السبت، 15 نوفمبر 2008

عزيزي الشاب خدعوك فقالوا


قرأت مؤخراً كتاب لدكتور تامر أحمد ..ضربة حب ... الكتاب لذيذ ورسم البسمة... بل القهقهة علي وجهي ولكني أختلف مع محتواه بالثُلث فهو يري أن الزواج هو نهاية لأي مشاعر طيبة بين الطرفين وهو التوقيت الذي يموت فيه الحب وتنتحر الأشواق

بصريح العبارة كلامه يعني أن لزواج مقبرة العشاق وأنا هنا أرفض هذه العبارة جملةً وتفصيلاً فالزواج هو جنة العشاق وهو محل ميلاد الحب إذا كان لم يولد بعد


لفد لاحظت في الآونة الأخيرة إمتناع الشباب عن الزواج وسببهم في ذلك هو أن المتزوجين في جحيم وأن جميع المتزوجين تعساء والأبتسامة التي كانت تنير عيونهم قبل الزواج أختفت وحل محلها تكالب الأمراض علي الشخص المتزوج، برغم أن الدراسات أثبتت أن المتزوج أكثر صحةً من العازب

وهنا سنستعرض سوياً بعض إمتيازات الزواج التي قد يغفلها البعض في ظل مطحنة الحياة... نعم لا تخلو الحياة من منغصات ولكن أليست تلك المُنغصات متواجدة في حياة العازب كما تتواجد في حياة الرجل المتزوج... أتنكر عزيزي الزوج أن تلك الزوجة هي رفيقة كفاحك التي تحزن لحزنك وتفرح لإبتسامتك
ألا ترون معي أن الرجل يتحول بزواجه من مجرد فرد في أسرة إلي ملك مُتوج علي عرش أسرته الجديدة


أليست تلك الأنثي التي أخترتها بملء إرادتك هي الصدر الحنون الذي تسند رأسك عليه كلما ألمت بك مصيبة لا قدّر الله

أليست زوجتك هي المرأة التي من يديها أكلت طعامك وملئت معدتك بنتائج وقفتها الطويلة في المطبخ بلا كلل ولا ملل يومياً كعرض مُستمر مُتحملة لكي تري نظرة الرضا في عينيك ولتكافئك علي جهدك من أجلها


أليست تلك الزوجة هي من حملت أطفالك في بطنها راضية سعيدة .. وتركت هذا الجنين ينمو ويأخذ من قوتها ... ألا تستحق تلك الزوجات كلمة حق تعطيها حقها

الزواج جنة لا يتكلم الأحياء فيها عن جمالها بل ينتظرون لكي يتكلمون عن مساؤها عندما تظهر فلا تستمع لكل من قال لك أن العزوبية هي الطريق الأفضل وتذكر أن العمر سيجري بك لتجد نفسك وحيداً في شيخوختك بلا رفيقة تسعدك وتحدثك

نعم هناك أياماً تمر علي المتزوجين يتمنون فيها الفراق ولكن مُجمل الحياة أفضل ألف مرة من الحياة قبل الزواج

هناك 53 تعليقًا:

غير معرف يقول...

تدوينة جميلة

و شوكت كاظم السلحدار

يدعوكم الى حضور

مصطبة شوكت

يايت تشرفونا
http://shawkat85.blogspot.com/

ِِAdem El-Mahdy يقول...

اتفق معك ان الزواج يزيد الحب

المشكلة ان الناس متعرفش يعنى ايه مفهوم الحب

الحب هو الرضا ببعض
هو الاستقرار

يكفى الزوجة لما تعد تفكر ازاى اسعد زوجى

اليس هذا حب

جزاكم الله خيرا على هذا البوست

صبرني يارب يقول...

تماما يا سوسو الكلام المعقول

على فكره اصر فى كل وقت انى اتكلم كويس عن الجواز بحقانيه
لان حتى السعداء بيسقفوا فى الزفه ويقولوا الجواز زفت وطين

عاملين زي الىخايفين يقولوا انه حلو لتكون قلة ادب
ولا يتحسدوا ولا ايه ما تعرفيش

من موقعي هذا باقول لكل الناس عمري ما ندمت على انى اتجوزت ولا اتمانيت افارق جوزي
ولا قلت محلاها عيشة العذوبيه

ولا جوزي كمان الحمد لله

عيشوا صح واتجوزوا صح وانتوا تبقوا تمام

والحبي بيتولد فى البيوت ويعيش فى البيوت

مش فىالشوارع والله

والى يقول غير كده يبقى اساسا عمره ما شاف الحب

Mafrousa يقول...

مفقوعة هانم

مش كل تجارب الجواز بتبقى ناجحة
و الناس اللى بتلاقيهم بيقولو الكلام ده بيكون اصلا فيه مشكلة و مش عارفين يحلوها
عدم تفاهم مثلا

وحاجات تانيه ممكن تخلق عدم الرضا
اللى بيقولو عن الجواز كده بيبقوا مش عارفين يوصلوا حياتهم لنقطة الرضا و السعادة

الحب بعد الجواز مختلف عن قبل الجواز

عبدالله يقول...

تدوينه لذيذه بتناقش مشكله لاحظتها كتير فعلا
بس الي شايفه سبب لانتشار الموضوع ده في الاصل هوا كثره حالات الطلاق بين الشباب في الوقت الحاضر ده الي عامل الصوره السلبيه دي عن الجواز و في نفس الوقت كثره مشاكل الازواج الشباب بسبب ضغوط الحياة الماديه الي بتنعكس علي الحاله المزاجيه
بس فعلا في النهايه الزواج افضل بكتير من العزوبيه وده الي بقوله لكل البي بيسألوني :)

تحياتي

mohamed يقول...

يعني الزواج جنة والجنة دي سببها اني في واحدة بتعمل كل دا لواحد اللي هو جوزها ..

طيب وهو مش جنة ليها برضة ولا ايه؟؟؟؟
ولا هيكون كائن مستبد اناني مش بيهتم غير براحته وساعدة وبس؟

محمد فاروق الشاذلى يقول...

الزواج هو الجنة المفقودة على الأرض، يكفينى لهفة زوجتى وابنتى لحظة دخولى المنزل، يكفينى فرحتهم حينما نجتمع، يكفينى لحظات سعادة تربطنا ونحن نشرب الشاى فى البلكونة ونحكى لبعضنا أحداث اليوم، يكفينى اهتمامها بلطباتى ومتطلباتى،
الزواج سحر يعيد للروح شبابها من جديد

د. إيمان مكاوي يقول...

عزيزتي المفقوعه مرارتها
تحياتي لك على موضوعك ..بالفعل الزواج هو المكان الخصب الذي يولد فيه الحب
وعلى راي قلب مصري : الزواج سحر يعيد للروح شبابها
ولكن المشكله إن وسائل الإعلام والكتاب إللي آراءهم مغلوطه بيدخلوا في دماغ الشباب العكس..ربنا يرحمنا
تحياتي

mohamed ghalia يقول...

انا متفق معاكى تماما
أكيد الزواج كله مميزات وان حصل فيه بعض المشاكل
المشاكل دى عامله زى الملح فى الأكل المهم بس ميزدش
تحياتى
دمتى بود

She3o يقول...

كلام جميل
كلام معقول
مقدرش أقول حاجة عنه

لكن !!!!

آخر جملة وحشة أوي

المفروض محدش من الطرفين يفكر - مجرد التفكير - في الفراق

ايام العمر يقول...

الجواز بادينا تبقى جنة وبادينا تبقى جحيم بس اول الطريق عشان نخلية
جنة اننا نحسن اختيار شريك الحياة
الى هيقدر انة يوقف جمبى فى طريق الحياة الى هو مبقاش سهل دلوقتى

تدوينة جميلة
وخلتنى عايز اتجوز
ههههههه
سلااااااااام

Dr. Chandra يقول...

السلام عليكم ورحمة الله وبركاته

اذا استطاع الانسان ان يتعال علي ان ما بينه وبين زوجته هو مودة ورحمة واذا امن ان المنغصات موجودة واتية بصورة لا ريب فيها اذا تعامل علي هذا الاساس ونظر الي زوجته نظرة تقدير وعرفان وكلما تغلب عليه الغضب منها تذكر ايامه الحلوة معها وتذكر لها مواقف كانت فيها بجانبه عندها سيجد ان هذه الزوجة لا تستحق منه الا الحنان والعطف والتكريم عندها سيدرك ان الحياة التي يحياها هي الجنة بالنسبة لها علي الارض في ظل شخص يريده ويهتم لامره الا وهي زوجته


تحياتي لك

Kiara يقول...

صح والله ياقمر

تدوينه في الصميم

عُـــقـــد لُــــــــولِــــى يقول...

كلامك ميه ميه يا مفقوعه

هههههه

بجد والله حسيته اصلى منهم

شوفى الحياة بين اى اتنين لا تخلو من المشاكل والمشاكل دى كتير اووى بتقربهم لبعض

وبتخلى للحياة طعم وقيمه بس متبقاش كل يوم مشاكل

انا بتكلم عن الفلفل والشطه
واضح انى متجوزة صح ؟


ههههههه

انا سعدت بتدوينتك دى


وبزيارتى ليكى

شفـقــة و إحســــان يقول...

تسلم ايدك وقلمك
واللهه تستحقى زغروطة على البوست التحفة ده
ايوه كده اديهم كمان خليهم يعرفوا قيمتنا وحلاوة الجواز

mostafa rayan يقول...

صح والله
بس ليه دلوقتي الجواز بقي خناق وخنقة رغم انه مودةورحمة ليه ماحدش في الأتنبن طايق التاني
في حاجة غلط حصلت ولازم نشوف لها حل
تحياتي ليكي ودمت بخير

غير معرف يقول...

ياه يا سحورة
طب من يسمع و مين يفهم
بس متنكريش إن الزواج فى عالمنا الشرقى فيه عيوب و مساوىء كتير بتخليه نظام فاشل فى مجمل الوقت ...
و الزواج الناجح الأيام دى بيبقى ناتج عن نضج طرفيه و مساندة المجتمع ليهم ...
تحياتى ليكى يا حبيبتى

فاتيما يقول...

التعليق اللى فات دا بتاعى يا سحورة

Empress appy يقول...

معلش بقى انا متجوزتش اه
بس من اللى بشوفه من اللى اتجوزا فعلا بيبدأ الجوز والمشاعر الحب تقل جدا متنكريش بتيجى مشاعر تعود وعشره بس بعديها وروتين

المستنصر بالله يقول...

كلام مشجع جدا
نبتدى نفكر فى الزواج من كلامك الحلو

تحياتى

اقصوصه يقول...

باعتقادي

ان الانسان اذا كان تعيسا بالزواج

فبالتأكيد

سيكون اتعس! بلا زواج

لان الله خلق ادم وحيدا

ثم خلق الله له حواء لتؤنسه

فهو بطبيعته التي خلقه الله عليها

بحاجه الى ونيس

والى من يشاركه كل جميع تفاصيل حياته

بكبيرها وصغيرها

لذا..اذا كان المتزوجين تعساء

فبلا شك

الغير متزوجين اتعس

بكل تأكيد:)

حواء يقول...

السلام عليكم
راي ان الزواج في حد ذاتيه مش فاشل وإلا مكنش ربنا خلقه
لكن هو كتر التسرع في الاختيار والمغالاه في الطلبات من الطرفين ( ليست طلبات ماديه ولكنها طلبات في الشخص ) وعدم الوقوف علي ارض الواقع وعدم تفهم وضع الزوج الحالي لنفسه بعد الزواج وكذلك الزوجه
ده اللي بيخلي معظم الزيجات فاشله دلوقتي

emey يقول...

هو كل حاجة وراها الرجالة ربنا يخدهم ويريحنا

تحياتى

Foxology يقول...

موضوع جميل

وجهات نظر برضه ناس هتتفق معاها وناس هتختلف معاها

بس كلامك صح

تحياتى :)

wanna b a physician يقول...

مخظىء من يظن ان الزواج هو سبب المشكلات لانا المشاكل متواجده دائما ولا تخلو منها الحياة ونعم معكى كل الحق فانا ارى الزواج واحة للراحة طالما من معك تحبه ويحبك وبينكم كل ماهو جميل

تحياتى

طوبه فضه وطوبه دهب يقول...

جميل اوى الموضوع وكلامه اجمل فى حق المراه التى دائما ما يغفل دورها ويتنساه المجتمع الذى نحيا فيه فلينظر كل متزوج الى نفسه بزوجته واولاده وبدونهما وسيشعر بالفارق تحياتى وتسلم ايدك

المـــفـــــــقــــــــوعـــــة مــرارتـهــا يقول...

شوكت
===================
شوكت باشا عنده مصطبة ؟!
ميرسي علي كلامك المشجع ياباشا

المـــفـــــــقــــــــوعـــــة مــرارتـهــا يقول...

ِِAdem El-Mahdy
================
انا اكتشفت بعد سبع سنين زواج ان الحب هو الرضا فعلاً... فلو مافيش حب بين الزوجين الرضا بالمقسوم يستطيع بكل بساطة خلق هذا الحب المفقود

المـــفـــــــقــــــــوعـــــة مــرارتـهــا يقول...

صبرني يارب
===============
كلامك تمام ياصبرني الحب بيتولد في البيوت مش في الشوارع

المـــفـــــــقــــــــوعـــــة مــرارتـهــا يقول...

واحدة مفروسة
===================
انتي عارفة مشكلتنا ايه كمتزوجين ان كل طرف من طرفي العلاقة بيقعد اول سنين الجواز بيحاول يغير شريكه وده استحالة ان التغيير في الشخصية يكون تغيير بالقوة الجبرية لكن ممكن التغيير ده يحصل بعد سنين عشرة

المـــفـــــــقــــــــوعـــــة مــرارتـهــا يقول...

عبدالله
===============
لو فيه حد عاقل بين الزوجين ورفض موضوع الطلاق ده كانوا هايتصالحوا بس المشكلة ان الشباب رجال ونساء اصبحوا متسرعين وواخدين كلمة الطلاق كنشيدهم الوطني الجديد .. لكن طلب الطلاق بيكون زوبعة وبتعدي
تحياتي لمشاركتك القيمة

المـــفـــــــقــــــــوعـــــة مــرارتـهــا يقول...

mohamed
------------------
انا باتكلم عن اضراب الشباب عن الجواز البنات مش مُضربات عن الجواز .. البنت عارفة كويس انها في حاجة الي زوج يحتويها ويسعد بها وينظر اليها نظرة حب وامتنان.. البنت محتاجة لكلمة حلوة من زوج ومش هايكفيها كلام الدنيا الحلو كله لو سمعته من كل الناس الا لو كان من شخص واحد فقط اسمه زوجها
تحياتي

المـــفـــــــقــــــــوعـــــة مــرارتـهــا يقول...

قلب مصرى
==================
ربنا يديم عليك السعادة ويسعد زوجتك بيك
تحياتي

المـــفـــــــقــــــــوعـــــة مــرارتـهــا يقول...

إيما ( أم البنين)
=====================
فعلا عدد المضربين عن الزواج في تزايد وده شيء مُقلق ومش مُبشر بخير

المـــفـــــــقــــــــوعـــــة مــرارتـهــا يقول...

mohamed ghalia
==================\
مافيش جواز من غير مشاكل المهم الرضا بالشريك ومحاولة رؤية عيوبه مميزات

المـــفـــــــقــــــــوعـــــة مــرارتـهــا يقول...

She3o
=================
للأسف تمني الفراق بيحصل في احيان كثيرة المهم ان الواحد مايندفعش لهذا الهاجس

المـــفـــــــقــــــــوعـــــة مــرارتـهــا يقول...

ايام العمر
==================
المشكلة في التردد عند الاختيار يعني ممكن الشاب يقضي شبابه بيدور علي الاختيار الصح خائف من التجربة لكن فيه اساسيات ضرورية عند اختيار زوجة المستقبل لازم الواحد ينتقيها الاول وممكن اي حاجة تانية يتنازل عن وجودها لانها مش ضرورية اوي
ربنا يرزقك ببنت الحلال يارب

المـــفـــــــقــــــــوعـــــة مــرارتـهــا يقول...

Dr. Chandra
=================
اهو انت جبت المضمون التمام
شكرا علي مشاركتك

المـــفـــــــقــــــــوعـــــة مــرارتـهــا يقول...

مولان
=============
شكرا ليكي

المـــفـــــــقــــــــوعـــــة مــرارتـهــا يقول...

عُـــقـــد لُــــــــولِــــى
===============================
عادي المشاكل بتبقي كتير بس المهم ان الزوجين ماييأسوش ان المشاكل دي مع العشرة هاتقل جدا ان شاء الله

المـــفـــــــقــــــــوعـــــة مــرارتـهــا يقول...

شفقة هانم واحسان بك
======================
اه صحيح ده احسان بيك واحد من المتزوجين اللي بيحنوا لمقصوفة الرقبة العزوبية ... ربنا مايرجعها ايام

المـــفـــــــقــــــــوعـــــة مــرارتـهــا يقول...

mostafa rayan
====================
عشان احنا متسربعين وعايزين الدنيا تبقي بمبي من اول ماندخل القفص الذهبي والست والراجل كل منهم خارج من بيئة مختلفة وكل واحد عاوز يكون له سيطرة علي التاني واحيانا الرجالة بتفهم ان الست لما تسأل جوزها انت رايح فين معني كدة انها بتحجر علي حريته مايعرفش ان سؤالها ده نوع من الاهتمام والحب والموضوع ده مثلا بالذات سببلي مشاكل كتير مع جوزي لانه متعود انه يخرج من غير مايقول حتي انه خارج يعني ابص قدامي الاقيه اختفي ولا حس ولا خبر ولو عاتبته يقول انا حر فمع الوقت بدأ هو يعتبر ان سؤالي ده من حقي عليه وبصراحة فهم كدة من تدخل باباه اللي لاحظ انه بيعمل كدة وأنبه علي الطريقة دي لكن لما كنت اشتكي لمامته مثلا كانت تقول وماله ماهو كان بيعمل معايا كدة .. يعني طظ فيا انا ومش مفروض اني اشتكي
ربنا يخليلي حمايا يارب

المـــفـــــــقــــــــوعـــــة مــرارتـهــا يقول...

فاتيما
==================
المشكلة يافطومة ان النضج بقي عملة نادرة في اليومين دول اتفرجي علي الشباب عاملين ازاي وانتي تعرفي ان النضج ده ماعداش عليهم ولا حتي في السنة مرة
منوراني وربنا يسعدك

المـــفـــــــقــــــــوعـــــة مــرارتـهــا يقول...

~*§¦§ Appy §¦§*~
========================
الحب بيختلف نوعه وبيتحول من لهفة وشوق لتعود وعشرة بس انا شايفة ان العشرة حب من نوع جديد .. انا اكتر واحدة دخلت في مشاكل مع جوزها ولما بأرجع للذكريات دي باشووف انها خلافات كان لابد منها عشان يعرف ايه اللي بيضايقني وايه اللي بيسعدني عشان مايبقاش هو في وادي وانا في وادي بس اعتقد ان الزوجين لو شافوا ايه اللي بيضايق الطرف التاني واتجنبه يبقي المركب هاتمشي والسعادة هاترفرف علي البيت
ربنا يسعدك ويسعدنا

المـــفـــــــقــــــــوعـــــة مــرارتـهــا يقول...

المستنصر بالله
======================
ربنا يرزقك ببنت الحلال اللي تقدر تسعدك

المـــفـــــــقــــــــوعـــــة مــرارتـهــا يقول...

اقصوصه
===============
وهو ده المقصود .. مش الجواز هو اللي بيشيل البسمة من علي وجوه المتزوجون

المـــفـــــــقــــــــوعـــــة مــرارتـهــا يقول...

زوجه
===================
عندك حق الراجل من دول يبقي متجوز واحدة الناس بتحسده عليها وهو يبص لموديلات الاغاني ويقول جاتنا نيلة في حظنا الهباب .. الواحد مابيرضاش باللي في ايده ابدا ودايما بيبص للشيء البعيد صعب المنا وكأن الإنسان متلذذ بشعوره الغريب بالحرمان

المـــفـــــــقــــــــوعـــــة مــرارتـهــا يقول...

emey
===============
انتي شايلة منهم كدة ليه ربنا ياستي ماياخدهمش انا عاوزة جوزي وولادي ماهما رجالة برضه

المـــفـــــــقــــــــوعـــــة مــرارتـهــا يقول...

Foxology
================
طيب انا كنت متوقعة هجوم اكتر من كدة علي البوست ده
يالا الحمد لله جات خفيفة

المـــفـــــــقــــــــوعـــــة مــرارتـهــا يقول...

wanna b a physician
======================
الحب وهم نستطيع ان نخدع انفسنا ونعتنقه .. ده رأيي ان مش شرط يبقي فيه حب حقيقي موجود لكن بالمعاملة الكويسة ممكن الواحد مننا يوهم نفسه انه بيحب شريكه والوهم ده مع الوقت بيتحول لحقيقة

المـــفـــــــقــــــــوعـــــة مــرارتـهــا يقول...

طوبة ذهب وطوبة فضة
====================
صح مش مطلوب من الزوج غير انه يتخيل حياته بلا زوجته وهو سيشتشف الفرق بلا مجهود يُذكر وبالمثل تقوم الزوجة بنفس التخيل وهو لو كانت بلا زوجها وهي ستتعرف علي الفرق وتقدر مااعطاها الله

koukawy يقول...

العيب مش في الجواز خااااااالص
العيب في البني ادم اللي بيتجوز
و يسيب و دنه لكل واحد
او يسيب عينه في حته تانيه فيها ميزه اكتر و من الممكن تكون عيوبها اكتير بكتيييييييييييييييييييييير
او تسيب بقها في شقة صاحبتها او عينيها وودانها علي حاجات تافهه
ميقدرش يجيبهالها و تفتكر ان هي دي الدنيا و السعاده
لأ صدقوني انا بقول كده و انا متجوزه بقالي 4 سنين
و الحمدلله عمري ما ندمت
يا رب يديمها نعمه و يخليني علي طول راضيه
الجواز فعلا نعمه يعرفها من لم يعيشها
و يحرم منها من لم يشعر بها

zainab يقول...

بوست جميل