الثلاثاء، 19 مايو 2009

ولو كنتم في بروج مشيدة


حفيد الريس مات .... خبر مؤكد مش من اعلامنا طبعا اللي أتأخر لبعد الهنا بسنة لكن من كل وسائل الاعلام العالمية ....اعلامنا خايف ليطلع الخبر اوشاعة شبه الاشاعة القديمة اللي موتوا فيها الريس بجلالة قدره قبل كدة واتحبس فيها

رئيس تحرير جريدة محترم ... قال ايه عشان البلد كانت هاتروح في شربة مية
قال يعني الرجل الثمانيني لما يموت- الشر برة وبعيد- البلد يوميها مش هاتقوم لها قومة

شفتم لما ضربوا المربوط خاف السايب ازاااااي ؟

اما بخصوص انه مات أثر تناوله وجبة ملوثة من أحد المطاعم .... فهي لا تعدو أن تكون إلا أوشاعة شعبية خبيثة
تتمني من الريس ان يفوق ويصحصح لبلده مصر ومعدة أبناء مصر التي اصبحت سلة قمامة
سلع العالم التي لا تصلح للاستهلاك الأدمي

ومع ذلك فنحن نشعر بالأسي لهذا المُصاب الجلل والطفل ذنبه ايه في اختلافنا مع جده وسياسة جده الله يرحمك يامحمد

ويصبر باباك ومامتك علي فقدانك

هناك 19 تعليقًا:

Ranim Ayman يقول...

هههههههههههههه حلو اوي انك تكتبي بهذة المناسبه علي مدونتككككككككككك وربنا يصبر بابه ومامته

تحياتي مبتسمة دائمااااااااا

Unknown يقول...

اللهم ما لا شماته
ربنا يصبر اهله يارب

moustapha achraf يقول...

والطفل ذنبه ايه في اختلافنا مع جده وسياسة جده الله يرحمك يامحمد....أديكى قولتيها بنفسك..يبقى كان أية لزومة الكلام الى انتى كاتبة فى الأول ..انتى زعلانة اة بس بردة الكلام الى كاتبة فى الأول ميدولش على زعل ...أو على الأقل مش وقتة
اللهم لا شماته
ربنا يصبر اهله يارب

MǿиY El-Shreef يقول...

ربنا يرحمه ويصبر اهله ويديهم العظه والعبره

saragebaly يقول...

ربنا يرحمه ويصبر اهله يارب

انا لله وانا اليه راجعون

قلب ارهقته الاحلام يقول...

اللهم لا شماتة

بغض النظر عن اي شيئ

فربنا يصبر قلوبهم وتكون تذكرة ليهم لعلهم يستفيقوا

تحياتي ,,,

محمود بهجت يقول...

اللهم لا شماته

ربنا يصبر اهله ويهديهم

نور الدين (محمد الجيزاوى) يقول...

شوفى طبعا ربنا يرحم الطفل
لكن لا انكر عليكى انى فرحت جدا
مش فى موته والله فهو لا حول له ولا قوة لكن فرحة فى حرقة قلب جده اللى مطلعش حتى نص بيان ينعى فيه الف ومتين ماتو غرقى ك
كأنهم شوية فراخ مصابين بانفلونزا الطيور
فرحة عشان ظهر الاعلام المنافق القذر وهو بيحول قنوات البغاء الفنى الى قنوات للقرءان الكريم ومعملوش دقيقة حداد للى ماتو من غير تمن
فرحة عشان يعرف ان الموت زى ما بيجيب الصغير اكيد هيجيب الكبير
بجد كنت اتمنى يكون عمه وجده
رحم الله الولد ولا رحم اله الذين لم يرحمو شعبنا
...
التعليق على عهدتى طبعا متقلقيش
...
نورالدين محمود

akeed يقول...

اللهم لا شماته لاكن نقول انا لله وانا اليه راجعون

غير معرف يقول...

ان لله وانا اليه راجعون

aladinactor يقول...

سبحان الله ولااله الا الله ولاحول ولا قوة الا بالله----عزرائيل لايصاب بدوار الطيران--ويستطيع الوصول رغم كل اجراءات الامن الي طائرة الرئاسه--بل وربما سافر علي نفس الطائره الي باريس--ولكن المؤكد انه لم يعود علي نفس الطائره واكتفي بارسال رساله--لاشك معانيها غايه في القسوه---اللهم ارحمنا وارحم اهله----هل فهمتم شيئا من الرساله---هل وعيتم محتواها----ربي لااسالك رد القضاءو ولكن لطفك يارب---رغم كل شيئ انا انسان--اتالم لالم الاخرين اي كانواهم----اظن والله اعلم ان حسني مبارك في عمره الحالي سوف يتالم كثيرا--واطن ايضا انه لن يستطيع التعامل مع هذا الالم---وربما اراد الله ان يكون هذا هو معني الرساله---سوف تالم ولكنك لن تستطيع التعامل مع هذا الالم----هل استطاع حبيب العادلي حماية حفيد الرئيس من ملك الموت---هل يستطيع حبيب العادلي القبض علي ملك الموت وتعذيبه لانتزاع اعتراف منه عن المسئول عن موت محمد----وهل اذا عرف المسئول الذي اظن انه لايعرفه---يستطيع ان يقبض عليه او سحله او نفخه او ماشابه من وسائل التعذيب----وماذا سوف يكتب في تقريره للرئيس---هل يستطيع ان يكتب ان الجاني معروف ولكنه لايستطيع القبض عليه---وهل سيفهم حسني مبارك ان الذي امات محمد لايمكن القبض عليه---وهل سيرضي---اخشي وانا صادق ان عذاب الله شديد--وانني ادعوه من قلبي ان يرحم---ولكن هل يقبل الله دعائي كفرد--ولا يقبل دعاء عشرات الالاف ممن مات ذويهم في العباره وبني سويف وغزه والعراق----هل يستطيع حسني مبارك اعادة الذين ماتوا من الهرمونات المسرطنه وتلوث الماء والهواء الي ذويهم---هل يستطيع حسني مبارك رد مظالم من عذب وانتهك في اقسام امن الدوله----هل وهل وهل ----اساله كثيره تتبادر الي الذهن---ولا جواب----محمد مات ---والمؤكد انه الان اسعد حالا من كل الاحياء وخاصة المصريين---ولابد ان الله اختاره لانه يحبه ولم يشا له ان يكبر في هذه العائله ليوصم باعمالهم---وياكل من مالهم---لابد ان الله سبحانه احب الفتي ولذلك اخذه اليه نظيفا لم يتلوث بعد----ولابد ان الله يعذب الذين عذبوا ويعذبون عباده----اللهم ارحمنا---

Unknown يقول...

انا اسفه يا سحر اضطريت اشيل البوست
ناس كتير مستوعبتش وموصلاهاش وجهه نظري واعتبرته شماته
وعاتبوني على توقيته كمان ومقدرتش اوضح وجهه نظري منه
اعذريني

momken يقول...

الله يرحمه
ويهدى اهله

تحياتى

سبهللة يقول...

لما شفت علاء وهو مش عارف يصلى صلاة الجنازة من بكائه وحزنه على فلذة كبده بكيت بجد مش نفاق
تخيلت نفسى لو مكانه لو ابنى مات وهو بين ايدى فى اقل من 48 ساعة
مصيبة كبيرة
كبيرة جدا ومايحسش بيها الا اللى ربنا رزقه بالاولاد والاحفاد
اللهم الهم اهله الصبر على فراقه

hasona يقول...

السلام عليكم

البقاء لله والدوام لله
ربنا يشحره في زمرة النبين والصديقين والشهداء
،،،،
الموضوع جميل جدا
واللي يتلسع من الشوربة ينفخ في الزبادي
،،،

وهي ليست شماتة
ونحن محزنون فعلا لموته

لكن هل تتصور
فرد واحد يقام له الحداد في التليفزيون
وبيهموا الناس كلها لازم تكون زعلانة علشان الريس
طيب ولما الريس بيكون فرحان وسعيد هل يدعونا للفرحة معه
ولا في الحزن مدعوين فقط

هو كلامنا بس للريس
أنه يحس بأحزاننا وباللي بيجرا لينا

لعل السيد الرئيس يتعظ
لعله يدرك مدي مافيه شعب مصر من فساد وظلم
عبارة(سفينة) تغرق فيموت 1300 فرد ما بين أطفال وشيوخ وبشر
والمالك يهرب
وقطار يحترق وأخر يخرج عن طريقه
ويموت أطفال وشباب ورجال
وهناك من يذهب بطفله الي مستشفي فيرجع وقد فقده الي الابد

قمة النفاق
أن يتوفي حفيد الرئيس فيعلن الحداد في البلاد
والاذاعة التليفزيون
والرئيس يحتسبه عند الله
وهناك مئات تموت يوميا
ولا تهتز شعره في جسد الرئيس
ان كان لا يستطيع تحمل المسئولية
فليتركها ولا يجري ورائها

وان كان يدري بتلك المصائب ولا يتحرك فهذه مشكلة ومصيبة
أما ان كان لا يدري فهذه مشكلة أكبر ومصيبة أعم

وليعلم أن ولده ليس أفضل من أولادنا
وأنه ليس أفضل من بقيتنا
لعله يتعظ ويشعر بألامنا وأحزاننا
فيعلم أن الله موجود
والبقاء لله وحده

تحياتي

احمد على نصار يقول...

مش عارف ليه حاسس برنة شماته فى كلامك
ياريت تفتكرو الحاجات الكويسة زى ما بتفتكرو الحاجات الوحشة لمبارك .. مش بدافع عن النظام ولا عن مبارك ، لكن عايز اقول حاجه له بننكر الحاجات الكويسه .. وياريت ما تشمتيش فى الموت عشان عيب

aladinactor يقول...

aladinلامؤاخذه--اصل انا في كلام في اللغه العربيه الجاهليه--صعب شويه علي فهمي--يعني ايه شماته في الموت--يعني ايه افرح في موت اي انسان---هو الموت ده حاجه خاصه بتحصل لناس وناس لا---يعني مثلا في واحد بيموت والتاني بيخلل فيها--دا كلام لامؤاخذه عبيط جدا--ياباشا لو حضرتك ماحدش قاللك قبل كده--انا اسف اني اقوللك سعادتك برضه هاتموت وانا هاموت ومدون الصفحه دي هايموت=--وتخيل بقي ياعيني ان الصفحه دي هاتموت--انا اسف اني صدمتك لو ماكنتش عرفت الموضوع ده قبل كده--نيجي بقي لانجازات مبارك--ممكن تقوللي ايه هي حاكم انا نظري ضعيف وللاسف ماشفتهاش--انا ممكن اقوللك الانجازات اللي انا سمعت عنها--اكتر من نص شعب مصر عايش تحت خط الفقر مصر بالكامل اتباعت لحفنه من اللصوص---بنوك مصر اتنهبت وافلست --الهرمونات المسرطنه اللي استوردها يوسف والي او قريبه قتلت من شعب مصر اكتر من اللي ماتوا في كل حروب مصر واسرائيل--مصر من اعلي الدول في العالم في معدل الاصابه بامراض الالتهاب الكبدي وفيروس سي--مصر فيها اكتر من عشرين مليون عاطل عن العمل والرقم في زياده مستمره--مصر فيها اكبر سوق للمتعه--الدعاره--في العالم العربي--الحشيش منتشر في مصر بشكل غير مسبوق في تاريخها--قتلة المصريين ومنهم ممدوح اسماعيل يتم تهريبهم خارج مصر--اراضي مصر توزع علي حاشية مبارك وابنه دون مقابل--ليتم صرفها علي بائعات الهوي وبعد ذلك قتلهن--هشام طلعت مصطفي سوزان تميم--افراد من الشعب المصري وفي القرن 21 ماتوا في طوابير العيش--صناعات مصر بالكامل محتكره في يد 5 افراد--مثلا احمد عز--قطار الصعيد غبارة ممدوح اسماعيل مسرح بني سويف--حريق مجلس الشوري--مياه الشرب المختلطه بمياه المجاري--انفلونزا الطيور--مصر اللي كانت واحده من الدول المهمه في العالم--اصبحت المنافس الاول لبرغوت اسمه قطر--وحزب الله وحركة حماس---واكبر الانجازات اللي انا سمعت عنها ان احنا عقبال املتك هايتم توريثنا زي البهايم---يعني لامؤاخذه انا وانت لامؤاخذه يعني في احسن الاحوال هانبقي زي بردعه حلوه الاب يسيبها لابنه--والابن لابنه--ازغرت ياباشا ولا تيجي نلطم سوا من الانجازات--بالمناسبه من الانجازات المهمه لحكم مبارك--الصحفيات اللي انتهكوا جنسيا واتسحلوا--وجهاز الشرطه المرتشي والقضاء المرتشي--وشعب مصر بالكامل --اللي بيدور علي حتة اثار يبيعها ولا جرام زئبق احمر عشان الغفاريت تلحسه وتفتح الخزاين--ياباشا اعظم انجازات مبارك انه حولنا لشعب غبي--

aladinactor يقول...

اظن واحد حاطط صورة جيفارا--ولامؤاخذه يعني بيتكلم عن انجازات مبارك---يبقي مش عارف دي صورة مين--وبيتكلم عن مين وعن ايه انا اسف--بس دي حاجه مش راكبه مع بعضها خالض---الا بقي لو حضرتك ماشي تبع الموضه--اصل تشي--او ارنستو جيفارا موضه اليومين دول زي مايكل جاكسون وعمرو دياب--

arabcooL يقول...

بلوقر
This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه