موعود معايا بالعذاب ياجوجل
غيرت اسم المدونة ييجي خمس ست مرات لحد دلوقتي ... وعم جوجل الله يحفظه يمشي ورايا ويغيره ... وانا بأقول لعم الحاج جوجل ماتزعلش نفسك واحمد ربنا دا انت في نعمة ... والله نعمه .... دا انت عمر معرفتي بيك لا يتعدي سنتين تلاتة بكتيره أومال ياعين قلب أمه... المسكين جوزي يعمل أيه معايا بقاله في العذاب دا ييجي تمن سنين.. ومش ناوية اديله افراج واخلعه ... قاعدة علي قلبه تقيلة بقي خفيفة اهو قاعدة والسلام... كان حقنا نعمل له تمثال
بصراحة الراجل مستحمل بلاوي
وانا الصراحة بأعذر الراجل فلما ييجي يشتريلي هدوم عيد والا هدية واطلع عينه معايا وبعد مااشتري الحاجة من هنا اروح البيت واصمم واقعد اعيط بالدموع الساخنة عشان استبدلها وارجعها للمحل الوحش الكوخة اللي بيضحك علي الزباين ويخليهم يشتروا حاجات مش في دماغهم اساساً... اصلي كنت شاربة حاجة اصفرة وانا باشتريها
والراجل بناءاً علي دموعي الحارقة لازم يعصر علي نفسه زتونة وينزل معايا تاني ويعرض نفسه للأحراج بس بصراحة حقه يقول ماعلش اصل المدام عيلة وبترجع في كلامها
وعشان كدة بتدب خناقة سنوية لرب السما يوم عيد ميلادي عشان يهرب من انه يشتريلي هدية
انا مش عارفة لحد دلوقتي التردد دا كان فين وانا باخد قرار مصيري ذي قرار جوازي الذي كان اسرع قرار اتخذته في حياتي واللي مفروض يبقي اصعب قرار الواحدة بتاخده ... وغالبا والله اعلم بقيت حريصة ذيادة عن اللزوم بعد التسرع الرهيب اللي اتجوزت بيهبيني وبينكم وكلام في سركم الستات كلها كدة
القرارات مش شغلتهم
فعشان كدة لازم تستحملوني هو انتم اقل من جوزي وسيبقي الاسم علي ماهو عليه
حماتي ملاك
هناك 24 تعليقًا:
بجد دى حكايتك ولا حكاية ناس تانية علشان أنا أعرف جماعة تيبكل ولا دى حكاية فى كل بيت مصرى موضوع شيك
يا عينى يا خويا
سلميلى على جوزك و قوليله كان الله فى العون :)
الله يكون فى عون اجوازاتنا كلنا يا بنتى و الله
التردد اللى احنا فيه ده
يخلى اجدعها راجل يتجنن
هههههههههههههههههه
سلام
ههههههه
بعد الاستفتا والانتخابات وكل ده يبقى الحال عما هو عليه
والله حماتي ملاك عسول اصلا
ربنا يعين جوزك يا اوختي
كلنا كده .. وعادتنا دي تغيظ اصلا :D
جدعه .. ده بجد احسن قرار
الاعتراف بحق فضيلة
وعلشان التردد ده والحيرة
انا ريحت دماغى من الهدايا
انتى خدى فلوس وانزلى انتى واختك هاتى اللى انتى عايزاه
كفى الله المؤمنين شر القتال
دمتى بكل خير
تحياتى
كده احسن برضه
اهو اللى نعرفه احسن من اللى مانعرفوش:)
علشان اللي انتوا بتعملوه ده
انا بطلت اشتري هدايابس انا متجوز
من عشرمييييييت سنه
خلي بالك احسن يقلدني
وترجعي تقولي ياريت
اللي جرا ما كان
مع تمنياتي لك بحياه سعيده
في ظل زوجك اولا
وفي ظل جوجل ثانيا
يا ستي ربنا يكرمك وتفضلي قاعدةعلى قلبه لحد اخرالعمر وتشوفي ولادك احسن ناس
بس يا سحر حاولي تركزي اكتر علشان الراجل مايتعرضش لمشاكل اواحراج ممكن البايع يرفض الترجيع اويقل له كلمة بايخة
وبعدين جوزك دة والله عملة نادرة هذه الايام بيفتكر عيد ميلادك ( معظم الازواج بينسو) ويجبلك هدية فيه ويروح يبدل الهدوم واكيد كمان بيفتكر عيد جوزاكو وكدة .. اهودةاللي ينطبق عليه انه صعب في الدنيا تقابليه مرتين
ربنا يحفظكو لبعض ويسعد ايامكو
***********************
سحر ياريت ترجعي التعليقات زي ماكانت وتلغي تعليقات المجاهيل علشان ماحدش قليل الادب يقولك تعليق بايخ
ويضايقك بيه
انا سايبها لأن اللي بيقولي كلمة بقوله عشرين لكن انتي حد رقيق ومش هيعرف يرد
تحياتي ليكي مرة تانية وسلامي لزوجك العزيز
أقلك
والله يا سحر
كنت واثق إنك هتثبيتى على الإسم الأصلى
ومش هتغيره لإنك ارتبطى بيه
يلا ربنا يعينه جوزك ويقويه هههههههههه
هههههههههههه ربنا يقويكم عليهم
فيه عذاب كده علشان تحسو بينا
ربنا يكون في عوني بعددين اما اتجوز
بس واحياتك لطلع عينها انا وهتشوفي
قال هيه اللي مش عارف ايه
خخخخخخخخخخ
ربنا يكون في عون جوزك وان كان نفسي اقعد معاه واقوله بلاش الطيبه دي
دول عاوزين العين الحمره
وحمره خالص
خالص مالص
اشطه
ربنا يوفقك
وان كنت مش فاهم هو انتي مدونتك دي للستات فقط والا ايه وانتي مش بتردي غير عالستات والا ايه
سلام
هههههههههههه ياعيني عليه
بس الرجاله هيعملوا ايه مفيش ادامهم غير انهم يستحملكومكم
ههههههه
الله يكون في عون الغلبان المسكين
ألا صحيح يعني؟ هيا ديه هوايه ولا ايه؟
أصل فعلا أنا بلاحظ الموضوع ده!!!
الواحده تفضل تلف وتدور وتتعب الناس اللي نعاها عشان تشتري حاجه هيا أصلا مش عارفاها
وبعد كده لازم ترجعها؟
ليييييييييييييييييييييييييه؟
السلام عليكم ورحمة الله وبركاتة
احب اقولك كلمة واحدة
لاحول ولا قوة الا بالله
كل ده بتعملية فى جوزك
الحمد لله انى مش راجل
والحمد لله انى ست مش بتعمل كدة والا زمانى كان بقى ده حالى
كان الله فى العون
تقبلى مرورى
ههههههههههههههههههههههههه
كل الستات متعبين في موضوع شرا اللبس ده
عاوز يوم من اوله لف لف لف
ربنا يعينهم باه علينا :))
تحياتي :)
لازم يعني تتعبي جوزك وتخليه يستبدل الملابس ... الله يكون في عون الراجل... يارب بس مايجيش يوم ويزهق ..
شبح التردد ده شئ فى خلايا النساء كلهم وساعات اكيد التهور هههههه ربنا يكون فى عون جوز حضرتك بس لازم يتسحمل برضو امال ايه يعنى
الكتاااااااااب حلوو موت ويا خسارة فاتنيحفل توقيع وياريت يكون السنة الجاية في حفل توقيع تاني علشان والكتابب حلو جدا جدااااااااا ما شاءاللة
هو اسم مميز وانتي اتعرفتي بيه
وبصراحة لايق عليكي حتي لو المضمون اختلف
تحياتي
انا عايز تزوريني وتقوليلي رايك في سنه اولي زواج يا سنه تامنه زواج
لالالالالا شكل استاذ طارق ليه الجنة ياسحورة وهياخد جائزة نوبل في الصبر دمتي بكل الخير يا سحورة
Online Poker - Free bankroll $50 - INTERNATIONAL players - $ حرّرت خمسون
محراك يحرّر علاوة
من بولندا إحترامات
إرسال تعليق