الأربعاء، 17 يونيو 2009

حكاية بنت اسمها مريم



مريم بنوتة صغيرة لا يتعدي عمرها خمس سنوات تعيش في كندا مع ابيها وامها في هجرة دائمة
قررت مامتها زيارة مصر لمدة عدة أشهر لكي تري بلدها ويتعرف ابنائها علي اقاربهم والأهم علي مصر
صعدت مريم الطائرة هي واخوتها الثلاثة وأمهم، كانت سعيدة فأخيراً ستري جدتها وخالتها وخالها الذي جمع بينهم
النت والماسنجر فقط ومرت الرحلة بسلام أو هكذا تخيلوا فماحدث بعد ذلك لم يخطر ببالهم
فرغم ان اخبار انفلونزا الخنازير تملأ الدنيا الا ان ام مريم لم تتخيل انها مُعرضة لهذا المرض
ولم تستوعب فكرة ان تلبس هي وابنائها الصغار كمامات
ونسيت كبسولة الأمراض الطائرة وهي الطائرات
وتبادل الفيروسات الذي يتم فيها منهم وإليهم
وبدلاً من استقبالهم بالترحاب استقبلهم رجال الأمن ووضعوهم في الحجر الصحي
فقد تبين عن طريق المسح الحراري للام واطفالها بان مريم مُصابة بانفلونزا الخنازير او اتش وان ان وان
ولكن مايثير الدهشة حقاً هو ان هذا المسح الحراري لم يتعرضوا له في مونتريال حيث استقلوا الطائرة من مطار كندا
فلو كان تم المسح الحراري هناك لكان المريض قد تم الكشف عليه وتم علاجه في بلده حيث الرعاية الصحية الأفضل والمعاملة الآدمية الأفضل ولما قام بإصابة اي راكب آخر بالعدوي
دا شيء عجيب بقي مصر المُتخلفة البلد اللي عايشة ومش عايشة فيها جهاز الكشف الحراري
عن المرض وكندا بمالها بهيلمانها مافيهاش واحد ذيه
ايه نسلفهم واحد؟
اهم شيء
ان تدعوا لمريم بالشفاء العاجل

هناك 18 تعليقًا:

Foxology يقول...

والله مش عارف افرح ولا ازعل ؟

ربنا يستر

تحياتى :)

محمد حمدي يقول...

على فكره انا مش شايف ان اجراءات مصر لمكافحة الوباء وحشه .. انا حاسس مصر بتحاول تعمل اللى عليها

وربنا معانا

غير معرف يقول...

لا حول و لا قوة إلا بالله
ربنا يشفيها و يشفى كل المرضى


الواحد تعب بجد

MǿиY El-Shreef يقول...

::(

ياحبيبتي ربنا معاها يارب ويشفيها

ان شاء الله

مش عارفه بصراحه انا قلقانه من مصر ف حكايه اننا مافيش مصريين اتصابوا كلهم من بره وراجعين مصر

ربنا يستر

راسبوتين يقول...

اللهم اكتب لها الشفاء
واعفو عنها ومرضى المسلمين
شكرا ...أرجو قبول مرورى

الكحيان يقول...

مفارقة فعلا ربماذلك لأن المصريين أصابتهم فوبيا الخنازير ومصيبتهم أكبر من مصيبة كندا ففي مصر ثلاثة أنواع من الأنفلونزا ( عادية وفراخ وخنازير) ولو تفاعل الثلاثة في ظل الفقر والجوع والأنيما وقلة الغذاء والقهر النفسي وارتفاع أسعار الدواء فإن ذلك معناه كارثة محققة.لكن الحمد لله إحنا كمصريين - شعوبا لا حكومات- جسمنا نحس وتخشب ونحن نصمد أمام أي فيروس مهما تبلغ شراسته وحقارته هي ليمونة مع برشامة ريفو وكوباية شيء زي الحبر وكله يبقى تمام أليس كذلك ؟

Ranim Ayman يقول...

ربنا يشفيهاااااااااااااااااا

غير معرف يقول...

معلش سامحيني مش قادر معلقش على اللي كتبتيه
سامحيني لأني هقول إن فيه شيء من السطحية في تناول الموضوع ونزع من التهويل وده في حد ذاته ممكن يزود الطين بلة لأنه بيخوف الناس بلا داعي

فكون تعليقك على الطيارة بإنها كبسولة الامراض فيه شيء من المبالغة بخصوص المرض ده

أولا الفيروس ضعيف جدا لدرجة إنه بيموت بمجرد الخروج في الجو والمصاب بيه مبيعديش من على بعد متر

ثانيا محدش جبر الناس دي إنها تسافر في وقت زي ده إذا كانوا خايفين
و فيه وسائل تانية زي السفن ممكن الواحد يوصل بيها و فيها فرصة التعرض للهواء النقي

ثالثا البنت متعدتش من الطيارة لأن فترة حضانة الفايروس من ثلاث ل عشر أيام
فإذا كان فيه حد إتعدي فهو أكيد إتعدي من البنت مش هي اللي إتعدت منه

رابعا الفوبيا اللي صابتنا بخصوص الأنفلونزا دي مالهاش لازمة و ده النقطة اللي بتتصرف على أساسها الدول المتقدمة لان الأنفلونزا العادية صدقي او لا تصدقي بتموت سنويا أكتر من اللي ماتوا بأنفلونزا الخنازير
يعني المفروض الناس تخاف من الأنفلونزا العادية أكتر

الهلع اللي صاب الناس بسبب الأنفلونزا مالوش أي لازمة لأنها ليها علاج وكل مشكلتها بتظهر مع الناس اللي ظروفهم الصحية سيئة كمرضى الكبد و غيرهم لأن مناعتهم خلقة ضعيفة وكل اللي ماتوا كانوا مصابين أساسا بامراض مزمنة أو يفتقروا إلى الوعي الصحي اللي يخليهم يلجأوا للمستشفيات زي المكسيك
المكسيك الرعاية الصحية فيها أسوأ مليون مرة من اللي في مصر و علشان كده فيها أكبر عدد من الوفيات نتيجة لجهل الناس هناك و الأمخاخ الأكثر غباءا من أمخاخ فلاحين مصر

في النهاية الحمد لله إنه مرض ليه علاج
و صدقيني لو قلتلك إنه مرض بسيط جدا لو إلتزمنا بالقواعد الصحية البسيطة و خصوصا النظافة

فيا ريت قبل ما نحاول نكتب عن حاجة نعمل دراسة صغيرة كده و بحث صغير على النت علشان نعرف إحنا بنكتب عن إيه
والحمد لله إنك تقدري تقرأي و عندك نت أمال سبتي إيه للناس اللي معندهمش الفرصة دي!!!!

المـــفـــــــقــــــــوعـــــة مــرارتـهــا يقول...

الاخ غير معرف المحترم
اولاً ماعجبنيش خالص اسلوب كتابتك التي تتهمني بالجهل
مش طريقة حوار بصراحة
ثانياً مريم قريبة لي وانا باحكي من وجهة نظر مامتها اللي هي بنت عمتي

انا ماقلتش ان مريم اتعدت من الطيارة
بس لو كانوا اكتشفوا المرض قبل صعودها للطيارة كانت اتعالجت في كندا اللي فيها معاملة انسانية اكتر من هنا
فالبنت الي يومنا هذا في مستشفي الحميات مع حالة الرعب التي تعيشها الاسرة بحالها مع الكشف الطبي الدوري علي الاسرة كلها وكل من رأي مريم او تعامل معها وللبنت ثلاثة اخوة غيرها يحتاجون الي امهم ايضاً
الموضوع انساني ياسيدي الفاضل والا ماتعرفش يعني ايه انساني
واحدة عايشة في بلاد الثلج من غير اهلها ويوم ماتيجي زيارة لمصر يتم حجزها في مستشفي بعيدة عن الأهل
واحدة هاتضيع اسبوع من زيارتها القصيرة في مستشفي
المرض ضعيف فعلا ومصر مزوداها حبتين ذي حضرتك تمام في اسلوب نقدك الغير مُرحب به علي كل حال
شكراً

المـــفـــــــقــــــــوعـــــة مــرارتـهــا يقول...

اه علي فكرة حجز الطيارة كان قد تم قبل انتشار المرض وهي فعلا ماكانتش خايفة من الفيروس حتي ماسمعتش كلامنا لما قلنالها البسي كمامة انتي والولاد
انا مش بأهول التهويل موجود بالفعل مش مني من بلدنا يامحترم

واحدة مجنونة يقول...

بصراحة عندك حق
رغم انهم هنا في مصر بيحاولوا يعملوا اللي عليهم في الوقاية من المرض
و لكن حالة المستشفيات المصرية و خاصة الحكومية و اللي فيها المرضى مازالت سيئة للغاية
يعني الواحد يدخل عيان و يخرج تعبان من المعاملة
و ربنا يشفي مريم و كل اللي زيها
انا ملاحظة ان معظم الحالات اطفال
و ربنا يستر على الجميع

funky girl يقول...

ربنا يكون معاها و ان شاء الله ربنا يشفيها بسرعة

Israa El-sakka يقول...

بجد حاجة تخنق الوضع كله متخبط :( الحالات متكدسة في مستشفى الحميات و ده بيزيد مخاطر إنتقال المرض ده غير التكدس الرهيب في المطار يعني اللي مبيعياش حيعيه
سلاااام
إسراء السقا

قوس قزح يقول...

اولا ربنا يشفها
ثانيا واضح ان المطارات بتهتم بس باللى داخل للبلد مش بتهتم باللى مسافر منها
لان للاسف اغلب الاتنشار اللى حاصل للانفلونزا دى عن طريق السفر من بلد بها المرض لبلد اخرى

يعنى من الاول لو كل دولة كشفت على الخارجين منها كان زمان المرض ده مش هيخرج من الامريكتين

مفروض ان دى ناس فاهمة ده .. عارفة تعمل ايه .. ولا اللى بيحصل ده حاجة وراها اسباب غير معلومة !!؟؟

جحا المصرى يقول...

أنا قولت مش معقول اكتب ساخر ومخدش رأى صاحبة القلم الرائع
أتمنى التواصل ومعرفة رأيك فى مدونتى المتواضعة

Unknown يقول...

أولا : تحياتي على تلك المدونة التي جلت فيها فوجدتها أكثر من ممتعة

ثانيا : ندعو الله أن يشفي الصغيرة ..

ويبقى التواصل

زمش يقول...

اولا مش عارف تقصدى ايه بقصتك دى
لو تقصدى دعائنا لمريم فطبعا هاندعيلها
بس ياريت تبقي تحافظى على الفاظك
بلاش كلمة مصر المتخلفة
دى فيها اساءة للادب لو تقصديها تبقي اسمحيلي
ولو ماتقصديهاش يبقا مصيبة اكبر لان اللى مايقدرش يصون لسانه ويتحكم فيه يبقا ما اظنش انه من حقه يكتب اساسا
اشتمى الحكومة اشتمى النظام لكن انك تجرأى وتشتمى مصر نفسها دا ؟؟؟؟؟؟؟؟

arabcooL يقول...

بلوقر
This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه