الأحد، 14 ديسمبر، 2008

صناعة الأحذية تلقي دفعة (بوش ) قوية


دخل عمو بوش التاريخ من باب جديد نوفي لم يدخله رئيس من قبل وهو باب الجزم والشرابات النفاثة ... ووصل مقاس وجهه من الجزم إلي 44 وهو مقاس كبير جداً بالنسبه لعقل بوش الصغير.

صحفي مغوار قام بما يتمناه العالم أجمع ورمي حذائه الذي أصبح سعره الآن 18 مليون دولار .. ولو إن الجزمة من غير صاحبها ماتسواش... ومع ذلك انا زعلانة منه لأن الراجل مابلغناش بنيته قبل مايعملها كنا عملنا حملة شعبية جمعنا فيها جزمنا البالية وهادينا بها العم بوش...رغم أن الأحذية خسارة فيه كان لازم ينضرب بالقبقاب البلدي... أما الشيء المُستفز فهو أنه بينما كان بوش ينضرب بالشووووز وجدته باسماً مستبشراً.. مش بأقولكم غبي باين عليه كان فاكرها تحية عربية رفيعة المستوي نظراً لجهوده العظيمة في قتل كل عمليات السلام الفتاكة.

كان نفسي بس فردة من الفردتين الصاروخيتين تلبس في وشه... كان هايبقي ساعتها العيد عيدين.

أعذروا فرحتنا فبوش رغم أنه مجرم حرب فإن زعماؤنا الأشاوس لم يطالبوا العالم بحقوق الشعوب المقهورة بل أنه سيخرج منها كما الشعرة من العجينة... فجاء هذا الصحفي الجريء ليفش غلنا الذي وصل إلي الحلقوم بحذائه التاريخي... وأنا وغيري من منكوبي العالم النامي والمتحضر نطالب بتكريم هذا الشاب العبقري والتأكد من سلامته.

أجمل ماقيل عن الحادث الصرماتي العظيم

وإذا الحذاء ضرب وجهه .. صاح الحذاء بأي ذنب أُضرب

هناك 11 تعليقًا:

Eng. Ahmed Abo El-Ella يقول...

الحركة ديه هتجر وراها حاجات تانيه كتيره

النهارده رئيس أمريكا بتحدف بالجزمه, بكره ياعالم هيتحدف بأيه

المره ده خابت المره الجاية تصيب ان شاء الله

واحدة مفروسة يقول...

هههههههههههههههههه
حلوة الجملة الاخيرة ديه
ديه الهدية بتاعة بوش للكريسماس
بس انا زعلانه يا مفقوعة مووووووووووووت
عارفه لو الجزمة مقاس 45 او 46
كانت دخلت جون
ههههههههههههههه
كل سنة و انتى طيبة
قادر ربنا يرسم باسمة على وجوهنا و سببها بوش برضه

koukawy يقول...

اه صحيح يا عيني علي الجزمه ذنبها ايه

Oussama achraf يقول...

loooooooooool رد فعل طبيعى الراجل مقدرش يمسك نفسة

رئـــــيسـة حزب الأحلام يقول...

ايوة كدة فش غلنا
بقالنا كتير مخنوقين وعاوزين نقول كتير
وربنا يفرج عن منتظر ويجعله فى ميزان حسناتة
تحياتى لكى ياقمر

عاليا حليم يقول...

الموقف الحقيقة على قد ما هو مضحك على قد ما هو مبكى و على قد ما ضحكت من نكت اصدقائى الى انهالت فى الموضوع ده على قد ما زلعت

الراجل اعتقلوه و احنا مش فالحين غير فى التريقة و النكت

con mie يقول...
أزال المؤلف هذا التعليق.
آه وكفى يقول...

بوش ده لو هيحكموني عليه هقول حقه يتحط في ميدان عااااااااااام
وكل واحد يديله اللي فيه النصيب
عشان مش ضيع العراق بس ده ضرب اقتصاد كوكب بحاله
منه لله

شفقة هانم واحسان بك يقول...

حلو البوست يا مفروسة والله الواحد لما قراه فش غله وفرسته
تسلمى

محمد فارس يقول...

الابنه اوالاخت المفقوعه مرارتها
اول زياره لي لمدونتك الجميله بس مش عارف سبب فقعة المراره ايه انت ولله الحمد بتعرفي تفرحي وبتعرفي تتفائلي وبس الغريب ان في وسط كل هذا هناك سبب
اكيد لهذه التسميه لاحظت ان ،اسف جدا
ان جزمةالاخ منتظر فرحتك وانك كمان
موضوع الزواج وفكرتك الجميله عنه اديتني عنك صوره اجمل بكثير من اسم المدونه بقي سؤال واحد ياتري انت متزوجه وسبب فقعة المراره الزوج ولا قلة الزواج هي السبب اسف كمان مره
ان كنت تدخلت فيما لا يعنيني ولكن تعودنا جميعا كا مدونين ان نكون اصدقاء بل اهل واسف ان كانت زيارتي
دمها تقيل علي قلبك اوتكون سبب في
زيادةفقعة المراره لديك
ارجو المعزره ان كان خني اللفظ فيما كتبت
مع بمنياتي لك بحياه سعيد مليئه بالامل
دائما &&& ان شــــاء اللــــه

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه