الخميس، 11 نوفمبر، 2010

ياعيني عليكم ياضنايا

من اجل مستقبل اولادك .. هذا هو شعار الحزب الوطني الجديد ..
الحزب الوطني بيفكر فيكم ياولادي .. صوتي ياللي مانتش غرمانة لم يكفيه تخريب حاضرنا وسيتفنن في تعكير مُستقبل اطفالنا .. حقكم علي مصر ياغاليين.. فمادام الحزب الوطني حطكم في دماغه يبقي
مستقبلكم بلا ملامح ولله الحمد فعلاً مستقبل مُشرق ومهبب بنيلة تحت رعاية الحزب الوطني .. بانت معالم مستقبلكم وظهرت بوادره فقر وجوع وغلاء اسعار ونهب اراضي وبيع ثم تكهين ممتلكات الشعب.. وفساد تجاوز الحلقوم .. واضح فعلا انه مستقبل ضلمة يحتاج عود كبريت يولع فيه ونخلص ..
شعار مش بالعاه تفهم منه انه طظ فينا وفي اللي جابونا .. هو فيه مستقبل ياجدعان من غير حاضر .. تقدر مثلاً تطلع عُمارة من غير ماتعدي علي الدور الأول فيها ..اعتبرونا عُمارة ياجماعة وظبطوا الحاضر وبعدين اطلعوا علي المستقبل بلاش نط حواجز وحياة ابوكم عاوزين حاضر افضل ثم المستقبل جاي جاي هايروح فين يعني.. ارحموا عيال الوطن وارحمونا

هناك 4 تعليقات:

Tarkieb يقول...

طب والعيال اللي فكر فيها من تلاتين سنة وبقى رجالة بشنبات وبدون مستقبل نسيهم الحزب ولا ايه؟حاجة تفقع اذا ماكنش ليه خير في الكبار حيبقى له خير في المفاعيص

م/ الحسيني لزومي يقول...

كل عام وأنتم بخير
عام هجري سعيد

تايه وحيرانة يقول...

هما غرضهم شريف و نظيف وفى منتهى الجمال بطلى سوء ظن

أخبار مصر لحظة بلحظة يقول...

أول مرة أزور مدونتك القيمة .. تهنئتي لك على المجهود المبذول والرائع..
ميدان التحرير الان
اخبار مصر لحظة بلحظة
ثورة 25 يناير