الجمعة، 12 فبراير 2010

دكاترة دول والا تجار

عندما تشعر بألم في الأسنان فإن حياتك تتوقف عن الإبتسام تسارع الخُطي لزيارة طبيب الأسنان
وبعد زيارة الطبيب تتوقع أن تنتهي آلام أسنانك ولكن الذي يحدث معي هو العكس
فطبيبي الذي أنا مغتاظة ومفروسة ومفقوعة منه في نفس واحد وليس نفسين فحركته الغير آدمية بالمرة ليست سابقته الأولي معي بل أنها الثانية
فعلي مايبدوا أن تلك الوسيلة هي وسيلته المؤكدة لفتح سبوبة جديدة داخل فمي العزيز
حيث يقوم الدكتور المُحترم بعلاج ضرس لا يحتاج العلاج ويكتفي في كشفه بمجرد النظر
رغم طلبي منه في كل مرة أن يتأكد قبل أن يبدأ العمل لكنه يرفض ويؤكد دائماً أن نظرته لا تخيب
وبعد أن ينهي عمله في ضرسي الذي لم يكن به ألماً أصلاًيعاودني الألم فأعود لزيارته من جديد ليصحح خطأه
وفي كل مرة أدفع مبلغاً مُحترماً من المال
أريد أن أشكيه ولكني لا أعرف إلي أين تتجه شكواي لغير الله

هناك 11 تعليقًا:

Baskouta يقول...

سلامة ضروسك يا سحورة
معلش يابيبي هي كل الدنيا بقيت كدة
طيب غيري الدكتور وشوفي حد تاني
ربنا يزيح عنك الالم ويسامح الدكتور بتاعك

كنت عاوزة اقولك كل عيد حب وانتي طيبة ...بس اكيد وانتي تعبانة كدة هتخبطيني باي حاجة وتقوليلي عيد حب ايه
بس وحياتي متزعليش ...مش هقولك كل عيد حب وانتي في حب
هقولك


Happy Valentine's Day


ههههههههه روقي بقا يا جميلة

ومش هقولك تحيات بسكوتية على اللى ضروسهم تعباهم مينفعش ياكلوا بسكويت

صيدلانيه طالعه نازله يقول...

ههههههههههههههههه
انا مره رحت لدكتور السنان و حشالى 3 ضروس غير اللى واجعنى و فى الاخر خلعهولى

دكاتره السنان معظمهم فى بلدنا نصابين و عاملينها سبوبه

مع الاعتذار للقله الشرفاء

سواحة يقول...

:-)))
سحر مش كده؟
اقولك انا بعمل ايه بروحله (هى زيارة بقت نص سنوية او سنوية:-))) اصل اخت من نوعية الاسنان الجلاس و حرمت بسبها اكل جلاس برضه :-))))
اه لما بروحله بقوله عندى مشكله لو شاطر قولى فين؟؟؟ امتحان :-))))
ساعتها يطلعلى القطط الفاطسة فى ثلاث اربع اسنان ثانية :-)) غير الى بيوجعنى
اقوله لا غلط كالعادة الضرس ده
و طبعا يحاول يقنع فيا
فى الاخر ياقتنع و تطلع المشكلة لما يشتغل مستخبية يا يكتبلى او يعملى اشعة عليها و ساعتها اكيد بيبان
جربى تعمليلك اشعة باناروما للفك كله
كله ساعتها بيطلع و بيبان

الأرمـوطــي يقول...

الف سلامة عليكى واسال الله لكى العافية بس انا لو منك هعملة محضر فى القسم
تحياتى ليكى

كيكى عوووووو يقول...

ادعى ساعه فجرية

Mahmoud البطراوى يقول...

احم احم :-S

عايش... ولكن !!!! يقول...

اكشفى راسك وادعى عليه :))

Foxology يقول...

بسيطة جدااااا

ييجى يشتغل وسورى يعنى بضهر ايد حضرتك على نضارته على اساس انها حركة لا ارادية من الألم المفاجئ :)))

الموضوع بسيط :))

الف سلامة على حضرتك

تحياتى

أحمد عبد الحميد يقول...

طيب سؤال يا سحر
ماغيرتيش الدكتور ليه؟

صبرني يارب يقول...

سلامتك يا سحور

بس معلش هو الاسنان كده على فكره ما تظلميهوش برضه

يعنى ممكن يكون ضرس واجعك جدا ومش باين فيه تسوس جامد

وضرس تاني مسوس تماما من الخارج ومش هو سبب الالم الاساسي

وعموما لو مش واثقه فيه غيريه

اصل انا خبره فى الاسنان طووووووويله

كمريضه طبعا انتى فاكره ايه
هههههههههههههههههه

أنــا يقول...

مممممممممممم
هاقولك حاجه ...
اولا الف سلامه على سنانك اكيد ..
بس لو هوا الدكتور كدا فعلا وبيعمل معاكي كدا عشان ياخد فلوس زياده ..
المفروض تغيريه ..
تشوفي دكتور غيره .. تكوني متأكده منه ومن شغله ..

وممكن تسألي دكتور تاني عن حاله سنانك وهوا يشوف ان كانت فعلا محتاجه تتعالج ولا لأ..
في اوقات كتير السنان بتكون مابتوجعناش بس بتكون محتاجه تتعالج .. لانك لو استنيتي عليها .. هتوجع بعد كدا
يعني لو في تسوس بسيط ولسه مأكلش كتير من السنه دا لازم يتشال قبل مايوصل للعصب او يبوظ سنان تانيه جمبه ..
غير كدا .. في بعض الحالات مش بتستحمل انها يتعملها اكتر من سنه في الزياره الواحده ..
دا حسب حالتك وحسب وجهه نظر الدكتور ..
فبيعملك سنه واحده في الزياره دي وبيكمل شغله في زياره تانيه .. وانت فعلا لازم تتابعي كل شويه ..

انا على فكره في كليه طب اسنان ..

يعني تحت امرك في اي حاجه ومجانا .. لو تحبي اعملك اي حاجه :)
سعيده بمروري بمدونتك :)