الخميس، 1 أكتوبر 2009

المرض علينا حق


لا تقولوا عنى مفرطة التشاؤم فهو ليس من طبعى

ولكنها الدنيا التى كشرت عن أنيابها فجأة وظهر منها الجانب المظلم الموحش

لقد قضيت يوما فى احد المستشفيات

فماذا رايت؟

رايت الموت يحوم حول المرضى

رات الشدة من بعض الممرضات اللاتى يتعاملن بمنتهى القسوة

ينسون انهم ملائكة رحمة ففوجئت بهن شياطيناً للقسوة

انتابتني القشعرية الف مرة ومرة

لم يهمد لى جفن فى هذا المكان
حيث يتم وضع مريضاً فاقد للنفس مع آخر قد يكون له أملاً فى الحياة
وليس مهماً نفسية المريض كونه يرى الموت امامه

اتمنى الا ارى عدواً كان او حبيباً فى احضان اى من تلك المستشفيات الكئيبة

هناك 17 تعليقًا:

حـــــروف متــبعترة " عــمرو الشــايب يقول...

ياااااااااااة

اول تعليق

حـــــروف متــبعترة " عــمرو الشــايب يقول...

متقلبش المواجع دة الجرح لسة واجع

اصعب لحظات بتمر على الواحد و هو على سرير المستشفى مش بيعدي الوقت بيحس انة الدقيقة بتمر كانها يوم و الى بيقضي يوم بيحس انة مية سنة صعبة اوى بتحس ان الناس الى ف اللمستشفى من ممرضات دكاترة بقوا عندهم برود و روتين و ملل و حاجات وحشة اوى

ربنا ما يكتبها على حد ابدا

تحياتي

Mafrousa يقول...

ربنا يكفينا و يكفيكي شر المستشفيات و قرفها

Foxology يقول...

هى دى المستشفيات فى بلدنا وبعدين معلش مستنيين ايه من دكتور بيقبض 200 جنيه فى الشهر وبيشوف الموت بعينه كل لحظة ؟؟

مستنيين ايه من ممرضة جاهلة بابسط قواعد التمريض وهى الأمل للمريض قبل الدواء ؟؟

مستنيين ايه من شعب جاهل بأبسط حقوقه فى المعاملة المحترمة ؟؟؟

العيب فينا مش ف حد تانى واحنا اللى بنعامل بعض كدة وبنعمل ف بعض كدة !!

ربنا يرحمنا برحمته

طوبه فضه وطوبه دهب يقول...

f3lan rbna ma yktbhash 3la 7d tlk el msha3r al mokhyfa

موناليزا يقول...

اللهم اشفى مرضى المسلمين ونجنا واهلنا من شر الاوبئة والامراض اللهم امين

تأثير الفراشة يقول...

يااااه

للاسف الشديد المستشفيات ملياااانة بمصائب أكتر من كده بكتير
بجد حسبى الله و نعم الوكيل
ربنا يستر و يشفى مرضانا جميعا يا رب العالمين

Enbee يقول...

سيدتي،،
إسمها مستمرضات مش مستشفيات

المسألة فعلا صعبة وخصوصا للانسان الغير معتاد على جو المستشفيات بتكون الحكاية مقبضة جدا - وخصوصا مستشفيات العالم النايم اللي بننتمي إليه - يدخل الانسان وعنده امل في الشفاء العاجل - ونفسيته تتدهور إلى أسوأ مستوى ويبقى كل همه انه يخرج من الجو ده -- والله مفروض يسموها (مستمرض) مش ( مستشفى) ... الله يعافينا جميعا من المستشفيات والمرض وينعم علينا بالصحة

تحياتي العطرة

حسن حنفى يقول...

ده كده تفاؤل :) مش تشاؤم

مواطن شووجااع يقول...

ألف سلامة عليكي يا فندم
إن شاء الله اللي يكرهوكي
------

عادي جداً ودا الطبيعي واللي المفروض نتعود عليه من المستشفيا الحكومية

كله حاجة بقت بالفلوس اللي عايز يتعلم بفلوسه واللي عايز يتعالج بفلوسه واللي ممعهوش يتكل علي الحكومة ويستحمل بقي ...

الروتين ... الناس دي بتورد يومياً للمقابر كل يوم كام حتة
فبقي عندها فقدان الإحساس أو إنعدام الإحساس تجاه الموت
الموت يتحول تدريجيا الى شخص مألوف يتواجد في محيط حياتهم... كموظفي المستشفى , وعامل الأوفيس ... عادي جداً وطبيعي قوووووي..

دا من ناحية


من ناحية تاني حكاية نقص الإمكانيات بقي في المستشفي ودي موال تاني خالص


أنا عني نفس طالب في طب وبيني وبين المستشفي شئ من عدم الثقة ... لما بتعب لازم أشوف دكتور واثق منه أكشف عنده حتي التحاليل بعملها بره

معي إن دا كله ببلاااااااش لي جو لمستشفي الجامعي بس بصراحة مش ضامينهم
لله في لله كدا

شفـقــة و إحســــان يقول...

تعرفى كل اللى قلتيه احنا لسه شايفينه من قريب اصلا كنا مقضينها مستشفيات
بجد مش عارفة الناس دى بتجيب القساوة دى كلها منيين بس لعلمك كما تدين تدان
وربنا ما بيسيبش
ربنا يرحمنا ويشفى كل مريض
تحياتى ليكى ووحشتينى اوى
شفقة

Mohammed Salaheldeen يقول...

على فكره المستشفى اكتر مكان في الدنيا بيتعبني
كنت في مستشفى وريحه البينج زياده عن اللازم اوي اوي اوي بشكل افر يعني وانا قاعد اشم وادروخ اشم وادروخ لما انا كده ورايح ازور واحد صحبي امال اللي قاعدين فيها عاملين ازاي

micheal يقول...

مش حقول غير ألف سلامة عليكي وربنا يكفينا شر المرض ومنقعش تحت إيديهم
تحياتي

طهر فؤادك يقول...

السلام عليكم ورحمة الله وبركاتة
ياريت تساعدينى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموكى ويقدروكى كتير فياريت تشاركينى وكل الى يحب فى الحملة دى ومش هتاخد غير دقيقة واحدة وعن فكرتها وكل حاجة عنها فى اللينك دة ورجاء تدخلى وتشفيها امانة وجزاكى الله خيرا والمسلمين .http://rasoulallah1.blogspot.com/2009/09/blog-

غير معرف يقول...

إيه ده؟؟ إنتي كنتي في مستشفى كوم حمادة ولا إيه؟؟ مافيش اللي انتي بتقولي عليه ده .. كفاية افتراء على البلد دي بقى .. الحكومة هي اللي عاملاكوا بني آدمين يا جرابيع يا ولاد الكلب

فوووووووقوووووووووا .. الحكومة طالع دين أبوها عشانكوا و إنتوا مش عاجبكوا أي كلب!! أنا بنت مصرية زيي زيكوا , بس أنا باحب بلدي

غير معرف يقول...

إلى غير معرف
---------------
ياللي بتحبي بلدك اوي
اولا التعليق باستخدام الالفاظ دى غير مسموح بها فى مدونتى عندك كلمة حلوة محترمة قولها ماعندكش يبقي ماتسيبش حاجة وامشى مع السلامة
أما بقي لو حابة مستشفيات بلدك أتمنالك من كل قلبي انك تنعمى بالعيش فيها طول عمرك، ياست هانم حتى لو كنتى فى مستشفى فى دولة متقدمة لكن رؤية الموت امام عيونك كل لحظة دا شيء انا مش حاباه يااما بقي انتى حانوتية وواخدة على الحاجات دى
ربنا يسهلك ياللي بتحبي بلدك قال يعني احنا بنكرهها هانضحك علي بعض عشان بنحبها اللي يحب حد لازم يفهمه عيوبه عشان يصلحها وحكومتك ياهانم او يابيه مش فارقة اللي باعت ممتلكاتنا للي يدفع فيها اكتر ولسة ياما هاتبيع، اى حاجة بتعملها الحكومة مش من جيبها ياست هانم دى من ضرايبنا اللي بندفعها واللي بتتفنن كل شوية عشان تزودها واضح انك فاكر ان الحكومة ياحرام بتلم من بعضها وتدفعلنا وتعملنا كفاية كدة من غير اهلا ولا سهلاً وارجو عدم تكرار الزيارة

طهر فؤادك يقول...

السلام عليكم ورحمة الله وبركاتة ,,,
موضوع جميل ومعبرا جدااااا
وياريت تشاركى معانا فى حملة نصرة الاقصى والموضوع بسيط جدا وياريت تشوفى موضوعى على مدونتى وتقوليلى رأيك.. رأيك يهمنى اكيدددد ..