الثلاثاء، 30 ديسمبر 2008

غزة صداع في رأس مصر

بعيدا عن الإنفعال الغير مُبرر والمبالغة في ردود الأفعال سنتكلم عما يحدث الآن في غزة وعن دور مصر وعن الحنق الذي يعاملنا به الفلسطينين وكأننا نحن من رفع السلاح في وجههم وليس عدوهم اللدود...فرغم النزاعات الداخلية علي أرض فلسطين والتي جعلت منه بلداً مفككاً لا يعترف برئيس واحد تجد أنهم مصرون علي الحرب ورفض مد فترة الهُدنة.. ولا أعلم مبرراتهم المُقنعة في هذا الأمر فمن الواضح أنهم غير مستعدون بالمرة للدخول في حرب...أم تراهم أدمنوا الولولة والبكاء ورؤية الأشلاء تتطاير مع قاذفات العدو ثم ابتزاز ضمير العالم بها ... إن سيدنا محمد وهو رسول الله المُنزه عن الخطأ قام بعقد هدنة مع اليهود والكفار... أأنتم ياشعب فلسطين المفكك أفضل من رسول الله...
أما المصيبة أنهم ومعهم بقية جمهور العرب المتفرجون مصرون علي زج مصر في حرب ليس لنا فيها ناقة ولا جمل.. ألا يكفيهم أن رئيسنا الذي دخل بياتاً شتوياً طويل الأمد خرج من بياته مخصوص لكي يشجب الأعتداء الإسرائيلي.. برغم أنه لا يخرج من هذا البيات المقدس مهما كانت حاجة شعب مصر إليه، لا تنكروا أن المصريين فلسطينين أكثر من الفلسطينين أنفسهم.. وكم من مرة أوفد رئيسنا مساعدات لشعب فلسطين الشقيق وهو مالم يحدث مع شعب مصر اللاجيء... وكل هذا وعلم مصر يُحرق علي الأرض المحتلة ويُقتل معها جنودنا علي الحدود بأيدي الفلسطيني الشقيق... أنتم أيها المساكين أخترتم خيار الحرب الذي يُعتبر خياراً غبياً في ظل ظروفكم الحالية.. فعليكم أن تصمدوا وحدكم فليست قراراتكم الخاطئة إلزاماً علينا... نحن نتعامل مع الفلسطينين كأنهم أطفال يخطئون ونتسامح معهم... يقولون للغول عينك حمرا ويريدونه أن يتحمل... حارب الغول إذا أردت ولكن يجب عليك أولاً أن تكون مُستعداً لمواجهته إذا سن سكاكينه ووجهها نحوك...لقد ذكرني موقف الفلسطينيون بموقف رجل ضعيف لا حول له ولا قوة وهو يهاجم رجلا يفوقه في الحجم والعقل ومع ذلك تجده يقول ما تقدرش .
لقد قلت ومازلت أقول أن الفلسطينين فقدوا أبعاد ومصداقية قضيتهم عندما رفعوا سلاحهم علي بعضهم البعض... هنا فقط أوقفت قلمي عن الدفاع عن قضيتهم وتمنيت أن يهديهم الله... أما عن فتح معبر رفح وأستقبال الفلسطينين عندنا فاحذروا يا شعب مصر المطالبة بهذا الأمر بدواعي الإنسانية فالفلسطينين سيدخلون أرضنا ثم يلقون صواريخهم من عليها وهنا ستتذرع إسرائيل لكي تدخل وتعود لإحتلال أرضنا مرة أخري ونحن كشعب عاني من الحروب وويلاتها الكثير والكثير في غني عن احتلال جديد... ويا عرب إذا أردتم حرباً فعلية مع إسرائيل فعليكم حمل السلاح بأنفسكم.. يكفيكم شجب وخطابات شديدة اللهجة وشحن في مشاعر الأخوة العرب ومعهم الفلسطينين ضد مصر... ومن الشخصيات التي نددت بمصر رجلا أحترم وقفته الشجاعة وهو حسن نصر الله الذي أعترف أن دخوله حرباً مع اليهود وخطفه لجنودهم كان قراراً خاطئاً أدخل لبنان في حرب غير ضرورية.... عدونا واحد ولكنه يحتاج منا التكاتف والإيمان والصبر والترابط , عندما نترابط ساعتها فقط سنقف يداً واحدة ضد هذا السرطان اليهودي الذي دخل بيننا ولكن كيف نترابط وفي البلد الواحد فتح وحماس وسنة وشيعة ...عندما ننسي اختلافاتنا العقائدية والسياسية ساعتها فقط سنضع أيدينا علي أول الطريق السليم في حربنا المقدسة ضد أعدائنا... عدونا ذكي ويحتاج منا إلي ذكاء مماثل ووقفة رجل واحد.
سحر غريب

هناك 39 تعليقًا:

Ahmed يقول...

بعيدا عن التشنجات

اللي عايز يحارب يتفضل
واللي عايز مصر تحارب لازم يسأل نفسه الأول هو قدم ايه لمصر عشان تقدر تحارب

احنا عانينا كتير من الحرب وقدرنا اننا نستمر في المعاناه ديه
المصيبه أنهم عايزينا نستمر فيها لوحدنا

حسن نصر الله وقف يقول لازم العسكريين في مصر يتحركوا وكأنه بيدعوا الى انقلاب في الوقت اللي هو نفسه مرماش ولو حجر واحد على اسرائيل

ايران بتجلدنا بالمظاهرات

في ضعف؟ ايوه فيه. هنا في مصر والعوديه واليمن وفي كل حته ومفيش حل غير عمل موحد الكل يشارك فيه

الفارس يركب الحصان ويحارب مش يتكلم وبس

وحتى ظهور هذا الفارس, لك الله ياغزه

المـــفـــــــقــــــــوعـــــة مــرارتـهــا يقول...

انا لما قررت اكتب في الموضوع ده كتبته عشان اعرف رد فعل المصريين واشوف هما اتأثروا لأي مدي بالهجوم العربي علينا واعتبارنا خونة منشقين رافضين لرفع السلاح والحمد لله كلامك مبشر ان فيه ناس بتفهم احنا ضعاف والعرب بتشققهم ونزاعهم ضعاف .. ييجي اللي بيقول مصر لازم تحارب يشوف الأمراءالعرب اللي بيهادوا رؤساء أمريكا بهدايا تفوق الخيال عشان ينولوا علي الرضا السامي وياريتهم بينولوهدول حكماء امريكا بياخدوا الهدايا بكل تأفف وقرف

Foxology يقول...

اللى فاقعنى انهم عمالين يقولو مصر معملتش مصر معملتش !! طب انتو عملتو ايه ؟؟ اقصى حاجة نقدر نعملها هى فتح الحدود لدخول المصابين وتوصيل المعونات هنعمل ايه اكتر من كدة ؟؟ هنخللى الجيش يروح يحرر غزة ؟؟؟؟؟؟

الأرض محدش يقدر يحميها غير ولادها !

وبس

محمد حمدي يقول...

انا متفق جدا مع وجهه نظرك .. كفايه مزايده على مصر لان الموضوع مش مستحمل .. والى عنده خير يقدمه وهو ساكت ولو معندوش يتفرج على الجزيرة منغير ميشتم فينا ويطالبنا باللى هو نفسه مقدرش يعمله

تحياتى ليكى .. ابقى زورينى

Mafrousa يقول...

يسلم ايدك يا سحر
ربنا يستر و الوسوسة اللى نازلة ترخ على ودان المصريين اللى مش فاهمين
ماتجيبلناش المصايب
امبارح الواد فى المظاهرة يقولك عاوزين نفتح المعبر على طول و نحارب و نلغى معاهدة السلام
تصوري
مع ان المعاهدة ديه هيه اللى حاميانا اللى اليوم
و هيه ديه اللى مخلية بقية الشعوب غيرانه و عاوزانا ننقضها
و احنا مش زيهم ننقض معاهدات
و بعدين اصلا الفلسطنين مش بيحبوا بعضهم حيحبونا ازاي
و لما اتفتح المعبر فى يناير
نسيو حوادث السرقة و قلة الادب من الفلسطنين
ده الراجل بتاع حماس نقض الصلح اللى اتعمل فى الكعبة
عاوزة ايه من غضب الله عليه
حسبنا الله و نعم الوكيل
اليوم لازم نكون يد واحدة مع حكومتنا لتتمكن من حمايتنا

ملحوظة الخط المايل مش حلو

sahwa 2009 يقول...

هوه ده بالظبط الكلام اللى انا قلته

mostafa rayan يقول...

عزيزتي الجميلة سحر
لولا انك انتي اللي كاتبة البوست دة انا كنت قلت ان انا اللي كاتبه
طبعا موافقك على كل كلمة قولتيها
واضيف الناس اللي بتفضل تصرخ عايزينن
نحارب في الجامعة
وامام النقابات المهنية هل انتو فعلا قد الحرب
بلاش انتو اصلا تعرفو تمسكو مدفع ولا تستخدموه وانتو عمالين تصرخو مش عايزين شجب وادانة عايزن مدفع ودانة
عايزين تحاربو ماشي بس هتحاربو مع مين فتح ولا حماس ولا جهاد ولا الجيش النظامي الفلسطيني
ولا انتو عايزين تروحو وتقفو قدام بعض هناك
تخيلي لما اتنين مصريين يسافرو واحد مع حماس والتاني جهاد وبدل مايضربو اسرائيل يضربو بعض
واللي زاد وغطي ايد الشقيق الفلسطيني اللي بقت تتمد على اخوه المصري اللي ياما احتواه ووقف جنبه بدل من اليهودي
كلامك كله صح استعدو الأول لللحرب بدنيا ونفسيا ودينيا
وحدو كلمتكو وبعدين حاربو
-------------------------
مبروك يا فندم على الكتاب وان شاء الله اكون معاكي في الحفلة بس بقي انا عايز توقيع منك
دمت بكل الخير يا اختي العزيزة

مسدس صغير يقول...

انا ارفض وبشده ان يزج باسم مصر فى هذه الاحداث لان مصر مستهدفه من العرب الذين يريدون توريطنا وهم يشاهدون ويصفقون فى نهاية المسرحية..كلنا مع غزة يد واحده وندعو الله لهم ان يفك كربهم.

ghorBty يقول...

السلام عليكم ورحمة الله وبركاته

قال رسول الله صلى الله عليه وسلم: من لم يهتم بأمر المسلمين فليس منهم

الرجاء دخول الرابط ضروري جدا

http://www.rekaaz.com/vb/showthread.php?p=141435#post141435
يلا يا مسلم ورينا بصمتك

وجزاكم الله خيرا

غربتي

koukawy يقول...

هو ده سلو العرب الا يتفقوا

AHMED SAMIR يقول...
أزال المؤلف هذا التعليق.
AHMED SAMIR يقول...

ان يقف العرب وقفة رجل وااااااااحد؟؟؟؟
عشم ابليس في الجنة

صبرني يارب يقول...

يا بنتى اصل احنا شعب ولله الحمد جاهل

وغاوي تسقيف وزفه

والله ما حد فاهم حاجه من عمالين يقولوا المعبر والبتاع

بتنجان وخلاص

شوفي مره الامور بتاع اليمن اصل نفس هو كمان

قال انا لو كان ليا حدود مع اسرائيل زي مصر كنت ما خليتش ولا يهودي فيها اه عامل فيها شجيع السيما

التناحه برضه فن قام قالوا استاذ التناحه تعالى يا حبيبى ما تزعلش نفسك هافضيلك حته على الحدود وتعالى حارب ههههههههههههههههه


وده عمو التاني الى هو كان احمر رئيس وزراء شوفته فى حياتي
كان فى احمر منه بس قبل ما اتولد يمكن

المهم قال عايزين مصر تحارب هاتوا 4 مليار دولا واحنا نروح نحارب الصبح

محدثا العرب يعنى

طبعا قاموا عليه لا يا حبيبى احنا مش مرتزقه وبتاع

مع انه حمار بس قال كلمة حق والله

مصر هاتحارب بايييييه ؟؟؟؟

جيش واتهببنا عملنا جيش من دمنا

كل بقى ماعيل صباعه يوجعه فى العرب عايزنا ناخد الجيش ونروح اصل احنا عندنا جيش وهما لا

الله الوكيل يا سحر لو قامت حرب بينا وبين اسرائيل الا ننضرب من اراضي عربيه

مش كلهم ولاد ستين فى سبعين عندهم قواعد امريكيه

هاننضرب منها ويقفوا هما يشجبوا
مسخرررررررررره

اندمجت انا صح ؟؟؟

ههههههههههه

سحور مبروك على الكتاب والله ما شوفت البوست الا دلوقتي

طب لو ما عرفتش اروح المعرض ابعتيلى حوشيلي نسخه على جنب يا سوسو

حاسوباتيه يقول...

عندك حق في كل كلمه قولتيها لان الي بيتقال عن مصر ده قله ادب بصراحه لان مافيش حد شال القضيه دي غير مصر وماحدش من الي عمالين يشتموا فينا عملوا حاجه بحييكي بجد وانا عندي بوست برضو كاتبه في عن نفس الحاجه تقريبا ياريت حضرتك تشرفيني وتقريه

ghorBty يقول...

اختي الكريمة المفقوعه مررتها

السلام عليكم ورحمة الله وبركاته

اولا انا مش فاهمه اي حاجه هو انا جبت سيرة مصر في شئ لا حول ولا قوة الا بالله ومين قال الحرب علي اي اساس كلامك دا بيتقال

وبالنسبه للمعبر فيه ناس بتقول مفتوح وناس بتقول لا واحنا ما قلناش نفتحه والكل يدخل بس حرام يا جماعه ديه ارواح اتعذبت يبقي احنا واليهود عليهم وزي ما استشهدتي بحديث الرسول عليه الصلا والسلام لا تلقوا بانفسكم الا التهلكه طيب فين احنا من قوله
"مثل المؤمنين في توادهم وتراحمهم وتعاطفهم كمثل الجسد الواحد إذا أشتكى منه عضو تداعى له سائر الجسد بالحمى والسهر

والا احنا بنطبق اللي يريحنا

حماس هي اللي مسئوله او غير حماس انا ما جبتش اي سيرة عن المواضيع ديه لاني ما ليش اني افتي مدام ما شفتش بعيوني

انا اللي شفته مناظر الابرياء اللي بيموتوا واحد وراء التاني وديه ارواح هما صحيح شهداء واحياء عن ربهم يرزقون ان شاء الله بس للدرجه ديد دماء المسلمين بقت رخصيه وملهاش قيمه حتي احنا عملين نشتت نفسنا واهم شئ منظرنا ومنظر بلدنا مصر لو عملت حاجه او دفعت واتبرعت دا ووووووووووووووواجب علينا مش تبرع او صدقه

دا ربنا بيقول

إِنَّمَا الْمُؤْمِنُونَ إِخْوَةٌ

وما ظنش لو اديتي اخوات حاجه تبقي تبرع او صدقه

بلاش نقعد نفكر بالمناظر واحنا عملنا وادينا خلينا بجد نفكر مش بالعصبيه والجنسيات تعالوا نفكر بدم واحد دم تحت لواء قال لا اله لا الله محمد رسول الله

ودا اللي ربنا هيحسبنا عليه

ورابط الحملة اللي عندك ما قلوش اي شئ ولا دعوا غير للصيام والدعاء ولا فيه حرب ولا مصر ولا غيره

وعلي العموم الاختلاف في الراي لا يفسد للود قضيه

غربتي

همس الاحباب يقول...

بصراحة متفق معكى قالبا وقالبا
انا مش ضد الحرب
بس لازم اكون انا الاقوى ومتاكد من النصر
اما فى الوضع الراهن خسارة وفشل ذريع
والعرب اول ناس هتهرب من الساحة
سيبك من الشعارات الجوفاء
العرب لسان فاضى وخلاص
فين هم من الحروب والمجاعات
ومش هينفع مصر تتدخل حروب لغيرها تانى بصراحة
كفاية ذل ومهانة وكفاية شهداء مصريين
اللى عايز يحارب يورينا نفسه
واحنا وراه
كلهم معاهم المال والسلاح والجنود
ولا مصر ما تتعرفش غير وقت الشدة بس
وغير كده شعب مصر عبيد وخونة
كفانا مهتارات وكفانا نغمة العرب اخوة
تحياتى




`

المـــفـــــــقــــــــوعـــــة مــرارتـهــا يقول...

Foxology
============
اولادها مسكوا في بعض وقتلوا في بعض بصراحة الفلسطينين رخصوا دمهم جدا امام العالم اجمع ان كان المسلم بيرفع سلاحه في وش اخوه المسلم عاوزين اليهود يعملوا فيكم ايه

المـــفـــــــقــــــــوعـــــة مــرارتـهــا يقول...

Mohamed Hamdy
================
ياجماعة فيه موجة عداء عظيم موجه ضد مصر هاتلاحظوا في موقع العربية نت ... دي كراهية عيني عينك مش فاهمة ليه هي مصر لوماموتتش نفسها عشانهم هاتبقي كوخة.

المـــفـــــــقــــــــوعـــــة مــرارتـهــا يقول...

واحدة مفروسة
=================

للأسف احنا محتاجين الحماية من الصديق الجاهل الفلسطيني قبل العدو اليهودي الغير رحيم

المـــفـــــــقــــــــوعـــــة مــرارتـهــا يقول...

sahwa 2009
===============
انا سعيدة اني لاقيت ناس متفقة معايا في وجهة نظري لاني كتبت موضوع عن ازمة فلسطين في مدونتي القديمة ولاقيت هجوم كبير من المدونين اللي كانوا بيتابعوا المدونة بس كويس اننا بدانا نفهم ونعرف من اعدائنا

المـــفـــــــقــــــــوعـــــة مــرارتـهــا يقول...

mostafa rayan
-----------------
ماهم الشباب اللي بينادي بالحرب دي ماجربش ويلاتها وهاتلاقيهم اول ناس يجروا يستخبوا لما يطلبوهم في الجيش عشان يحاربوا
----------------------
الله يبارك فيك وعقبالك يافندم يارب واعتقد انه هايبقي قريب جدا
اكيد في حفل توقيع الكتاب هادعيك ابقي ادخل علي الجروب اللي علي الفيس بوك وتوصلك دعوة يوم التوقيع
وعموما الكتاب هايكون في المعرض في قاعة كيان واكيد السنة دي مش هانضيع المعرض من غير مانتقابل كلنا

المـــفـــــــقــــــــوعـــــة مــرارتـهــا يقول...

ghorBty
===============
اختي العزيزة غربتي اوعي تزعلي مني انا حاولت بس اوضح لك اللي انا قريته
جايز طريقتي كانت حادة شوية حقك عليا اوعي تزعلي مني حد يزعل من مفقوعة
بصي ياقمراية لو دخلتي مدونتي القديمة ورجعتي فيها من البداية خااااالص هاتلاحظي اني كنت من المُبتزين عاطفيا بما يحدث في فلسطين وصور قتلاهم التي تقطع في القلب ولكن بعدما رايت من ان الاخ يقتل اخيه في فلسطين لم اعد متعاطفة معهم بل تمنيت ان نلراهم كما هم علي حقيقتهم
ارجوا الا اكون احتديت عليكي في الكلام سامحيني مايحدث الان من هجوم علي مصر جعلني في منتهي الغضب والحنق

المـــفـــــــقــــــــوعـــــة مــرارتـهــا يقول...

koukawy
-=-=-=-=-=-=-
عندك حق احنا عمرنا ماهانتفق

المـــفـــــــقــــــــوعـــــة مــرارتـهــا يقول...

A.SAMIR
==============
ربنا يهدينا ونتفق مرة واحدة من نفسنا

المـــفـــــــقــــــــوعـــــة مــرارتـهــا يقول...

صبرني يارب
==============
حلوة لما عيل من عيال العرب صباعه يوجعوا تشبيهاتك مالهاش حل
-------------------------
الله يبارك فيكي ياجميل الكتاب وصاحبة الكتاب ملكك هاسيبلك نسخة عشان تهادي بيها حماتك

المـــفـــــــقــــــــوعـــــة مــرارتـهــا يقول...

حاسوباتيه
==============
مصر هي الحيطة المايلة اللي بيعلق العرب عليها تقصيرهم

المـــفـــــــقــــــــوعـــــة مــرارتـهــا يقول...

همس الاحباب
===============
وهما يحاربوا ليه
هما فاضيين
هما بيبنوا قصورهم وبيتجوزوا حريمهمومش فاضيين لكن المصريين هما اللي مش عايشين كويس يبقي يروحوا يستشهدوا احسن من عيشتهم الضنك دي

موناليزا يقول...

متفقة معاكى جدا

ghorBty يقول...

اختي مفقوعه ولا يهمك احنا كلنا في مركب واحد عزيزتي وانا مصريه واكيد بضايق لما بسمع الكلام دا بس قبل ما اكون مصريه انا مسلمه وديني هو الاولي من اي عصبيه اخري احنا نعمل الي يحم عليه ضميرنا واخلاقنا كمسلمين اولا ومصريين ثانيا ونسيب اللي يتكلم ويهاجم يهاجم

بس عايزاكي تروحي صفحة التعليقات عندي علشان حصل رد علي كلامك اللي انت كتبتيه هناك من قبل ناس غيري لو تحبي يعني طبعا وتشرفني

دمت طيبه وبخير اختي ولا عاش اللي يفقعك ابدا


غربتي

جنّي يقول...

السلام عليكم


ولا يستطيع احد ان ينكر دور مصر على مر العصور في حماية الشرف العربي والاسلامي ..

وما يحدث اليوم في غزة الصامدة يعبر عنه الشعب المصري الحر لشريف بكل طوائفه وانتمائاته ..

ولكن الحزب الفاسد والحكومة التي تحكمنا ووزير خارجية ارعن هم من اساءوا لمصر وللمصريين ولكننا كمصريين وانا هنا مصري في خارج البلاد لا يستطيع احد ان يتكلم او يتفوه عن المصريين ولا نسمح له ..

اما الفقر والضعف الذي تبدو عليه مصر سببه هذا الحزب الفاسد وحكوماته المتعاقبة ونوابه اللصوص الذين سرقوا اموال الشعب وافقروه واحتكروا ضرورياته ..

مصر ليست ضعيفة وتستطيع الوقوف في وجه هذا العدو الجبان الرعديد ..

واخواننا في غزة يحتاجون منا العون ولو كانت في يدنا لقمة واحدة لاقتسمناها معهم .. لان هذه اخلاقياتنا ودورنا التاريخي تجاه المسلمين المستضعفين في كل مكان ..

ماذا لو حدث لنا ما حدث لهم ؟
وقد حدث من قبل في 76 و73 .. ولا ننسى دور الشيخ زايد والرئيس هواري بومدين ..ان لم نكن جميعا يد واحدة لافترسنا اليهود .. وحينما تحارب مصر تحارب من اجل مصر اولا لاننا مستهدفون من يهود حاقدون على مر العصور ..
ولن يترك اليهود مصر الا بتحقيق حلمهم بتكوين دولة اسرائيل الكبرى وتصبح مساكن شيراتون والمطار وعين شمس ارض يهودية .. ولكن هيهات هيهات .. لذلك لابد من اللاتحاد والتضامن مع كل العرب والمسلمين .. فنحن اقوياء باخواننا .. اما ان كنت وحيدا فسأفترس كما افترست فلسطين والعراق بسب التشرزم العربي ..

في وقت الازمات والشدة يظهر المعدن المصري الاصيل وهذا ما يظهر في الشعب المصري الجميل بعيدا عن من يحكموننا ..

شكرا ولكي التحية

Unknown يقول...

ممكن نعمل حاجة ايجابية.....ممكن ندعى ونتبرع

راعى الناقه يقول...

انا مش معاكى خالص فى كل اللى قلتيه
القضيه مش قضيته ان مصر تعمل ايه ومتعملشى ايه قضية فلسطين هى قضية العرب كلهم ولازم نتحد كلنا علشان نحل القضيه دى اما بالحرب واما بالسلام ولكن اسرائيل مش عايزه سلام كل اللى بتعمله انها بتضحك علينا وفى نفس الوقت بتحاربنا بكافة الوسائل الاعلاميه والاستخباراتيه وعمرها مفكرت تعمل سلام معانا ومصر لانها الام علشان كدا مطلوب منها تقود العالم وتحارب اسرائيل فعلا مطلوب من مصر تحارب اسرائيل وخليها تولع يعنى شوية انجاس محتلين ارضنا وبياكلو من خيراتها وبيخربون علينا فى كل مجال واحنا سا كتين يبقى احنا عايشين له عايشين زي البهايم ناكل ونشرب وبعدين احنا يا مصريين لينا ثار عند اليهود غير انهم احتلوا ارضنا ولا نسيتوا يا جماعه 67 مين اللى هجم وضرب ودمر وقتل احنا ولا هم واللى اتعمل فى 73 مش كفايه لان فيه ضغوط دوليه وقفت مصر عند حدها وارغمتها على معاهدة سلام مصر مكنش المفروض توقف حتى لو حارب الجن الازرق مع اليهود اللى عايز ينام فى بيته وهو بيشوف اخوه بيتذبح دا للاسف ميستحقش يعيش واللى بيحصل بين فتح وحماس دى سببوا اسرائيل لان فتح عايزين يعملوا سلام وياخدو حقهم بالسلام ودى لا يمكن يحصل مع اليهود ابدا والرسول لما عقد اتفاقيات مع اليهود كان هوا الاقوى ولما اليهود اخلفوا الاتفاقيات الرسول ابادهم عن بكرة ابيهم ودا المفروض نعملوا مع اليهود قتلة الانبياء

emey يقول...

HAPPY NEW YEAY

المـــفـــــــقــــــــوعـــــة مــرارتـهــا يقول...

ياجماعة الجندي المصري بيتقتل علي الحدود ياريت بايد اليهود لا بايد اخوه المسلم الفلسطيني... انا لو مسكوني حكم الجيش كنت هاطالب براس اللي بيضرب المصريين رخاص اوي عند العرب ةاحنا اللي رخصناهملما قمنا بمظاهرات لنصرة غزة واولادنا اللي بينفذوا التعليمات اللي هي لمصلحتنا بيتقتلوا حطوا نفسكم مكان اسر القتلي المصريين واحكموا باالعدل
ليه احنا بنقول اخوات وهما مش بيقولوا
لحد امتي هاتفضل مصر عي الاخت الكبيرة العاقلة اللي بتستحمل
ياجماعة الفلسطينين محترفين ولولة
طيب انا هااحكي قصة حاكاها رجل اعمال مصري بيصنع تحف وبيبيعها في فلسطين ....الفلسطيني بيشتري الحاجات الرخيصة الرديئة فالمصري سأله انت مش بتشتري حاجة عدلة ليه قال عشان كدة كدة الحاجة دي هاتتكسر مع العدوان والضرب الفلسطيني والتعويضات اللي بتجيني احسن من التجارة ده احنا بنستني الضرب عشان نسترزق
أدي الفلسطيني ودماغه
الجماعة اللي عاوزين مصر تحارب لأخر جندي مصري لنصرة فلسطين اكيد اعمارهم تتراوح بين 18 و25 سنة واكيد اكيد اكيييييد ماجربوش يتعاملوا مع فلسطينين علي المستوي الشخصي والا ماكانش ده هايبقي رايهم
انا كنت ذيكم كدة باتأثر جدا من صور القتلي الابرياء ولسة باتاثر بس مش ذي الاول ودلوفتي مش بالوم علي اليهود بس انا بالوم اكتر علي الفلسطيني اللي سمح بده ودخل المدنين في حرب هما مش مستعدين لها
ولو فرضنا اننا روحنا نحارب لا قدر الله معاهم هانحارب مع مين مع فتح ولا حماس
اذا كانوا هما منشقين علي بعض يبقي احنا هانعمل ايه
حكموا عقلكم وبلاش الانفعال والتهور وطلب الحرب
وعموما انا متأكدة ان رايكم هايتغير مع الايام عشان الفلسطيني عدو نفسه قيل مايكون عدو اي حد

mahasen saber يقول...

سحر وجهة نظرك سليمه بس عشان مصر دايما هيا الام فدايما بيحملوها الكتير وبينتظروا منها الاكتر


مبروك يا جميله على الكتاب انتى تستاهلى اكتر من كده بكتير

ويا رب حال امتنا يتعدل على السنه الجديده وميكنش فيه لا غزه ولاا جروح تانيه

أحمد هشام يقول...

بعيدا عن التشنجات .. فأنا مصدوم من أن الهزيمة النفسية التي وصلنا إليها جعلتنا نتحامل علي المظلوم ... إذا كانت مصر مظلومة في هذه الحملة الاعلامية الأخيرة ضدها فليكن هذا ثمن بسيط لحالة الضعف السياسي و الاقتصادي المزري الذي وصنلنا إليه ...
لا أتصور أن يكتب أحد : " أنتم أيها المساكين أخترتم خيار الحرب الذي يُعتبر خياراً غبياً في ظل ظروفكم الحالية.. فعليكم أن تصمدوا وحدكم فليست قراراتكم الخاطئة إلزاماً علينا " يا للهول ، هل كان خيار الفلسطينيين أن تجتاحهم الآلة العسكرية الصهيونية لتقتل الآف من الأبرياء ... إننا لا نعيش معهم الكارثة فلنصمت و لنقطع ألسنتنا ... إذا وقع علي ظلم بسيط من أحد أصدقائي أحيانا كثيرة أخرج عن شعوري و أقع في الخطأ ، أنا لا أتصور كيف يكون حالي إذا قتلت أسرتي و هدم بيتي دون أي ذنب ...
أقول : " إن هذا المقال أبلغ دليل علي أن حالنا كارثي ، نعم نحن مخطئون فلنطأطأ رؤسنا .. شوارعنا قذرة حكامنا ديكتاتوريون لابدون فوق عروشهم ... نحن لا نضرب علي يد الظالم .. حال جامعاتنا مأساوي .. اقتصادنا قزم .. "
فلنصمت بعد أن حققنا معجزة حية : " فقد اكتشف البشر الآخرون أن الموتي العرب يصيحون و ينددون "

الفقيرة إلى الله أم البنات يقول...

الحقيقه يا سحر
اهل غزة هما اللى ضاعوا فى القصه دى
والموضوع اكبر بكتيير
انا كتبت بوست اعلق على المؤامؤة اللى بتحيكها الجزيرة والمنارة والعالم
بس برضه يا سحر احنا لازم لازم نفكر بعد ما وضحنا ان مصر مش هى العدو ورفضنا سبها
نعمل شئ إيجابى
لان فى الآخر مش هيهلها بعد مشيئة الله وأمره غير المصريين
وبينى وبينك لما يكون الجرح عميق والنزف رهيب مش محتملين ان نضع مطهر
لانه هيؤلم اكثر
ننظف بشويش
الحقيقه انا كرهت السياسه او طول عمرى بكرها بس موضوع غزة قتلنى
وكفاية تحليلات وشرح وتوضيح
وناس بتقول كلام كتيير
والله الواحد بدا يتوه
السياسه بحورها غويطه
ولا نملك إلا ان ندعو الله ان يرفع الغمه ولا يؤخذنا بما هم فيه ولا يسألنا عن عجزنا ويفرج كربهم يارب يارب

إيمان يقول...

أأنتم يا شعب فلسطين المفكك أفضل من رسول الله ؟؟؟!!

لا والله لسنا بأفضل .. لا نحن ولا غيرنا

العزيزة سحر ..

أنا من غزة .. قرأت البوست بعد مروري بالصدفة بمدونتك ..أنا يمكن ما أعرف مين الصح ومين الخطأ .. لكن عندي تعليق بسيط .. وكمان سؤال ..
صحيح انه الاقتتال اللي صاير بـ غزة بين فصيلين "وهذا عيب بحقهم" وكلنا عارفين هالشي.. لكن لاتنسي انه في طرف ثالث ما اله ذنب .. الشعب .. أنا أبدا مش مع التفرقة ولا مع واحد من هالفصائل لكن شو ذنب الشعب ؟؟ شو ذنب الأطفال والنساء أو حتى المدنيين العاديين أنه نتهمهم هكذا تهم .. هل ممكن تلومي الفقير على فقره..طيب ليش شو ذنبه ؟؟ رح أحكيلك واقع مهم .. الناس صارت تموت من الجوع والعطش .. انتي تخيلي شخص أمامك بموت ( والله بموووت )لأنه مش قادر يلاقي قطرات ماء يشربها.. وانتي مش قادرة تعطيه قطرات ماءلأنه السلاح موجه على راسك والجنود محاصرين بيتك .."تخيلتي"..مممممم ممكن التخيل يسبب صداع وألم لكن هل رح تقدري تتخلي عن الشخص اللي احتاج إلك؟؟ ما اعتقد .. صح؟؟ كمان انتم يا اخواننا بمصر سندنا وعون كبير للفلسطينيين وما أعتقد انه في يوم من الأيام ممكن تتخلوا عن أهلكم وإخوانكم.... الناس في هيك ظروف ممكن تخطئ و تحكي وتلوم ناس ما إلها ذنب .. أنا معك في ناس أخطأت لكن الله لا يبلي مسلم يارب اللي صار أكبر بكتير من طاقتهم .. والانسان خطاااء .. لكن احنا لازم يكون عنا شوية حلم وصبر "التمس لأخيك عذرا"وما نشمل كل الناس بكلامنا ..
والمفروض ندعيلهم بالهداية والصلح مما انه نكتب عنهم وصوتنا ما يوصل .. على الأقل الدعاء أكيد ممكن يوصل لرب العباد.. أو على الأقل يخلينا نحس انه الناس الطيبة واقفة معنا والله أعلم بالنيات .. اعذريني عزيزتي على تعليقي .. لكن صدمت من تعليقات الأحبة .. أعذريني وأعدك بعدم التطفل على مدونتك ثانية ..

غير معرف يقول...

انا اتصدمت من الموضوع !!