الاثنين، 28 ديسمبر 2009

هي وازواجها الاربعة


وصلني علي ايميلي مقال تم نشره علي موقع الحوار المتمدن والمصري اليوم، مقال للكاتبة نادين البدير، المقال أقام الدنيا ولم يقعدها، ولاقي هجوماً ضارياً من جميع الرجال علي اعتبارها امرأة فاضية فارغة العقل تدعو للإنحلال والفجور، وهجوماً من بعض السيدات بإعتبارها إمرأة تحرم ماحلل الله.
الكاتبة تتكلم في مقالها عن رغبتها في الزواج بأربعة رجال، وهي رغبة كما فهمت بلاغية ليس المقصود منها انها امرأة فاسقة او منحلة لكي تقبل أن تتزوج بأربعة وهو ماتحرمه جميع الاديان السماوية والأرضية.
هي فقط تكلمت عن موضوع سبق ان سمعته من الكثيرات الرافضات للزواج الثاني والثالث وأكيد الرابع، تكلمت بنفس المنطق الذي ساقته الكثيرات، لم تضيف الكثير من عندها، وليس معني ذلك ان جميع النساء مُنحلات لأنهن يرفضن الزواج الثاني للرجل....هي فقط تتمني أن يضع الرجال انفسهم مكان الزوجة المغدورة التي تجد نفسها علي الرف بعد عشرة العُمر الطويل، التي ضحت بمستقبلها وتنازلت عن ماضيها من أجل رجل مزواج لن يستطيع تنفيذ العدل بينها وبين الأخريات( وإن خفتم ألا تعدلوا فواحدة).
ترفض نادين مايدعيه الرجل بأن طبيعته هي التي تُملي عليه ذلك فالمرأة لو أرادت أن تجعل من قلبها وجسدها مسكناً للإيجار الجديد لأستطاعت وهو مايحدث بالفعل مع بنات الليل.
هي ترفض فقط حلال قننه القرآن وأستغله الرجال أسوأ استغلال.
سحر غريب

هناك 16 تعليقًا:

صيدلانيه طالعه نازله يقول...

اسوا اهانه يا سحر ممكن راجل يوجهها لمراته انه يتجوز عليها لان الموضوع ده فعلا بيكسرها قوى لان احساس المشاركه فى الرجل ده جارح جدا
ياريت الرجاله يفهموا ده قبل ما يخدوا قرار الجواز التانى و التالت و الرابع

Unknown يقول...

استاذ اسامة غريب
كتب فى الدستور مقال تهكمى على الكاتبة

http://dostor.org/ar/index.php?option=com_content&task=view&id=41764&Itemid=30

المـــفـــــــقــــــــوعـــــة مــرارتـهــا يقول...

قريت المقال
وقريت مقال نادين ودا رأيي بصراحة
والاختلاف في الرأي لا يُفسد للود قضية

كلام عيب يقول...

بصى انا معاها ان الست محتاجه اربع رجاله و يمكن اكتر
راجل يشوف طلباتها و راجل ينفع اب لاولادها
و راجل يفسحها و راجل يدلعها و يجيبلها هدايا
المفروض ان يجتمع هؤلاء الاربعه فى رجل واحد
و المفروض ان تجتمع الاربع ستات فى امرأه واحده
بس الاكيد ان الراجل قبل ما يبهدل معاه الست كان اختار من الاول اللى يناسبه بدل ما يضيع عرها معاه و بعد كده يقولها انتى مش كفايه عليه
تحياتى

شيرين يقول...

طبعا شئ سئ ان يتزوج الرجل على زوجته ولكن الأسوأ هو أن ترضى بذلك الزوجه لذا ربما كانت نظرة الكاتبه بهذه الطريقه الساخرة نسبيا والمؤسفه فعلا لان الرجل لن يشعر فعلا كيف يقضي على المرأه بهذه الطريقة
واحييكي على مدونتك الجميله

micheal يقول...

وأنا أرفع القبعة لها
ومتفهم وجهة نظرها
شيء مهين جدا للكرامة أن المرأة تحس أنها مش نمرة واحد في حياة زوجها
تحياتي

Tears يقول...

نادين البدير كاتبة جرئية و ليها برنامج مميز على قناة الحرة و حبت تستفز الرجال عشان يحطوا نفسهم مكان المرأة بس كلامها طلع صعب الفهم على عقولهم

ساحة من الهموم يقول...

مش ممكن في الزمن ده يبقى الراجل اكتر من نفسه..لو هي بتحبه بجد ممكن هي اللي تخليه كده..
اشمعنى هي متكونش اربعة؟؟؟
الراجل مش هو بس الحياة

Mahmoud البطراوى يقول...

عارفه بجد اكتر حاجه فى عمرى نفسى افهمها
ليه الست بتزعل لما الراجل بيتجوز عليها؟

علميا الراجل بيقدر يحب اكتر من واحده وبنفس القوه ( دا كلام علم النفس )

وعمليا العدل الظاهرى ممكن جدا

اللى بيعمل المشاكل دايما ان الست بتحسبها ان الراجل بيعاقبها .. رغم انى بشوفها انه بيدى لنفسه اوبشن .. او بمعنى اصح بيعمل حاجه جديده فى حياته هتسعده .. ومش حاطط فى دماغه ابدا انه بيعاقب زوجته ولا ان حبه لها اقل ولا اى حاجه من كده بالعكس بيبقى حريص انه يبين ان مفيش اى حاجه من دا بتحصل.

عامله زى ما اى واحد بيحب يبقى عنده شقتين او اكتر وعربيتن او اكتر
طبعا التشبيه من المقصود بيه ان الست زى اى جماد
بس اللى اقصده ان الراجل كل اللى بيفكر فيه ساعتها - لو طبعا مفيش مشاكل - انه بيدى لنفسه اوبشن وبيضيف لنفسه متعه .. خصوصا انه مش هيظلم - بقدر امكانه.

كون ان الراجل يرفض الست تتجوز عليه - بفرض انه حلال - لان الست ربنا خلقها مش كده
مخلقهاش تقدر تحب اتنين وتقدر تعدل بينهم .

خلينا نقول كمان ان الغيره عند الراجل .. فلسفتها صيانه العرض .. ودا اللى ممكن يموت فى سبيل صيانته ودا ميزه.

انما الغيره عند الست عيب محض فيها لانه مبيترتبش عليه اى فايده بالعكس كل اللى بيترتب عليه اضرار.

فاضل بقى اخر حاجه .. ان فى رجاله كتير بتبقى الطف مع زوجتها لما بتبقى متجوزه اتنين.
من باب كبر يا واد اللى دى متعملوش دى هتعمله.

المـــفـــــــقــــــــوعـــــة مــرارتـهــا يقول...

بطوط حبوب
ابقي فكرني ماجيبلاكش عروسة
احسن اللي هاتتجوزها هاتدعي عليا
منطقك غريب

Dr. Chandra يقول...

بطوط حبوب

اتفق معك في الراي ... كلامك سليم ... منطقي ...

احلام جوليا يقول...

يسلم لسانك يا سحر انا فعلا فهمت المقال بنفس الطريقة ولاحظت الهجوم الشديد الغير مبرر سوى ان الرجل لا يريد ان ينظر في الاتجاه الاخر ابدا فهو لا يرى الامور الا من منظوره هو فقط ولا يحاول ان يفكر او يشعر كما يفكر الاخرون انانية مفرطة دفعت ثمنها الكثير من النساء على مدى سنوات

خواطر شابة يقول...

التعدد انا معك انه جق قننه القرأن واستغله الرجال اسوء استغلال لكن كل هذا لابجعلني أجادل في مشروعيته لانه من عند الله لي الحق ان أرفضه لنفسي لكن مع الايمان انه حلال ولايخالف شرع الله
ونحن حين نهاجم الرجل على التعدد أولى بنا أن نهاجم المرأة التي تقبل أن تكون التانية والثالثة والرابعة فلو رفضت كل النساء المبدأ لما بقيت هناك مشكلة فلا تتحاملوا على الرجل المسؤولية مشتركة

شفـقــة و إحســــان يقول...

بصراحة يا سحر انا معاها امال يعنى الرجالة عايزة تتجوز علينا وتهين عشرة الايام والسنين واحنا نقف ساكتين حتى الكلام ممنوع علينا
يا ستى خلوها تفضفض
الواحد لما بيبقى مجروح اوى ممكن يعمل اى حاجة او يقول اى حاجة
وخاصة لما الست تنجرح من اعز الناس اليها
كل سنة وانتى طيبة يا قمر

mohra يقول...

لا افهم المشكله فى تعدد الزوجات و الضجه المقامه حوله
الاسلام يشترط الاعلان و موافقه كل الاطراف
يعنى مافيش حد مغصوب على حاجه
اليست الزوجه الثانيه امرأه ايضا؟؟؟الم توافق على هذا الوضع؟؟الامر لا يوجد فيه اى ظلم
كل من الاولى و الثانيه و الثالثه و الرابعه لها حق الاختيار و لا يوجد قهر لاى واحده ...لا داعى لضجه الفيمنيست

شهد الكلمات يقول...

اولا كل سنة و انتي طيبة

ثانيا احيكي على رايك و انا مع الكاتبة 100%

و بضايق جدا بجد من اللي تفكيرهم ضيق و بيشوفوا الامور بسطحية و يحبوا يلبسوا الناس تهمة و خلاص و يكفروهم

عرض طيب و ممتع

تسلم ايدك

تحياتي