الجمعة، 1 مايو، 2009

الفرخة والخنزير


عندما بدأت انفلونزا الطيور سياحتها الطويلة في مصر قلت مافيش فايدة فينا ....مصر هاتستقبلها احسن استقبال وهاتكرمها بكرم ضيافتنا اللي احنا مشهورين بيه

وعدت السنين ووصلت مصر بجدارة للمركز الثالث في عدد حالات الإصابة بإنفلونزا الطيور

والآن يدق بشدة علي بوابة الأوبئة القاتلة مرض جديد ولو انه كان متوقع منذ بداية انتشار انفلونزا الطيور

فقد قيل وقتها ان فيروس انفلونزا الطيور سيتحور إلي فيروس جديد سينتشر بين البشر اذا حدث وتقابل الفيروسان الذي يصيب الانسان

والذي يصيب الطيور في جسد الخنزير مصنع الأوبئة وهو ماحدث فعلاً والفيروس الجديد لعنة جديدة لا علاج لها حتي الآن انتشر بصورة حادة في خلال ايام معدودة ... لعنة الله عل علم وقف ساكناً والناس يموتون ... ماذا قدم العلم لنا لماذا لم

يتم نقل الخنازير من حظائرها القريبة من البشر اولماذا حتي لم يتم ذبحها منذ عرفنا بالمصيبة التي في انتظارنا

الكارثة انهم عندما بدأوا في ذبحها واعدامها بقرار رئاسي قام بعض مربيها بتهريب بعضها

أيها الجهل اللعين مودينا علي فيييييين؟

لقد قتل الفيروس الجديد العديد وقد وصل بالفعل الي اسرائيل جارتنا اللدود ونحن ننتظره قريباً عندنا للأسف فاتحين اذرعنا منتظرين للموت ليأخذنا بين أحضانه مُرحباً

وسيتم تطهير مصر من سكانها في القريب العاجل

ياتري هانروح في التطهير ولا لسة لينا بقية

هناك 16 تعليقًا:

بدراوى يقول...

هو الخنازير اصلاً وسيط ناقل للمرض
و لسة قارى كلام بيقولوا
ان خلاص دبح الخنازير مفيش منه فايدة
عشان المرض تحور و بقى بينتقل من بشر لبشر
!!
ربنا يستر علينا
و الجهل كمان اكبر شىء يبوظ البلد
يعنى لسة ناس بتقول العمر واحد و الرب واحد و الفراخ مش حيحصلها حاجة
ماشى كلنا مؤمنين بس نأخذ بالأسباب
ده الفرارجية بيستخبوا فى الحوارى ساعت اى حملة و يطلعوا لما الحملة تمشى
!!

مسدس صغير يقول...

فعلا حاجة غريبة
الناس دى متخلفة عقليا
الكارثة هتبقى اكبر واكبر لو الخنازير دى متعدمتش
احييكى على البوست
وربنا يستر على مصر وبلاد المسلمين

الشاعر محمد عبدالرحمن يقول...

عندك حق
احنا بنعمل بإدارة رد الفعل
ولا بمبدأ الحذر
علشان كده هنكون اول اللي تتطهر منهم الارض
مشكور على الموضوع

حاسوباتيه يقول...

عندك حق ربنا يستر ازا كان العالم مش عارفين يعملوا ايه فهو هيجي عندنا وهيعمل زي انلفونزا الطيور واسؤ بكتير ربنا يستر

MǿиY El-Shreef يقول...

حاجه تنقط لا عندنا حكومه بتخاف علينا ولا احنا بنخاف علينا اصلا

ربنا وحده قادر انه يطلعنا من ده كله

لكي الله يامصر بجد والله

يوميات شاب منوفى يقول...

عمرو اديب فى القاهرة اليوم قال ان فية شخصية كبيرة واقفه ضد دبح الخنازير وبتهدد باللجوء الى امريكا اية العالم المعفنة دى هلى اماريكا هتعملوا اية يعنى واحنا بقينا رخاص اوى كدة ارحمنا يارب انا كاتب بوست لة علاقة بالموضوع دة ياريت تشوفية

Foxology يقول...

وايه المشكلة لما يروح مننا كام مليون ؟

انا سامع ان قرار اعدام الخنازير طلع غلط كان القرار طالع بأعدام المواطنين :)))


تحياتى وربنا يسترها علينا

اشرف شحاتة يقول...

ابقي تابعي في جريدة النهار تقرير عن مدونتك في العدد المقبل (الاربعاء6أبريل) وارسلي رقم تليفونك علي الايميل الموجود علي مدونتي لمعرفة بعض التفاصيل الاخري
اشرف شحاتة
صحفي بجريدة النهار وصاحب مدونة الوسط الصحفي العربي

mohamed ghalia يقول...

ربنا يحفظنا كلنا ياسحر
وياريت يبقى عند الناس وعى بجد بالمصيبة

اصحى يا مصر : اسلام ديو يقول...

فى القريييييييييب العاجل

قريب اوى زى منا قلت منتظرين فرج ربنا

جارى تطهير مصر وربنا يستر مش عارف بجد لحد امتى

البوست جميل طبعاً بدون نقاش

كاتب مصري يقول...

Hgسلام عليكم
تحية طيبة لكي أختي
دعوة خاصة للمشاركة والكتابة في مجلة رؤية مصرية
المجلة أسبوعية الكترونية صدر منها ست أعداد حتى الآن
بامكانك زيارتها على http://roaua.com/

ومراسلتنا على roaua.com@gmail.com

خالص تحياتي ومستنيكي

رئيس التحرير

mosooz يقول...

ايها الخنزير اذهب بلا رجعة هو فعلا الواحد مش عارف يعمل اية فى الخنازير دى
على العموم احنا ممكن نعمل حاج ة علشان نقضى عليهم
كل واحد يشوف خنزير يموتة

تحياتى

romansy يقول...

مش عارفين ازاى نتهنى
ومنعرفش هنروح فين

ربنا بقى معانا

بس الامل لسه موجود فى الحياه
طول ما فى ناس بتخاف على بعضها

مدونتك جميله

micheal يقول...

للأسف مفيش أي نوع من أنواع الثقافة في مصر والمصيبة الأكبر أنه يتحول لموضوع طائفي والسبب خنزير
!!
ربنا يستر من الفتر ةالقادمة
والله الأحداث دي خلت الواحد يكتب عنده أغنيتين عن إنفلونزا الخنايز في البلوج
:))
تحياتي

تأثير الفراشة يقول...

ربنا يلطف بينا جميعا، و إلى الآن العلاج الموجود للمرض هو دواء تاميفلو، بإذن الله فيه أمل
الظاهرة اللى حاصلة اليومين دول إن بعد ما الخنازير اتدبحت، فللأسف الشديد إن بعض التجار معدومى الضمير بقوا يغشوا بيها اللحمة العادية (لأن سعر كيلو لحم الخنزير ،حسب ما سمعت ، وصل لأربعة جنيه للكيلو) فاليومين دول الواحد المفروض لا ياكل لحمة و لافراخ و لا بيض و حاليا صيد السمك موقوف لغاية شهر يوليو،.......... ربنا يخللى لنا الفول

تحياتى ليكى، ربنا يوفقك دايما

arabcooL يقول...

بلوقر
This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه