الثلاثاء، 31 مارس 2009

إضراب الحبيب ذي أكل الزبيب


جاءني صوته عبر أثير التليفون مختنقاً مكتوماً مهزوزاً، نبراته تحمل صدي معاناته في السجن وقسوته

ساعتها سألته هل عذبوك قال نعم، عذبوني وهذا هو الطبيعي في أمن الدولة

ساعتها فقط قررت أن تشارك مدونتي في الإضراب

سألبس السواد علي الحرية رحمها الله في مثواها الأخير

سأشيعها بملابسي السوداء

وسيتم تلقي العزاء يوم السادس من إبريل

وعلي من يتعاطف معنا لبس ملابس الحداد
أنا ضد التخريب الغير هادف والمظاهرات العشوائية ولكني لست ضد الإضرابات السلمية
حقاً هي وسيلة العاجز ولكنها أفضل من لا شيء
هي وسيلة بديلة للصراخ علي أطلال الديموقراطية
ولكنها مع ذلك وسيلتنا الأولي التي كونها الغليان وأعتقد أنها مقدمات لحركة كبري قادمة لا نعلم أبعادها بعد
لنثبت لصناع القرار بأنهم يحكمون بشراً سيأتي عليهم اليوم لينفجروا ويعلنوا عصيانهم ورفضهم لمظاهر الظلم ... هي وسيلتنا لإعلان وجودنا ورفضنا للأمر الواقع
نحن نشجب نعترض نرفض الإستبداد وسياسة كتم الأنفاس
نحن مازلنا أحياء وسيظل صوتنا مجلجلاً
نحن هنا رغم حقد الحاقدين وقمع القامعين
نحن نتنفس تحت الظلم

هناك 15 تعليقًا:

صيدلانيه طالعه نازله يقول...

ليه و عشان ايه المره دى اضراب من اجل الاضراب و بس انما الاسباب حتى الان مجهوله و اذا عرف السبب بطل العجب
اما يتكتب انه عشان كذا و كذا نبقى ساعتها نفكر حنعمل ايه
و لا ايييييييييه

صيدلانيه طالعه نازله يقول...

مبروك اسم المدونه الجديد يا سوسو و يارب تبقى لقمه فى زور كل ظالم و رزل يااااااااارب

المـــفـــــــقــــــــوعـــــة مــرارتـهــا يقول...

وانا ماكنتش هااشارك في الاضراب السنة دي بس بعد ماكلمني ضياء جاد المعتقل السابق في التليفون قررت اشترك
هو لم يشير للاضراب ولكني قررت ان احزن من اجل كل معتقلين مصر الابرياء الذين دخلوا السجن من اجل التعبير عن رأيهم المخالف رغم اني ضد السبب اللي قامت عشانه المظاهرات وعبرت عن كدة في المدونة من زمان
انا ضد القمع وقطع الألسنة
اتركونا نتكلم ونعبر عن أرائنا حتي لو كانت أراء خاطئة

MǿиY El-Shreef يقول...

عارفه يا سحر..

انا بابا اتاخد امن دوله كتير اوي لمجرد انه بدقن وامام مسجد .. وكانت ايام سوده والله ف مصر .. كانوا بيجوا بيتنا ف نص الليل .. بس التعذيب انا ماحضرتوش حكالي عنه لما كان لسه شاب قبل مانا اتولد كان فيه .. بس لما بقى يتاخد الايام الاخيره ماكنش في او ماقاليش عليه يعني .. وده كان سبب رئيسي تقريبا من الاسباب الي خلتنا نمشي من مصر ونيجي هنا

فبجد لو في اي حمله او بنر او اي حاجه نقدر نعملها ليوم سته ابريل انا مستعده اشارك

حسام غانم يقول...

همممم

لقمة في الزور

الكتاب الجديد ؟

موناليزا يقول...

انتى غيرتى اسم مدونتك ليه؟
نفهم من كده ان حماتك خلاص بقت نسمة:)
وبالنسبة للموضوع اللى فات ازاى اخوكى يبقى اسمه محمد سمير وانتى اسمك سحر غريب؟
بالنسبة للموضوع ده بقى مين اللى بتتكلمى عنه وهو الان فى السجن؟
عاجبنى فكرة ارتداء اللون الاسود يومها

mahasen saber يقول...

سحر مين ده اليى فى الازمه دى

فسرى يرحمكم الله

وبعدين البوست اليى فات صحيح اسم ابو اخوكى مش زى اسم باباكى ليه

المهم يا رب تكونى بالف خير

وحشتينى جدا جدا على فكره

mohamed ghalia يقول...

بالتوفيق فى الفكرة الجديدة وربنا يكرمك
وتنجح زى حماتى ملاك

المـــفـــــــقــــــــوعـــــة مــرارتـهــا يقول...

محاسن وموناليزا
===================

ياجماعة اسم غريب اسم جدو الله يرحمه
مش اسم بابايا
واللي في الازمة دي يبقي اسمه ضياء جاد صاحب مدونة صوت غاضب
وهو خرج من السجن بس اكيد متأثر شوية ربنا يعينه ويصبره وينسيه قسوة ايام السجن

nohamy يقول...

مبروك اسم المدونة الجديدة
شكرا
أن شاء الله تبقي كتاب انجح
سعيد جدا بحضرتك

Unknown يقول...

السلام عليكم

متفق معاكي في رفضك للواقع

ومن حقك تعبري زي ماتحبي

بس مختلف معاكي وتقدري تعتبريها وجهة نظر تشاؤمية
وممكن تعتبريها سلبية
لكن انا بجد مش شايف اي بصيص أمل
ولا اي شعاع نور ممكن يغير الوضع ده

اعتقد الاضرابات والحجات دي نتايجها محدوده خصوصا الحجات اللي من وجهة نظرهم تخص (أمن الدولة)

كمان متزعليش مني لو كان ليا حق النقد
العنوان مش متفق مع مأساوية البوست

يعني تقدري مثلا كنتي تسميه

انا مضربه .. مين معايا

او الاضراب .. اضعف اليمان

او القانون بيدي الحق لكل مواطن انه يضرب


اسف لو كان كلامي حاد شوية

والخلاف في الرأي لا يفسد للود قضية

ربنا يوفقك

اخوكي
برقش

محمد حمدي يقول...

اولا مبروك على الاسم الجديد ولو ان القديم كان عاجبنى اكتر او لعله التعود

اما بالنسبه للبوست بتاعك . بصراحه انا مش متحمس لاضراب السنه دى وحاسس انه مش هيجيب نتيجه

والله اعلم

ابقى اقرى اخر بوست عندى

Foxology يقول...

انا خايف ليكون اضراب من اجل الاضراب :(

بقت حاجة صعبة ورخمة بجد

ربنا يصبرنا

تحياتى :)

القمر الساهر يقول...

اولا انا اول مرة ادخل مدونتك وعجبتني قوي ربنا يزيدك من النجاح ياارب

بالنسبة للاضراب .. انا شايفة ان اصلا ما حدش هايعبرنا نعملاضراب نحرق نفسنا نولع فيها ولا حياة لمن تنادي

الحل اننا نفضل ماشيين زي ما احنا شايفين الصح يموتونابقى يسيبونا ولا تفرق احنا ايشين لمبدانا واخلاقنا وطز فى اللى مش عاجبه ومش هاتتهز فينا شعرة

وربنا معانا

شمس النهار يقول...

غيرتي ليه الأسم
انا كمان مش بحب الاضراب اللي وراه خراب عشان في النهايه مابيوصلش الصوت وكمان بيضيع الحق