الخميس، 20 مارس، 2008

why not ????????????





أحضرونا ياأخواننا




من كاااام يوم كدة .. كنت قاعدة علي المدونة بأكتب موضوع جديد ومنهمكة في الكتابة




أبص ألاقي زوجي الغالي بيتسحب ...
هوبا ااااااااا
لقيته فوق راسي وبيسألني


: أنتي مشغولة في أيه يافوفو وووووووووو ؟؟




أنــــــــــا في محاولة يائسة للكذب بعد أن أغلقت نافذة النت : أبداً ولا حاجة بأكتب إيميل لقريبتي




زوجـــــــــــــي : ولما أنتي بتكتبي إيميل لقريبتك قفلتيه ليه لما شوفتيني ... أنتي لازم بتدخلي علي مواقع من إياها ومش عاوزاني آخد خبر ... طب والله يافوفو لأزعل منك لوماقلتيش الحقيقة








كله إلا ده عاوز ينام وهو مخاصمني قال ... مابيدهاش بقي لما أقوله علي الحقيقة وأمري لله ..... العمر واحد والرب واحد




يعني هايعمل أيه ؟ هايطلقني مثلاً ... ياااااااالا وأهي حتي تبقي أجازة زوجية نوحش بعض فيها .. كلها حاجااااات صغيرة ... ولا يهمني




أنــــــــــــــــــــا : بص ياحبيبي ... بس الأول أوعدني أنك مش هاتزعل




زوجــــــــــــــي : أنطقي بقي ياشيخة أحسن خضتيني ... أنتي بتعملي أيه بالظبط




طااااااااااااااااااخ ........... طيييييييييييييييخ ... ده ضميري بيضربني بالأقلام وبيقولي أعترفي




آآآآآآآآآآآي .... هاأعترف ... كفاية ... حرااااااااام




أنــــــــــا : الصراحة بقي أنا عاملة مدونة أسمها حماتي ملااااااااااااااك ولا مؤاخذة وبفضفض فيها بكل اللي جوايا



وبحكي عن أللي مامتك عملته فيا من طقطق لسلامو عليكو






زوجــــــــــــــي : وطبعاً بتشتمي في مامتي وبتقولي عنها حاجات ماحصلتش



أنــــــــــــــا : أنا بقول أللي حصل بس والناس هي أللي بتقوووول رأيها ... مش هاتصدق ... مامتك بقي ليها شعبية ولا شعبية اللحمة في سوق الخضار والناس بتقول عليها لذيذة ومليانة أكشن ودمها شرباااااااااات



زوجــــــــــــي : وأيه الجديد ؟ مامتي طووووووول عمرها حبوبة ودمها خفيف ... ومليانة حركات



وطبعاً زوجي العزيز خلاني أقراله كام بوست كدة علي كاااام تعليق حتي يطمئن قلبه ...

الحمد لله أنه كان من غير نضارة
فأخترت له كام بوست وكام تعليق علي مزاجي
وربنا ستر


كدة عداني العيب وقزح ...وضميري أستريح


لكن زوجي الله يكرمه حب يريح ضميري أكتر ...وأكتر


فبعد يومين قرر زوجي أن نقوم بزيارة خفيفة للغالية حماتي بمناسبة مولد النبي وعيد الأم ... كله مرة واحدة


وبعد السلام والعتاب العادي المشهورة بيه حماتي .... فيفي عتاااااايب ..


وبعد أن علت ضغطي بالحديث عن الموبايل بتاعها إللي هاتغيره للمرة العاشرة لتشتري الأحدث


وهي تعلم تماماً رأيي الصريح في سفه تغييير الموبايلات عمال علي بطال وقناعتي بأن كل الموبايلات مهما غلت ثمنها واحد ... علي فكرة هي أساساً مش بتعرف تستخدم الموبايل أو ترد عليه


وكلما ألح المتصل في الرن عليها تجري تخبط علي جارتها عشان تفتحه لها ... غير أن الشبكة واقعة في بيتها معظم الأوقات


وفي نهاية الزيارة أقترب زوجي من مامته وسألها ببراءة :


أيه رأيك ياماما


نعمل لك سايت علي النت ... نحطلك فيه كام صورة علي كام حكاية من حكاياتك اللذيذة ... عشان الناس تعرف قد أيه أنتي هايلة ودمك خفيف

هو قال كدة وعاديكم علي أللي حصللي وشي جاب ألوان والدم ضرب في نافوخي وروحي أتسحبت مني ... أنا قلت خلاااص الراجل أتجنن وهايفتن عليا ويفهم مامته أنا بأعمل أيه من وراها .... ومش بعيد تضربني بفازة تكسر نافوخي

والدم يبقي للرُكب

بس الحمد لله حماتي عملت نفسها فاهمة الفولة كالعادة ... ولم تستفسر عن معني النت أو السايت

فلوكانت .. لا سمح الله ... أستفسرت ..ماكانش بعيد أن زوجي يقر ويعترف عليا

فقد أنجعصت حماتي في سريرها وتمايلت فخراً وقالت : واااي نات .. وماله أنا باأحب الحاجات دي


أنا موافقة ... أعملي واحد من أللي قلت عليه ده


الشُهرة حلوة برضه وليها بريقها




وكل شيء أنكشفِ وباااااااااان


وأنا كدة أستريحت


أستريحوا انتوا كماااان

هناك 87 تعليقًا:

د/اجدع بنوته يقول...

اول كومينت

هيييييييييييييييييه

د/اجدع بنوته يقول...

عسل هههههههههههههه

فتن عليكى هههههههههه

برافو عليكى انك قولتى والله

وتحياتى انه ململكيش هدومك

وبعتك بيت اهلك ف اول تاكسى

ماشاء الله والله متفاهم

وحماتك زى السكر وهو زى السكر والله

وانتو عيله عسل ف عسل

دينا حامد يقول...

الحمد لله ان الموقف عدى على خير
واحسن حاجه عملتيها انك فولتي له
والحمد لله انه طلع متفاهم وتقبل الموضوع عادي جدا

انا في انتظار مدونه حماتك وهقرأ البوستات اللي عليها علشان اتعرف عليها اكتر
تحياتي

عبده الرايق يقول...

حماتك هتعمل مدونه ؟؟؟؟؟؟؟؟؟؟؟؟
جيل سعد سعد يحيى سعد
عرف الطريق الى النت
الجيل ده جيل كريم كدا
واكيد معكماهم رزم رزم
ابقى قوليلى على اسم المدونه بتاعتها
علشان اقلبها
وارجعهالك على البلاطه
اجين
سانك يو فرى ماتش

fatima يقول...

إيه يعنى ...
قصدك إيه
هنلم نفسنا و نبطل تعليقات صريحة و كدا
طيب
بس دا موش كويس عشان نفسيتنا ...الواحد هيبقى مكبوت و موش قادر ينطق بكلمة ...
خلاص عشان المركب تمشى و إحنا ميخلصناش زعل الأشتاذ دا هو الخير و البركة و كفاية انه ابن الملاك بتاعتك
تحياتى و شكرا لسوألك عليا و متحرمشى

صبرني يارب يقول...

قشطه يا مفقوعه هى دي الحماوات الديجيتال
وتبقى تدخل مدونتك بعد شويه وتبقى ليلتك بيضا يا بيضا

وكويس ان جوزك عرف نيمى ضميرك بقى يا حلوه والعمر واحد والرب واحد ومادام بتقولي الحق ولا يهمك يا بنتى

انا بقى باريح نفسي الى نفسه باقوله وجها لوجه عشان لقيت ان السكوت عند الناس الايام دي غير السكوت بتاع زماااااااان خالص
اه كان زمان السكوت علامة الرضا .
دلوقتي السكوت علامة الهبل الضعف الغباوه .
وطبعا انا مش كده وباثبتلهم ده دلوقتي بالبرهان العملي .
وعلى رأيك ياااااااالا هايحصلنا ايه يعنى .

Bongo يقول...

جااااااااالك الموت يا تارك الصلاه

:D

بتفكريني بفيلم Monster in law

كانت حماتها بردو زي العسل :D

متقريش لزوجك العزيز كومنتات تاني , و كفاية عليه صدمة البوست

لأنه كده هيطلقك و يرفع علينا قضية :D

Foxology يقول...

ههههههههههههههههههههههههههههههه

انا مصمم مواقع انترنت على فكرة ويشرفنى وينور السى فى بتاعى انى اعمل الويب سايت ده وببلاش وربنا ده الصيت لوحده كفاية :))

بوست تحفة :)

مدونات زوجة عاشقة يقول...

أنا برده جوزى أقفشنى وعرف كووول حاجة وساعات بظبطه بيحاول يقرا مع أنى محلفاه،فكرك حس وللا أثر فيه ،وغلاوتك عندى ماذاده إلا سكوتا ،وبقيتى مشهور ة فى البيت عندى كل مايشوفنى بحاول أتسحب على الكمبيوتر ،يقولى:مفقوعة برده ؟أقوم قايلة فى سرى :شكلى أنا اللى هاتفقع فى الآخر 0،على فكرة كتبت كلام جديد اخيرا ،لوجيتى علشان خاطرى اقريه بالراااااحااااااوقولى رأيك بجدفى معنى الكلام نفسه،ومعلش حاجة أخيرة يامفقوعة،إزاى ممكن يبقالى حقوق نشر لمدونتى ؟وبس0

Desert cat يقول...

يا ختىىىىىىىىىىىىىىىى
هى حتيجى وراكى كمان على النت
هو مش كفاية ارض الواقع
طيب ربنا يرحمنا احنا كمان من اللى هيحصل

ghoneem يقول...

اهلاااااااا بيكي

خبر هااااايل انا كدة هغير المدونة بتاعك وهحول علي مدونة حماتك .....انطلق

بس قوليلها تظبط الشبكة وبلغيها تحياتي

بوست جميل

تحياتي

بالتوفيق

بطوط حبوب يقول...

يعنى كله بقى فى التومام مااااااااشى

ابقى حطى الصور بقى ههههههههههههه

monaliza يقول...

حلوة واى نوت دى يعنى حماتك بتعرف لغات كمان اتاريها واخده بالها من نفسها ههههههه
بس متقلقيش يافوفو هى مش هتقدر تاخد الجو منك

مفقوعة مرارتها من الست حماتها يقول...

د/اجدع بنوته
==================
مبروووك عليكي أول كومنت وياتري بتهدي المكسب ده لمين ؟
ايه ده كله يابنتي ... براحة شوية
ماتخافيش
خليكي براحتك
انا مش بخاف غير من اللي خلقني

محمد صبحى يقول...

هههههههه
NO Comment

مفقوعة مرارتها من الست حماتها يقول...

دينا حامد
==============
انتم صدقتم انها هاتعمل مدونة حماتي بلا فخر مابتعرفش تفك الخط من أصله ودايماً تخليني اقرالها المكتوب بحجة ان نظرها ضعيف ومش بتشوف

مفقوعة مرارتها من الست حماتها يقول...

عبده الرايق
=============
وهي حيلتها حاجة انت كدة هاتقلبني انا من ناحيتها ماهي لما تحب تجامل حد بتجامله من معانا

مفقوعة مرارتها من الست حماتها يقول...

fatima
===========
انا كنت وعدتكم قبل كدة اني اول ماجوزي هايشم خبر هاقولكم
وانا بحب اوفي بوعودي علي طووول
لكن ماتخافيش زوجي مش من هواة المدونات براحتكم علي الآخر
يعني يرضيكم أطق أموت
انا هاتكلم براحتي واللي مش عجبه يروح يقعد جنب أمه

وحشتيني اوي يابطة

مفقوعة مرارتها من الست حماتها يقول...

صبرني يارب
============
انا الحاجة الوحيدة اللي ريحتني في الدنيا دي هي المدونة بتاعتي
انا من أساسه ممنوع عليا اني اشتكي مامته ليه لدرجة الخنقة
هنا المكان الوحيد اللي بفضفض فيه وهافضل افضفض مش عاجبه مايعتبهاش تاني
انا الصراحة كدة مش باقية علي خاطرهم تاني
انا استحملت كتيييير وفاض بيا

مفقوعة مرارتها من الست حماتها يقول...

Bongo
============
اسمها هنا جالك النكد ياكاتب المدونة

مفقوعة مرارتها من الست حماتها يقول...

Bongo
========
حلوة يرفع عليكم قضايا دي
هو انتم علي ذمته
ماحدش يقدر يرفع عليكم قضايا انتمهنا في حماية فوفو

مفقوعة مرارتها من الست حماتها يقول...

Foxology
===============
ههههههههههههه
واعملك انا دعاية ببلاش
طب تديني كااام انت ؟
اهو اي حاجة نطلع بيها من وري حماتي غير القاولون العصبي

مفقوعة مرارتها من الست حماتها يقول...

مدونات زوجة عاشقة
======================
بجد ... مش ممكن انا اتشهرت في بيوتكم اوي ... وبعدين معاكم رجالتكم كدة هايكرهوني
انا هاجي أكيد
وبالنسبة لموضوع حقوق الملكية فلو عرفتي بتتعمل ازاي ابقي بلغيني
منورة

مفقوعة مرارتها من الست حماتها يقول...

Desert cat
=============
اسكتي ...احسن انا خلاص اتخنقت
بصي منناحيةانها تيييجي مش هاتيييجي ... مالهاش فيه
وابنها مش فاضي يعملها بلوجر اهوكله كلام بيوجع بيه بطني وخلاص

مفقوعة مرارتها من الست حماتها يقول...

ghoneem
=============
انا الأصل برضه وهي التقليد
عمرها ماهتبقي ذييي علي فكرة

مفقوعة مرارتها من الست حماتها يقول...

بطوط حبوب
==============
ليك عليا لما تبقي تودع هابقي احطلها صورة كبيرة ومعاها نعي كبييييير
ياااااااالا مش خسارة فيها

مفقوعة مرارتها من الست حماتها يقول...

monaliza
=============
جوزي بقاله سنتين بيقول هايعمل مدونة ولسة المدونة مانزلتش علي أرض النت
فخليكممعايا احسن
ده كله كلام

مفقوعة مرارتها من الست حماتها يقول...

محمد صبحى
==============
الله هواحنا هانبدأ
ماتخافش ياسيدي مش هاتاكل دراعك

ftafeet يقول...

ههههههههههههه مش ممكن بجد بجد فظيعه
انا بحب الست الدى اوى

وجوزك برضه عسول اوى ربنا يخليكو لبعض

ويخليك حماتك برضه علشان منتحرمش من الحكاوى دى

الشموع السوداء يقول...

ايه ده بقى يعنى مش هنعرف نتكلم براحتنا وجوزك كل شويه هيجى يبص كتبتى ايه وقلنا ايه؟؟ بس حلو انه متفهم وبيشجعك بس خدى بالك لتعرف حماتك الموضوع ههههههه هتروحى فى خبر كان يامسكينه..تحياتى ومنتظرين الجديد

Rania يقول...

انتى كدة فى التمام
و لا يهمك بعد كدة
ربنا يقويك
تحياتى

مفقوعة مرارتها من الست حماتها يقول...

ftafeet
==================
اكيد لوكنتي مكاني كنتي هاتحبيها أكتر
...كدة وكدة

مفقوعة مرارتها من الست حماتها يقول...

الشموع السوداء
================
هو حر بقي انا مش هابطل كتابة عاوز يقولها يقولها
يعني هاأعمل ايه ؟
مدونةمش هاتتقفل وانتم براحتكم خااالص
انا ملاحظة فيه حالة قلق في التعليقات

مفقوعة مرارتها من الست حماتها يقول...

Rania
=================
انا قلبي جامد ماتخافيش عليا

ٍSOU يقول...

انتى مش كان نفسك و منى عينك انك تعرفية انك عاملة مدونة بس خايفة ..اهى جت من عند ربنا..بس سؤا لكدة ع الماشى هم لية الرجالةبيدلقوا قدام امهاتهم ومش بيتبل فى بوئهم فولة علينا؟؟

ٍSOU يقول...

انتى مش كان نفسك و منى عينك انك تعرفية انك عاملة مدونة بس خايفة ..اهى جت من عند ربنا..بس سؤا لكدة ع الماشى هم لية الرجالةبيدلقوا قدام امهاتهم ومش بيتبل فى بوئهم فولة علينا؟؟

lyssandra يقول...

مش قلتلك يابنتي لازم تاخدي حذرك .. المهم كويس انك عرفتي جوزك وكويس كمان ان رد فعله مش عدائي .. هيا بصراحة حركة غير متوقعة انه يطب عليكي .. بس كويس ان الامور خدت المجري ده ..
برضه لازلت أحذرك خلي بالك وخدي حذرك

سلام يا جميلة

lyssandra

اهو ده عيبه يقول...

اولا ازيك

لطيف قوى ان جوزك اول ما تبادر لذهنه انك فاتحه موقع من اياهم، كانه بيكلم واحد صاحبه

عموما الصراحه راحه برضه وتعرف دلوقتى بدل ما حد يقولها من وراكى

بس يا ترى بقى مدونتها دى حتكون عن ايه؟ ربنا يستر

واحدة مفروسة يقول...

المهم يا جميل انك ريحت ضميرك

اما الموضوع التانى ...

ربنا يستر و ماتكبسش على نفسك و تقولك
اعمليهولى.. اكتبيلى..اقريلى

ما هو انا عارفة مايجيش من وراهم غير وجع القلب

appy يقول...

ههههههههههههه
استريحتى ايه بس ما هى هتمسكك السايت وتبقى جبتى وجع الدماغ لنفسك
بس احسن انك قولتى له وربنا هداه وسكت

مفقوعة مرارتها من الست حماتها يقول...

ٍSOU
==============
انا مافيش كلمة أقولهاله إلا مايروح يبلغهها بيها وهي بقي تبدأ تخطط وترسم عشان تستغل كلامه لصالحها
يعني بلاش أكلمه في حاجة تاني ؟؟؟

مفقوعة مرارتها من الست حماتها يقول...

lyssandra
=============
انا جوزي رد فعله في المسائل دي بيبقي علي مراحل
يعني ممكن يتخانق بس مش في ساعتها
ربنا يستر بقي يعني هايعمل ايه ؟

مفقوعة مرارتها من الست حماتها يقول...

اهو ده عيبه
===============
مستحيل ان حماتي تعمل مدونة ... جوزي ممكن بس برضه مستبعد لأنه مش فاضي
انا بقي اللي فاضيالهم

مفقوعة مرارتها من الست حماتها يقول...

واحدة مفروسة
==============
ربنا يستر ... المهم أذيك أنتي وأذي جوزك ؟
البنات أتعقدت مني وجيتي انتي لما حكيتي الموقف اللي فات العقدةبتاعتهم بقت بشنيطة
احلي شغل بيتعمل ... أنتي عارفة أهو أحنا كدة هانخلي البنات اللي مش لاقية عرسان ينبسطوا بحالهم ويرضوا بنصيبهم

مفقوعة مرارتها من الست حماتها يقول...

appy
=========
انا كنت عاملة ذي الحرامية وانا كل يوم بأدخل وأول مايييجي أفتح حاجة تانية دلوقتي وهو قاعد باكتب ولا يهمني
وبرد علي التعليقات
انا مش متعودة اخبي حاجة عليه حتي لو بيشوفها غلط.... ده عيب فيا

واحدة مفروسة يقول...

يا حبيبتى هما فى هنا .. على راى قاسم السماوى ... و بعدين ياااااااااااارب يتجوزوا علشان اعضاء نادى مفقوعة و مفروسة يزيدوا
أما جوزى عقبال امالتك قال ايه من كام يوم قال رايح رحلة عزابى هو و صحابة .. و قال امتى ؟ فى يومين مولد النبى و عيد الام.. شفتى الهنا و محسوبتك اتعكت فى المجاملات لوحدى...وبعدين عاوزة اسالك سؤال بينى و بينك من غير ما حد يسمعنا.... هم الحموات دول فاكرين ان احنا مقطوعين ما لناش أهل ...أقولك حماتى قاعدة لوحدها تجيش أقعدها مع حماتك .....و ساعتها البقاء...............لينا احنا ان شاء الله .. بقولك اية انا مفروسة جداااااااااااااا

امواج يقول...

والله حماتك دى زى العسل
هههههههههههههههههههههههههههههههههههههههههههههههههههههههههههههههههههه



بس كويس ان جوزك عرف وريحتى ضميرك

انا خطيبى عارف المدونه من البدايه
لكن يرضيكى يزعل من تعليق سخيف لواحد بيستظرف

انا كنت زعلانه منه قوى وفضلنا متخصمين كتير


بس هو صالحنى خلاص


ربنا يستر بقى على حماتى انا بدخل هنا اترعب

همس الاحباب يقول...

سلامات يا اختى
والله يا ريت حماتك تعمل مدونة
على الاقل اتنشغل عنك شوية
واتحكيلنا عن مغامراتها وقصصها الشيقة معاكى وفى بلاد لبنان والرافدين
والنبى ابقى قوليلى على اسم المدونة علشان ابقى مقيم هناك ههههههههه
على فكرة انا جبتلك عقد عمل لحماتك فى العراق ايه رايك
فرصة تروح تحرر بلاد الرافدين من الامريكان
تحياتى خالد

مفقوعة مرارتها من الست حماتها يقول...

واحدة مفروسة
==============
كلنا لها ....كل الرجالة كدة بتحب تتحرر وتخرج لوحدها
انا جوزي بقي النهاردة رايح يودي مامته عند الدكتور ... أصلها بتخاااف علي صحتها موووووت
عندها أكتر من سبعين سنة ولا عندهاش لا سكر ولا ضغط ولا قلب
ومع ذلك كل شوية تجرجره وراها للدكتور بتحاول تثبت انها عيانة
عشان تجذبه لبيتها تاني
مش بقولك دي فاكرة نفسها ضرتي

انا موافقة علي أقتراحك اننا نخلي حماتي تقعد جنب حماتك ... وتبقي أتلمت عيشة علي أم الخير
ويقعدوا بقي هما كماااان يشتكوا مننا لبعض وجايز كل واحدة تعلم التانية أساليب عكننة جديدة يعكننوا بيها علينا

مفقوعة مرارتها من الست حماتها يقول...

امواج
==========
أهو ده اللي مضايقني
عاملة أنا حلقات رعب للبنات اللي لسة ماأتجوزوش واللي لسة علي وش جواز
ماتخافيش كلنا لها ... والنهاردة بيعكننوا علينا
بكرة يرتاحوا ويريحونا

بصي عاوزة أقولك حاجة
في مدونتي القديمة البيه جوزي كان بيدخل ويقعد يلغي ويشيل آل أيه ... ماتكتبيش عن حياتنا الشخصية
طب أكتب عن أيه قوليلي
إذا كانت حياتي كلها شخصية

مفقوعة مرارتها من الست حماتها يقول...

همس الاحباب
====================
بص حماتي لما بتفتح في القديم بتنيمني جنبها ... بأحس أني بتفرج علي فيلم أبيض وأسود ... والله كذا مرة تبص تلاقيني في سابع نومة جنبها
أما عن عقد العراق .. أستني لما أقولها بس اكيد هاتشترط تبقي توديها لبنان تصيف هناك

رئـــــيسـة حزب الأحلام يقول...

السلام عليكم الموضوع جااااااااااااااامد جاااااااااااااااامد وتحفة وياريت تعمل حماتك السيت دة واسترها يارب

غير معرف يقول...
أزال أحد مشرفي المدونة هذا التعليق.
maryooom يقول...

ههههههههههههههههههههههههههههههههههه تصدقي فكرة هايله بجد اكتب عن حمات اختي واللي بتعمله فيها وربنا ما يوريني يارب شغل الحماوات ده بس بدج ربنا مع كل واحده عندها حماة

كلاكيت تانى وتانى يقول...

احلى حاجة عملها جوزك انة قالها
بس حاسبى تبقى فية مراقبة دولية ع المدونة غيرى العنوان او الموقع اتصرفى احسن تتاخد منك بوضع اليد
مدونتك جميلة ولذيدة
نحياتى

صيدلانيه طالعه نازله يقول...

محستيش و جوزك بيتكلم ان طلعله جناحات بيضا و دايره فوق راسه ايه البراءه دى
انا جوزى ابقى حاكيه له عن اهلى حاجه و اول مانروح لطنط يقولها عرفتى اخر اخبار حماتى كيت و كيت
و الاخر يقولى فتانه بلبانه
انه برضه

ayar يقول...

اااااااااااااه الفار كان هايقع فى مصيدة القط يافوفو لكن ربنا ستر ياجميل .. يلا اهو هم وانزاح على قلبك وهاتعرفى تكتبى براحتك.. بس حاسبى بقى بعد كدا لحسن كل شوية جوزك يقولك ورينى كتبتى ايه اخر حاجةعن ماما ويعرف اللى فيها ...خللى بالك !!

romalistic يقول...

opssss :D
كده أريح بس المهم متبقيش بتكتبى و انت مش واخدة راحتك بعد كده

شاب نفسة يحقق حلمة يقول...

احمدي ربنا ان الموقف عدي علي خير
هههههههههه
والله بجد دمك زي العسل
تحياتي ليكي

سنووايت يقول...

اهو دا اللي كنا خايفين منه
بس كدة تمام علي الاقل هتكتبي وضميرك مستريح

مصطفى فتحي يقول...

رائع الكلاد ده
مسخرة بجد
تحياتي على اسلوب السرد الجميل

rona يقول...

بس والله زى العسل والحمد لله العمر والرب واحد وهيحصل ايه يعنى وكويس شفتى حماتك اللى انقظتك من اللى كان جوزك هيعمله ادعيلها بقى

walaa يقول...

كويس اللى انت قولتيله كده فى النور احسن
بس خلى بالك من الكلام بعد كده علشان مش يحصل قفشات هههههههه
ربنا يهديهالك يارب
ولاء

SKOBL- Little Lazy Me يقول...

قشطة كده اللعب بقى في النور و بان و انكشف المستور .. بس المفروض بقى احنا ايه .. نقعد نغني لحماتك ة نقول فيها شعر عشان لو جوزك دخل يبقى كله تمام ... ههه ، الحمد لله انها عدت على خير .. ما قلتليش وصلتي السلام لحماتك ولا لأ .. ده السلام أمانة .. هههه .. بجد قشطة أوي ان المور عدت كده
تحياتي

مفقوع مرارتي من حماتــــــــــــي يقول...

رئـــــيسـة حزب الأحلام
====================
وعليكم السلام ورحمة الله وبركاته
منورة ياريسة

مفقوع مرارتي من حماتــــــــــــي يقول...

maryooooooom
=============
ماحدش بيحس بالنار إلا إللي ماسكها
بلاش تكتبي انتي يابنتي عشان ماتفوليش علي نفسك
وربنا يرزقك بحما كويسة

مفقوع مرارتي من حماتــــــــــــي يقول...

كلاكيت تانى وتانى
================
انا لا هاأغير الموقع ولا حاجة
انا هاسيبه واللي يحصل يحصل

مفقوع مرارتي من حماتــــــــــــي يقول...

صيدلانية طالعة نازلة
======================
جوزي ساعات بيكون متسامح لكن بعد شوية ممنك العفاريت تطلع عليه وينكد عليا
انا عارفة انه ممكن يكون مأجل الخلاف علي الموضوع ده بس ... ولاااااا يهمني

مفقوع مرارتي من حماتــــــــــــي يقول...

ayar
===========
من ساعة ماقلتله وهو مابيسألش عن المدونة
لازم مرقدلي علي مصيبة
دعواتكم معايا

مفقوع مرارتي من حماتــــــــــــي يقول...

romalistic
================
لا هاأكتب براحتي ... هو انا يعني بقووول ايه كله في الخفيف يافندم

مفقوع مرارتي من حماتــــــــــــي يقول...

شاب نفسة يحقق حلمة

========================
ربنا يخليك ويبارك فيك
ابقي تعالي

مفقوع مرارتي من حماتــــــــــــي يقول...

سنووايت
============
كدة فعلاً أحسن انا ضميري ده دايماً موديني في داهية مش لاقية تلاجة علي مقاس سيادته

مفقوع مرارتي من حماتــــــــــــي يقول...

مصطفى فتحي
=============
أشكرك أخي الفاضل .. منورني

مفقوع مرارتي من حماتــــــــــــي يقول...

rona
===========
ماأنا بأدعيلها ان ربنا يريح بالها ويهديها

مفقوع مرارتي من حماتــــــــــــي يقول...

walaa
=========
طب بزمتك انا قولت حاجة عليها وحشة قبل كدة كله في اللذيذ

مفقوع مرارتي من حماتــــــــــــي يقول...

SKOBL- Little Lazy Me
=========================
اذا كنت انا مش ناوية أقول شعر انتم هاتقولو ليه ؟؟؟
عاوزني اوصل السلام لحماتي ... انتم باين عليكم مش هاتجبوها لبر معايا
ومش هاترتاحوا الا لما تشوفوها

Dream يقول...

ههههههههههههههه
بجد انتي فظيعه
عجبني اوي اسلوبك في الكلام
لذيذه جدا
انا مبسوط وانا بقرأ كلامك
مش عارف ادعي اوق ربنا ينكد عليكي من حماتك اكتر واكتر عشان ننبسط احنا وانتي بتحكيلنا ولا ندعي نقول ربنا يهديهاعليكي وتبطلي كتابه

خمسة فضفضة يقول...

السلام عليكم ورحمة الله وبركاته

اووووووووبس دا كده بقي ماسك عليكِ ذله وممكن يقولها في اي وقت هو زعلان منك فيه

ربنا يسترها معاكِ بقي ، لو غبتي اكتر من 3 ايام هانبلغ مجلس الامن والامم المتحده

سلام يا عسل

مفقوع مرارتي من حماتــــــــــــي يقول...

Dream
=============
ليه بس كدة ... عاوز تدعي عليا ده انا غلباااانة
شكراً علي الزيارة

مفقوع مرارتي من حماتــــــــــــي يقول...

خمسة فضفضة
===============
وعليكمالسلامورحمة الله وبركاته
بصي أمانة عليكي لو لاقيتي اسمي في صفحة الحوادث تبقي تبلغي عنه علي طول
وحشتيني

جسر الى الحياة يقول...

والله حماتك دى عسل امال مرارتك مفقوعة ليه؟
انتى متاكدة انها المرارة بس اللى اتفقعت

مفقوع مرارتي من حماتــــــــــــي يقول...

جسر إلي الحياة
================
دي حماتي دي لذيذة لذاذة ربنا مايوريكم

Dr-hema يقول...

لا عداكى العيب
ههههههههههههههه
كده براءة

د/هيما

حماتــــــــــــي ملاااااااااااك يقول...

Dr-hema
-------------------
شفت بقي ظلمتني إزاي ؟
فيفي مايهمهاش حد

air drying dessicants يقول...

black mold exposureblack mold symptoms of exposurewrought iron garden gatesiron garden gates find them herefine thin hair hairstylessearch hair styles for fine thin hairnight vision binocularsbuy night vision binocularslipitor reactionslipitor allergic reactionsluxury beach resort in the philippinesafordable beach resorts in the philippineshomeopathy for eczema.baby eczema.save big with great mineral makeup bargainsmineral makeup wholesalersprodam iphone Apple prodam iphone prahacect iphone manualmanual for P 168 iphonefero 52 binocularsnight vision Fero 52 binocularsThe best night vision binoculars herenight vision binoculars bargainsfree photo albums computer programsfree software to make photo albumsfree tax formsprintable tax forms for free craftmatic air bedcraftmatic air bed adjustable info hereboyd air bedboyd night air bed lowest pricefind air beds in wisconsinbest air beds in wisconsincloud air bedsbest cloud inflatable air bedssealy air beds portableportables air bedsrv luggage racksaluminum made rv luggage racksair bed raisedbest form raised air bedsbed air informercialsbest informercials bed airmattress sized air bedsbestair bed mattress antique doorknobsantique doorknob identification tipsdvd player troubleshootingtroubleshooting with the dvd playerflat panel television lcd vs plasmaflat panel lcd television versus plasma pic the bestadjustable bed air foam The best bed air foam hoof prints antique equestrian printsantique hoof prints equestrian printsBuy air bedadjustablebuy the best adjustable air bedsair beds canadian storesCanadian stores for air bedsmigraine causemigraine treatments floridaflorida headache clinicdrying dessicantair drying dessicantdessicant air dryerpediatric asthmaasthma specialistasthma children specialistcarpet cleaning dallas txcarpet cleaners dallascarpet cleaning dallasvero beach vacationvero beach vacationsbeach vacation homes veroms beach vacationsms beach vacationms beach condosmaui beach vacationmaui beach vacationsmaui beach clubbeach vacationsyour beach vacationscheap beach vacationsbob hairstylebob haircutsbob layeredpob hairstylebobbedclassic bobCare for Curly HairTips for Curly Haircurly hair12r 22.5 best pricetires truck bustires 12r 22.5washington new housenew house houstonnew house san antonionew house venturanew houston house houston house txstains removal dyestains removal clothesstains removalteeth whiteningteeth whiteningbright teethjennifer grey nosejennifer nose jobscalebrities nose jobsWomen with Big NosesWomen hairstylesBig Nose Women, hairstyles

ranim يقول...

ههههههههههههههههههه والله كنت اعتقد ان حماتك وزوجك مش هيتقبلوا الوضع بس طلعوا شطار اهم



تحياتي مبتسمة دائماااااااا

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه