ياروح مابعدك روح
جسد الفتي مدبوح
قرر يفارق الحياة
مش بإيده ياولداه
دا الظلم قادر
والأمن غادر
والضمير مخنوق
قتلوه ودمه علي هدومهم
لسة مابردش يابرودهم
قالوا عليه حشاش
والصادق فيهم بكاش
عيونهم البجحة قوية
وردودهم محفوظة وردية
قتلوه ودمه علي هدومهم
لسة مابردش يابرودهم
وفيها أيه لو مات خالد
بكرة هايتولد مارد
يُقف لهم بالمرصاد
ياخد لخالد حقه
ويرجع الظلم لحُقه
يقفل عليه البيبان
ويسد عليه الحيطان
ويقول بصوت صحيان
دولة الظلم ساعة
وبكرة للعدل ميت مليون ساعة
بقلم سحر غريب
هناك 3 تعليقات:
كلام جميل اوى تسلمى
رغم ان الكلمات طيبة
والله يرحم خالد
ورغم اني مش بعرف في الزجل الا علي قدي
فالشطر تقيله شوية
ونغمها مكسور
وانا مش بقول الكلام للتحبيط ..
بس مش بحب انافق اعذريني
-------------------
بالتدريب ستصبحي افضل
الله يصبرنا مع أهله
حسبنا الله ونعم الوكيل
إرسال تعليق