السبت، 4 أبريل 2009

يشمعني جوزي


موعود معايا بالعذاب ياجوجل

غيرت اسم المدونة ييجي خمس ست مرات لحد دلوقتي ... وعم جوجل الله يحفظه يمشي ورايا ويغيره ... وانا بأقول لعم الحاج جوجل ماتزعلش نفسك واحمد ربنا دا انت في نعمة ... والله نعمه .... دا انت عمر معرفتي بيك لا يتعدي سنتين تلاتة بكتيره أومال ياعين قلب أمه... المسكين جوزي يعمل أيه معايا بقاله في العذاب دا ييجي تمن سنين.. ومش ناوية اديله افراج واخلعه ... قاعدة علي قلبه تقيلة بقي خفيفة اهو قاعدة والسلام... كان حقنا نعمل له تمثال

بصراحة الراجل مستحمل بلاوي

وانا الصراحة بأعذر الراجل فلما ييجي يشتريلي هدوم عيد والا هدية واطلع عينه معايا وبعد مااشتري الحاجة من هنا اروح البيت واصمم واقعد اعيط بالدموع الساخنة عشان استبدلها وارجعها للمحل الوحش الكوخة اللي بيضحك علي الزباين ويخليهم يشتروا حاجات مش في دماغهم اساساً... اصلي كنت شاربة حاجة اصفرة وانا باشتريها

والراجل بناءاً علي دموعي الحارقة لازم يعصر علي نفسه زتونة وينزل معايا تاني ويعرض نفسه للأحراج بس بصراحة حقه يقول ماعلش اصل المدام عيلة وبترجع في كلامها

وعشان كدة بتدب خناقة سنوية لرب السما يوم عيد ميلادي عشان يهرب من انه يشتريلي هدية
انا مش عارفة لحد دلوقتي التردد دا كان فين وانا باخد قرار مصيري ذي قرار جوازي الذي كان اسرع قرار اتخذته في حياتي واللي مفروض يبقي اصعب قرار الواحدة بتاخده ... وغالبا والله اعلم بقيت حريصة ذيادة عن اللزوم بعد التسرع الرهيب اللي اتجوزت بيه

بيني وبينكم وكلام في سركم الستات كلها كدة

القرارات مش شغلتهم

فعشان كدة لازم تستحملوني هو انتم اقل من جوزي وسيبقي الاسم علي ماهو عليه

حماتي ملاك

هناك 24 تعليقًا:

Unknown يقول...

بجد دى حكايتك ولا حكاية ناس تانية علشان أنا أعرف جماعة تيبكل ولا دى حكاية فى كل بيت مصرى موضوع شيك

غير معرف يقول...

يا عينى يا خويا

سلميلى على جوزك و قوليله كان الله فى العون :)

Mafrousa يقول...

الله يكون فى عون اجوازاتنا كلنا يا بنتى و الله
التردد اللى احنا فيه ده
يخلى اجدعها راجل يتجنن
هههههههههههههههههه
سلام

MǿиY El-Shreef يقول...

ههههههه

بعد الاستفتا والانتخابات وكل ده يبقى الحال عما هو عليه

والله حماتي ملاك عسول اصلا

ربنا يعين جوزك يا اوختي

كلنا كده .. وعادتنا دي تغيظ اصلا :D

محمد حمدي يقول...

جدعه .. ده بجد احسن قرار

همس الاحباب يقول...

الاعتراف بحق فضيلة
وعلشان التردد ده والحيرة
انا ريحت دماغى من الهدايا
انتى خدى فلوس وانزلى انتى واختك هاتى اللى انتى عايزاه
كفى الله المؤمنين شر القتال
دمتى بكل خير
تحياتى

ولاء يقول...
أزال المؤلف هذا التعليق.
موناليزا يقول...

كده احسن برضه
اهو اللى نعرفه احسن من اللى مانعرفوش:)

محمد فارس يقول...

علشان اللي انتوا بتعملوه ده
انا بطلت اشتري هدايابس انا متجوز
من عشرمييييييت سنه
خلي بالك احسن يقلدني
وترجعي تقولي ياريت
اللي جرا ما كان
مع تمنياتي لك بحياه سعيده
في ظل زوجك اولا
وفي ظل جوجل ثانيا

mostafa rayan يقول...

يا ستي ربنا يكرمك وتفضلي قاعدةعلى قلبه لحد اخرالعمر وتشوفي ولادك احسن ناس
بس يا سحر حاولي تركزي اكتر علشان الراجل مايتعرضش لمشاكل اواحراج ممكن البايع يرفض الترجيع اويقل له كلمة بايخة
وبعدين جوزك دة والله عملة نادرة هذه الايام بيفتكر عيد ميلادك ( معظم الازواج بينسو) ويجبلك هدية فيه ويروح يبدل الهدوم واكيد كمان بيفتكر عيد جوزاكو وكدة .. اهودةاللي ينطبق عليه انه صعب في الدنيا تقابليه مرتين
ربنا يحفظكو لبعض ويسعد ايامكو

***********************

سحر ياريت ترجعي التعليقات زي ماكانت وتلغي تعليقات المجاهيل علشان ماحدش قليل الادب يقولك تعليق بايخ
ويضايقك بيه
انا سايبها لأن اللي بيقولي كلمة بقوله عشرين لكن انتي حد رقيق ومش هيعرف يرد
تحياتي ليكي مرة تانية وسلامي لزوجك العزيز

mohamed ghalia يقول...

أقلك
والله يا سحر
كنت واثق إنك هتثبيتى على الإسم الأصلى
ومش هتغيره لإنك ارتبطى بيه
يلا ربنا يعينه جوزك ويقويه هههههههههه

شاب كــ طخين ـــــا يقول...

هههههههههههه ربنا يقويكم عليهم
فيه عذاب كده علشان تحسو بينا

د.خالدأمين يقول...

ربنا يكون في عوني بعددين اما اتجوز

بس واحياتك لطلع عينها انا وهتشوفي





قال هيه اللي مش عارف ايه



خخخخخخخخخخ



ربنا يكون في عون جوزك وان كان نفسي اقعد معاه واقوله بلاش الطيبه دي


دول عاوزين العين الحمره

وحمره خالص

خالص مالص



اشطه


ربنا يوفقك


وان كنت مش فاهم هو انتي مدونتك دي للستات فقط والا ايه وانتي مش بتردي غير عالستات والا ايه



سلام

صمت المشاعر يقول...

هههههههههههه ياعيني عليه

بس الرجاله هيعملوا ايه مفيش ادامهم غير انهم يستحملكومكم

Ahmed يقول...

ههههههه

الله يكون في عون الغلبان المسكين

ألا صحيح يعني؟ هيا ديه هوايه ولا ايه؟
أصل فعلا أنا بلاحظ الموضوع ده!!!

الواحده تفضل تلف وتدور وتتعب الناس اللي نعاها عشان تشتري حاجه هيا أصلا مش عارفاها

وبعد كده لازم ترجعها؟
ليييييييييييييييييييييييييه؟

موجة يقول...

السلام عليكم ورحمة الله وبركاتة
احب اقولك كلمة واحدة
لاحول ولا قوة الا بالله
كل ده بتعملية فى جوزك
الحمد لله انى مش راجل
والحمد لله انى ست مش بتعمل كدة والا زمانى كان بقى ده حالى
كان الله فى العون
تقبلى مرورى

Eno يقول...

ههههههههههههههههههههههههه

كل الستات متعبين في موضوع شرا اللبس ده

عاوز يوم من اوله لف لف لف

ربنا يعينهم باه علينا :))

تحياتي :)

محمد عبدالرحمن شحاته يقول...

لازم يعني تتعبي جوزك وتخليه يستبدل الملابس ... الله يكون في عون الراجل... يارب بس مايجيش يوم ويزهق ..

رحلتنا في الحياة يقول...

شبح التردد ده شئ فى خلايا النساء كلهم وساعات اكيد التهور هههههه ربنا يكون فى عون جوز حضرتك بس لازم يتسحمل برضو امال ايه يعنى

Ranim Ayman يقول...

الكتاااااااااب حلوو موت ويا خسارة فاتنيحفل توقيع وياريت يكون السنة الجاية في حفل توقيع تاني علشان والكتابب حلو جدا جدااااااااا ما شاءاللة

kochia يقول...

هو اسم مميز وانتي اتعرفتي بيه
وبصراحة لايق عليكي حتي لو المضمون اختلف

تحياتي

قيس بن الملووووح يقول...

انا عايز تزوريني وتقوليلي رايك في سنه اولي زواج يا سنه تامنه زواج

قلب ينبض بالحب يقول...

لالالالالا شكل استاذ طارق ليه الجنة ياسحورة وهياخد جائزة نوبل في الصبر دمتي بكل الخير يا سحورة

غير معرف يقول...

Online Poker - Free bankroll $50 - INTERNATIONAL players - $ حرّرت خمسون
محراك يحرّر علاوة
من بولندا إحترامات