الأربعاء، 15 يوليو 2009

مالحب إلا للحبيب الأخير

تحديث


بكرة الساعة سبعة مساءاً علي برنامج الثقافية كافيه لقاء مع بعض من فريق عمل مجلة ميكانو وباب حارة لسعان على النيل الثقافية انتظرونا .
قررت فى لحظة تهور أن تعود للماضى، فقامت بمحادثته لترى إلى أى مدى قد تغير، وإلى أى مدى هى نفسها تغيرت، كانت تحكى لى ماحدث مع نظرة تعجب فلتت من عيناى دون قصد على جرأتها الغير معهودة، ولكنى تعودت على الصمت فى تلك الحالات حتى أعرف كل ماحدث للآخر بدون تخويفها أو زرع قلقها من ناحيتى.

فأكملت كلامها وكأنها تحادث نفسها: لقد كلمته وياليتنى ماكلمته

رددت عليها بأسى متوقعة منها كارثة : ليه أيه اللى حصل بس خلاكى تقولى الكلام دا؟

قالت : حسيت أنه لا يصلح وأن جوزى برقبته

فقلت لها : كويس وهو المطلوب إثباته

فقالت مرة أخرى : لأ دى مصيبة كدة لما جوزى يضايقنى عقلى هايهنج مش هايقدر يرجع لماضى

قديم خنقته بايدى لما دورت عليه.
لقد كان حب الماضى بالنسبة لها مسمار جحا الذى كان يعيدها بلا ندم للماضى القديم
كان يشدها لتسترجع كل ماحدث، أما الآن وبعد أن تأكدت من كونه لم يكن يصلح لتكمل حياتها معه فقد قتلت بيديها مهدئاتها النفسية، ياليتها تركت الماضى في حاله ولم تنبش فيه
لقد نبشت قبراً لتكتشف أن مابه جيفة ميتة لا يمكن إحيائها
نصيحتى لها ولغيرها هى دعى الماضى للماضى أرجوكم لا تنبشوا قبره أتركوه يرقد بسلام
ليترككم تعيشوا بسلام، وتأكدوا أن الحب للحبيب الأخير أحبوه وتقبلوه
سحر غريب 16/7/ 2009



هناك 19 تعليقًا:

موناليزا يقول...

تسلمى يا سوسو بجد عين العقل

شلاطة يقول...

مش دايما ساعات الواحد بيبقى عاوز ينبش في الماضي عشان يمكن يرجعله من جديد هو بيبقى متعب في نبشه بس احيانا بيبقى شر لابد منه


تقبلي مرري

mohamed ghalia يقول...

معاكى حق يا سحر
لازم ننسى الماضى ونبدأ من جديد

mohamed يقول...

كنت لسه بفكر في الموضوع دا بس بشكل عكسي عن دفتر العلاقات السابقة
واللي اكيد بائت بالفشل وإلا مكنتش هتبقى سابقة

الحالتين في رايي غلط
سواء المسكنات الخيالية أو العودة الواقعية

في واقع في حياتها تواجه بحلوه بمشاكلة عشان دا اللي يستحق وجودها وعاشن تكون تستحقه

تحياتي ليكي يا سحر

Unknown يقول...

جميل يا استاذة سحر
الموضوع ده جميل
و مؤثر فعلاً

الحب الأخير هو الذى يدوووووم

شكراً ليكى جداً على البوست ده

MǿиY El-Shreef يقول...

عندك حق ف كل كلمه

الماضي بيخرب ع الحاضر دايما

..

تسلم ايدك

صوت من مصر يقول...

الماضى انتهى على راى عمرو دياب
ودايما نحن نبحث عن الجديد حتى نهرب من الملل
فلما لا

tarek momen يقول...

تصديقا لكلامك
لو اطلعتم علي الغيب لاخترتم الواقع
تحياتي

Mafrousa يقول...

الحب للحبيب الأخير
بصي يا سحور ساعات الواحدة لما تنبش فى الماضي بعقلها بس بيكون فعلا زي ما بتقولى هوه المهديء اللحظي لحلة تكاد تكون اقرب للإكتآب او الانفجار
و ديه علامه كويسة زي العلاج النفسي
لما يقولك غمضى عنيكي و فكري فى حاجة كانت بتسعدك
و ده علاج بيخليكي تخرجي بسرعه من حالة الزهق و القرف و ...و....
الى حالة الحلم الجميل
و عند استيقاظك من الحلم اللى بيكون بعقلك بس بتلاقى الامور من حولك بقت أهدا
و لكن الدعبسة فى الماضي بوسائل اخري غير التفكير
مش انصح بيه لانه بيدمر مش بيعالج
سلام و تحياتي يا قمرة الموضوع جميل

جحا المصرى يقول...

معاكى حق ياسحر
الى فات مات

غير معرف يقول...

معاكى حق

الماضى مضى خلاص نسيانه احسن

micheal يقول...

ساعات الماضي بيبقي متحكم ومتمكن في سيطرته علي الحاضر بكل أسف
ملحقتش أشوف الصباغ
:(
تحياتي

واحدة مجنونة يقول...

عندك حق فعلا
اترك الماضي كما هو افضل لك و للجميع
فالعودة اليه لا تفيد و كذلك الندم
تقبلي مروري

غير معرف يقول...

انا داخله كده عالسريع بس اقول الف مبروك شفتكو يا عفاريت.. عايزة منتج يا سوسو؟؟ اشطة
طب ممكن تكتشفيني؟؟

سوسة ظهرو جميل ويا رب دايما

سلام يا سوسو

مها ميهوووو

EMMY BABY يقول...

فعلااااااا بلاش نرهق انفسنا بتذكر الماضى حتى لا نخسر جمال الحاضر

تحياتى

ايمى

تأثير الفراشة يقول...

السلام عليكم و رحمة الله و بركاته

تحياتى لك

بالنسبة لموضوعك، مين عارف يمكن ده خير لها لأنها كده هتقدر قيمة جوزها أكتر و تعيش فى الحاضر بدل ما كانت بترجع و تعيش فى الماضى


و أحييكى على مجلة ميكانو ، ربنا يوفقك فيها بإذن الله

تحياتى لك ، دمت بكل خير

غير معرف يقول...

سحربتقول كلام جامد اوى

عماد خلاف يقول...

السلام عليكم ورحمة الله وبركاته
على فكرة حوارك كان رائع على القناة الثقافية
الى اما م
ارجو التواصل

Ranim Ayman يقول...

soso anty hatygyyyyyyyy yom 8/8 3al azhar barkkkkkkkkk yarat al agabat tkon ba ahhhhhhhhhhh
?????????????????????