الأحد، 24 مايو، 2009

وماخفي كان أعظم


عندما تقرأ عريضة دفاع محامي هشام طلعت مصطفي تتلخبط داخلك المفاهيم

المحامي بيدافع بطريقة غريبة عن راجل يادوب علي علاقة غير شرعية بواحدة

فنانة وكأن العلاقة دي شيء عادي كدة مافيش فيه عيب ولا حاجة

بصراحة أنا أتعلمت أن العلاقات خارج إطار الجواز بتبقي حرام وخصوصا علاقات السرير
المحامي قال أن طلعت معترف أنه كان ناوي يحطلها مخدرات ويبلغ عنها لكن أنه يقتلها فحاشا لله ياباشا


انا شايفة بقي من وجهة نظري المتواضعة أن الدفاع أدان هشام طلعت مصطفي ولم يبرئه
ياتري بقية رجال الأعمال مفاهيمهم متشابهة مع مفاهيم هشام وألا هشام دا المذنب الوحيد فيهم
هشام طلعت مصطفي وجريمته دليل علي أن الفساد أغرق مصر
وأن مقياس غرور وفسق رجال السلطة وصل لدرجة غير مسبوقة
لدرجة أن غروره صور له أنه يقتل وهايطلع منها كما ولدته أمه بريء ابن بريء





هناك 13 تعليقًا:

well يقول...

هو هياخد برائة لسببين
الاول ان هو اقتصاد دولة
والتانى ..علشان القانون فى البلد دى زى ما قال عادل امام (قانون ساكسونيا)

mosooz يقول...

خلى بالك انا اول ما شوفت طلعت مصطفى افتكرت ان دة اللى قتل..دا شكلة ميديش على راجل اعمال خالص..دا قتال قتلة ..والله من شكلة.

اما بالنسبة للبرأة ممكن ياخدها..فى بلد الكوسة بتاعتنا...اما بالنسبة للاقتصاد بتاع الدولة ..مش واقف علية ..هو فعلا هيسبب خشارة فى فترة اعدامة لو اعدم يعنى..بس فى ناس تانية ممكن تمسك الشركات
بتاعتة زى اخوة..


وفى بلدنا ممكن تسمع اى شئ

تحياتى

صيدلانيه طالعه نازله يقول...

بصى يا سحر انا حاسه ان كلام المحاميين كلهم عجيب و غريب و على الرغم ان علاقتى بالقانون بالضبط زى علاقتى بتونى بلير لكن كلامهم بوظ الشويه اللى كنت فاهماهم الباشا فريد الديب محمود سعد يسأله عن اسره هشام يقولك ده راجل متجوز و بلاش نخوض فى اسرار البيوت يسأله عن سوزان يقوله عيب نقول عليها منحله دى متوفيه الان و بين يدى الله يقوله هو صحيح دفع لجوزها السابق مليون و نص عشان يسيبهاله يقوله المسمى غلط هو دفع فى مقابل تطليقها
الكلام كله فساد فى فساد و انا رأيى انه لو ما كنش خد اعدام المفروض اسرته كانت تتبرى منه او تحجر عليه عشان السفه اللى كان بيصرف فيه فلوسه
الدنيا فعلا بقت فساد فى فساد و القضايا اللى زى دى بتبقى فرصه عشان ورقه السوليفان اللى مغلفه الناس دى تقع و نشوفهم من غير تلميع

القمر الساهر يقول...

عندك حق فعلا

بيتكلموا عن العلاقة الغير شرعية انها حاجة مش مستاهلة ليه يعني ماشي مع واحدة لا وهو كمان راجل متجوز

اللى استغربته ان مش شوفت على وشه اي علامات خوف او حزن لما الحكم اتقال ..مش عارفة دة من اثر الصدمة ولا ايه

لسه ماما كانت بتقولي مين اللى كداب اكيد في حد كداب

كل محامي عمال يدافع بكل ثقة

بس انا واثقة ان القضااء في مصر مش ساكسونيا وانه لو هو القاتل فهو هايعدم

MǿиY El-Shreef يقول...

ماتقلقيش ياسحر

براءه ياختي وتحيا مصر حره مستقله

زغرطي بقى يابهيه

Foxology يقول...

شوفى يا استاذة سحر

الموضوع كله فى انّ كبيرة اووووى وهتبان مع الأيام اصلها مش سايبة كدة ياخدو واحد من وسطهم ويعدموه الا لو الباقى عاوز كدة قصدى واضح طبعا :)

تحياتى :)

hasona يقول...

السلام عليكم

عندك حق الناس دي عندهم مفاهيم مختلفة
حتي حدودهم محتلفة وكأنها لا تقف عند أي شئ مهما كان

نتمني الخلاص من بقية المفسدين والمتحكمين في مصير البلد يوتجهون به الي جيوبهم

الله يهديهم وياخدهم ويريحنا منهم جميعا


تحياتي

بدراوى يقول...

لحد دلوقتى مش معروف المرحومة ماتت
و هى على ذمة مين
فيه ثلاثة بيقولوا
كات مراتى قبل ما تموت
!!!

سبهللة يقول...

ياريت ما تنسيش
ان لسه فى نقض وفى إستئناف
وانا اشك ان الحكم هايبقى كما هو عليه

micheal يقول...

حتي الان بقول يعيش قضاء مصر
أتمني مغيرش الجملة
:))
تحياتي

كيكى يقول...

اهوا هيتعدم
عوووو

شلاطة يقول...

المشكلة ان القضية دي فيها عك معكعك عالاخر الواحد من اول القضية دي ما بدات وهو مش فاهم منها حاجه والمشكله ان فعلا الناس معدش عندها ثقة في القضاء ولا الكلام دا عادي يعني ان طلع الحكم دلوقتي اعدام بعدالاستئناف ولا النقض بقدرة قادر يبقى برئ براءة الذئب من دم ابن يعقوب والناس بقى اللي فعلا بيغيظوني المحامييان مش بفهم منهم حاجه وبحس انهم بيبيعوا كلام وخلاص وعامة لو طلع منها براءة او ايا كان الحكم
في ربنا

arabcooL يقول...

بلوقر
This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه