الأربعاء، 18 مارس، 2009

عندما تكتئب سوسو


عندما تكتئب سوسو

عندي إكتئاااااااااااااااب

صحيت الصبح النهاردة لاقيت حالتي مش ولابد أعمل أيه ؟

أنام تاااااااااااني مادام الإستيقاظ يوقظ معه المواجع والآلام المبهمة

نمت النهاردة أكتر من 14 ساعة كاملة وبرضه مكتئبة ... واضح من خلال تجربتي العلمية المخبريه أن النوم يُزيد الإكتئاب ولا يقضي عليه

لبست نظارتي البنية التي تجعل الدنيا قاتمة أمام عيناي وجدتها فاتحة بالنسبة لما يجول بخاطري من أفكار سوداء شديدة القتامة

ماذا حدث؟ ماهذه الحالة الغريبة ؟ أهي حالة طارئة وستزول أم أن الإكتئاب سيظل مآنسني كثيراً ؟

طول عمري أكره الزعل وأعمل علي تحويل كل لحظة حزينة إلي ضحكة حتي لو كانت غارقة في الدموع

أفقدت موهبتي تلك في ظروف غامضة ؟

أسرقت مني الفرحة في عز الفرحة ؟

ماذا حدث لماذا يطبق أخطبوط الحزن علي صدري وينفث سمومه الموحشة التي لا تنتهي.

أحياناً أتمني الإختفاء وهدم مابنيته والبدء من جديد بداية ناصعة البياض ليس فيها ألم أو ذكريات، أتمني أن أستيقظ يوماً وقد فقدت كل ماعلق بالذاكرة، وأتمني أكثر أن يكون لي في ذاكرتي الجديدة حق الاختيار فأنا حالياً لست مُخيرة بل مُسيرة ومُجبرة علي المضي بلا عودة ولا أمل في تصحيح الأخطاء.
ماهذا الذي يحدث تمر الدقائق والساعات والحالة تتفاقم وتتزايد وتخلف ورائها جروح غائرة لا تندمل ولا تطيب، أشعر بالوحدة الموحشة المطبقة فقد وضعت حدوداً لما يجب أن يُقال، وأنا بعد لم أعتاد علي الكتمان فأنا مخلوقة تحيا علي الفضفضة وإخراج مخلفات الأحزان.
هل سينقشع الظلام وتسترد الضحكات مكانها في قلبي ويُعيد الكون لي ماسلبته الأيام؟
حزينة أنا رغماً عني

هناك 26 تعليقًا:

حسام غانم يقول...

الله !!

هو فيه ايه ؟

هو مال الاكتئاب انتشر كده ..

ده في كل حتة دلوقتي كل الناس بقت مكتئبة

أكيد فيه حاجة في المية

موناليزا يقول...

ربنا يبدل حزنك سعادة وسرور

شفقة هانم واحسان بك يقول...

مالك بس يا قمر مكتئبة ليه؟؟
بقولك ايه ارمى وراء ضهرك ولا يهمك
انا عايزة اقرا بقى بوستات لفيفى نفسى اضحك شوية
شفقة

محمد فارس يقول...

السلام عليكم ورحمة الله وبركاته
الاخت الغاليه سحر الف الف سلامه
علي الحاله اللي انت فيها وبعدين تذكري قول الله سبحانه وتعالي
(الا بذكر الله تطمئن القلوب)
واليك كلمات الشاعر
ايها الحامل همآ ان همآ لا يدوم
مثلما تفني المسرات كذلك تفني الهموم
فرج الله عنك كربتك وبدلها
بالسعاده والفرح
ان شاء الله

مسدس صغير يقول...

الصورة ازهى مما ترينها.
لكن البوست رائع كالعادة


أتمني أن أستيقظ يوماً وقد فقدت كل ماعلق بالذاكرة، وأتمني أكثر أن يكون لي في ذاكرتي الجديدة حق الاختيار.



شكرا لكى

mohamed ghalia يقول...

سحرررررررررر
مش محتاجين نصى بذاكرة ناصعة البياض
نقدر احنا ننسى كل الى مش راغبين فيه
نحن من نصنع الفرص
للأمام دائما متقلقيش
الناجحين لا يعرفون الإكتئاب يا سوسو
دمتى فى سعادة
أخوكى محمد

حياة يقول...

الاكتئاب مرض العصر
المشكلة فين اننا ندخل فى هالدائرة بسهولة ولكن الخروج منها صعب جدا

اتمنى من الله ان لا يصل الاكتئاب الى اى من الاصدقاء وادعو لى بان اخرج منه سريعا
اللى هو الاكتئاب برضه

تحياتى

حاسوباتيه يقول...

والله حاله الاكتئاب دي عند الكل وعندي انا كمان وماعديش ليها حل

حاجات جوايا يقول...

مش لوحدك والله يا سحر

ربنا يزيل همك وهمومنا جميعااااااااا

MǿиY El-Shreef يقول...

ليه كده ياسوسو

مالك بس وايه الي عمل فيكي كده

كنتي كويزه الاسبوع الي فات

عموما يا قمرتي انا حاسه انها حاله وهتعدي ان شاء الله

ربنا معاكي وابقي طمنينا عليكي

موني المعجبة بيكي اوووي ^-^

خمسة فضفضة يقول...

السلام عليكم ورحمة الله وبركاته

الف سلامه عليك من الاكتئاب يا جميله

شكلك كده خدتي عين بعد الكتاب
:))))

صبرني يارب يقول...

سوسو حياتي

مالك يا قمر

طب تعالى ارغي معايا على الاميل وبلاش تكتمي فى نفسك كده

اقولك ؟
اعملي مدونه تانيه وارغي فيها وفضفضي براحتك ياعم مش هانقولك انت مين يا باشمهندس


روقي يا جميل


وقولي ياااااااااااارب

mostafa rayan يقول...

روقي يا سحر
ربنا يفك الحالةدي ويحولها لفرح وسرور

فاتيما يقول...

إيه يا سحورة
سلامتك يا حبيبتى من الإكتئاب
دا حتى عيد الام جاى و المفروض تكونى متأكدة و بلا ادنى شك ...
من إنك إنجزتى يا بنتى
و مفيش حاجة المفروض تزعلك لأنك ام هايلة و مأدية رسالتك على أكمل وجه كأم و زوجة و اخت و إبنة و كاتبة و مدونة و قبل دا كله ...
إنتى حبيبة لينا كلنا
إيه اللى جايب الأكتئاب بقى ؟؟
انا متفقة مع فضفوضتى حبيبتى خمسة فضفضة ...
إنتى إتنشيتى عين يا سحورة
إستهدى بالله و أرمى حمولك عليه .. ترتاحى
و ربنا يحرسك و ينجحك و يوفقك فى كل خطوة تخطيها يا رب
بوسة و حضونة يا حبيبتى

mostafa rayan يقول...

ماتستسلميش للحالة دي يا سحر
انتي اقوي منها

momken يقول...

اشربى كاكاو

بتكل بجد لما تلاقى روحك مخنوقه شويه ومضيقه ومش عارفه السبب جربى واشربى مج كاكاو

هتبقى زى الفل

تحياتى

سومه...مجنونه فى بلد عاقل يقول...

معلشى يا سحوره دى حاله عامه للناس كلها بيعانوا منها ان شاء الله تنقشع عما قريب

شباك موارب يقول...

بصي ياجميل
معليشي هو كدا ساعات الجسم بيفصل مده كدا
بس الاهم ماتحاوليش تقعدي في الاكتئاب ده اكتر من اسبوع
خرجي نفسك منه باي طريقه عشان ماتتعوديش عليه

ولو على النوم انا بقوم من النوم اكل وانام
ولا يهمك

صيدلانيه طالعه نازله يقول...

الحاله دى بتيجى لمعظم الناس مع تغيير الفصول و دى شيىء عادى
اقرى قرآن و حتلاقى الامور مشيت كويس لوحدها
و كمان اليومين اللى فاتوا انتى بذلتى مجهود كبييييييير و ده فى حد ذاته بيزود حاله الحزن بعدها
ربنا يهدى الامور يلا سوسو و اسمع ضحكتك الحلوه قريب

همس الاحباب يقول...

الا بذكر الله تطمئن القلوب
ربنا يزيح عنك
سحابة صيف وهتزول ياذن الله
كل سنة وانتى طيبة

mahasen saber يقول...

مالك يا جميله بس

ربنا يسعدك ويشرح قلبك بالفرح

اذكرى ربنا كتير واعملى حاجه جديده وحالتك النفسيه هتتغير للاحسن ان شاء الله

wanna b a physician يقول...

الحقيقة الموود اللى ماشى اليومين دول اكتئاب
زى ما تقولى كدا فى حاجة فى الجو او على رأيى فيلم النوم فى العسل الحكومة رشه حاجة فى الجو ههههههههههههههه


ربنا يسعدك ويزيح عنك الهم

ميرام يقول...

هينقشع هينقشع ان شاء الله (:
بس انتي اسمحيله ..
الاكتئاب فعلا بقى عدوى ...
في كمية اكتئاب فظيعه عند كل الناس
ربنا يستر
تحيــــــــاتي

شمس النهار يقول...

وبعدين مالكم يابنات البلوجر كلكم مكتأبين ليه
وبعدين هو ده حال المبدعين ياسوسو
انا كده متأكده ان في قصه حلوه جايه في السكه
وهتكسر الدنيا كمان
ربنا يريح قلبك
بس تصدقي البوست حلو ومعبر عن الحاله اللي بتصيب كثير من البني ادمين

هشام السروجى يقول...

تمام يا ام احمد هوه ده الكلام

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه