الاثنين، 10 نوفمبر 2008

مُطرب الحي لا يُطرب


بعد تخرجي مباشرة من دراستي الجامعية عملت لمدة سنة كمُعلمة في حضانة كنت أقوم بتحفيظ القرآن والأحاديث ومعاني الكلمات وبعض الأناشيد الدينية وكنت متفانية في عملي بصورة كبيرة جدا فكان الطفل ذو الثلاث سنوات يحفظ معي من السور مالا يحفظه الكبير ومع ذلك كان هناك من أولياء الأمور من يشتكي ويتصيد الأخطاء الصغيرة التي لا تضر أحدا ولكنها السبق بالشكوي بدلا من الشكر ......وعندما أضطررت لترك العمل في تلك الحضانة لظروف زواجي في منطقة بعيدة عنها وجدت مظاهرة حب من أولياء الأمور تنعي حظ أولادها بتركي لهم، وكنت كلما زرت تلك الحضانة يقابلني نفس أولياء الأمور ... الشاكيين القدام بالشكوي من المُعلمة الجديدة التي لا تضاهيني عملاً والتي أتوقع أن كلمات الشكر ستنهال عليها عندما ترحل أيضاً.. وعلي رأي المثل مُطرب الحي لا يُطرب...والمثل الثاني الذي ينطبق علي تلك الحالة ...الشيخ البعيد سره باتع

احكي لكم هذه الحكاية لأنها تتكرر كل يوم وآخرها في إجتماع أولياء الأمور الأخير في مدرسة أبني فبدلاً من شكر مُعلمته علي مجهودها الجبار.. فهي تعلمهم اللغة الإنجليزية يصاحبها الحساب ومعهم العلوم ومع ذلك تجد أولياء الأمور يهاجمونها بضراوة لمجرد نسيانها لكتابة صفحة الواجب في كراس المتابعة ...وعندما سألت مُعلمته عن كيفية توضيح جزئية من المنهج لأبني وجدت واحدة من أولياء الأمور تعلن بصوتها الجهور أن مهمة إدخال المعلومات في أذهان أبناءنا ليست مهمتنا بل هي مُهمة المُعلمة وحدها لا غير

ماذا حدث لنا ؟

لماذا أختفت الكلمات الجميلة مثل جازاكِ الله خيراً وشكراً من قاموسنا ؟

فعن تجربة حقيقية احب ابلغكم ان المدرسين والمدرسات يبذلون طاقات جبارة لا تتناسب مع مرتباتهم الصغيرة ولكنهم راضون قانعون ..فسعادتهم تكتمل عندما يكون في مقدورهم إدخال المعلومات في تلك العقول البكر الصغيرة وليضع كل ولي أمر في أعتباره ان كلمته الطيبة ليس معناها مطالبته بدفع مبالغ إضافية لهذا المعلم ولكن الكلمة قد تكون هي الحافز السريع لهذا المُعلم... وهي ترياق الصبر الذي يداوي هزال مرتبه ... ودائماً وأبداً أرجو أن نضع أنفسنا مكانهم وتلتمس لهم العذر بل ونساعدهم بكل طاقاتنا لكي يكون أطفالنا في أحسن حال

إذا كنت أيها القاريء واحداً من أولياء الأمور الشاكيين فسارع إلي مدرسة أبنك وأشكر مُعلمه أو مُعلمته علي الجهد المبذول وأعلم أنك بهذه الكلمة التي لن تكلفك شيئاً قد صنعت منه مُعلماً جديداً بشوشاً سعيداً مُقبلاً علي تعليم أبناءك ... ولا تنسي أن الكلمة الطيبة صدقة

هناك 74 تعليقًا:

ِِAdem El-Mahdy يقول...

اتفق معك تمام الاتفاق

حقا لقد اصبحت اخلاقنا صعبو جداا
نحتج من الناس كل شىء و نحن لا نريد ان نعمل الى شىءahmedhaz2

Mafrousa يقول...

مفقوعة حبيبتى و حشتينى
انا عارفه انى وحشة و مقصرة معاكى
بس برضه عارفه انك مش بتزعلى من مفروسة اللى ماشيه تتكعبل فى حاجات تفرس
بصي يا قمرة
بالنسبة للمدرسين انا معاكى المدرس الشاطر واجب نشكره على مجهوده مع الاولاد
و مش لازم نتصيدله الاخطاء
بس ده المدرس الشاطر
اللى همه بقوا قليلين جدا الايام ديه
سلميلي على اولادك يا باتعه

صبرني يارب يقول...

معاكي حق يا سحور
حقيقى ده بيحصل

انا عن نفسي لو عندي ملاحظه علىالمدرسه لازم اقولها بينى وبينها اولا وكمان يكون قبلها كلتين حلوين وشكر عشان ماتضايقش من كلامي

لانهم فعلا بيستحملوا كتير من العيال برضه

تحياتي لكى ومبسوطه بتواجدك

moory-mero يقول...

السلام عليكم و رحمة الله و بركاته

موش عارفه أقولك إيه بجد برغم غن دي اول زيارة ليا بس تعرفي الموضوع ده بقيت بسمعه وموش بستغرب له خالث
ليه بقى ها قولتيلي ليه
لأن لتعليم دلوقتي موش بقى غاية لكن وسيلة هتخليني يكون معايا شهادة متعلمة موش متعلمه موش مهم
زمان موش كان المدرس بيتضرب أو يتهان دلوقتي بقى ما شاء الله بعد ما كان قم للمدرس وفه التبجيلا يعني شكر وثناء كاد لمعلم ان يكون رسولا فالعلماء هم ورثة الانبياء دلوقتي بقوا يتهانوا بشكل بشع بالضاافه ان العلماء زمان كانت قدسيتهم للتعليم اصبح الان قدسيتهم للماده يعني الخطأ متقاسم بالنسبة لاولياء الامور فده برده عادي بعد ما كانت الام مدرسة اذا اعددتها اعددت شعب طيب الاعراق بقت دلوقتي الام شنطة و شوز وخروجه ونادي وسيدة مجتمع وهاي باي بعد ما كانت ام واخت وصديقه وزوجه صالحه تراعي الله في زوجها واولادها الناس اتغيرت صدقيني
والزمن يدوب ساعات ودقايق وثواني بتمر لكن النفوس بتتغير بشكل سريع
ربنا يرحمنا برحمته ويجازل كل من عمل خير بعمله وكل من عمل شر بعمله ايضا

سوري لو كنت طولت عليكي بس حبيت اقول رأيي كاملا ومتابعاكي ان شاء الله

في رعاية الله

محمد فاروق الشاذلى يقول...

كثير من الأشياء الطيبة فى حياتنا بدأت تختفى وياريت نحاول كلنا نرجعها تانى ونبتدى بنفسنا

mary victor يقول...

أصل ايه يا مفقوعة ياختى اقولك انا
ولى الأمر حاليا حاسس انه بيدفع دم قلبه للمدرسة فلازم يطلعه على المدرسين
و المدرسة بترفع المصاريف و تقول لكم مرتبات المدرسين، فمدام انتى يا بت يا مدرسة السبب و احنا اللى دافعين لك مرتبك فتعالى نطلعه على جتتك
اينعم مش هقول لك لاء المرتبات زادت بس مش بنسبة زيادة المصاريف السنة دى
و الفلوس كلها رايحة لصحاب المدارس
المشكلة بغض النظر عن الشكر و الكلام دة إن مش من مصلحة ولى الأمر و لا ابنه انه يستعدى المدرس
قولى لى ليه. اقولك ليه
لأن لو انتى كولية امر قارفة اللى خلفونى لا هطيقك و لا هطيق ابنك او بنتك
اينعم مش هستقصده او انقصه فى الدرجات
بس صدقينى لو الواحد حابب الأم هيحب ابنها او بنتها اللى عنده فى الفصل و الأحاسيس دى بتوصل للطفل و بتفرق معاه كتير اوى لأنه بيعتبر الميس كائن عالى سامى و امتداد لماما
على فكرة انا مدرسة انجلبزى فى مدرسة لغات راهبات

همس الاحباب يقول...

متفق معكى جدا
الكلمة الطيبة لها وقع السحر
وكثير من الايجابيات والاشياء الجميلة انقرضت وتلاشت من قاموس الحياة
والكل اصبح يتصيد الاخطاء
تحياتى

المـــفـــــــقــــــــوعـــــة مــرارتـهــا يقول...

ِِAdem El-Mahdy
=================
للأسف الأبناء هم الذين يدفعون الثمن
فسوء معاملة الأم للمعلم تتحول إلي لامبالاة عند تعامل المعلمة مع الأبناء
منورني

المـــفـــــــقــــــــوعـــــة مــرارتـهــا يقول...

واحدة مفروسة
==================
وحشتيني جدا يامفروسة
انا في البوست ده اقصد طبعاً المدرس المجتهد الذي لا يمتلك من العيوب إلا قليلا ... ماهو مافيش حد كامل ولازم النقد للمدرس يكون بأسلوب منمق ومهذب لا يسيء للمدرس

المـــفـــــــقــــــــوعـــــة مــرارتـهــا يقول...

صبرني يارب
=================
خلينا صرحاء مع بعض احنا بنتعب في تربية ولد او اتنين بالكتير يبقي لازم نراعي ان المدرسين بيبقي عندهم اكتر من عشرين طفل علي الأقل
كل واحد وراه احتياجات
انا كمان مبسوطة انكم لسة بتزوروني

المـــفـــــــقــــــــوعـــــة مــرارتـهــا يقول...

mero-moory
==================
عندك حق انا اعرف ستات جايبين لولادهم مدرسات خصوصي من كي جي وان عشان مش عاوزة تصدع دماغهم برغم اني شايفة ان تعليم ابناءنا في مدارس لغات قد تكون فرصة لكي نتعلم معهم ونعوض تعليمنا الحكومي العادي الذي اصبح لا يساوي شيئاً الآن

المـــفـــــــقــــــــوعـــــة مــرارتـهــا يقول...

قلب مصرى
==================
انا كتبت الموضوع ده عشان نحاول نرجع الصفات الكويسة دي تاني لأن بجد عدم مراعاة التكلم مع المعلمة بصورة مهذبة بتضايق جداً.. وانا جربت بجد الموضوع ده
يعني التعامل مع الأطفال أفضل ألف مرة من التعامل مع ذويهم

المـــفـــــــقــــــــوعـــــة مــرارتـهــا يقول...

coffee break
===================
للأسف في مدارس اللغات فعلا المصاريف بتبقي كبيرة بس مرتب المُعلمين بيبقي صغير جداً لا يكافيء الجهد المبذول... ده غير أن بيبقي الشغل في تلك المدارس مطحنة ضارية علي المُعلم

أما بالنسبة أن المُعلمة بتتعامل مع الأطفال اللي أمهم سليطة اللسان بأسلوب بيخلوا من العاطفة أو بمعني اصح ببرود فده بيبقي غصب عنك
وده حصل معايا فعلا ...فكانت في الحضانة بنوتة جميلة ومتفوقة جدا وكانت مامتها سليطة اللسان ... ورغم ان بنتها كانت بتروّح كل يوم بكلمات واغنيات جديدة في الانجليزي وسور جديدة في القرآن الا انها لم تأتي يوماً لتشكرني علي مجهودي بل أن ابنتها عندما رفضت في احد الأيام ان تتناول طعامها جاءت تلك الأم مُهللة بقاموس شتائم لم اعتدها وكان هذا العمل بعد الجواز ولم استمر فيه بالطبع اكثر من شهر واحد بسبب تلك المرأة وبالفعل كنت اتعامل مع ابنتها في ايامي الأخيرة بمنتهي البرود واللامبالة غصباً عني وقد رأتني أمها بعد ذلك في الشارع واخذت تعدد في افضالي علي ابنتها التي لم امكث معها اكثر من شهر ولكنني علمتها ماقد تدرسه في سنين

المـــفـــــــقــــــــوعـــــة مــرارتـهــا يقول...

همس الاحباب
================
الكلمة الطيبة صدقة
مش هاقولك ننافق بس ندور علي الحاجة الحلوة اللي في المُعلم ونبرزها في كلامنا معاه

amnesia يقول...

انا معاكى ان المدرسين مظلومين جدا
ومع ذلم منهم ناس لسه بتراعى ضميرها ومش بيهما الظلم لاى بتتعرضله ..
ولو جينا نتكلم عن كلمة شكر هنلاقيها اسهل وارخص حاجه ممكن نقدمها للمعلمات الى بجد بيتعبوا عشان خاطر اولادنا
بس اذا كانت الحكومه الى تعبر بمثابة ابونا وامنا فى المجتع الخارجى مش بتقدر الناس دى .. يبقى مين هيقدر ؟!!
لكن انا برده معاكى ... لازم تقدير اكتر من كده

Dr. Chandra يقول...

ان ما يحزن النفس ان يساء تقدير المرء فلا ينظر فقط الا علي عيوبه ولا يقال له حتي شكرا
ليس الامر وحده في التعامل مع المدرسين كما ذكرت وانما انت ذكرت فقط مثال او وجه لسلوك محزن ...
و ليس الشكر بالضرورة يكون كلاما بل تكفي نظرة تقدير ... نظرة عرفان ... تشعرك بان ما تفعلينه يستحق ... بان هناك شخص يقدر حقا ...
ليس الامر مع المدرسين فقط انه في كل جوانب الحياة والتعاملات ...


تحياتي لك ...

الكحيان يقول...

العزيزة مفقوعة ... قيم جميلة وطيبة اندثرت من حياتنا وتلاشى ظلها... التلوث أدرك كل شيء...أدرك الماء والهواء أدرك الغذاء والدواء..وأدرك النفوس أيضا ما عادت هناك أذواق ولا آداب ولارحمة ...لذا لا نستغرب حتى على مستوى الألفاظ أن نجد قاموسا فجا غليظا ينم عن سوء الأدب وانهيار صرح الأخلاق فإن الأغاني -مثلا- تحمل كلمات لاتنتمي سوى إلى قاموس الفجاجة والانحطاط..مثل قول بعضهم يخاطب محبوبته قائلا : (قوم اوقف وأنت بتكلمني )أو قول الآخر: ( كوز المحبة اتخرم عايزه له بنطة لحام ) حتى الساسة الذين يفترض فيهم التهذيب والأدب والثقافة لا يجلبون كلماتهم إلا من البالوعات وصناديق القمامة: فهاهو كبيرهم يصرح منذ يومين بأن العلاقات مع أمريكا مستمرة وإن كان سيعترضها بعض ((المطبات))نعم المطبات، فإن الإناء ينضح بما فيه... ومن هنا كان من الطبيعي أن نجد الجحود والبخل بكلمات الشكر و النكر وسوء الأدب وحقا ( من لايشكر الناس لا يشكر الله)... لكني مع ذلك لا أبرئ المدرسين من التهمة وإن كنت أتعاطف مع أوضاعهم المادية.. لأنهم في الحقيقة جزء من هذا المجتمع مايسري عليه يسري عليهم فهم جزء من هذه المنظومة الفاسدة وإصلاحها لن يبدأ إلا بهم. شكرا لك على هذا البوست القيم

mohamed ghalia يقول...

فعلا دى مشكلة كبيرة
من لم يشكر الناس لم يشكر الله
تحياتى

Geo Amr يقول...

موضوع الشكر حضرتم ها اتكلمتى فيه بشكل خاص هو المدرس والطالب طيب ليه مش نطبق الشكر بشكل عام فى حياتنا يعنى مثلا اى حد يعمل لينا معروف او خدمة واجب علينا الشكر لهذا الانسان وفى حاجة كمان الام الى بتقول انى مهمة ادخل المعومات الى الاولاد بتكون من المعلم فقط دة اكبر خطأ لانى المدرسة والبيت لابد انا يكملا بعض يعنى يجب على هذة الام ان تودى دورها ولاتلقى بكل المئولية على المعلمة وجزاكى الله خيرا على هذا الموضوع

حسن مدني يقول...

معاكي حق جدا.

إننا في الأغلي نتناسى أثر الكلمة الطيبة، وتقدير الجهد.
ذكرني موضوعك بأيام كنت أعمل في بنك، في خدمة العملاء. ولا أنسى تأثير كلمة "يعطيك العافية" من العميل. في يوم عمل شاق. فقد كانت كالغيث يحيي الصحراء.
إن الكمال لله، فإذا أبدينا تقدرينا لمن يبذل جهده، فهو سيبذل المزيد. وإذا حرصنا على إظهار نقصه دون أن نلتفت إلى جهده، فلن يلتفت إلى قولنا بعد ذلك.

تحياتي

momken يقول...

احنا الشرقين كده

دائماً نقوم بتكريم من ذهبوا فقط
اما فى حياتهم فدئماً نخشى ان يصيبهم الغرور

او ان يتهاونوا فى الاداء ويسرخوا نتيجه كلمات التشجيع

واضح اننا كلنا مرضى بهذا المرض
فجميعنا يعرف قيمه امه بعد وفاتها
ويتمنى ان تعود حتى يقبل يدها ورجلها
اما من تكون امه على قيد الحياه فيهينها ويتعبها ويعنفها

ربنا يشفينا

موضوعك حلو اوى وموضوعى جدا بس علشان ننفذ عكسه لابد من تدريب
ولابد ان نتعلم كيف يكون عندنا مايسمى بالذماء الاجتماعى
والتاثير فى الاخيرين الذين يقدمون لنا الكثير
ويجب ان نتعلم ان نقول شكرا ونوقن انه لااحد كامل الا الله سبحانه وتعالى


تحياتى

المـــفـــــــقــــــــوعـــــة مــرارتـهــا يقول...

خلينا موضوعيين مع بعض
هي حكومتنا دي ايه؟ مش مجموعة من الناس بتحكمنا
يعني لو السمة الغالبة لأهل البلد هي عدم العرفان بالجميل والشكر فأكيد الحكومة هاتبقي كدة
الحكومة هي الابن الشرعي للمجتمع
هي مراية المجتمع التي توضح مافيه

المـــفـــــــقــــــــوعـــــة مــرارتـهــا يقول...

Dr. Chandra
=====================


طبعا السمة دي غالبة في المجتمع بجميع فئاته
مش في تعاملنا مع المدرسين فقط
بس بجد ان حبيت الفت انتباه اولياء الأمور ان عدم شكر المُعلمين بيضر بشدة بالأبناء
اللي هما جيل الغد
و لما طفل يشوف مامته او باباه كدة هايبقي ذيه انسان لا يعرف تقدير الغير
تحياتي

المـــفـــــــقــــــــوعـــــة مــرارتـهــا يقول...

الكحيان
================


انا ضد اننا نستني لما المسؤلين ينضبطوا في اخلاقهم عشان ننضبط معاهم
لو كل واحد بدأ بنفسه واهل بيته
اكيد الحياة هاتبقي افضل
يعني فيها ايه لما الطفل الصغير يتعلم يقول شكرا
انا لما بأطلب من ابني يقول شكرا بالاقي اللي قدامي بيقولي انتي عاوزة تذلي الولد ليه؟
تخيل في عرفنا اصبح شكر الغير نوع من أنواع الإذلال

المـــفـــــــقــــــــوعـــــة مــرارتـهــا يقول...

mohamed ghalia
=====================
مقولة صحيحة مائة في المائة

المـــفـــــــقــــــــوعـــــة مــرارتـهــا يقول...

Geo Amr
=====================



انا قلت مثل فقط
الشكر يجب ان يُطبق في كل المجالات
فيه ستات متعلمة ومعاها شهادات ومع ذلك يبخلن علي ابنائهن جهدهنمنتظرين من المُعلم الغريب ان يقوم بالجهد كله وحده بلا مقابل ولو كان هذا المقابل كلمة شكر او نظرة عرفان
تحياتي

المـــفـــــــقــــــــوعـــــة مــرارتـهــا يقول...

حسن مدني
===============

الشكر له مفعول السحر علي الانسان
لما تحسس الانسان بمردود جهدك اكيد الجهد المبذول بعد كدة بيبقي ليه طعم تاني

المـــفـــــــقــــــــوعـــــة مــرارتـهــا يقول...

momken
================


عشان نخلص من الطبع ده يااما نسافر برة ونغترب ونتعلم من الغربيين اللي عندهم اخلاق الاسلام بدون وجود إسلام
ياإما نبدأ أحنا نعلم أولادنا اهمية الكلمة دي ونجعلها عادة حميدة في شخصياتهم القابلة للتغيير

غير معرف يقول...

اود فقط توضيح نقطه فى البدايه وهى انك تتكلمى عن المعلمين الشرفاء وليس عموم المعلمين لانى من بدايه دخولى التعليم الى تخرجي استطيع ان احصي عدد المدرسين المحترمين الذين كانوا يحاولون تعليمنا على اصابع اليد الواحده
اما موضوع اختفاء لهجه الشكر من المجتمع فهى من السمات الرئيسيه لمجتمع العنجهيه فى مصر فعندما يدفع شخص قرشا نظير خدمه ما يظن وقتها انه اشتري الخدمه ومقدمها

نتكلم بالبلدي بقي
فى مصر المدير بيعاملك بعجرفه لانك ااقل منه وبتكون متضايق وتكلم مع زمايلك عن حقوق الانسان واننا كلنا زى بعض وانتا بتتكلم فى الموضوع ده يجي موظف تانى ااقل منك فى الوظيفه فتبصله من فوق لتحت وتزعقله عشان شغله مش مظبوط وتقول هما بيجبولنا الناس دي منين يدخل بقي الموظف الصغير ده المكتب بتاعه يجيله الراجل الغلبان بتاع البوفيه فيشخط فيه ويشتمه لانه جابله القهوه بتاعته مش مظبوطه رغم انه معندوش قهوه فى بيتهم اصلا يدخل الراجل بتاع البوفيه الغلبان وهو مضايق يجيله الراجل اللى بياخد الزباله فيلعنه هو وابوه ويعرفه انه زيه زى الزباله اللى بيشيلها .......الخ
ها اكمل؟

د/ رامي شهاب الدين يقول...

وهل جزاء الإحسان إلا الإحسان؟



موضوع هادف ومحترم جدا

إن شاء الله لن تكون زيارتى الأخيرة

دمتى بكل الود .. تحياتى

كـــيــــــــارا يقول...

والله معاكي حق

خاصه كمان ان في اطفال بيبقي مش عاوزه تاخد اي معلومه

ونفضل نقول براحه وندادي ونلعب وندخل المعلومه بكذا طريقه عشان توصل

طيب اقولك كنت بدي درس دراسات لبنوته في ابتدائي من سنه ونص كده وكنت دخلت المعلومات اللي انا عاوزه البنت تعرفها في الوقت الحالي لان الحكايه مش مساله تكديس معلومات وخلاص لازم تكون بكل تدريجي عشان الطفل دماغه مش تلف

لقيت مامته بتقول هو ده بس وراحت ذاكرتلها كام درس كمان ومش طبعا الطريقه اللي تفهم لا مجرد دش وحفظ البنت جتلي ناسيه اللي قولته واللي مامتها قالته ودماغها مش قادره تستوعب حاجه فين علي اما ظبطت الليله تاني مع الطفله

انك تدي معلومه لطفل صعب مش سهل
البيت دوره يراجع ويشيت ويتابع فقط

غير صاحبتي برده يتدرس حساب وقالت للاطفال انهم يحلو الواجب رجع طفل ومجاوب غلط سالته قال ماما اللي حلت الواجب معايا طيب والمسائل متجاوبه غلط وعشان طبعا مش تخلي شكل مامته وحش وكمان المعلمات اللي دخلتله غلط تعبت عشان تعدل الليله
المعلومه اللي بتدخل للطفل بتثبت فلازم نتحري الدقه في اي شي لان ده هيبقي له الاثر بعد كده

كـــيــــــــارا يقول...

اه ونسيت اقولك قصاد ده برده المدرسين بيتعاملو باسلوب مش يستحقوه ابدا وبيتقال عليهم انهم جشعيين و.و....

أسامة وغيداء يقول...

بصراحة الشعب العربي لا يقدر الشخص إلا في حالة فقدانه سواء بالرحيل أو الموت فقط حينها يثنون عليه رغم حاجته للثناء وهو على قيد الحياة كي يزداد حماسه ونشاطه
أعجبني كثيرا البوست

الربان يقول...

تحياتي

مشكلة الكثيرين منا ، ان لم يكن معظمنا، اننا نلقي بالمسؤلية علي الاخرين...و مثال ذلك ما ذكرتيه حضرتك

" واحدة من أولياء الأمور تعلن بصوتها الجهور أن مهمة إدخال المعلومات في أذهان أبناءنا ليست مهمتنا بل هي مُهمة المُعلمة وحدها لا غير " .

اين دورها هي ؟..اليست هي الاصل..؟

الامر الثاني هو اختفاء الشكر و الثناء من قاموس حياتنا و تحول الي
انتقاد و ليس نقد بناء...دائما نشكو
من اي شيء و كل شيء...

اود ان اشير ايضا الي حتمية التعاون بين
الاسرة و المدرسة...و بناء ثقة بينهما

ان العلاقة بين المدرس و ولي امر الطالب
لابد ان تكون علاقة بناءة و قوية .

و ياريت ان كان هناك تقصير من المدرس
ان نلتمس له عذرا...و ندفع بالتي هي احسن...متذكرين قول الله عز وجل :

"ادفع بالتي هي احسن فاذا الذي بينك و بينه عداوة كأنه و لي حميم...."

و الدفع في هذه الحالة قد يعني الحديث برفق بين ولي الامر و المدرس..و تعزيز الجوانب الايجابية في المدرس...و محاولة لفت انتباهه الي ما قد يوجد من قصور في الاداء...لان الكمال لله وحده.

تحياتي و تقديري و شكرا لانك وجهتي انظارنا الي هذا الموضوع.

إيمان قنديل يقول...

انا فعلا ملاحظة الحته دي ، مافيش حد بيشكر حد في مصر ومافيش حد بيتكلم مع التاني بطريقه فيها أدب وإحترام للأسف

Foxology يقول...

فعلا الكلمة الطيبة صدقة لكن مين يفهم ده ؟
الأهالى حاليا كل تفكيرهم ازاى يوفرو مصاريف ولادهم وبس ومش مهم بأة هما بيعملو ايه ولا ماشيين ازاى ولا مين بيعلمهم المهم طالما ف مدرسة يبقى المدرسة تعمل كل حاجة !

اختفى دور البيت من حياة ولادنا بجد !

ربنا يرحمنا برحمته

semsem يقول...

انا معاكى جدا
موافقه جدا

تحياتى لموضوعاتك

Doba يقول...

تم يا افندم
اتصلت بمدرسة ابنى وقلتلها زى مقلتى

المشكلة اننا عاوزين دايما اولادنا يتربو زى مكل واحد حاطط الرؤية بتاعته والمدرسين فعلا بيطلع عينيهم عن حق

ربنا يتولاهم والله

البوست ده متميز جدا واللى قبليه كمان ووحشنى الكلام معاكى

انتى ليه مختفيه كده قوى خالص
بوسى الاولاد
هبة

محاولات مخنوقة يقول...

السلام عليكم ورحمة الله وبركاته
والله برافو عليكى انا متفقة معاكى جدا
والمعلمة حتى لو كانت مقصرة فعلا واحنا قلنا لها كلمة شكر حلوة اكيد دا هايدفعها للامام وتحاول تحسن نفسها وتبذل مجهود اكتر يعنى بردو دا في الاخر لمصلحة اولادنا وبدلا من انا تاخد موقف من الام اللى بتشتكى وابنها او بنتها اللى في المدرسة هايحصل العكس
عموما دائما اختياراتك لموضوعاتك موفقة
وفي انتظار البوست القادك باذن الله

غير معرف يقول...

عكفت على مدونتك ما يقرب من 12 ساعه حتى استطعت ان اتم قرائتها ولله الحمد وكنت في قمة سعادتي للتقرب من شخصية ( الست المصريه ) ومعرفة تفاصيل أكثر عن بعض الاعيب الحماوات ومعاناة الزوجات فقد اعجبني أسلوبك وطريقة سردك للمواقف و اتمنى أن تطلعينا في أقرب وقت على جديد مواقفك مع حماتك
( عندي ليكي حل هيريحك منها عالااااااااااخر )

عبدالله يقول...

هي ظاهره انا شايفها انتشرت سببها حاجتين النظره السلبيه المتناميه ضد المدرسين الي سببها الوزاره الي بتصور كل مدرس عباره عن مندوب مبيعات في الفصل للدروس بتاعته و انه حوت وبياخد فلوس بالهبل مش من حقه و السبب التاني سبب انساني بحت وهوا البحث عن المثاليه و عدم التأقلم مع الرماديات
ولكن فعلا الكلمه الطيبه هتفرق كتير مع المدرسين ياريت الكل يعملها


تحياتي

دعاء مواجهات يقول...

عندك حق والله
دا انا ساعات لما بقوول السلام عليكم حتى

محدش بيرد


بحس اننا اتأمركنا اوى

وبقينا نستنكر اصولنا

تحياتى ليكى ياقمر

وحشاانى مووت

بس خلاص ... يقول...

السلام عليكم
طبعا كتر خيرك انك عارفة تعيشى ومرارتك مفقوعة ده فى حد ذاته معجزة
وبعدين انا اشترك معاكى فى ان سلوكياتنا كتير اتغيرت فين الشهامه المصرية واحنا بطبيعتنا شعب ودود وحبوب ومجامل .. لكن تفتكرى ايه جرالنا ضعت هويتنا وبقينا مذبذبين لاالى هؤلاء ولا الى هؤلاء اصبحنا مسخ يقلد فقط وضاع فينا الابداع والابتكار وضاعت الشخصيه المصريه .. انا مش باقول كلام كبير ولاحاجة هو ده الواقع للاسف بدليل حاجات كتير قوى
وبالنسبه لمهنة التدريس فهى مهنة عظيمة فهى مهنة الرسل والانبياء التعليم ثم التعليم
ولكن هل مانراه الان من سلوكيات بعض المدرسين صح طبعا هناك القله القليله الشريفة التى تؤدى واجبها .. ولكن هناك من ضيعوا المثل الاعلى للتلاميذ... هناك من ترك العقد وقتل الابداع داخل اولادنا واصابهم بالبلادة واللامبالاه هناك وهناك ... فكلنا مسئولين نحن اولياء الامور ... المدرسين ... الحكومة ... الناس فى الشارع ..كلنا كلنا ...
اسفه على الكلام الكثير وخصوصا انها اول مرة ولكن موضوعك اثار بداخلى كثير من الهموم والاعتراضات العيب مش فى بلدنا العيب فينا
نعيب زماننا والعيب فينا

maiosha يقول...

الله عليكى يا مفقوعة

ربنا يكرمك يا رب .. كلمتين فى الجون

أيوة رجعلنا حقنا المهضوم ده
محدش فعلا بيعرف قيمة مدرسينه اللى كان كارهم إلا لما بيبعد عنهم

وبيقدرهم جدا جدا لما يقف مكانهم

خمسة فضفضة يقول...

السلام عليكم ورحمة الله وبركاته

يا بنتي انت جبتي من الآخر

زمار الحي لا يطرب


سلام

حواء يقول...

فعلا والله
انا كتير من صحابي وقرايبي رجاله وستات مدرسين
وبسمع منهم علي اللي بيعملوه العيال فيهم
مصايب
ده غير انه ازي يفهم الطفل ويدخل المعلومه في دماغه
بجد حاجه صعبه جدا
وفعلا زي ما صبرني يارب قالت
لو ده لو كان لو في اي حاجه محتاجه تعليق يبقي بكلمتين حلوين الاول وبعدها الكلام في الموضوع بطريقه محترمه وبيني وبين المعلم
وفعلا مرتابتهم وحشه اووووووووووي
وربنا يعينهم علي عيالنا

كيكى عوووووو يقول...

الله عليكى
************
ياريت كلنا نقدر حاجة زى دى ويعود تانى الاحترام للمدرس..وللابناء فى نفس الوقت
************
عوووووووووووووووووووووو

صيدلانيه طالعه نازله يقول...

ازيك يا جميل وحشانى جدامش بتيجى عندى ليه شكلك مخمصانى
بصى بقى المدرسين فعلا مطحونين بسبب كل الظروف المحيطه فيهم اللى فعلا كويس و فيهم اللى نص نص
بس فعلا كلمه شكر صغيره لمدرس عنده ضمير تبقى اقل حاجه نقدمها لهم
و ادينا كل يوم بنسمع عن المدرس اللى ضرب طالب موته و لا كسر سنانه و لا الطفله اللى ماتت من الخوف من الاستاذ عشان الواجب
ربنا يرحم

مؤمنه يقول...

السلام عليكم ورحمة الله وبركاته

انتى انسانه رائعه حقا لا مجامله
من جمال الاسلوب وروعة الفكرة وجميال الاقناع

ينتابنى شعور عميق لكى اقول

جزاكى الله كل خير
لفتى انتباهى لشئ جميل

دومتى باطيب حال
والسلام عليكم ورمة الله وبركاته

موناليزا يقول...

تسلم ايدك
فكرتينى باولياء امور كانوا يتهمونى انى مقصرة فى حق ولادهم لانهم مش بيشاركوا بقية الاطفال مثلا التلوين رغم انهم مجابوش الوان من الاصل لاولادهم يبقى هيلونوا ازاااى! ولما اقوللهم كده يكون ردهم :انتى عايزة نجيب الوان ليهم وفى الاخر تضييع!
طيب بجد المطلوب منى ايه ساعتها
تعرفى كنت بجيب الوان واخليها معايا طول الوقت لمثل هذه المواقف
ومن المواقف دى بقى كتيييييييير

Dr. Ibrahim يقول...

والكلمة الطيبة اصلها ثابت وفرعها فى السماء

د/هيما

المـــفـــــــقــــــــوعـــــة مــرارتـهــا يقول...

اسامه عبدالعال
===================
اهم من كل ده اذاي نتكلم مع المدرسين اللي بيعلموا ولادنا حتي لو كانوا مُقصرين لأنك هنا انت مش هاتهين المعلم بس ... أحنا هنا بندخل في دماغ الأطفال عدم احترام الكبير
تخيل لما المعلم يبقي بيتهان من ولي الأمر قدام أبنه يبقي إزاي هايتقبل الطفل الصغير أي معلومة بعد كدة من الراجل او الست اللي باباه مش طايقه
تسعدني مشاركتك ياأسامة

المـــفـــــــقــــــــوعـــــة مــرارتـهــا يقول...

د/ رامي شهاب الدين
======================
منورني وأشكرك علي كلامك الطيب في حقي وجازاك الله خيراً

المـــفـــــــقــــــــوعـــــة مــرارتـهــا يقول...

كـــيــــــــارا
=======================
انا أحب يبقي فيه تواصل بين البيت والمدرسة
مش يبقي كل واحد ماشي في اتجاه مخالف
عشان الاطفال ماتتلخبطش
وبرضه فيه معلمين لسة عندهم ضمير ولازم نحترمهم

المـــفـــــــقــــــــوعـــــة مــرارتـهــا يقول...

أسامة وغيداء
===================
وهما الناس الكويسة بتمشي ليه لأنها مش لاقية التقدير اللي يستحقوه فبيهربوا لمكان أفضل

المـــفـــــــقــــــــوعـــــة مــرارتـهــا يقول...

الربان
==================
مش من مصلحة الأبناء وجود عداوة بين الأباء والمعلمين
بجد أكبر غلط من خلال تجربتي قبل كدة لأن غصباً عن المعلمة ستجد نفسها تتجنب التعامل مع طفل الأم المشاغبة او الاب المشاغب او ستتعامل معه بفتور سيؤثر حتماً علي نفسيته وتقبله للمادة
تسعدني مشاركتك

المـــفـــــــقــــــــوعـــــة مــرارتـهــا يقول...

كباريه
==============
دي بقت السمة الجديدة لدرجة ان حمايا اللي عايش في امريكا لما بييجي أجازة بيقعد يتكلم عن تعليم الأطفال الصغار في امريكا اهمية كلمة شكراً وكأننا احنا في مصر شعب لا يعرف تلك الكلمة في قائمة مفرداته

المـــفـــــــقــــــــوعـــــة مــرارتـهــا يقول...

Foxology
===================
الأم اهم من المدرسة ... تعرف ان قاعدة الست في البيت افضل في الحالة دي من خروجها للعمل لأن الأولاد اهم من الدخل اللي ممكن يدخل لها في حالة عملها
الف مبروك يافوكس الجواز
ربنا يسعدكم

المـــفـــــــقــــــــوعـــــة مــرارتـهــا يقول...

semsem
===================د
ربنا يخليكي
ومنورة المدونة وصاحبة المدونة

المـــفـــــــقــــــــوعـــــة مــرارتـهــا يقول...

Doba
============
آسفة علي التأخير بس الكمبيوتر عندي بحالات ساعات يشتغل كويس وساعات يقفل حاجات يعني الماسنجر بايظ عندي بقاله كذا شهر
بجد وحشتيني جدا جدا جدا
انتي عارفة بقي انا لما باروح المدرسة عند ولادي وأبرز الإيجابيات بتاعة المدرسة بتاعته والفت نظرهم للسلبيات بأسلوب محترم او اتجاهل السلبيات خالص بييجي الولد مبسوط بعدها من المدرسة ويقعد يقوللي الميس ادتني استيكرز وبتخليني اجاوب معاها
بألاقي من الآخر أهتمام من المُدرسة بيه
ودي نصيحة حاولي تواظبي عليها
وبوسيلي يوسف
ربنا يحميه ويحبب خلقه فيه

المـــفـــــــقــــــــوعـــــة مــرارتـهــا يقول...

محاولات مخنوقة
===================
وهو ده المقصود من البوست ده مصلحة الأطفال اللي مالهومش ذنب في الصراع اللي هايدور بين الأم والمدرسة
منوراني وتشرفي في أي وقت

المـــفـــــــقــــــــوعـــــة مــرارتـهــا يقول...

كـــيــــــــارا
=======================
انا أحب يبقي فيه تواصل بين البيت والمدرسة
مش يبقي كل واحد ماشي في اتجاه مخالف
عشان الاطفال ماتتلخبطش
وبرضه فيه معلمين لسة عندهم ضمير ولازم نحترمهم

المـــفـــــــقــــــــوعـــــة مــرارتـهــا يقول...

عزيزي غير مُعرف
===============
منور مدونتي المتواضعة
قد ايه بابقي سعيدة لما اعرف ان فيه حد لسة مُهتم يقري القديم
بالنسبة لموضوعات حماتي فانا كاتبة كام موضوع بس لسة مش هاانشرها دلوقتي لاني بأحاول اعمل تنوع في المدونة
تحياتي

المـــفـــــــقــــــــوعـــــة مــرارتـهــا يقول...

عزيزي غير مُعرف
===============
منور مدونتي المتواضعة
قد ايه بابقي سعيدة لما اعرف ان فيه حد لسة مُهتم يقري القديم
بالنسبة لموضوعات حماتي فانا كاتبة كام موضوع بس لسة مش هاانشرها دلوقتي لاني بأحاول اعمل تنوع في المدونة
تحياتي

المـــفـــــــقــــــــوعـــــة مــرارتـهــا يقول...

عبد الله
================
الكلمة الطيبة لو كنت سمعتها لما كنت بأدرس اكيد كانت هاتفرق معايا انا عن نفسي ... كفاية ان الواحد يلاقي تقدير ومردود من الناس علي مجهوده

المـــفـــــــقــــــــوعـــــة مــرارتـهــا يقول...

دعاء مواجهات
====================
انتي كمان حشاني جدا
الامريكان والغرب بقوا احسن مننا احنا بقينا ناس بلا هوية

المـــفـــــــقــــــــوعـــــة مــرارتـهــا يقول...

بس خلاص ...
==================
للأسف عندك حق
اخلاقنا اتدهورت والاحترام اندثر بيننا
في كل مكان
ربنا يرحمنا برحمته

المـــفـــــــقــــــــوعـــــة مــرارتـهــا يقول...

بس خلاص ...
==================
للأسف عندك حق
اخلاقنا اتدهورت والاحترام اندثر بيننا
في كل مكان
ربنا يرحمنا برحمته

المـــفـــــــقــــــــوعـــــة مــرارتـهــا يقول...

maiosha
=================
انتي مُدرسة ؟!
ربنا يعينك علي أولياء الأمور أما الطلبة فأنتي كفيلة بهم

المـــفـــــــقــــــــوعـــــة مــرارتـهــا يقول...

خمسة فضفضة
=================
يارب يطرب بقي

المـــفـــــــقــــــــوعـــــة مــرارتـهــا يقول...

زوجه
=============
دي حتي مدارس اللغات اللي ولي الامر بيدفع فيها دم قلبه
مرتبات المدرسين فيها وحشة جدا
وولي الأمر ياولداه فاكر انه بيدفع للمرتب عشان يعيش

المـــفـــــــقــــــــوعـــــة مــرارتـهــا يقول...

كيكى
================
يسمع من ك ربنا
هو لوحده اللي قادر انه يرجعلنا اخلاقنا المفقودة

المـــفـــــــقــــــــوعـــــة مــرارتـهــا يقول...

صيدلانيه طالعه نازله
====================
النماذج الكويسة موجودة بس احنا دايما نسيب الكويس ونتكلم عن الوحش


هو انا اقدر اخاصمك ياجميل
وحشاني

مؤمنه
============
انا كل الكلام الجميل ده
ده انتي اللي انسانة جميلة وعشان كدة بتشوفي الدنيا جميلة
منوراني والف شكر علي كلامك الجميل


موناليزا
=============
طب انتي عارفة انا ليا زميلة كانت معايا في الكلية
وبتشتغل في التدريس دلوقتي
انا اعرف ناس كانت بتدرس لاولادهم بيشكروا فيها لكن برضه يوم اجتماع اولياء الامور كانت برضه
بتتهزأ علي حاجات صغيرة جدا لدرجة انها وهي اللي بتدرس كل يوم اصبحت في حالة صعبة جدا




Dr- Hema
==============
لا فض فوك يادكتور هيما

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه