الجمعة، 30 يناير، 2009

بحبكم

الف الف شكر لكل اللي شرفني بالحضور وكل من لم تسمح له الظروف انه ييجي الحفلة
بجد بجد ومن غير مبالغة رفعتم راسي واسعدتموني لسنة قدام
وكان فيه ناس فاجأتني بوجودها ... ربنا مايحرمنيش منكم
الحمد لله احب اطمنكم علي حركة الكتاب... كتابكم كلكم ... كتاب كل حد دخل عندي وشجعني وكل اللي طالب بان المدونة تتحول لكتاب ... شكرا الف شكر
________________________________________
كل الأمهات تحمل في تسعة أشهر ولكن حملي انا استمر سنة كاملة ... نعم حملي فكري داخل عقلي فقد بقي جنيني يتغذي بحنايا قلبي وكان حبله السُري يوصل بين أفكاري واصابع يدي ... كبر جنيني واكتمل نموه فوق وريقاتي .. كانت الولادة قيصرية متعثرة اضطررنا فيها بالتضحية بالوقت والصبر والأعصاب ... ثم وضعت الكتابة داخل الحضانة والتي كانت مدونتي الالكترونية الي تابعها الآلاف فترعرع صغيري ونما وبات طفلاً يحبو ويتكلم ويطالب بأن تجمع أجزاءه في كتاب ينتظر الأيادي لكي تحمله من فوق الأرفف وتشتريه.
كتابي الصغير يافلذة عقلي هل ستنمو؟ هل سيكون لك أخوة غيرك أم أنت طفل وحيد؟
حبيبي أراك واقفاً علي الأرفف فأخاف من وحشتها عليك ... سامحني حبيبي فلو كان الأمر بيدي لوقفت بجوارك حتي تترك رفك المخيف بلا رجعة... كتابي العزيز لا أملك إلا دعوة الأم لك بأن يجعل الله في وجهك القبول ويحبب فيك خلقه من الغلاف الي الغلاف ... ستبقي انت اعز الأبناء حيث أنك أنت الأبن الأول الذي يتجاهل كل الأعراف ويأخذ لقب أمه التي حملته وهناً علي وهن ... أمه التي سهرت الليالي من أجل عينيه ... كن بسمة أو كن رواية ولكنك دوماً ستكون أبني الغالي الحبيب وسيبقي اسمك منيراً في شهادة ميلادك كتاب حماتي ملااااك باسم أمك سحر غريب

هناك 38 تعليقًا:

المـــفـــــــقــــــــوعـــــة مــرارتـهــا يقول...

انا كتبت البوست ده من كمبيوتر ماما وبابا لان الكمبيوتر بتاعي بعافية شوية عشان كدة هاتأخر في الرد عليكم شوية
شكرا ليكم مقدما
سحر غريب

موناليزا يقول...

الف مبروك ياحبيبتى

مسدس صغير يقول...

الف مليون مبروك فرحان جدا من تجربتك ومن مدونتك الرائعة التى تستحق ان تكون كتابا يعيش ويعيش والف مليون مبروك يا سحر وربنا يشفيلك الكمبيوتر بتاعك امين

ňįĝŗő يقول...

أنا جاي اقول تاني
مبروووووووووووووووووووووووووووووك
يا استاذتنا
فرحتنا بجد لا تتخيليها
ربنا يا رب يكتبلك الخير دوماً في كل خطوة
و من تفوق إلى تفوق إن شاء الله

بأعتذر جداً إني ماقدرتش آجي



يلا سلام

فاتيما يقول...

سحووووووووووووورة
يا حبيبة قلبى متحرمشى منك
كدا حرام عليكى يا بنتى
كدا كنتى هتوقفى قلبى من الفرحة
أفتح صفحة الإهداء إلاقى أسمى مكتوب ؟!!
و مع مين
مع مفروسة و دوبا و خيخة و سبهللة و مدام كعبولة
يعنى وسط الناس الحلوة دى بتجيبى سيرتى
يا فرحة قلبى
قلبى بيرقص يا سحر
بجد
غمرتينى بعطفك و كرم قلبك
و الفرحة إتضربت فى إتنين تلاتة
فرحتى بيكى
و بإهدائك ليوسف
و كمان ليا ؟!!!
ربنا يكرمك يا رب فى كل حاجة بتعمليها
و عقبال الطبعة العاشرة
و الكتاب المية
كنتى نوارة المعرض و دار النشر
و التدوين كله
و دايما من نجاح لنجاح
و تحياتى لزوجك العزيز الذى يستحق كل هذا الحب و كل هذه التضحيات
ربنا يهدى سركم يا رب
و سلوى كعادتها نسمة صاية و حضن حنون
ربنا يسعد أيامها
ألف مليون مبرووووووووك

mohamed يقول...

مليار مبروك لكى ونجاحك نجاح لنا جمبعا وكان يشرفنى ان أحضر
ومن الان أنتى صاحبة القلم الراقى
الاديبه ممثلة مجتمع المدونين المحترمين
دمتى من نجاح الى نجاح حتى القمه

شفقة هانم واحسان بك يقول...

مبروك يا قلبى
بجد والله انا فرحانة جدا
وعقبال الكتاب المليون
كمان والله انا كنت لاخر لحظة جاية بس اعذورينى جالى ضيوف وانا نازلة
ان شاء الله اجيلك فى الحفلة
مبروك يا قمر

mohamed ghalia يقول...

مليون مبروك على الكتاب
بالتوفيق دايما
دمتى بكل الود

حاجات جوايا يقول...

ألف مبروووووووووك يا قمر مرة تانية
وبجد نفسى أووووووووى اشوف الكتاب الوليد الصغنن الكميل ده
عقبال الكتاب الألف يا سحورة
ربنا يكرمك ويرزقك بكل الخير يارب

قوس قزح يقول...

مبرووك
و ان شاء الله يكون له اخوات كتير
كنت سعيدة اوى بكى و انتى قاعدة توقعى الكتاب للناس
و سلامة الكمبيوتر و هو غار و لا ايه من الكتاب و خاف الناس تستغنى عن القراءة هنا هههههههههههه

مبروك و نشوف دايما الفرحة فى عينيكى كده

فراشة يقول...

الف الف مبروك
على المولود الجميل
وبإذن الله يكون له اخوة عديدين
وسلسلة كبيرة جدا
مبروك النجاح

الطائر الحزين يقول...

الف مبروك
سلامى لزوجك

همس الاحباب يقول...

الف مبروك
وعقبال باقى الطبعات
وعقبال اخواته كماااااااان واحفادهم
وبرضه هنيجى ونشجع
ودايما بالتوفيق والنجاح
تحياتى ومليون مبروك

صبرني يارب يقول...

مبرووووووك مبروووووووووك مبرووووووووك

تستاهلي كل الخير يا جميل

كان نفسي والله اكون معاكي

بس والله ما عرفت معلش ان شاء الله متعوضه

الفراغ يقول...

الف مبروك الكتابوكنت اتمنى اروح المعرض لكنى لا استطيع

ولكنى معك بقلبى
لانى اشعر بالفرحه معك وكانى كنت موجوده
عقبال الكتاب المئه ان شاء الله

حسام مصطفي إبراهيم يقول...

ألف مبروك يا سحر.. كتابك تحفة.. وشخصيتك برده تحفة.. مزيد من الإبداع دايما.. وعلى فكرة أرجو ابلاغ زوجك المحترم عميق تحياتي.. لأنه رجل نادر في هذا الزمان.. ويبدو أن الله سبحانه وتعالى قد أكرم أحدكما بالآخر.. سعيد بشرف التعرف إليكما.

صيدلانيه طالعه نازله يقول...

مبروك ياسحور و عقبال الطبعه العاشره و الكتاب المليون انشاء الله
كان نفسى اكون موجوده بس المواعيد متظبطتش مع ميعاد التوقيع
لو فيه توقيع قريب خلال الاسبوع ده حكون موجوده

Foxology يقول...

اولا : الف الف الف الف مبرووووك على الكتاب يا استاذة وبجد كانت حفلة جميلة جدا وكان نفسى انا واينو نقعد معاكى اكتر من كدة بس قلنا ندى فرصة لغيرنا يحتفل معاكى برضه

ثانيا : ان شاء الله الكتاب يكسر الدنيا ومش هيبقى لوحده ان شاء الله وباذن الله المعرض السنة اللى جاية نشوف الجزء التانى والتالت كمان :)

تحياتى وامنياتى بالنجاح والسعادة فى الدنيا والآخرة :)

اه على فكرة انا نزلت بوست عن المعرض وفيه لمحة كدة صغيرة عن حفل التوقيع بتاع كتاب حضرتك :)

مـحـمـد مـفـيـد يقول...

الف الف مبروك
انتي حد يستحق الاحترام
واسف لعدم الحضور لوجودي خارج البلاد وقتها

maiosha يقول...

مبرووووووووووووووك يا مفقوعة
ألف ألف مبروك والله إنتى تستاهلى كل خير

بجد بجد كان نفسى أكون معاكى يوم التوقيع بس للأسف مقدرتش أجى .. لكن أنا رحت المعرض إمبارح وجبت الكتاب اللى -بسم الله ما شاء الله- عامل شغل جامد جدا

مبروك يا جميل وعقبال الكتاب التانى والتالت لغاية العاشر إن شاء الله

mahasen saber يقول...

سحر يا حبيبتى الف الف مليون مبروك

انا والله كنت هحضر وكنت قايله لمحمد نضال كده بس للاسف اليوم ده كنت بودى ابنى لباباه وجده وجدته
وكمان كان عندى معاديين متحددينمن زمان ومكنش ينفع الغيهم يعنى كانت مقفله وملقتش مخرج عشان اعرف اجيلك

اعذرينى وتتعوض فى الكتاب التانى ان شاء الله

الف الف مبروك يا جميله
بس انتى فعلا حلوه قوى وشكلك صغير خالص

Mohamed Hamdy يقول...

خبر عنك هنا

http://bloggers-times.blogspot.com/2009/02/blog-post.html

Eno يقول...

الف الف مبروك ياسحور

الحفله كانت حلوه اووووووووي
والاحلي اني اتعرفت عليكي شخصيا

تمنياتي لكي بدوام النجاح والتوفيق :)

كيــــــــــــارا يقول...

والله بجد كان نفسي اجي وحصلت ظروف علي اخر لحظه ومش جيت

ربنا يكتبله النجاح

emey يقول...

مبروك عليكى الكتاب وصبرتى ونولتى
الف الف مبروك

تحياتى

mostafa rayan يقول...

مبروك يا سحر
المولود الاول وان شاء الله تخاويه قريب قوي ..مش عايزينك تعملي تنظيم نسل ابدا في النوع دة من المواليد
وان شاء الله المولود الجاي يجي بسرعة وماتقعديش سنة بحالها على بال مايخرج للنور
بجد انا فرحان قوي اني اتعرفت عليكي وعلى زوجك الفاضل ( واضح انه شاب جميل ومتفتح .. ربنا مايحرمك منه ولا يحرمه منك ابدا ) وكمان اني اتعرفت على الاستاذ محمد هشام عيبة
- كمان فرحان قوي بالاهداء الحلو اللي كتبتهولي رغم انه اكبر مني بكتير
- الكتاب طباعته حلوةوانا مستمتع بقرائته دلوقتي زي ماستمتعت بالمدونة
اواقولك الصراحة مستمتع بالكتاب اكتر مهما كان الكتاب بردو له سحره الذي لا يقاوم
مرة تانية الف مبروك يا اختي العزيزة

mostafa rayan يقول...

ماقلتلناش ايه اخبار الكتاب مع فيفي

اسماء واحلام فى وجدانى يقول...

فى اول زيارة

والله لسة عارف دلوقتى

احمد

shawkat يقول...

الف الف الف مبروك

KING TOOOT يقول...

ألف ألف مبروك يا سحر
الألف مبروك الأولى مني
و الألف مبروك الثانية من بوبو
و عمر بقى حايبقى يبارك لك بنفسه لما يشوفك
تحياتي و سلامي للأسرة الكريمة
KING TOOOT

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

انا ودماغي يقول...

ألف ألف مبرووووووك بجد فرحتلك اوى لانك انتى مدونتك تحفة

بجد بجد مدونتك فى المدونة الوحيدة هى و عايزة اتجوز اللى كنت بتابعهم من قبل حتى ما أعمل مدونة و كنت بعض و افطس على نفسى من الضحك

فرحتلك أوى أوى و الله

انت تسال والكمبيوتر يجيب يقول...

مبروك الكتاب وسنسال فى المدونه عندنا لماذا الفرحه عندما تتحول المدونه الى كتاب ونستعرض فى البرنامج عدة كتب ظهرت من النت
دعوه
الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

امواج يقول...

مبروووووووووووووووووووووووووك
بجد فرحت ليكى جدا
يارب تكونى فكرانى لانى غبت كتير عن النت
عرفت بالصدفه ان مدونتك اتعملت كتاب
عرفت من الراديو والله واصريت ادخل مخصوص ابارك ليكى يارب ميكونش متأخر
وعقبال يارب لما يبقى مسلسل كوميدى ناجح باذن الله
ربنا يوفقك

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

زوجه يقول...

السلام عليكم
الف الف الف مليون مبروك عقبال الكتاب التاني يارب

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه