الأحد، 20 سبتمبر، 2009

تعيش وتخسر ياباشا


مش فاهمة انا ليه الشماتة فى فاروق حسنى
واحد قدم فى شغلانة وخسر
المسألة مش محتاجة هوليلة وازعرينة
كل الحكاية ان دمه طلع تقيل على قلب اصحاب الشغل
بس هو مايياسش كدة ويسمى ويحاول يشوفله صنعة يكسب من وراها دولارات

ومش مهم انه يغير مهنته واضح ان مهنة وزير ثقافة مش بتأكل بسبوسة
عنده شغلانات بالهبل وكلها ترفع الراس والركبة
ان شالله حتى يقف فى كشك بتوزعه الحكومة خليه نموذج مشرف لشبابنا الصغير ومش عيب ان الواحد يبدأ من جديد ويكوم فى نفسه

والا اقولكم احنا نعمل جمعية ونلم من بعض قرشين نساعده بيهم عشان يفك رهنية البسكليتة اللي باعها عشان يشترى البدلة الجديدة اللى طلع بيها فى التليفزيون واهو كله بثوابه ربنا يوسع يطعمكم مايحرمكم، قادر ياكريم.

هناك 8 تعليقات:

أحمـــــــــــــد أبو العلا يقول...

وشغلانة الوزير ديه مش ناوي يسيبها لغيره شويه
ولا هوا يعني لما يمسك لعبه ميسبهاش لحد تاني يلعب بيها

ولا احنا اللي اتكتب علينا الراجل ده وغيره لغاية مااحنا نموت (ايوه ماهو مفيش مسؤل بيموت)

واحدة مفروسة يقول...

ده انتى شريرة شر
و منفسنة كده
و شكلك و الله اعلم مفقوعة منه
ههههههههههههههههههه
و بعدين مين ده اللى يعمل جمعية
يا بنتى انتى عايشة فى القرن اللى فات ولا ايه؟
ده الوزير ده بالذات ممكن يجيبلك 500 بسكليتة من فرنسا و غيرها ده ليه علاقات
هههههههههه
و بعدين البدلة اللى انتى منظرة عليها ديه
ديه اقدم بدله عنده
هوهوهوووووووووو ده فااااااروق
شكلك منفسنة يا مفقوعة
انتى كنتى منظرة على كرسي الوزارة لما يفضى ولا اييييييييييه؟؟؟
هههههههههههههههه

قهوة بالفانيليا - شيماء علي يقول...

انتي متخيلة اتصرفت فلوس على الحملة دي قد ايه؟؟
200 مليون جنيه !!
راحوا و طاروا خلاص !!
اصلا هو مش مرشح كويس لمنصب زي دة ..
كفاية قلة الثقافة و قلة الفن ..
كمان هنروح نعدي الناس بالغباوة!!
خليني ساكتة يا شيخة احسن هتجنن.

حسن حنفى يقول...

مع حضرتك حق

كله بيخسر :d

مش هتيجي عليه يعني

علي العموم ربنا يعطيه كمان وكمان :)

hager za3bal يقول...

انا مكنتش عارفه افرح ولا ازعل

كان نفسي يكسب عشان يسيب كرسي وزير الثقافه اللي بقي حكر عليه

وكان نفسي يخسر
عشان مش ده اللي ينفع يمثل مصر ..

بس
كويس انه خسر :))))))))))))))))

Just Smile يقول...

هههههههههههههههههههههههههههه انا قريت الكتاب وقولت اجي ابص ع المدونة فعلا تحفة ماشاء الله
انا شايفة انه فعلا مظلوم ومطحووووووون يعيني صعبان عليا تلاقي مرتبه على قده والعيش غالي ولا اللحمة وكنتاكي كمان غلي كل حاجة غليت وهوا فعلا محتاج قرشين انا هروح بقى ارجع الكتاب بتاعك على كام كتاب واجي اجيبلكوا القرشين :))

تسلم ايدك يا سوسو وفعلا مدونتك لذيذة جدا ودمك خفيف خالص .

غير معرف يقول...

فاروق حسني ده شاب سيس

سيس ولا مش سيس؟؟

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه