الأحد، 7 فبراير، 2010

كان يوماً لا يُنسي

أراني في كوابيسي وحيدة لا صديق ولا رفيق فتصيبني حالة من الفزع فأنا مخلوقة تتنفس بشراً وأعشق التواجد في مجموعات ودائماً عندي هاجس من تنظيم أي إحتفال خاص بي ثم أفاجأ بأني أجلس وحيدة
وفي يوم حفل التوقيع فوجئت بعدد كبير لم أكن أتوقع حضوره
فمفروسة مثلاً والتي كانت دائماً تضع حدوداً للتعامل مع أصدقاء النت ظهرت فجأة لتساندني في هذا اليوم
وعلا صيدلانية طالعة نازلة صديقتي القديمة التي لم تراها عيني إلا في هذا اليوم ظهرت أيضاً
وفاتيما وسووو وصديقي مصطفي الذي رأيت في عينيه نظرة أخ فخور بمن هي أخته
وأحمد بدراوي العزيز النشيط وبطوط حبوب وبسكوتة والغالي أشرف توفيق وخطيبته الجميلة
والأستاذ محمد فتحي الذي نورنا بحضوره وإسلام جاويش الذي جاء متأخراً كالعادة
والأخ المحترم نبيل المقدس الذي كنت أتمني أن أقابله لولا فرق ربع ساعة تأخرتها أنا
والغالية نبضات وسلوي رئيسة حزب الأحلام والأستاذ عمرو عز الدين وبسمة التي كانت كأم العروسة مشغولة بالتصوير والتي أسرتني بجدعنتها كالعادة ورنا الطيبة التي خلقها الله لتساعد الجميع والأخت العزيزة حنان البحيري صديقة الفيس بوك ... واللهي انتي خير مثال علي إن الفيس بوك ممكن تيجي من وراه صداقات متينة والحبيبة أسماء رمضان التي نورتنا بحضورها ومصطفي ريان الذي أنهي حفل توقيعه وجاء ليشاركنا حفلنا وسارة صورصارة ورنيم الذين فاجئونا بنقابهن
وميرا العزيزة وضحي حلمي الحبيبة التي أسرتني بوجودها وطيبتها هي وأخيها المُحترم .... ومحمد حمدي الأخ العزيز وعادل صاحب مدونة بأحب السيما ..........مش عاوزة أنسي حد إلخ إلخ إلخ
شكراً للجميع علي الحضور
أعذروني لو نسيت ذكر أي فرد فالذاكرة تعاني ياولداه
وأعذروني لهذا الخط فالمدونة فيها مشاكل

هناك 21 تعليقًا:

واحدة مفروسة يقول...

مبروك يا سحور
الف مليون مبروك
ويارب دايما من نجاح ال نجاح

صيدلانيه طالعه نازله يقول...

انت جواكى جميل يا سحر و تستاهلى كل خير
دايما يارب من نجاح الى نجاح
انا كمان مبسوطه اكتر لانى اخيرا شفتك

موناليزا يقول...

الف مبروك ياحبيبتى
ويارب دايما من نجاح لنجاح:)

Baskouta يقول...

سحر الجميلة
انا كتبت تعليق مش عارفة اتمسح ولا ايه
عموما مرة تانية وتالتة مبرك يا حبيبتي
وعاوزة اقولك انك بجد دخلتي قلبي دون استاذان بس بابتسامتك وسلامك عليا وكانك تعرفيني من زمان
بجد انتي انسانة راقية وحبوبة
ربنا يوفقك في كل حاجة ويحققلك امانيكي
تحياتي البسكوتية الصباحية

Darsh Basha يقول...

الف الف الف مليووون مبروك يا سحر

وعقبال الكتاب المليون يارب
وتبقى دايما مع الناس وسعيدة دايما يارب

وانا كنت سعيد جدا جدا انى شوفتك
وان شاء الله اشوفك تانى وتالت ورابع وعلى طول يارب
لانى بصراحة بقيت مدمن اشوفك خلاص
وبجد الكتاب جميييييييل جدا وممتع
واحتمال ابقى اذكره بدل كتب الكلية
والمرة الجاية تبقى تسمعهولى

صبرني يارب يقول...

مبرووووووووووووووووك
يا جميل

ودايما فى نجاح يارب

كان نفسي ابقى موجوده بس انتى عارفه الظروف بقى

فاتيما يقول...

انا قولت ف البوست بتاعى يا سحر
ان اليوم حلو لأن أصحابه حلوين
و طيبيبن و دى قرفتهم

انتى انسانة جميلة يا حبيبتى
و محدش شاف منك غير كل خير
قوم لما تيجى مناسبة تخصك
و مش أى مناسبة دا كتاب جديد
تفتكرى منجيش؟!!

الكابوس دا لازم ينطرد من اللاشعور لأن ملوش وجود و لا إنعكاس ف الواقع خالص جبتيه منين؟

يا حبيبتى
كلنا بنحبك و بنفتخر بيكى


و الف مليون مبروك يا سحورتى
و عقبال كل حاجة حلوة منك
و ربنا يخفف عن ماما و ياخد بيدها و بيدكم إنتم كمان لأن المريض لما بيتعب مبيبقاش لوحده اللى تعبان
اللى بيراعوه كمان بيتعبوا على تعبه و ربنا يقدركم كلكم
على تجاوز الازمة دى إن شاء الله

بوسة و حضوناااااااااات أد كداااا

حصان المرجيحة يقول...

طيب انا ماجيتش اعمل ايه
علي العموم مبروك
و تقبلي مروري

أبو حميد يقول...

مبروك يافندم على الكتاب
وسعيد إنى أخدت توقيعك عليه
وأول ماأقراه حقولك رأيى فيه بمنتهى الصراحة
مبروك مرة تانية

I'm The CraZy One يقول...

سحرررررررررررر
مبروووووووووووووووك :]
انا اخت رنيم :] :]
انا اول مره ادخل عندك علي البلوج علي فكره بس طبعا يعني مش اخر مره :]
انبسط اوي اني شوفتك امبارح:]

adel يقول...

مبروك يا سحر
واليوم بجد كان هايل
عقبال مانحضر حفل توقيع الكتاب اللي جاي و اللي بعده كمان :):)

norahaty يقول...

مبرووووك ياسحورة
وعايزين صوووووورة
لكِ ولمن ألتقتي بهم
هناك فى حفل
التــوقيع

عبدالله يقول...

الف مبروك يا سحر وعقبال الكتاب الالف و الطبعة الخمسين :)

من الحاجات الي مفتقدها كتير بره مصر حضور معرض الكتاب والكتب اكيد لما انزل هحاول اشوف الكتب دي ان شاء الله

تحياتي

ranim يقول...

مببببببببببببروك يا سحر وانا سعيدة جدا انيأخيراااا شفتك لا وايه كمان وقعتيلي علي الكتاب يعني اخر جمال
ومبروك علي الكتاب الجديد

تحياتي مبتسمة دائما

اسماء يقول...

سحوووووووور
مليون مبروك ع الكتاب يا قمر ويارب دايما كده ف نجاح وتألق ع طول
والله فرحت لك جدااا

حرروف يقول...

مبروووك الكتاب الف مبروووك

Foxology يقول...

الف الف الف مبروك وكان نفسى احضر انا واينو زى السنة اللى فاتت بس كان غصب عننا عقبال اولادك الضيوف اللى بييجو يباركولنا كل يوم بييجو ومش بنعرف نروح اى مكان

مبروك مرة كمان ومن نجاح لنجاح وعقبال الكتاب المليون ان شاء الله

تحياتى

كيكى عوووووو يقول...

مبروك يا سحر الف الف مبروك
مش هقولك الكلام المعتاد
كان نفسى اجئ وكدة
بس انا بجد ظروفى زى الفل الايام دى
مبروك ياحبيبتى وياااااااااارب
الكتاب الجاى اكون معاكى

المـــفـــــــقــــــــوعـــــة مــرارتـهــا يقول...

ياجماعة ألف شكر علي كلماتكم التي تمس روحي دائماً
واتمني السماح منكم جميعاً لأني عارفة إني مُقصرة معاكم جداً لكن أعمل أيه حقكم عليا انتم تستاهلوا وقت أكتر من كدة

وتهنئة خاصة جداً للأخ الفاضل فوكس والأخت الحبيبة إينو ربنا يسعدكم يارب ويوفقكم دايماً

عايش... ولكن !!!! يقول...

الف مليون مبرووووك
ويارب دايما من نجاح لنجاح

mostafa rayan يقول...

مبروك الكتاب يا سحر
انت كنت منورة في الحفله والفرحه بتنط من جواكي
كمان فرحت قوى انى اتعرفت على زوجك اللي بجد شخصيه جميله وتتدخل القلب على طول