الأربعاء، 11 مارس 2009

حبيبة والحب





أخيراً لفظت لحظات الصمت أنفاسها داخل قلب حبيبة، تكلمت حبيبة وقالت وباحت بما تخفيه
ظلمتها الدنيا وساعدت هي الدنيا لكي تجهز علي شعورها بالمساندة ممن حولها
طمست حبيبة معالمها وعاشت بيننا كسراب لا تريد لأحد أن يعرف عنها شيئاً ولا أن يتصل بها عندما تغيب
وافقت علي الوجود بيننا ولكن بشروطها القاسية وهي الكتمان والوحدة رغم أن قلوبنا تتمني منها الثقة فينا وفي حبنا اللامحدود لها
باحت حبيبة بما تخفيه وياللهول لقد أخطئت هي في حق نفسها أولاً
أخطئت حين أحبت من لا يكافئها اجتماعيا ودراسياً والأهم خلقياً
أخطئت حين تركت مصيرها بين طيات ورقة في صورة وصل أمانة قد تسجن من أجل ماتحتويه من أرقام خادعة.
وعندما حانت لحظة المواجهة هربت حبيبة بطفلها لكي تنجو من قضبان السجن وهذا حقها فهي قد تم خداعها بأسم الحب... لعنة الله عليه، هذا الإحساس الغامر الذي يصيبنا بشلل حاد في خلايا التفكير.
حبيبة لقد علمتنا الدنيا أن نتعلم من أخطاء الآخرين
لماذا تضنين علينا بما أعطاك الله من ابتلاءات التجربة
لماذا تتركين غيرك يقاسي كما قاسيت لأنك في يوم من الأيام لم تخرجي شكواك خارج أضلعك، ولم تشاركينا فيها
حسناً فعلتِ حبيبتي حينما قررت الاعتراف لنا بمكنون صدرك
فلو سألتني ماذا ستفعلين لو كنت مكاني وخفق قلبك لشخصاً وفرض والدك عليه مالا طاقة له به... لما خرج الحل عن أن أكتب له ورقة توازي الورقة التي اكتتبها والدي عليه وتلغي ما جاء فيها.. تماماً كما فعلتِ.
أنتِ لم تصنعي بدعة في قانون الحب... ففي عالم الحب العقل يتلاشي ويأخذ أجازة طويلة حتى يستيقظ من سباته العميق علي كارثة أدخله فيها القلب بكل رعونته وطيشه.
ولست وحدي من ستفعل فعلتك التي تعاقبين نفسك عليها الآن فقد سألت غيري من الفتيات عما سيفعلنه، ولم يخرج رد فعلهن عما حدث بالفعل معك.
هل رأيتِ كيف تفكر النساء؟
نحن في نفس المركب الغارقة تتهادي بنا الأمواج وتتخطفنا الأعاصير والجاني هو الحب

إذا أردت أن تعرف حكاية حبيبة الغالية فما عليك إلا زيارة مدونة روح قلب ماما لصاحبتها فاتيما

هناك 16 تعليقًا:

mohamed ghalia يقول...

كم أنت قاصيا ايها الحب حينما تقصو على من أحب وسار فى هواك
ولكن لن يمنعنا تقلبك هذا من ان نستمر فى الحب صدقنى لن نستطيع أن نتخلى عنك حتى وإن قسوة علينا
دمتى فى سعادة أختى

قوس قزح يقول...

صحيح الحب اعمى و يقوده الجنون
بس كلنا كده قدام الحب بنكون زى اللى عندى مرض بيأر على تفكرنا و ناخد قرارات ممكن نلوم غيرنا عليها
و مش الطبيعى ان الانسان يكون غدار لكن الطبيعى ان الزوجة تدى الامان لزوجها
حبيبة من مفهوم الحب مش غلطانة و لا كمان كزوجة ولا كأم و لا حتى كصديقة مش عارفة تحكى تجربتها و هى اتلسعت قبل كده من اقرب الناس لها و ممكن جدا نكون احنا كمان جلادين لها

باتمنى بس ان فضفضت حبيبة تخليها اقوى مهما حد لام عليها

تحياتى مفقوعة

Mafrousa يقول...

لا اله الا الله
هوه ربنا حط الفصين اللى فى الجمجمة ديه ليه؟؟؟؟؟
علشان نريحة و لا نشغله
حبيبة لعلمكم هيه مش كانت بتحبة الحب الفظيع و بس كده
لأ ده كان صعبان عليها و حاسة انه غلبان و مغلوب على امره و هيه بمنتهى الطيبة علشان بنت اصول كتبت على نفسها الورقة ديه
علشان صعب عليها مش علشان بتحبه

و الراجل اللى يصعب على مراته بمسكنه يبقى مش راجل
سوري بقا
فضونا من موضوع حبيبة
علشان حبيبة يوم ما طلعت الكلام ده من جواها كانت خلاص حست بالقوة جواها و قطعت عرق و سيحت دم خلااااص
هيه مش عاوزة مواساة من حد ...هيه من القوة اللى اتوجدت جواها من الناس اللى طبطبت عليها باحت يالحمل اللى كان كاتم على نفسها و مخليها مكسوفة

ارفعي راسك يا حبيبة انتى مش اتجوزتي عرفي يا بنتى ولا خلفتى من ورا اهلك و لا متلطمة على المحاكم علشان تنسبي نسب
المصيبة الاكبر يا مفقوعة فى اللى بيتجوزوا عرفي
و بيزنوا و دايرين على حل شعرهم

و موضوع حبيبة ممكن يتكرر مرة و اتنين و 10 و انتى مش تقدري توقفيه و خصوصا البنات اللى عندها اصل
و مش لازم يكون بنفس الصورة ممكن يكون فى صور اخرى

انا اعرف واحد متعلم و خريج جامعة و متكافيء مع مراته و بعد كامك سنة جواز طلب مساغها علشان يدخل مشروع
و اخد فلوسها كمان ورثها و بيعها العربية

و راح اتجوز واحدة تانية بس اغنى منهم و هوه كان عاوز يظهر انه فى مستواها
ايه رايك بقا؟؟؟؟
موضوع حبيبة وارد مع اي حد و مش شرط انه يكون مؤهل متوسط
و ارحموني فرستوني و ارحموا حبيبة بقا


مفقوعة
انتى اسلوبك بقى جرنالجي اوي يا بنتى ماشاء الله عليكي
ههههههههههههههههه
ايه الكلام المجعلص الحلو ده
ههههههههههههههههه
تحياتي ليكو كلكم و تحياتي لأشجع حبيبة

فاتيما يقول...

حبيبة ممتنة ليكى يا سحر لأبعد حد
و بتقولك من قلبها و بالنيابة عن روح قلبها ...
متحرمشى منك أبداً

فاتيما يقول...

و خالص حبها لكل من علق
و يعلق عندك

طوبه فضه وطوبه دهب يقول...

اسلوبك فى التشويق حلو اوى تسلم ايدك

mahasen saber يقول...

سحر فاتيما مااخطئتش هيا صدقت وامنت بحبها قوى
وعاملت واتعاملت من منطلق ان البشر ملايكه زيها ونفوسهم صافيه زى قلبها

ربنا هيعوضها خير وده شئ انا واثقه منه قوى قوى

هما كده الملايكه ملهمش مكان وسط وحوش البشر

Foxology يقول...

مراية الحب عامية :)

القصة مؤثرة جدا وانسانية جدا جدا

تحياتى :)

Eno يقول...

حبيبه حسيت بألالم كتيره اوووووووووي

المهم تكون اتعلمت من الحاجات اللي مرت بيها

ربنا يسعدها فاتيما ويقدملها كل الخير عشان بجد انسانه تستاهل كل حاجه حلوه :)

تحياتي ليكي ياقمر :)

همس الاحباب يقول...

ااااااااه
من قسوة الحبيب
وغدر الايام
ولا تعليق بصراحة

شمس النهار يقول...

حبيت اعلق قبل مااروح واشوف ايه الحكايه
عشان ارد علي جزئيه فعلا خطيره جدا
وهي
عدم التكافؤ في الحب بمعني ان الحبيبه بتكون عارفه ان هذا الشخص اللي اعجبت بيه لا يصلح بالمره وكل ماعقلها يقول لها كده تلغيه وتجري ورا قلبها
وبعد ماتقع الفاس في الراس زي مابيتقال تندب حظها وبختها الاسود
السؤال
ليه المراه مابتقدرش تمشي في كثير من الاحوال وراء عقلها وتركن قلبها ده شويه من باب اتباع السلامه
وليه بتخاف تواجه نفسها بالحقيقه قبل وقوع المصيبه
ماهي كده كده هتواجه نفسها بالحقيقه
والا لازم المصيبه تقع الاول عشان تفوق
السؤال ده محيرني من زمان الزمان ومش لاقيه له اجابه

dahlia.. يقول...

عندك حق جدا يا سحر..وأنا أول الناس اللي عملوا زي حبيبة مع انه مكنش فيه فارق دراسي..و تخيلي احنا الاتنين دكاترة!!!!تحياتي ليكي و لحبيبة

داليا

عالم ماريونت يقول...

للأسف الحب لا يخضع للمنطق ابدا وحتى لو حاولنا نوجد المنطق ده
تحياتي ليكي مدونة مميزة و الكتاب كمان رائع
بالتوفيق دايما يارب
رنا

محمد فارس يقول...

الاخت الغاليه سحر
كما يقال الحب مرض والحب ابتلاء والحب اعمي فهو كذلك نعمه وهبه من الله لقلوبناوالحب ايضا احساس
ولدي سؤال وارجو ان لااكون قاسيا به علي الاخت حبيبه فأنا لا اريد ان اكون قاسياولا اريد ان اتعاطف معها اكثر مما انا عليه ولكن:
الم تسمع ان الحب تضحيه
اكيد سمعت وضحت
ولكن الم تلاحظ حينما كتبت له الورقه
التي تدخلها السجن ان مجرد موافقته
علي كتابتها دليل علي عدم حبه لها؟
انااسف جدا جدا جدا
ولكني والله العظيم من باب التعاطف والحزن عليها
وعلي من تقع بعدها في مثل هذه الورطه
ولا اقول حبا
اكرر اسفي وارجو من الله ان لا يبتلينا بمثل ما حدث للاخت حبيبه
وان ينعم علينا بحب صادق
وان يخرجها الله مما هي فيه
وارجو ان تكون ابنتها عوضا لهامنه
علي عدم امانته لحبها له
انا اسف جدا
ولكن الم يقسي الاب علي ابنائه
ليعلمهم كيف تكون الحياه
مع تمنياتي لها بما يريح بالها

Asmaa mahaba يقول...

والله يا مفقوعه يا اختى حبيبه دى غلبانه وعلى نيتها ربنا يصبرها ويقويها

حنين القلب يقول...

صح يا سحر
الحب اعمى
لو اى حد مكانها هيعمل زى ما هى عملت بالظبط

فاتيما مش جانى دى مجنى عليها من انسان مش عنده ضمير

حسبيا الله ونعم الوكيل فيه