردى واعملى طبعة تانية عشان تلمى فلوسك


بس متنسيش تعملى حسابى فى نسخة مجانية فى الطبعة التانية

هههههههههههههههههههههه
ههههههههههههههههههههههههههه

انا ماشية بدل ما تضرب
ههههههههههههه

سلام يا قمر

Ranim Ayman يقول...

عندك حق متدهمش حاجة لازم ينزلوا يجبوه امال هما هيأخدوا كده بالوشيييييي

arabcooL يقول...

بلوقر
This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه