ماعنديش أي مانع الناس تعتبرني طيبة ... هبلة ... علي نياتي ...كله ماشي ... لكن حد يستغفلني ويستغل سذاجتي ... أهو ده إللي مش ممكن أبداً ولن أقبل به إلا علي جثتي المتلقحة بموتة غير طبيعية وفيها دم كمااان
فقد لاحظت أن زوجي الغالي بدأ يلوك الكذب كلبانة في فمه ... فبدأ يتأخر عن ميعاد رجوعه من الشغل وتسأله ... يقولك ... أصل الشوارع زحمة مووووووت ...والبلد واقفة ... حتي الشوارع الجانبية بقت واقفة هي كماان ...
مرة قال أن الريس والوزرة بتوعه بينزلوا يشقروا علي أحوال البلد ... فالطريق واقف عشان التشريفة تعدي
مرة تانية يتأخر سبع ساعات عشان عسكري المرور مش شايف شغله
جديدة دي ... ماالمرور طول عمره زحمة والعسكري طول عمره مكبر الجزمة بتاعته ...الزحمة دي تأخرك ساعة... أتنين بالكتيييير ... لكن سبع ساعات.. ليه شايفني دقة عصافييييير علي قفايا ...
ده حتي العصافير موضتها بطلت وبقوا يدقوا حمير اليومين دول
وفي مرة من ذات المرارير .. أخبرني زوجي أنه هايخرج من شغله علي الحلاق عِدل وأستناه يييجي مايجيش .. يتصل مابيعبرش .. تعدي ساعة وخمسة والبيه تقلاااان عليا ... ده لو بيعمل نيولوك .. كان زمانه شرف ... أنا قلت أدوس علي كرامتي الوارمة وأتصل بيه ... رد الباشا ببرود شديد ...والله بأحسده عليه .. تلاجة أربعين قدم ياناااااااااااس !!!
أيه ياحبيبتي وحشتك للدرجة دي ؟ أنا مش قلتلك هاأروح للحلاق .. أصله عنده زحمة
طيييييب ..
بقي زحمة قال .. أما وريتك ... بس لما تييييجي وعزمت النية الصادقة علي الإنتقام ... وإليكم الخطوات العبقرية للإنتقام من الزوج الفشار ...
أختي العزيزة حواء هانم ... لا تجربي هذه الخطوات في المنزل ... ممكن في النملية .. عشاااااااان خاطري ... أنا مش ناقصة ذنوب
وقفت أمام المرآة أتجهز وأتزوق للمحروس بسلامته
أختي العزيزة حواء هانم ... لا تجربي هذه الخطوات في المنزل ... ممكن في النملية .. عشاااااااان خاطري ... أنا مش ناقصة ذنوب
وقفت أمام المرآة أتجهز وأتزوق للمحروس بسلامته
أيوة كدة البوز شبرين ... الشعر منكوش علي فورمة نكشة الأسد ... رشة برفاااان من ماركة ثومنا وبصلكم تقرفنا هانقرفكم ... الجلابية المقطعة من سبت الغسيل ... كويس لسة ريحة الطبيخ عليها صابحة ... الله ... تجنن .. أيه الحلاوة دي ... أيوة كدة يابت ياسوسو هي دي العكننة ولا بلاش
بقي أنا تكذب عليا وتقوووول الحلاق عنده زحمة ؟! ليه هو طابور عيش ؟
ده عمره ماعملها .. وياتري بيتزوق لمين ؟
ده عمره ماعملها .. وياتري بيتزوق لمين ؟
أنا قلت أكيد في العبارة إنّ .. واحدة كدة ولا كدة ... بقاله مدة بيهددني بالجوازة التانية ... أكيد فيه واحدة فدائية عاوزة تناسبني ...نهارها أحمر بلون الدم اللي هاشربه منها ...
وليلها أسود من جلابية مامتها السودة إللي هاتتلبس عليها بإذن الله ... بس لما أبقي أشوف وشك ياسبع البورمبة ... بقي عاوز تتجوز ... طيب إلهي وأنت جاهي ... لو ناويها ماتوعي تنفذها .. وإن نفذتها تزوّر وتطفحها بالسم الهاري...
وتطلع العروسة قارعة وحولة وكاتعة .. وخارجة من السجن جديد عشان قتلت جوزها الأولاني ... يارب تحصله ياخاين العيش والملح
أنا آه بأشجع الجوازة التانية والتالتة كمان لو لزم الأمر ... مساعدة مني في القضاء علي العنوسة .. بس بشرط تكون نقاوة عيني أنا .. وعلي أيدي أنا ... مش يروح يخطبلي نانسي عجرم ويقول هو ده الموجود في السوق ... وبدل ماتخدمني هي أخدمها أنا
وليلها أسود من جلابية مامتها السودة إللي هاتتلبس عليها بإذن الله ... بس لما أبقي أشوف وشك ياسبع البورمبة ... بقي عاوز تتجوز ... طيب إلهي وأنت جاهي ... لو ناويها ماتوعي تنفذها .. وإن نفذتها تزوّر وتطفحها بالسم الهاري...
وتطلع العروسة قارعة وحولة وكاتعة .. وخارجة من السجن جديد عشان قتلت جوزها الأولاني ... يارب تحصله ياخاين العيش والملح
أنا آه بأشجع الجوازة التانية والتالتة كمان لو لزم الأمر ... مساعدة مني في القضاء علي العنوسة .. بس بشرط تكون نقاوة عيني أنا .. وعلي أيدي أنا ... مش يروح يخطبلي نانسي عجرم ويقول هو ده الموجود في السوق ... وبدل ماتخدمني هي أخدمها أنا
وفي غمرة أفكاري السودة
البيه شرف ... وأنا ولا علي بالي ...
حضريلي الأكل ..
مش شايفني رايحة في سابع نومة ؟ بتصحيني ليه ؟ أنا تعبانة .. حضره لروحك ..خخخخخخخخخخخخخ
طب قومي شوفي الحلقة الجديدة ...
مش شايفني رايحة في سابع نومة ؟ بتصحيني ليه ؟ أنا تعبانة .. حضره لروحك ..خخخخخخخخخخخخخ
طب قومي شوفي الحلقة الجديدة ...
هي مش حلقة وخلاص ... هاتعمل أيه في شعرك ياحسرة ... تجيبه كدة ... تجيبه كدة ... هو كدة ... مابينفعش فُُُرم .
..مش الحلاق كان عامل عرض علي الماسكات قمت خليته يعملي واحد برخص التراب بصي كدة ...
أنعم وأكرم
...أيه ... لاوية بوذك ليه يامدااااام ؟
أسأل نفسك ...
طب نتفاهم
وآدي قاعدة ... وسع ياسيدي ... فُتحت الجلسة... وكل من عنده حاجة يرشها
بقي كدة ... تستغفلني ..و تضحك عليا وتقووول عند الحلاق ... حلاق أيه يابابا ... حلاق من خمسة لواحدة ... ياشيخ حرام عليك أتقي ربنا وقول الحقيقة ..
ومش هاتزعلي مني ...
وعد مني ليك ... مش هازعل ...أوكازيون المرة دي ... لكن المرة الجاية هاأطق من جنابي .. ومش بعيد أصورلك قتيل ... والقتيل ده هايبقي واحد عز المعرفة
الحكاية ومافيها كنت عند ماما وكان عندها ناس قرايبنا بيزوروها ...ومسكت فيا عشاااااان أتغدي معاهم .. وأوصلهم بيتهم بعد مايخلصوا الزيارة
هي فيها حماتي ... خلااااااااص ياعم .. مابانت لبتها ... هو أنا أقدر أقوووول حاجة بعد كلمتها ...مادامت قالت تستني يبقي تستني .. هو أنت وراك حاجة ... مادامت الكنبة إللي في البيت مابتتنقلش من مكانها ... يبقي براحتك يااااااااااعم .... العيب مش عليك العيب علي الكنبة ... المتلقحة في الصالة
ـــــــــــــــــــــــــــــــــــــــــــــــــــــــــــ
بناءاً علي طلب الجماهير الغفيرة ... أحب أضيف لأختي حواء همسة في ودنها الصغنونة
آه جنس حواء كلهن ودانهم محندقة ... حد عنده أعتراض ؟؟
وهمستي بتقول ... كيف تنفذين نكشة أسد الغابة في البيت
أولا ً ... حطي راسك جوة الخلاط وسيبي شعرك ياخد ويدي مع نفسه ..
هاتسمعي صوت طقطقة ... ماتخافيش دي الجمجمة بتتفرم
هاتشوفي لون أحمر برضه اثبتي ... ده دمك يامضروبة بالخلاط
بعد ماتنشفي دمك ... خدي بعضك ذي الشاطرة وأدخلي البلكونة ونشفي راسك في الشمس
لو ماعندكيش بلكونة دلدلي راسك من الشوباك بس أوعي راسك تاخدك وتقعي
أهم حاجة تبقي كاتبة الوصية بتاعتك قبل التنفيذ ... وماتنسيش تحرمي فيها جوزك من الميراث
مش هايبقي موت وخراب ديار
عاااااااااااادي ... حتي لو بقيتي جثة ...هاتبقي جثة موزّة .. وجوزك هايفكر ألف مرة قبل مايتجوز بعديكي ... هايخاف يطلعله عفريتك المنكوش ... ونبقي بالطريقة دي ضربنا عصفورين بحجر واحد ...
وهي دي ضريبة النكشة ... وكل نكشة وأنتي طيبة
هناك 105 تعليقات:
هههههههههههههه
ههههههههههههههه
بس يا كنبه يا أختى ...قصدى يا مفقوعه يا أختى ايش ادراكى بقى انه كان عند مامته ....و خصوصا هو عارف انتى بتحبيها ....يعنى مش حتدورى وراه....انا جايه اهدى النفوس بس ....مش قصدى حاجه...هههههههههه
بس برافو عليكى لازم من وقت للتانى توريله فورمة الاسد ...و الوش التانى
لحسن يفتكر الدنيا سايبه
ههههههههههههههه
يا عينى عليه .. والله أنا مشفقة على جوزك.. واضح إنك مش سايباله أى سبب يخليه يتجوز عليك وخصوصا بعد المكياج والزواق الرائع بتاعك ده .. وكله إلا البرفان
حرام عليكى والله جوزك شكلة طيب .. ربنا يهديهولك .. بس وحياة المدونة عندك بلاش فورمة الأسد
هههههههههههههه
ربنا يهديهولك
ال يا مامنه للرجال يا مامنه للغربال
وبرا وجوا فرشتلك وانت مايل وايه يعدلك
وحرصى على طيرك لا يلوف بغيرك
مش لاقيه امثال تانى بصراحه بس كلها تنطبق على حالتك
حرصى يا حبيبتى ولا تخونيش لان فى حاجات بتتخطف دلوقتى والبنات شرقانه ومش لاقيه جواز
واوعى تقولى قدامه ولا قدام حماتك انك مش ممانعه الجواز التانى ولا التالت لا تطق فى دماغها وتروح عملالك مفاجئه ومجوزاه وساعتها تبقى هى دى مفاجاة العمر
وربنا معاكى
هههههههههههههههههههههههههههه
بوست عسل وربنا يهديلك الحال
مكنتش اتصور ان خوفك من فيفى يعميكى عن الحقيقة ويخليكى تصدقى الحكاية دى من اول مرة كده ...
ضيوف مين اللى يخلوه يروح الاول للحلاق ويعمل ماسك ويحط بارفانات دول...
ماسالتيش نفسك هوه ليه خلاكى تعزلى من جنب فيفى ...
انا جاى بس اهدى النفوس ... وجوزك ده اجدع جوز فى الدنيا ... ههههههههههههههه
انا بقوووول
ان الحلاق كان ارحم بدل الصدمه بتاعه
حماتك دي
نورتي مدونتي واسفه علي التاخير بس غصبن عني والله
مدونتك جميله جدا واسلوبك جميل اوي بيشد كدا
سلامووووووز
وزة
هههههههههههههههههههه
وصلالأمرلكنبة
داالموضوع كبير بقى
بس خدى المواضيع بالراحة مش بالشك كده
احنا كده غلابة
طب وفيها ايه لو كان عرفك
بدل ما يسيبك قلقانة كده
ودماغك تودي وتجيب
واهي اهون برضه
ترررررن
تررررن
ترررررن
يا اخت مفقوعه هانم
شكل مامته والله اعلم
من غير زعل
وفكري بشكل محايد
عايزه تجوزه ست ستها
تقصد تجوزه عليكي
بس كده
يقولك قرايبها يقولك بتاع باينه باينه باينه
اللي يخليها تمسك فيه اوي الا اذا كان موضوع مهم ويرد عليكي برقه وبرود الا اذا كان قدام حد مهم
لا لا لا ماقصدش بس خليكي واااااعيه
ايه ده ايه ده...بقى يقلك عند مامته و تصدقي...و بتقولي انك مش على نياتك ده انتي على نياتك اوي كمان...
طيب فرضا انه كان عند الحاجة فيفي المرة دي...طيب و باقي المرات اللي فاتوا كان فين
صحيح رجالة ملهمش امان
هههههههههه
بس حاسبى من الغيره يا مفقوعه لحسن انا لي قريبتى كانت حتخلص بدرى بدرى بسبب الغيرهقمت نصحتها نصيحه قولتها:
بصى منى ليكى متديش اللى قدامك اهتمام ميستاهلوش يعنى متبقاش الجنازه حاره والميت لا مؤاخذه ..... .
ومن يومها بطلت غيره
وبطلت مشاكل
تحياتى ليكى سومه_87
هههههههه
متقوليش على نفسك كنبه
حزعل منك والله
دا انتى زى العسل
بس جامد المنظر اللى قابلتيه بيه ده
بجد وااااااااو توليفه خطيرة كنوع من اشد انواع العقاب
لا وراجع بيجر نااعم وعايزك تتفرجى على الحلاقه الجديده
هاهاهاها ده بعدك هيه الحركات ديه كتخيل علينا برضو
هههههههه
ياه دى حتة كنبة ممتازة ههههههههههه
مش ممكن يا سوسو مش ممكن
انا محتاجة اجازاة بعد كل بوست لك اريح اعصابى ههههههههههههههههه
بجد بجد انا اهو داخلة بايدى اليمين ورجلي اليمين كمان بس بجد الكلام ده حقيقي بيحصل ولا انت مكبرة المواضيع وبتقدرى تتصرفي ازاى بالشكل ده
انا عايزة دورة تدريبية بقي
السسسلااام عليكم....
أنا لو منك كنت قلت الحمد لله حماتى حماتى ...المهم ان الموضوع مفيهوش واحده تانيه.... وربنا يجعله عامر بالكنبه وبكل أثاثاته ياااارب ....ونفسى تقوليلى ايه هيه طريقه عمل .
تسريحة الأسد دى وليها مقادير مخصوصه يا ترى ؟؟؟؟
أصلى شاكلى كدا هحتجلها
السلام عليكم
اول زيارة لمدونتك اسلوبك جميل اوى
بس بجد انتى عاملة المدونة دى كلها عشان مخنوقة من حماتك ههههههههه
انتى عارفة انا دخلت مدونات لستات كتير
ياما مش متجوزين ونفسهم يتجوزا ويحبوا ويتحبوا والحاجات دى
يا ما متجوزين وقرفانين ورأيهم ان الجواز زى البطيخة ياما قارعة ياما قارعة برده
المهم ان لادول مبسوطين ولا دول مبسوطين
امال مين اللى مبسوط
ربنا يسعدك ويسعد كل زوجاتنا
بالنسبة للبوست
عجبنى اوى تعبير
مادامت الكنبة اللي في البيت مابتتنقلش من مكانها
فعلا فيه ازواج كتير بيعاملوا زوجاتهم على انهم كنب ويمكن اقل
هى الام ليها الجنة من شوية
تحياتى ليكى
على حب
اول مره احس انك انتي البلطجيه يا سوسو
المهم بخصوص الجماعه اللي بيعلقوا بسخافه ويمشوا ولا يهمك
انا نفسي كنت متابع مسلسل رايموند وواضح لأي حد بيفهم ان مفيش تشابه بينكم غير في فكرة ان هنا في حماه وزوجه وابناء وكده
الللي هو ناقص يقولك ازاي تكتبي عن ان فيه شمس والدنيا فيها شمس يبقى بتسرقي الأفكار
ازاي قصتك كتبتي فيها ان التليفون رن وانا كاتب قصه التليفون فيها بيرن يا حرامية الفكار
هههههههههههههههههههه
اه وممكن كمان ساعة لما التورته وقعت على السجاده تكون في فيلم مثلا اللي بيضربوا بعض بالتورته ده والجاتو افلام الكوميديا فيها المشهد ده كتير هيقولك انتي سارقه المشهد يا حراميه
هههههههههههههههههه
اقولك الحق حظك حلو حتى اللي جه يعيب عليكي وضح تماما انه حمار مش بيفهم
سيبك يا شيخه عارف اني متأخر في الرد بس سامحيني على الغياب
انتي عارفه انا بموت في حماتك دي وقصصها
ربنا معاكم بقى
وان كان احلى شخصيه بحبها هو جوزك
لأسباب عندي خاصه بقى مش هاقولها
ربنا يسعدكم ويهدي سركم
تحياتي ليه قوي
سلااااااااااااااااااااااام
الله ..حلو اوى النيو لك اللى انتى عملتيه ده ويا ريت تبعتيلى ازازه من البرفا بتاعك من نوع ثمومنا وبصلكم هتقرفنا هنقرفكم
بس براحه على الراجل ..على فكره انتى شكلك هتطلعى حماه جبارةةةةةةة
معلش معلش معلش
والله بحبك فى الله حتى وانت زعلانه دمك زى العسل ربنا يهديلك زوجك والله ده هو ارحم من غيره بكتيررررررررررررررررررر قوى(اية)
احلي حاجه اللوك بتاعك هههههههههههه
مووووووووووووز
انت ياسوسو غلبانه هتلقيها
من فيفي ولا ابنها
والله ماانت مزعله نفسك
واحدة مفروسة
===================
منه لربه يامفروسة
والله ياختي مابقيت أدق
هههههههههه
اجمل حاجه وصفة الجلابية المقطعة وبيرفيم البصل والتوم
دى وصفه سهلة دى وصفه هايلة
بس برضه انا مع مفروسة ايش ضمنك انها الغالية حماتك
ما يمكن ؟؟؟؟؟؟
انتى قرريه تانى وحلفيه على جميع الكتب السماوية
انا قلبى عليكى
maiosha
=-===============
يابنتي فيه ناس مابتجيش غير بنكشة الأسد ... دي تحفة علي أحدث صيحة
اهو ده عيبه
===================
ده انا كنت دبحته هو وأمه ... أنا ذي الفريك مااحبش شريك
رئـــــيسـة حزب الأحلام
==========================
ميرسي ياريسة
Eldebug
==================
أنت هاتوغوشني ليه بس ... ماتخليني علي عمايا أحسن
انين الحزن
=================
وانتي ماتعرفيش حماتي بقي
دي مرة مسكت فلناته وقعدت تقول مالها فلناتك بهتانة ليه كدة
ابقي قول لمراتك تنقعهم الأول بدل مانت لابس كدة وكلمتني وقالتلي نفس الكلام
ماهو انا الحيطة المايلة بتاعتهم
Dr-hema
==============
صدقني مافيش أغلب من الكنب
امل
=================
يابنتي تعملي أيه بقي في مخه الصعيدي
أل بيقول وهو يعني هاياخد الأذن مني
دكتور بهــدوء
=================
انتم كلكم كدة جايين البوست ده تهدوا النفوس علي الآخر
والنفوس هادية خاااااااااااااااالص
مش محتاجة شعللة
منورني
yomna
================
انا ساعات بيبقي هاين عليا أنزل وراه أراقبه
رجالة مالهمش أمان ياختي
somaa mahaba
==================
والله ياحبيبتي أنا سواعي كدة تجيني الهفة وأغير علي الآخر
وسواعي تانية تلاقيني مكبرة الجيم ولا علي بالي
soso
===============
ده أحنا إللي نكشنا الأسد .. مش كدة برضه ؟
la3lahakhier
===================
ده انتي مفروض يعني تكوني بتريحي أعصابك هنا ... وتعرفي أن يااااما مع فيفي مظاليم
أنسانة-شوية وشوية
========================
أنتي مش حواء برضه ... أنا مش سبق وكتبت تنبيه أن العزيزة حواء ماتنفذش الخطوات دي
وبعدين انتي عاوزة تاخدي كورسات من مين
شايفاني فالحة يعني
يابنتي شوفي واحدة واعية تديكي الكورسات دي
انا معترفة اني ماأنفعش
أسماء
==============
بسيطة ياستي
حطي راسك جوة الخلاط وسيبي شعرك ياخد ويدي مع نفسه ..
هاتسمعي صوت طقطقة ماتخافيش دي الجمجمة بتتفرم
هاتشوفي لون أحمر برضه اثبتي ده دمك يامضروبة بالخلاط
عاااااااااااادي
كله يهوووووووووون في سبيل نكشة الأسد
Ali-7ob
=====================
كلنا هذه الكنبة
فلتحيا الكنبة
ياشيخة بلاش افترا ده انا لما بأقول لمراتى كنت عند والدتى بتصدقنى على طول مع انها عارفة ان والدتى الله يرحمها
المهم عايز استغل شعبية مدونتك واعمل اعلان
تضامنا مع حركة كفاية اقدم شعارات مصورة للنشر على المدونات لمن يرغب
http://7arfwaw.blogspot.com/
الشنكوتي الكبير
=====================
شفت أتعمل فيا أيه وأنت مش بتيييجي ياخويا
أنا قلت لو شنكوتي كان علمهم الأدب يالا شايلينك للخناقة الجاية
انا حشرية ونفسي أعرف عاجبك في جوزي أيه ؟
ده مطلع عيني
sasatifa
==================
عارف لو طلعت حما جباااارة ... هايبقي ليك الحلاوة .. ولا بلاش ذنبهم ايه ولاد الناس نطلع فيهم عقدنا
NilE_QueeN
====================
حـــــــــــــاضر ... حــــــــــــاضر حـــــــــــــاضر
آيـــــــــــــة
=========================
أنا بقي ماشفتش غيره فهو مش أرحم من غيره .. ده انتي اللي طيبة وماتعرفيش
وماخفي كان أعظم
mady
==================
موزززززززز بقشره ولا متقشر ... ولو من غير القشرة... القشرة راحت فين
كدة ... أديني أتزحلقت
Desert cat
==================
علي مين ؟
قالوا للخاين أحلف قال جالك الفرج
وهو اللي بيعمل حاجة غلط بيستحرم الحلفان
كان غيرك أشطر
احمد ابوالعلا
-----------------
كماااااااان بتكدب علي زوجتك وهاتستغل النزلة الشوعبية بتاعتي
ده أنت مفتري
هات المودام بتاعتك عندنا وأحنا نوعيها
أي خدمة
مش محتاجة الوصفة انا منكوشة طبيعى
بوست جميل اوى كالعادة
تحياتى
ههههههههههههههه
اول زيارة لي بس الواضح انها مش هتبقى الاخيرة خدى بالك موضوع الزوجة التانية منتشر اليومين دول و ده موضوع البوست الجديد عندى و عيزاكى تيجى تدى كلمتين كده حلويين للرجالة
انا لسه متجوزتش بس اوعدك لو اتجوزت اجرب الوصفة
تحياتى
والله كويس انه اعترف لك بدل ما كان فضل علي الكذب
وبعدين ما انتي عارفة حماتك
مش جديدة عليكي
اما عن فورمة ناكشة الاسد مش قادرة اقولك
دي فظيعة بالوصف بتاعك دا انتي فعلا هتخليه يفكر مليون مرة قبل ما يعمل حاجة
شدي حيلك وخديلك موقع تاني غير الكنبة
خليكي سكينة ولا حاجة
وابقي تعالي
بالتوفيق
بصى خالد همس الاحباب عنده حلاق شاطر قوى
هينفع حماتك جدا
ههههههههههههههههههههه يا بنت الايه
يعنى كمان عايزانا ننتحر
على فكره كل الازواج عندهم برود رهيب انا زوجى برضه بيعمل فيا العمله دى لو راح شغله وغاب وانا اتصلت بالصدفه البحته ب مامته الاقيه بيرد عليا هههههههههههه
عادى عادى المهم عرفت هو فيين
بس حرام عليكى والنبى متعمليش كده تانى احسن يشوفك مره عامله المنظر ده
يطب ساكت ولا حاجه بعد الشر
مفقوعه
عيب اوي اوي انتى طلعتي عبيطه بجد
يعنى ايه يروح عند مامته يقعد طول النهار من غير ما يقوووووووولك
لا بص دى كانت عايزه خناقه من الكباااااااااار وبعدين بعدها دمعتين بقى وقوليله قلقت علييييييييك فكرتك دهستك عربيه
وبعدين ده يوم الحلاقه طب والاشاره السبع ساعات ؟؟؟
لا لا مش مصدقاه انا
وجواز تاني ايه الى هايحل ازمة العنوسه
انتى هاتودينا فى داهيه ما حدش يجيب جوزي هنا يا جماعه
العنوسه يا ماما مش هايحلها ان الى شغال نشيله اثنين
لا حلها نشغل العطلانين الرجاله قاعدين من غير جواز يا اختي حمضوا
مستخسرين نفسهم فى الستات باين لحد ما حمضوا ياا ختي .
ما عليناااااااااااا
مش مطمناااااااااالك يا ابو احمد
انا باهدي النفوس عااااااااادي
FaceMoon
===================
ياخسااااااارة ... نكشتنا أحسن .. صدقيني ... جربي كدة ؟
Gannah
=================
نصيحة مني يابنت الحلال .. مش كل حاجة تنفذيها .. مفقوعة دي واحدة لاسعة وبتخرف
Gannah
=================
نصيحة مني يابنت الحلال .. مش كل حاجة تنفذيها .. مفقوعة دي واحدة لاسعة وبتخرف
shirry
===============
وجب يامعلمة .. السكينة أحسن برضه
الكنب مش بيعور
عبده الرايق
=-================
الحلقة دي بتاعتي ... حماتي ماتحبش التغييير ... خايبة بعيد عنك
بنت مصريه
=====================
الرجالة عندها برود ... يعني تفتكري لو أنا إللي عملت كدة وأتأخرت برة والبيه يقعد مثلا يستناني ...كان هايبقي الحال ايه ساعتها
ولو ان الكنبة عندنا مابتخرجش غير بأذن كتابي من بعلولها
كنبة عبيطة بعيد عنك
صبرني يارب
===================
ماهو مافيش فايدة ياختي في العطلانين
هابقي اكتب حتة كدة اقول فيها اني مش موافقة احسن الكلمة دي ياخدها جوزي زريعة عشان يتجوز بيها ... وتبقي المدونة جات عليا بخسارة
انا ذي اي ست ذي الفريك مااحبش شريك
أنا لو منك يا أخت مفقوعة...الشر برا وبعيد يعنى....
أركب للكنبة عجل علشان تتحرك من مكانها...بس أقولك على حاجة..
أنا باحسد جوز حضرتك...علشان عنده شعر وبيروح للحلاق...أنا بقالى تسع سنين نفسى أسمع كلمة(نعيما)...يالا ما علينا..
ملحووووووظة..بلاش تخلى جوز حضرتك يعمل ماسك تانى عند الحلاق..لأنهم بيستعملوا أسوء خامات ..والله العظيم ده كلام بجد..مهما كان الحلاق مشهور بيستعمل نفس خامات (عم إبراهيم)..
بتاع البوست بتاعى..
وماتقوليش على نفس جناب سيادة حضرتك كنبة بعد كده...حضرتك فوق مستوى التشبيه..
سلامى لحضرتك
ههههههههههههههههههههههههههههههههههههههههههههههههههههههههههههههههه بجد زي العسل
يعني يا مفقوعة لما تحسي ان الراجل بيلعب بديله تقومي تحطي راسك في الخلاط
وتلبسي هدوم برائحة البصل طيب مش تتسرحي كدة وتلبس الحتة اللي علي الحبل وتحطي برفان برائحةالفل اوالياسمين وتحطي من الميكب اللي في درج التسريحة دة وتحسسيه انه هيغلط غلطة عمره لما يسيب العش ويبعد بعيد عن القمر دة
وبعدين اهو الراجل طلع عند امه وانت ظالمتيه
بلاش تظلمي الراجل تاني
تحياتي ليكي وسلام
تسلملى وتسلم نصايحك
ايه الحلاوه دى
بس هو كل الحموات كده فاتنات؟
خلينا كده من غير جواز احسن
اول مره فى مدونتك وان شاء الله مش الاخيره
عزيزتي مفقوعة
اولا زيارتك لمدونتي اسعدتني جدا ويارب تشرفينا دايما
ومعلش بقي مش هابنفع القي بدلوي في موضوع حماتك دة علشان معنديش حما وغاليا هادرج في شروط العريس انه يكون يتيم الأم
تحياتي
واحد من البلد دى
_________________________
وهو انا اطوووول ابقي كنبة ده الكنب بقي غالي دلوقتي ... ياريتني أبقي غالية عند جوزي قدها
cenotaph
--------------------
ربنا يعسل أيامك
mostafarayan
____________________
ماأحنا جربنا الزواق مانفعش نبقي نجرب النكشة بقي حايز تجيب نتيجة
وومن
___________________
يارب ياستي بغد الجواز كمان مايبقاش عنك دلو تلقيه في مدونتي ... ربنا يرزقك بحما كويسة تسعدك
علي أسم مصر
---------------------
ماتخافيش انا بس اللي محظوظة شويتين
مش كل الحماوات كدة
هههههههههههههههههههههههههههههههههههههههههه
ده انتي فتحتي عيني علي حاجات كتيره ياسوسو
ابقي قوليلي اجيب منين برفم البص والتوم ولو في روايح تانيه اشيلها في الجهاز واهي تنفع بعد الجواز :))
انتي سكررررررررررررررر :))
يعني سيبتي فيفي ونقلتي على المحروس جوزك .. الراجل كتر خيره رايح يزين وانتي مستنياه بالويل والثبور .. ما تشديش عليه أوي أحسن تبصي تلاقيه داخل عليكي ومأنجش الجديدة في ايده .. وماشاء الله عليكي وعلى وصفاتك داأنتي ولا منى عامر !!!
سلام
said
كنت فى مدونة سبهللة لفت نظرى اسم المدونة بتاعتك .. الأول افتكرته راجل زهقان من حماته .. قلت اشوف زعلان ليه .. وياريتنى ما قلت .. تدوينة هابلة دى فكرتنى بمأساة الرجل المصرى فى مواجهة جمعية المرأة المتوحشة .
عموما لو كنت قرأت تدوينتك دى من خمس سنوات مكنتش اتجوزت ابدا .. بس تقولى ايه .. ساعة القدر يعمى البصر !!
كان الله فى عونا نحن الرجال المستضعفين ضحايا جمعية المرأة المتوحشة .
شكرا للزيارة وعجبنى موضوعك جدا وكنت فرحان وانا بقراة الست فعلا من اجمل ما يمكن وما اسعد الزوج اذا احبته زوجته وحماتك متتخنقيش منها اوى عمليها كويس لله يعنى لان فى يوم من الايام هتبقى حمات مرات ابنك وربنا يسعدك مع جوزك ويخليكى لفيه وتسعديه ويسعدك فى بلد كلها سعادة ورخاء وحب
واكيد انا بنافق فى موضوع البلد ما عالينا شكرا للزيارة
والله انتى زى العسل والبلوج بتاعك تحفة
شفتى بقى ظلمتى الراجل ازاى
مهم انتى من الاول لو مفيش عداء بينك وبين مامته مكنش لف ودار وزنب نفسه عن الحلاق سبع ساعات
بالنسبة لفورمة الاسد فدى مش جديدة
كل الستات بيعملوها فى بيوتهم وبيعملوا فورمات تانية زى فورمة الفيل (هتقوليلى ايه هى؟ خليها بعدين)
كان فيه زماااااااااااان ... خير اللهم اجعله خير فورمة ديل الحصان .. بس دى راحت وراحت ايامها
منتظر تشريف جوزك فى الارهاب المنزلى
بشرى سارة الى رواد المدونات المخنوقين
لو مخنوق او عندك مشكلة اتفضل فضفض هنا علي الميل ده بميل مستعار ومن غير ذكر اسمك لو تحب وهنعرض مشكلتك علي مدونة اقلع همومك الي هيتم تفعيلها بعد نزول اول مشكلة فيها وهنخلي الناس تقول رأيها فى مشكلتك.
وهنستعين بأراء متخصصين اذا لزم الامر ...
استشير غيرك وشوف راى الناس ايه
راسلنا واكتب كانك بتكلم روحك محدش هيعرف انت مين
و الايميل هو
fadfad.here@yahoo.com او ادخل اعرف اكتر من مدونة انها الحياه http://www.enahaelhaya.blogspot.com
او من مدونة نورانيات
http://45days-repentance.blogspot.com/
ساهم في التخفيف عن غيرك بتعليقك علي مشكلته وايجاد حلول لها
من فرج عن مسلم كربة فرج الله عنه كربة من كرب يوم القيامة
او حتي خفف عن نفسك
يلا سارع عشان تفوز بلقب اول مشكلة في المدونة
انشرها لعلك تكون سببا في التفريج عن غيرك
والله قمة في الجمال
والرقى في المشاعر والافكار
عسل
هما ميجوش غير كده
بوست جنان
اكتشفت المدونة بتاعتك بالصدفة
كنتي فين من زمان
بشرى سارة الى رواد المدونات المخنوقين
لو مخنوق او عندك مشكلة اتفضل فضفض هنا علي الميل ده بميل مستعار ومن غير ذكر اسمك لو تحب وهنعرض مشكلتك علي مدونة اقلع همومك الي هيتم تفعيلها بعد نزول اول مشكلة فيها وهنخلي الناس تقول رأيها فى مشكلتك.
وهنستعين بأراء متخصصين اذا لزم الامر ...
استشير غيرك وشوف راى الناس ايه
راسلنا واكتب كانك بتكلم روحك محدش هيعرف انت مين
و الايميل هو
fadfad.here@yahoo.com او ادخل اعرف اكتر من مدونة انها الحياه http://www.enahaelhaya.blogspot.com
او من مدونة نورانيات
http://45days-repentance.blogspot.com/
ساهم في التخفيف عن غيرك بتعليقك علي مشكلته وايجاد حلول لها
من فرج عن مسلم كربة فرج الله عنه كربة من كرب يوم القيامة
او حتي خفف عن نفسك
يلا سارع عشان تفوز بلقب اول مشكلة في المدونة
انشرها لعلك تكون سببا في التفريج عن غيرك
انا عندى ليكى نصيحة مجربة تترحمى فيها من حماتك ومن البلد باللى فيها
بس انا بتكلم جد والله
حاولوا تسافرو برة لو هو مؤهلة مطلوب فى اخليج مثلا
انا جربت الموضوع دة لمدة عشر شهور
وعشت فى الجنه ونعيمها
العشر شهور كلهم كانوا شهر عسل
تحياتى
ههههههههههههههههههههههههههههههههه
ايه ده ده انتقام
ياماما
انتي صعبه اويييييييييي
هي حماتك ليه كده يعني
هههههههههههههههههههه
سلامي
حزلووووقه
eno
===============
انتي بس اتعلمي الطبيخ وهاتلاقي ريحة البصل والتوم بتيجي طبيعي
احنا مش بنحب نستخدم المواد الغير طبيعية عشان الحساسية
جني
============
بس هو بس يعملها ... أنا صاحياله والسكينة جاهزة وحامية والاكياس السودة شايلاها أكوام أكوام ...
الحرية
==============
حرام عليك ... ماتحكمش عليا من بوست واحد أدخل في القديموانت تعرف
ده أنا غلباااااااااااااااااااااانة
رامى اشرف
===================
ماشي كلامك
صفا
================
أتفضليني
الارهاب المنزلى
====================
نفسي بجد يعمل مدونة ويرد فيها بس هو اللي مش فاضي ولو عملها مش هايتابعها .. وهاتدبس فيها انا لوحدي
maha zein
______________________
أنا هنا بقالي ييجي تلاتين بوست
منورة وفكرتك حلوة جدا
سبهللة علي الآخر
______________________
فكرة السفر دي بقت مطلب جماعي ليا من رواد المدونة ... قلتله عليها بس احنا مستنين شوية في البلد لحد مانجيب آخرها
ممكن اقولك حاجة
محدش قالك قبل كدة انك حكاية . كارثة
بجد فطسطيني علي روحي من الضحك و انا في الشغل حرام عليكي
منظري بقي وحش اوي قدام الناس
بس عجبني جدا هابلة اه مغفلة لأ
علي فكرة يا بنتي
ان كانت الطيبة بتلقب بالهبل فاحمدي ربنا علي الهبل لأن الطيب عند ربنا كبير و ثوابه اكبر
خلي بالك بقي من نانسي و لو عايزة مساعدة في شرب الدم انا موجودة و في الخدمة
مهو حواء لحواء برده
و بلاش نكشة الاسد خليها كيرلي ميرلي
حزلووووقه
_________________________
ده انا غلبانة بس ساعات بأبقي أنثي متوحشة ... عااادي يعني من كتر الظلم والبهدلة
حياتي قنبلة ذرية
_________________________
بابايا ياستي باعتلك سلامه وعاجباه مدونتك جداً .. وعمال ياخد منها عبرة
ربنا يخليكي ليا وليه
بعتذر جدا للتعليق خارج الموضوع
أرجوا زيارتى لأمر هام ضرورى
و لكم جزيل الشكر
هههههههههههه
بجد انتى زى العسل
سيبتى حماتك ومسكتى فى جوزك برافو عليكى
وحلوة قوى نكشة الاسد هى الستات كلها كده وانا بقول مراتى مالها نكشها شعرها ليه
بس بجد امووووووت واشوفك لما تبقى حما انا عندى بنوته ممكن ابقى اناسبك علشان اخليها تكتب مذكرات عنك هههههههههه
تحياتى
خالد
التعليق ده على تعليق الرايق
يا رايق بلاش فضايح ده بولو بيعمل نيو لوك جامد اليو مين دول يعنى حماتها ممكن ترجع بنت 18 سنة وتزهقا فى عيشتها حرام عليك يا راجل
هههههههه
ضحكت من قلبي على البوست
بس على فكرة تصرف زوجك يدل على الحب العميق ليكي
وانه مش بيطيق يشوفك زعلانة بجد
ربنا يسعدكم
تحياتي
عاليا حليم
===============
ربنا يجازيكي خير ياعليا علي مساندتك لمحمود
همس الاحباب
================
ماشي ياأبو نسب موافقة بس بشرط تكون أمورة عشان أحنا عاوزين نحسن نسل فيفي ... ماتخافش عليها ده أنا هاشيلها بين رموش عينيا ولو عملت مدونة هاأرد بمدونتين
ومين قالك ان حماتي محتاجة كوافير يظبطها دي هي اللي بتظبط شعور الجيران
وتروقهم
مرجانة
==================
تفتكري ؟؟؟
ماأظنش لأنه لو بيخاف علي زعلي كان علي الأقل أتصل من نفسه وقال أنا عند ماما وهاأتأخر
يا اخى بتفكرنى بالمرحومة ليه...ربنا يسامحك...عموما كتبت قصيدة انعى بها حماتىوذلك ليعرف كل الحموات مدى ما يسببوه من الم للاخرين وان كان يوجد حموات فضليات بحق لكن الاتنين موجودين وربنا يجعل كلامنا خفيف عليهم
=================================
حماتى فى حياتىكانت مثل طلق نارى
اطلق و استقر فى تجويف دماغى العالى
مسببا الالام التى لا تطاق لراسى واجفانى
ظللت طول حياتهااتعزب واتألم واعانى
فهى القلق والنكد ودايما وابدا معزبانى
ولمل ماتت ظننت ساتخلص مما اعانى
ولكن زاد الالم مثل اخراج المقذوف النارى
من رأسى وفكرى وقلبى ووجدانى
رويدا رويدا بدأت اتخلص من عزابى
فالى الجحيم عقابا له يا عدو كل ما هو انسانى(خد بالك هى عقاب للجحيم)
وعنوان لكل ما هو بشع وحاقد وانانى
سيكون مستقرك النار المتقد الحامى
===============================
هذه الكلمات كتبتها فى حالة ضيق واردت ان يعرف الجميع مدى الضيق الذى يسببه الاخرين لذويهم بدل مساعدتهم على العيش بسلام للعبرة فقط واطلب لها الرحمة
ناجح يوسف فهمى
تحياتي
وصفتك السحرية للمرأة الذكية تجنن
من بكرة هاشتري لها خلاط 5 سرعات...بقوة
100 حمار ، عفوا 100 حصان حتي تسرع العملية و تنتهي...هههههه.
لكن انا خايف ينقلب السحر علي الساحر....ربنا يستر.
بالمناسبة انا التعليق رقم 100 يعني حضرتك خلصتي المؤية الاولي...تهانينا و عقبال المؤية الثانية....مدونة القرن
تحياتي و تقديري
alabalatta
====================
قصيدة حلوة .. تسمح لي لما حكاياتي تخلص ومخي يفلس أستلفها منك مذيلة بأسم حضرتك
عندنا حقوق النشر محفوظة
الربان
================
واضح انك بتعز المودام خالص
ومادمت انت الزائر رقم مائة
فهانزل البوست الجديد
انا مش باحب أتأخر
بس ابقي تعالي
نفس حاله الكنبه والرزعه في البيت انتى بتوصفي حالتى يابنتى ربنا يعينك ويعينا على الحموات الفاتنات
غير معروف
============
ماهي حالة الكنبة دي دليل علي صحة الحياة البتنجانية .. ولا يهمك كلنا لها
هههههههههههههههههههه سوسو المقالة اللطيفة دي كانت في الكتاب بس انا اصرات اقراءها ايه الحلوه دي ونكشة الأسد دي تحفة لأزم تنصحي كل واحدهليها جوز بيرح لمامته 5 ساعات لازم تعملة فرمت الأسد علشان تخوفه بيها والراجل يقرر انه مش هيروح عند مامته احسن الأسد يطلعله هههههههههههههه عسل يا سوسووو
إرسال تعليق