الجمعة، 12 يونيو، 2009

آخر الأنباااااء يابشر

تحديث
حلقة القناة الثانية أتأجل ميعادها ولما أتأكد من ميعادها الجديد هاابلغكم

انا عارفة اني مقصرة معاكم كلكم نفر نفر بس حقكم عليا بجد


اولاً ميعادكم معايا


يوم الأتنين الساعة العاشرة صباحاً ان شاء الله علي القناة الثانية في برنامج يسعد صباحكم هاتشوفوني


طبعاً ماتشوفوش وحش......... قولوا هانشوفك


خدتكم في الكلام تاني هام نزل لي موضوعات للمرة الاولي والأخيرة في صفحة شبابية ساخرة اسمها شبورة علي صفحات اللواء العربي الورقية


ثالث هام الأخ المبدع محمد تهامي عمل معايا حوار علي مدونته ولينكها




ودلوقتي هاسيبكم مع موضوع جميل للأخ المبدع إسلام جاويش صاحب مدونة اصحي يامصر





ثورة جديدة في عالم المدونات يتزعمها اسلام جاويش ..


أبناء شعبى البار ، قررت أنا الموقع أدناه أن أقوم بثورة شعبية موجهة ضد الناموس
ولازم لازم تشاركونى فيها كلكم دا الرب واحد والدم واحد
إحنا خلاص زهقنا ، خلاص بجد بجد تعبنا
مش كل شوية وانا قاعد على الكومبيوتر صاحى أو نايم ألاقى جيش عرمرم مزود بقوة جوية خارقة نازل عليا قرص وفين يوجعك ياسمسم
ولما بأصحى وابص لنفسى الاقى اثار الخسائر كتيرة اوى،..اهئ اهئ

لقد أصبح الوضع مستحيلاً حيث ضرب الناموس سكور عالي في مص دمائي يابشر
لازم من دلوقتى نتحد ونتكاتف ونتلاحم ونعمل ثورة ضد الناموس انا لما بجهز اسلحتى وابدأ في ابادته بالرش تارة وبالضرب تارة أخري، الاقيه يغيظنى ويروح طاير قدامى ...حاجة بجحة اوى يعنى






جبت فوطة وقعدت اضرب فيه مافيش فايدة حطيت نفسي تحت اللحاف لإخفاء معالم حدودي عن أنظار قوي العدو المتربصة بي ثم رشيت رشة جريئة ولكن الناموس واعي ونبيه فلم تأتي الفوطة معه بنتيجة وأخترق اللحاف بكل مهارة وبعد الرش انتعش وفاق وقال بكل وقاحة أديني رشة كمان
ياشعبي المقروص سأتقدم الآن ببنود مطالبنا من كبير النموسجية وهي

أولاً ... يطلعو الهرم ويمصوا من اللى فيه ...احنا غلابة ومالناش فيه
ثانياً ...يحدو من ازمة التطورات اللى فى مجتمعهم..عمر الحق ماكان يمنعهم
ثالثاً .... اتاحة الفرصة لمزاولة أعمال القرص من الساعة واحدة إلي الساعة الثالثة وبعدة كدة ياخدوا اجازة
رابعاً ....نحن غير مسؤولون عن أي فعص او موت او رش أي ناموسة منكم في غير ساعات عملكم الرسمية
خامساً...اذا لم تتم الموافقة علي مطالبنا الشرعية في حياة بدون قرص فإن الضرب سيستمر وهندخل في حرب شعواء ستستمر لأجيال قادمة.
وعلي السادة القراء رفع حالة الطوارئ القصوى وتدريب مشيليات مُجهزة للقضاء علي فلول العدو وسنكمل ثورتنا

هناك 13 تعليقًا:

واحدة مفروسة يقول...

سحوووووووووووووووووووووووووور
مبروك الف مبروك يا اجمل مفقوعه
و الله انا فرحانالك جداا
فاكرة زمان لما كنت بقولك ان شاء الله حتبقى زي ما انتى عاوزة بس اصبري
و اهو الحمد لله ربنا بيحققلك احلامك يا مفقوعة يا قمرة
ثانيا ايه اخبار اولادك و زوجك يا بطه؟؟؟
ثالتا بالنسبة للبوست
ههههههههههههههههههههه
كل ده علشان الناموس
هههههههههههههههههههههه
هاتلك ايزالو و ريح قلبك
ههههههههههههههههه
تحياتي ليكم جميها
اروح اشوف المقابله بتاعتك الصحفيه بقا

انا ودماغي يقول...

هههههههههههههههههههههههههههه

و الله بوست تحفة و جه على الجرح
و الله امبارح و انا نايمة كان فى ناموسة مجننانى و مش عارفة اعمل معاها إيه بجد بقت حاجة صعبة اوى


و انا بضم صوتى و لصوتكم و بطالب بحقوقى الشرعيه

ههههههههههه

Eno يقول...

الف مبروك ياسحورررررررر

ومن نجاح لنجاح ان شاء الله ربنا يوفقك في حياتك :)

بالنسبه للناموس
ههههههههههههه

خليه يجرب بخور الناموس جامد وبيقضي علي الناموس في ثانيه وملوش اي اضرار علينا نحن البشر
هههههههههههههههه

تحياتي :)

قلب ارهقته الاحلام يقول...

الف مبرووك ياجميل ع الخبرين الجمال

بس ربنا يسهل واعرف اصحي واشوفك :)

اما عن الثورة الناموسية دي فأنا بطالب مع اسلام

بأقصي العقوبة لاي ناموسة متجولة في غير الاوقات الرسمية:)

دمتي بألف خيرر

تحياتي ,,,

كيــــــــــــارا يقول...

هههههههههههههههههههههههه


بوست تحفه بجد

***********

مبروووووووووووك ياقمر

علي الانباء الجميله

بدراوى يقول...

مبرووووووووك
بالتوفيق دوماً
:-)

للأسف مش حعرف اشوف الحلقة
لأنى القناة الثانية مش عندى
:-(

بدراوى يقول...

بالنسبة لبوست اسلام
قريته قبل كدة
و حلو اووووى
يا احنا يا الناموس

micheal يقول...

هههههههههههههههههههههههههههههههههههههههههههههههههههههههههههههههههههه
حلو أوي موضوع الناموس ده كمان
:)
تخيلي لو بقي فيه انفلونزا الناموس بعد كده
:)
تحياتي

همس الاحباب يقول...

الف مبروك
ومزيد من التقدم والنجاح الدائم
ولو على الناموس فين ايام ريد او ايزالو جالو
تحياتى وتقديرى

mosooz يقول...

الف مبرووووووووووك يا سحر
بصراحة احترت اقول مبروك على اية
على الجريدة ولا التليفزيون ولاالمجلة
على العموم الف مبررررررررررروك
وواسف على التاخير ...علشان الامتحانات
بس ان شاء الله هفضى خلاص

ربنا معاكى ويحميكى يارب

Foxology يقول...

الف مبروووووك يا استاذة سحر وفى انتظار الحلقة :)

بالنسبة للناموس الحل بسيط جداااا

فص لمون ويتدهن بيه الأيد والرجل وشكرا على كدة :)

تحياتى :)

جريدة الصباح العربي يقول...

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق

arabcooL يقول...

بلوقر
This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه