الأحد، 4 يناير 2009

عرفان بالجميل

تحديث
ــــــــــــــــــــــــ
مدونة حماتي ملاك علي صفحات تيلي بيزنيس ملحق الخميس من العالم اليوم في باب المدونخانة وكتبته الأستاذة أسماء رمضان واستعانت فيه ببوست من بوستات المدونة
وفي نفس الصفحة تكلمت عما يقدمه المدونون من جهاد لمساعدة أهل غزة بقيادة آبي
شكر واجب لكل من وقف بجواري في خطوتي الكبيرة وعلي رأسهم زوجي العزيز اللي شجعني بكل قوته رغم اني كنت مش موافقة علي فكرة نشر الكتاب لكن مش هاتصدقوا ان حماتي كمان موافقة ومستنية نسختها علي أحر من الجمر ... شكرا ياغالية مش عارفة من غيرك كنت عملت ايه؟
أحمد الصباغ اللي نظم لي موضوع الفيس بوك بجد بجد انت إنسان مُحترم جداً يا أحمد ومُتعاون وبيحب يساعد واتمني ان ربنا يوفقك في مجلة اليومين دول وفي اي خطوة تدخلها جديدة ويوقف لك ولاد الحلال لانك انت فعلاً ابن حلال
الأستاذ محمد هشام عبية الصحفي والكاتب بجريدة الدستور الراجل ده ياجماعة أكدلي حاجة مُهمة جداُ أحنا غافلين عنها ومتناسينها وهي إن مصر لسة بخير ... بصراحة تعاون معايا بشكل إيجابي ومدّني بكل المعلومات اللي سألته عليها بكل صبر وطيبة ... شرقاوي أصيل
بسمة عبد الباسط ورغم ان هي كمان مشغولة بكتابها البنات عايزة ايه لكن البنت دي وقفت معايا وقفة رجالة من أول مادخلتني معاها في مجلة علّي صوتك لحد دلوقتي بنت تستاهل كل خير بصحيح واللي عرفتني علي ناس ممتازين في مجلة علّي صوتك وعلي راسهم هبة ووليد وبدرية ووينكي
واحدة مفروسة وهي المُشجع الأول لي في هذه المدونة اللي لولاها كنت انكسرت من زماااان واستسلمت لليأس لكن هي بصراحة وقفت جنبي كتير... وطبعاً معاها دوبا وقوس قزح وفاتيما ومدام كعبولة والشنكوتي الكبير وبطوط حبوب ومدام صبرني يارب ونوسة الغائبة وفوكس وإينو وعروسة ننوسة زوجة إحسان بيك ومصطفي ريان ومواطن مصري نايم وسبهللة وسلوي رئيسة حزب الاحلام وسالي حاجات جوايا ونبضات وممكن وآيار وقطة الصحراء وضياء ودكتورة اجدع بنوتة وخمسة فضفضة وشهرذاد وطهقانة ومحمود واي مي واهو ده عيبه ونونو عاشقة النقاب ومدونات زوجة عاشقة وطبعا صيدلانية طالعة نازلة وصحفية روشة وميس دوت وبجابيجوا ومحمد فوزي وعلا بركات واحمد منتصر وعاليا حليم وسمباتيك وحنة وهاجر ونودي ودكتور هيما وحاسوباتية ولعلها خير وسنووايت وأمواج اللي تعليقها اتحفظ في دماغي وآية وآبي بتنجاني ووائل وغنيم ومجداوية واحمد سلامة وفراشة وايوية وميشيل وروني المصري وسنوحي و وشاب نفسه يحقق حلمه وبلوجاتي وفيس مووون وام احمد المصرية وغراب وحمامة ويوكي وساد دورا واريج السمر والشموع السوداء والوحدة بتقتلني وفانكي دوكتور والتكية وابو امل ووشاب من نفسه يحقق حلمه وحسام مصطفي ابراهيم وسوووووو وهمس الاحباب وبابا ابو خالد وام دودو حبيبي واوعي تفكروموناليزا وبكر وروفي ومايوشا واحمد سكر وبنوتة مصرية ودكتور بهدوء ونسيان ووميس سوسة والمجني عليها وكلاكيت تاني وتاني وشيماء احتمال وكيكي ومحاسن صابر وياسر حسين وفنانة مفروسة وصالح سعيد وكفراوي وكوارث وغني يابهية واميرة الصعيد ومن هنا وهناك وجيهان علي وانثي الخيال وانين الحزن وبنت مصرية وواحد من البلد دي ودينا سليمان ومادي واسماء ومشربية و cenotaphوست البيت وEldebugوويمني وسوسو وعلي حب ومادي ونايل كويين ووشيري وعلي اسم مصر وومن وجني ورامي اشرف وصفا والارهاب المنزلي وزوج مخنوق وزوجته الرائعة ومها زين وحزلوقة وعلي بلاطة وطبعا الربان وانسانة وساموراي فور ايفر وساسو وبرقش وميرو وعفراء ووصوت من مصر ودكتور شاندرا وجميما وميجو مشمش ومجرد حكاية ومصري بالغربة وبت خيخة واي كلام وميادة و ودعاء مواجهات واميرة الصعيد والوردة البيضا وwanna b a physicianومروة الزارع وساد دورا و انسانة شوية شوية وحبيبة وانت عارفني وانا عارفك ونودي 87 وليسندرا ودينا وكناري وعبدو الرايق وفرنسا هانم وكاميليا ونور الإسلام وولاء وبونجو ونوري allfollowsomeو DayDreaming وsemsema و شقاوة شعب واحمد ابو العلا وCrystal Lobna كلكم كلكم.. اللي ماقراش اسمه مايزعلش اصل ضهري وجعني ومش قادرة اكمل
أحمد أبو زيد الناشر اللي بصراحة تعبته معايا وكنت كل شوية أقوله غير ده واعمل ده والراجل بصراحة كان صبور لأبعد الحدود رغم اني قلتله اكتر من مرة ان الإزعاج اللي انا عملته له هو ضريبة التعامل مع الجنس اللطيف ...
الفنان العبقري طارق عزام اللي صمم صورة الغلاف اللي للأسف مش عارفة انزلها علي المدونة بسبب النت اللي شغال بالزق ... بجد شغله عبقري
رحاب السيد وهي صاحبة مدونة بنات صاحبة الجلالة وصحفية في الدستور انا بجد محظوظة اني اتعرفت علي واحدة بالطيبة دي
الناس دي ياجماعة وقعتلي من السما هدية ...اول مرة اتعرف علي مجموعة طيبة كدة مرة واحدة ... احمد ربنا عليهم وعلي معرفتي بيهم وكان لازم ابعت لهم رسالة شكر في المدونة لاني احب اعترف بالجميل وياريت كان في ايدي حاجة تانية اقدمها لهم كنت قدمتها بلا تردد

هناك 22 تعليقًا:

موناليزا يقول...

يارب بالنجاح ياحبيبتى ويحقق اعلى المبيعات وتكون كبداية وكخطوة اولى فى عالم الكتابة
ملحوظة:عجبنى موقف حماتك وربنا يستر عليكى لما تقرأ الكتاب :):)

حاسوباتيه يقول...

الف الف مبروك مع اني خايفه عليكي من حماتك و مش مطمنه انها وافقت كده بسلام عموما انصحك انك تختفي من قدامها لما الكتاب ينزل واحنا مستنيينه على نار والف الف مبروك

Mafrousa يقول...

ايه ده
ايييه ده
انتى حتاكلينا بكلمتين كدة
لازم كل اللى جه اسمة تشوفيه بقرشين من المبيعات
هههههههههههههه
حتشيلى البوستت بعد الكلمتين دول
هههههههههههههههه
ربنا يوفقك و يعملك الخير
و يقدرك على تحقيق ما تتمنيه

أحمد (زوج مخنوق ). يقول...

ربنا يوفقك
و يا رب الكتاب يحقق النجاح المطلوب
و اعملي بنصيحة البنات و اتخفي من قدام حماتك
في في ما تضمنش

حروف يقول...

الف الف مبروك وامني علي نفسك وياريت تسافري ومتقوليش لحد علي مكانك لماينزل خوفا من اي عملية مفخخة ولا حاجة

Kiara يقول...

الف الف الف مبرووووووووك

وان شااء الله يحقق النجاح اللي نفسك فيه

شفـقــة و إحســــان يقول...

الف مليون مبروك بجد انا فرحتلك جدا ويارب عقبال ما كتابى يخلص انا كمان
انا حاجزة نسختى انا بقولك اهو
انتى انسانة جميلة بجد تستاهلى كل خير
يارب بالتوفيق

همس الاحباب يقول...

الف مبروك
وبالتوفيق دائما
بس حفل التوقيع امتى
علشان نشارك باى شىء
تحياتى

بنوته مصرية يقول...

الف الف الف مبروووووووووك يا حبيبتي

ويارب الكتاب يستحق نجاح كبير ومتنسيش تعزمينا علي حفل التوقيع

وبعدين انتي هتكلينا بلكلام علي رئ مفروسة احنا عوزين حقنا ناشف

هههههههههههههه

مبروووك والله مبسوطه لكي
اعبال ال 100 كتاب ونشوف اسمك لامع

اختك
رودي

Ahmed Al-Sabbagh يقول...

بجد بتمنالك النجاح والتوفيق من كل قلبى
وبجد إنتى حد يستاهل كل خير
ربنا يكرمك ويوفقك
احمد

رئـــــيسـة حزب الأحلام يقول...

لو لو لو ىىىىىىىىىىىىىىىىى
طبعا انتى عارفة انى مابعرفش ازغرد
بالتوفيق يارب ويارب دايما بالنجاح
وبوسيلى العيال والف مبروك
تحياتى

صيدلانيه طالعه نازله يقول...

ازيك يا سحور وحشاااااااااانى جدا من زمان مش جيت بس لما جيت لقيتك ناجحه و مبسوطه
كنت بسأل عليكى مفروسه و كانت بتطمنى عليكى و انشاء الله حكلمك قريب
ربنا يفرحك دايما و الف مبروك

بسمه عبدالباسط يقول...

وبعدييييييييييييييين بقى هتخلينى اعيط بقى طيب معاكى منديييييييييييل

يا ستى ربنا يخليكى والله انتى اللى ظى العسل والسكر

ربنا يوفقك يارب

فاتيما يقول...

ألف مبرووووك يا سحورة بجد فرحتينى فى وقت عز فيه الاخبار المفرحة
مش معقول بجد
لأ
معقول قوى
إنتى عارفة من بدرى كل ما نشوفك نقولك المفروض البوستات دى تتنشر فى كتاب
لأنها تستاهل قوى
و الحمدلله
ربنا كريم
ألف ميروك يا حبيبتى
و زىما خالد همس الاحباب قال
بس قوليلنا معاد حفل التوقيع عشان اجى جرى أحضر معاكى اليوم الحلو دا واشترى نسختى و اللى لازم تبقى موقعة من مفقوعة مرارتها شخصياً و أحتفظ بيها ليوسف و أقوله مؤلفة الكتاب الحلو دا تبقى من حبايب ماما ...
ألف مبروك يا حبيبتى
تستاهلى كدا و اكتر
و ميرسى لأنك فى فرحتك إفتكرتينا مع اننا معملناش حاجة غير إننا شاورنا على الحاجة الحلوة
و قولنا الله عليها
و بس
و الباقى موهبتك إنتى و خفة دمك
تحياتى و حبى
و ألف مليون مبروك
انا فرحانلك قوى قوى يا سحورة

المـــفـــــــقــــــــوعـــــة مــرارتـهــا يقول...

موناليزا
===============
الله يبارك فيكي يارب
انا مرعوبة جدا لانها ممكن تقعد تناقشني فيه وتجادل ونفتح اللي اتقفل بس انا هاارفض بشدة اني اديها نسخة ليها هااوريهالها في البيت عندي بس والباقي بح خلص مافيش

حاسوباتيه
===============
لو حصل اي حاجة هاابلغكم ماتخافيش ربنا يستر والله يبارك فيكي


واحدة مفروسة
==================
ربنا يخليكي يامفروسة انتي جدعة جدا وانا اسفة اني باصدعك كل شوية بس هااعمل ايه دي ضريبة التاريخ اللي بيننا من اول المدونة لآخرها
أحمد (زوج مخنوق سابقا
=====================
البرد مخلي الواحد مكنون في بيته مش محتاجة اختفي اكتر من كدة
حروف (دلو مرة ثانية وجرح ثاني سابقا
========================
الله يبارك فيكي ياقمر ربنا يسعدك

كيــــــــــــارا
=======================
الله يبارك فيكي ياجميل مش عارفة من غير وقفتكم جنبي وتشجيعكم ليا ماكنتش عملت لا كتاب ولا حتي ورقة واحدة



شفقة هانم واحسان بك
===================
الله يبارك فيكي وعقبالك يارب ربنا يوفقك ويسعد ايامك وشكرا علي كلامك الجميل ده

المـــفـــــــقــــــــوعـــــة مــرارتـهــا يقول...

همس الاحباب
===============
اكيد طبعا لازم هابلغكم بميعاد حفلة التوقيع وهي الحفلة تبقي حفلة من غير وجودكم حواليا بس اكيد هانتقابل في معرض الكتاب كلنا انا مستنية احمد الصباغ ينظم مسألة المقابلة في المعرض هو اللي شاطر في تنظيم اللقاءات

ربنا مايحرمنيش منكم

المـــفـــــــقــــــــوعـــــة مــرارتـهــا يقول...

بنوته مصرية
================
الله يبارك فيكي يارب اكيد ميعاد توقيع الكتاب هابلغكم بيه ويارب اشوفكم كلكم جنبي
علي فكرة هاتلاقوا موضوعات نزلتلي في جريدة المقطم الشهر ده شفتم وشكوا حلو عليا ازاي ؟

المـــفـــــــقــــــــوعـــــة مــرارتـهــا يقول...

Ahmed Al-Sabbagh
=================
ربنا يخليك لينا يااحمد انت اللي عامل جو اسري بين المدونين ومجمعهم ببعض ... يارب تفضل دايما اخ عزيز لينا كلنا ربنا يسعدك يارب

المـــفـــــــقــــــــوعـــــة مــرارتـهــا يقول...

رئـــــيسـة حزب الأحلام
======================
الله يبارك فيكي يارب عقبال مانفرح بيكي


صيدلانيه طالعه نازله
========================
الله يبارك فيكي انا مستنية اسمع صوتك يارب تكوني بخير والولاد كويسين وشاطرين

bos bos
================
انا مش عارفة اقولك ايه بس انتي تستاهلي كل خير
ربنا يسعدك ويوفقك دايما


فاتيما
================
اهو انا اللي عاوزة مناديل دلوقتي
انتي عندك قدرة انك تخليني اعيط حتي في عز فرحتي كلامك بيدخل قلبي ويهزه بشكل مش قادرة اقولك ايه
ربنا يخليكي ليا ياأطيب قلب في الدنيا

Soooo يقول...

الف الف الف مبروك .. وعقبال ماتعملي مليون كتاب تانيين وتمتعينا بيهم زي ما بنتمتع بقراية مواضيعك واللي بتقدري تخلينا نضحك فيها من قلوبنا .. في وقت قل الضحك فيه قوي

وربنا يارب يسعدك ويبسطك ويحققلك كل اللي بتتمنيه يارب




سلاموووووووووووز

اسماء يقول...

ربنا يوفقك دايما يا سحورة وان شاء الله الكتاب يبقي حامد زي المدونة.
وماليش دعوة انا عاوزة نسخة ليا لوحدي وعليها توقيع واهداء كمان

Foxology يقول...

ان شاء الله بالتوفيق والنجاح وفى انتظار الكتاب والف الف شكر بجد على ذكرك ليا ولأينو بالخير فى مدونتك العزيزة :)

تحياتى :)