الثلاثاء، 10 يونيو، 2008

حق الرد مكفووووووووول لفيفي


ــــــــــــــــــــــــــــــــــــــــــــــــــــــــــــــــــــــ

تنوه المدونة عن إعلان حالة الإحتلال ... ففي تمام الساعة الحالية من اليوم الحالي ... قررت فيفي السيطرة علي مجريات الأمور في المدونة وذلك حتي تقتنقص حقها من الجانية المتجنية سوسو شرفنطح

المايك مع لواء حرب ... فيفي هاتطلع روحك
وإللي يحبنا يضرب ناااااااااااار
طااااااااااااااااااااااااااخ طييييييييييييييييييييييخ


أنا فيفي بنت عبد السميع اللميع ... إللي كان بياكل المش بعد مابينقي منه دوده .... شغل باشوات متأصل .. أنا يتعمل فيا كدة ؟
بقي العيّلة إللي لسة ماطلعتش من البيضة تفضحني أنا وعيلتي العريضة علي صفحات المدونات وتقول عليا إني ست مفترية ؟
بقي هي دي أخرة سكوتي عليها ... علي رأي المثل القبيح سكتناله دخل ببغاله ... هو أنا عشان غلبانة ... ومش بأدخل المخروب النت ده .. تقوم البت تعمل فيا دقة نقص تطلع من نافوخي كدة ؟!
أنا كنت فاكراها بتستر ماتفضحش ... أنا كدة بدأت أخاف منها علي سمعتي .... هاتوقف حالي .. ربنا يوقف اللقمة في زورها
طب كانت قالت أنها بتكتب عني من الأول وأنا كنت مشيتها علي العجين ماتلخبطوش ... أنا هاأرد وكل من له حاجة يشيلها .. وإللي هايطلعني غلطانة ... يخبي عياله أحسن له .. أنا مأجرة أتنين بلطجية هايلموا العيال من شوارع المحروسة ...وإللي هايطلع أبوه مدون أتجرأ ودخل مدونة مرات أبني مرتين ... هاندبحه .. ونبيعه جُملة للجزارين .. الكيلو بخمسة جنيه ... يابلااااااااااش
بسم الله نبدأ الجلسة
الهانم بتقول إني أشتريت شبكة أحسن من شبكتها ... طب أنا راضية ذمتكم ... فيها أيه لما كل عروسة وهي بتشتري شبكتها تفتكر الغلبانة حماتها وتجيب لها حاجة دهب من نفسها ... وبعدين البت دي كدابة ... هي أشترت شبكتها بخمس تلاف جنيه كل جنيه يرفس جنيه ... وأنا ياحسرة عليا أشتريت دهب بألفين بس ... كتير عليا ؟
ده حتي كل الناس بتقوووول عليا طلباتي بسيطة وأستاهل كل خير
يعني كل الناس غلطانة والبت المفعوصة دي هي إللي صح ؟
هاااااااااااااااا ... أيه رأيكم ذاد فضلكم ؟
سامعة حد بيعترض .... جهز السكينة ياواد يابلحة ... العيل أبو بورتقاني ده يطلع تبع ميييين ؟

كفاية كدة عليكم النهاردة أحسن باين عليكم بتخافوا .. رعشتكم واصلالي ... أجمدوا أومال ... مايبقاش قلبكم خفيف ... ولو إني عاذراكم
الضنا غالي ياأخواننا ... وإللي هايستعبط فيها ويقول ماعندوش عيال ... هاأخطفه هو شخصياً .. أنا أيدي طايلة وعندي واسطة من واحد لوز في الداخلية هايطلعني منها ذي الشعرة من العجينة
ماحدش سأل عن مفقوعة يعني ؟
ماتخافوش دي خلاص راحت في خبر كااان
العهد ده عهدي أنا
وأهلاً بيكم في العهد الجديد هااااااااااااااااااااااااع هاااااااااااااااااع هااااااااااااااااع

هناك 146 تعليقًا:

ليلـــــــــــــــــــــــــــــى يقول...

ازيك يا سحر؟ ايه الإنقلاب ده؟ أنا مش شايفة حد بيعلق يعنى؟؟ تقريبا كل واحد دخل فى جحره :P:P

المـــفـــــــقــــــــوعـــــة مــرارتـهــا يقول...

المدونة دي ديموكراتية واللي عاوز يعلق مش هايتعلق
فيفي جات وهاتقول بقي

ميرو يقول...

ماكانش يومك يا سوسو والاحتلال ده حصل امتى اوعي تكون هتيجي تقعد معاكي زي حالاتي ساعتها ولا هتقدري تمسكي تليفون ولا تقعدي على كمبيوتر هيبقى نهارك اسود ولو ان انا حماتي بتشتغل لسه فاقدر اهرب منها برضه بالنهار

واحدة مفروسة يقول...

ههههههههههههههههههه
والله واحتلت حماتك المدونه يا سوسو
و ان شاء الله مين اللى حيرد انتى و لا هيه برضه الواحد لازم يعرف
اصل لو انتى اللى حتردي..نزقل بالطوب مايمناش
لكن لو حماتك يا نينه هههههههههههههههههه
حنقول التعليق و نجررررررررررررررري
ههههههههههههه
الجبن يصنع من اللبن يا اختى
صحيح انا معنديش عيال
بس ممكن اخلى جوزي يعلق يمكن يدب كلمه تقوم فيفي تخطفه
و اعمل انا فرح
ههههههههههههههههههههههههه

سجدة يقول...

اهلا بيكى يا فندم فىالتدوين مفقوعة ايه وزفت ايه دا حضرتك الخير والبركة ومنورة جدا
كفاية انك دخلتى عالم التدوين وهتقولنى درر وتحف من بتاعتك سمى البت مفقوعة واتخلصى منها

سجدة يقول...

اهلا بيكى يا فندم فىالتدوين مفقوعة ايه وزفت ايه دا حضرتك الخير والبركة ومنورة جدا
كفاية انك دخلتى عالم التدوين وهتقولنى درر وتحف من بتاعتك سمى البت مفقوعة واتخلصى منها

Doba يقول...

الكيلو بخمسة جنيه والحسابة بتحسب
اهلا اهلا فيفى حبيبتشى
لا لا لا
ده انتى الغالية
وانا عندى غالية زيك
يعنى نرحب بالقوى موت طحن

المهم ناخد العفو عن سوسو
وكله بأكل الدماغ
والضحك بالبقلاوة

تعالى يا فيفى لما أقولك
ايه رأيك يا حبيبتشى فى الكردان الدهب ده - الله تحفة عليكى

قوليلى بقى يا حلوة
سوسو فين
=================
حسرة عليها يا حسرة عليه

مدونات
مدونييييين

هجووووووووووووووووم
اخطفوا فيفى
وبما ان محدش هيدفع فدية
يبقى العوض على الله

بسم الله الله اكبر

المـــفـــــــقــــــــوعـــــة مــرارتـهــا يقول...

ميرو
==================
سوسو دي مين ؟
ماراحت عليها خلاص
بس ماتنسيش وانتي جاية تجيبي رسم دخول معاكي... خمسة جنيه .. المدونة مش سايبة وبقي ليها اصحاب مش كانت سبيل ذي اللي كانت عاملاه الهابلة سوسو
وماتنسيش اليوستفندي
اصلي باحبه وفصصيهولي احسن المونيكير لسة مانشفش

المـــفـــــــقــــــــوعـــــة مــرارتـهــا يقول...

واحدة مفروسة
====================
راحت علي سوسو خلااااااااااص ...
العهد ده عهدي أنا
بس ابقي تعالي .. مش هااعضك ماتخافيش
منك لله ياسوسو خوفتي البنية مني

المـــفـــــــقــــــــوعـــــة مــرارتـهــا يقول...

سجدة
================
اهو انتي كدة حبيبتي ... ده انا اشيلك جوة عينيا واتكحل عليكي
ده كفاية البوقين اللي انتي قلتيهم
شكر الله سعيكم

GeHaD يقول...

اعلق ولا فيفي هتشيل التعليق
علي العموم انا مش خايف منك يا فيفي انتي يوم ما هتتنرفزي هتضربي مراه ابنك
واحبك اقولك حاجه واحده بس يافيفي
الكبير عليكي يا كبيره
والظالم مسيره يجيله يوم
تحياتي

فاتيما يقول...

نعممممممممممم
لاااا
يا ماما
إنتى فاكرة إيه
الأربعة بتوعى يفشفشوا عضم
البلطجية بتوعك
لااااا
دحنا عيال مخلصة
و إسألى مرات إبنك كدا لما إتقابلنا يوم الجمعة انا عملت إيه ...
و بعدين أنا مبتتهددش
الواد مع أبوه أصلاً
يعنى فى جهنم الحمرا
و لو قد الكلام
روحى هاتيه منه كدا و ورينى
عشان يبقى ربنا سلط أبدان على أبدان و نخلص
إنتى فاكرة سوسو دى ملهاش أصحاب مدونين و لا إيه
و شبكة إيه أم ألفين جنيه إنشالله يشبكوكى بأساور الحكومة يا رب ...
بت يا مفقوعة
خشى يا بنتى المدونة و متخافيش
و لا يهمك
اليوستفندى متفصص على ترابيزة السفرة أهو
و اوعى تديها فص واحد
ممكن تفعصيه فى عنيها بس
أنا هاجى تانى أشوف إيه الاخبار
و الأربعة بتوعى أهم
سايبهمولك على باب المدونة
و إنتى بس قولى يا جزر
هتلاقيهم عندك علطول

المـــفـــــــقــــــــوعـــــة مــرارتـهــا يقول...

Doba
===================
بلاش القلق ده ...المدونة متحاصرة خللي بالك ... احنا ماعندناش مانع نضرب نار لو حد عملنا قلق ... مش باقولك مسنودة

المـــفـــــــقــــــــوعـــــة مــرارتـهــا يقول...

GeHaD
=================
فيفي مش بتشيل تعليقات
عندك حق ... نرفزني انت بس والبت سوسو هاتتفعص جوة ..ده أنا نابي أزرق وأيدي طايلة

المـــفـــــــقــــــــوعـــــة مــرارتـهــا يقول...

فاتيما ...
================
انتي فاكراني هاتهز واروح اجيبلك الواد علي الجاهز
لا انا البودي جارد بتوعي احسن من البودي جاردات بتوعك .. ده أنا مغذياهم بالغالي ياختي
طب البادي جاردات بتوعك بياكلوا لحمة دول اخريتهم بصارة ... انا ادي الواحد منهم ساندوتش لحمة وهو جري هاينضم للحرس بتوعي ... تحبي نجرب ؟

appy يقول...

هههههههههه انا مش هنا يا طنط خالص انا قولت لها تخلى بالها من حضرتك مسمعتش الكلام
حتى نصحتها تشترى لكى حتى حته دهب لو نحاس ههههههههههههه

فاتيما يقول...

بت يا آبى
يا خاينننننننة
كدا تمريعها علينا ؟؟؟
و بعدين بصارة إيه ياماما ؟؟
إحنا ناس كلاس منعرفاش الحاجات دى
و أنا مبتتهددش بقى
و أعلى ما فى خيلك أركبيه
و لو إن الحصنة كلها لو أتلمت جنب بعض متستحملكيش و هيطبوا بالسكتة
إفرجى عن سوسو فوراً
و إلاااااااااااا

المـــفـــــــقــــــــوعـــــة مــرارتـهــا يقول...

appy
=================
ياعاقلة ... بأمارة لما شفتيها أول مرة قلتيلها منها لله حماتك
والا هي بتكدب عليا الكدابة

المـــفـــــــقــــــــوعـــــة مــرارتـهــا يقول...

فاتيما
=============
مالها البصارة .. دي كانت طبخة البشوات أيام جدي الباشا لاظوغلي
هو انتم تعرفوا تاكلوا ذي أكلنا
انا لو حبيت اركب حصان اركبه عربي أصيل عشان

فاتيما يقول...

ما بلاااااااااش
بلاش نجيب سيرة جدو و عمتو احسنلك
الله يرحم بقى الاموات متخلنيش نركب ذنوب و نقومهم من تربتهم يدعوا عليكى
سيبى البت سوسو و إرحلى

المـــفـــــــقــــــــوعـــــة مــرارتـهــا يقول...

فاتيما .......
========================
فيفي مادامت دخلت حتة تبقي بتاعتها والمدونة دي خلاص بقت بأسمي
يعني اسمعوا الكلمتين وانتم ساكتين والمعارضة ممنوعة والقمصة مرفوعة
منورة
ده انتي حبيبتي
أموووووووووووه أمووووووووووووووووه

فاتيما يقول...

بسسسسسسسس
أبعدى كدا
بلا كهن حريم
قال اموو أموو قال
الحتة دى بتاعة سوسو و إلا فلا
و على رأى يوسف إبنى
متخلنيش أنتكب حماقة
لمى عزالك و طرقينا بالذوووووووق
إنتى فين يا سوسو ردى علينا نطمن إنك على قيد الحياة
البت مبتردش ؟؟
عملتى فيها إيه ياللى تتوكسى
هاتى رقبتك بقى
و دينى مانا سايبكى إلا لما البت مفقوعة تظهر و تقب

قوس قزح يقول...

هااااااااع ؟؟
لا استنى اخبى الولاد الاول

هااااع يا ستى انتى و احنا يهمنا .. لا طبعا انتى مفترية و اقوية و البنت دى غلبانة .. و قومى كده بدل ما البنت هتفطس تحتك .. متخفيش يا مفقوعة احنا معاكى و بنساندك و بنشجب تصرفات فيفى و بندد بها كمان

قال هاااع قال

حبيبـــــــة القمـــــر يقول...

كان بدري عليكي ياسوسو
نورتي ياطااااانط
بس عايزين نعرف ايه سر الاحتلال الميمون دا
خدي بالك من ميمون دي
منوررررررررررررة

سوسو
ياسووووووسو
انتي فين يا سوسوووووووووووو

يوميات فنانه مفروسه جداا يقول...

يا حبيبتي يا سوسو مكانش يومك احتلال فيفي ياللي كونتي بضحكينا وتهيسينا

ارحلي عليكي الامان يا فيفي وسيبلنا سووو ربنا يهديكي

يا عيني عليكي يا سوسو والله انا خايفه يكون جرالك حاجه عاااااااهي ئ ئ ئ ئ

طب سوسو صرخي كده طب اضحكي نعرف انك لسه موجوده

سوسو مش طالعلها حس يا نهار عملتي فيها ايه حرام عليكي يا فيفي

انا مش هسكت لو سوسو مردتش هبلغ امن الدوله وحقوق الخرفان والهايتستب وهعملك فضايح هنا في المدونه

ان مستنيه تردي يا سوسو اما نشوف اخرتها مع فيفي

دعاء مواجهات يقول...

ازيك ياقمر

اية بس الجمال دة ربنا يعينك مش قادرة اقوول غيرها

انتى لسة قاعدة تتكلمى عن فيفى

ومجيتيش (ضربة شمس)

المدونة الحدث

المدونة الجامدة

المدونة اللى م الاااخر

المدونة التى ستقلب موازين القوى التدوينية ف مصر والوطن العربى

http://darbetshamss.blogspot.com/


المدونة بتاعتنا كلنا

المدونة الخلاااصة

انتووا لسة بتقرووا

يللاااااااااااااااا..مستنيااكوا

المـــفـــــــقــــــــوعـــــة مــرارتـهــا يقول...

فاتيما ...
=====================
قرار فيفاوي رقم تلاتة .. حكمت فيفي هانم علي فاتيما يرحمها الله بوضع قطعة شاش علي فمها لحين أنتهاء المدعوة فيفي من كتابة يوميات سوسو من وجهة نظرها

حقي وأنا حرة فيه ان كانت سوسو سابتلي الكي بورد وقالتلي اكتبي اللي في نفسك ... هاتيجي انتي وتبطحيني
خليكي عاقلة احسن لك فيه ناس عاوزاكي

المـــفـــــــقــــــــوعـــــة مــرارتـهــا يقول...

قوس قزح ...
=====================
انا الهاع بتاعتي ارق من الهاع بتاعتك حتي اسمعي كدة
هاع
سمعتي حاجة بقي ... انا شايلة البت سوسو في الحفظ والصون ماتخافيش عليها .. هي متشالة رهن .. هاودوني انتم بس وهي ترجع سالمة غانمة بعون الله

المـــفـــــــقــــــــوعـــــة مــرارتـهــا يقول...

حبيبـــــــة القمـــــر...
=================================
ده مش احتلال ده حق ومكفول البت قالت اللي حصل طب مش جايز انا ليا رأي تاني اسمعوني وخليكوا حلوين

المـــفـــــــقــــــــوعـــــة مــرارتـهــا يقول...

يوميات فنانه مفروسه جداا
=============================
ماتخافيش متشالة ياختي
ماتجمدي أومال انتي هاتفتحي المندل
انا هااقولكم علي مكانها البوست الجاي بس اصبروا وجايز اسمعكم صوتها كمان
سد ياماما سد

المـــفـــــــقــــــــوعـــــة مــرارتـهــا يقول...

دعاء مواجهات...
====================
انا جاية مادمتي دعيتيني
اول دعوة بالصلاة ع النبي

د/أبويحيى وادم يقول...

لغتى هويتى.. الى كل عربى يتحدث بحرف الضاد، الى كل مسلم غيور على لغته وهويته الاسلامية ،الى كل من يريد العز والفخر لأمته وهويته الى من يبتغون النصرة ان شاء الله، الى من يسعون الى الصلاح والاصلاح ...ندعوكم جميعا اخوانى وأخواتى الافاضل الى المشاركة معنا فى هذه الحملة والتى شعارها (لغتى هويتى )وندعوا فيها الى أحياء اللغة العربية فى كل كتابتنا بجميع المدونات والمواقع والمنتديات وموقع الفيس بوك هذا الاسبوع بأسلوب سهل بسيط لا ندعوا الى أستخدام غريب الالفاظ أوالالفاظ الفخمه ولكن ندعواللبعد عن الالفاظ البذيئة والعامية المتدنيه ، لنثبت لانفسنا اننا أمة مسلمة عربية ، نثبت لانفسنا اننا نحب لغتنا ونعتز بها اكثر من اى لغة اخرى، هذا هو هدفنا.... يدك بيدنا ننشر الامر بكل المواقع والمنتديات والمدونات والايميلات- لله عز وجل فقط نفعلها ، لحفظ ماء وجوهنا أما أنفسنا نفعلها ، ليذكر فى التاريخ اننا ما زلنا عرب نفعلها ،لتأتى يوم القيامة امام الله وتقول يارب عملت على نشر لغة كتابك وإحياءها لا اندثارها ...هذه الحملة هى حملتك انت ليست ملك لاحد انت المسؤل عنها امام الله فأنظر ماذا ستفعل!!!!!!!!!! لمزيد من التفاصيل بمدونة (ادم ويحيى) www.sunlightatnight.blogspot.com التصميمات الخاصة بالحملة موجوده بالمدونة فلنرى الله من انفسنا خيرا ونتوكل على الله ونبدأ الان بسم الله ــــــــــــــــــــ

سومه...مجنونه فى بلد عاقل يقول...

وقعتى فى براثن من لا يرحم انا قلت الرجاله هم اللى حيعملوا انقلاب مش حماتك
هههههههههههههه
واضح ان فيفى قويه عن سوسو
تحياتى ليكى سومه_87

la3lahakhier يقول...

لا
انا
جيت غلط
انا كنت بدور على موقع للطبيخ يا خونا
اخرج منين

معلش يا مفقوعة بقى كفيانى حماوات
الارتكرية بتتعبنى منهم

dina seliman يقول...

ايه ياسوسو فينك
خطفوكى ولا ايه

وبعدين لو فىفى نفسها فى مدونه قللها تعمل يوميات حماه فاقعه الناس

وربنا يفك سجنك وتطلعيلنا بالسلامه
بعد متقومى بالانتفاضه

بت خيخة وأى كلام يقول...

سوسووووووووووو
انتى فين يا غالية
سوسو اتخطفت يارجالة
حماتها علقتها يارجالة
فين الرجالة اللى هنا
الواد ابو بورتقانى ده راح فين؟
سوسوووووووووووووووو
واااااااسوسوتاااااااااااه
واااااامفقوعتاااااه
واااااااااااااااحسرتااااااااااه
على المسكينتاااااااااااااه
ماكنش يومك يا سوسو
يوم ماتمسك فيفى العهد من بعدك

حد ينقذ سوسو يا جماعة من براثن فيفى

لا محدش يزقنى
انا ماليش ضعوة بالليلة دى
انا اعدد واندب حظ سوسو العاثر فقط
انما اروح اخلص دى مش شغلتى
شوفلكم حد يخلص بدالى

انا خيخة يعنى ماليش فى الليلة دى

سلام

wanna b a physician يقول...

حتى هى جت يانهار الحق اخبى نفسى بقا وبنتى المدونة بتاعتى يعنى
سلام يادوب الحق اهرب

hamssah يقول...

ازيك يا مفقوعه يا حبيبتي ايه اللي حصل ده ايه الديمقراطيه دي اهو كده الرأي والرأي الاخر بس يا ترى فيه حزف ؟ يعني فيه رقابه ولا ؟؟
همسه

رئـــــيسـة حزب الأحلام يقول...

ونزلت فيفى
ازيك ياحاجة فيفى
لا دانت ست زى الفل هو حد يقدر يقول غير كدة لا لا مش انا اختها بس ولا اعرفها الحقينى يامااااااااااااااااااااا
معلش لامؤاخذة احنا بنبيع فى اول محطة
تحياتى لكى ياقمر

المـــفـــــــقــــــــوعـــــة مــرارتـهــا يقول...

سومه...مجنونه فى بلد عاقل
===========================
فيفي قلب الأسد
فيه حاااااجة ؟

المـــفـــــــقــــــــوعـــــة مــرارتـهــا يقول...

la3lahakhier
=====================
أقفي عندك هنا ... هو دخول الحمام ذي خروجه ... قرار فيفاوي رقم ماأعرفش أيه ... يجب التوقيع في دفتر الحضور والأنصراف وكل من تسول له نفسه بالفلفصة من هذا القرار يحبس حبس إنفرادي ويمنع من الأكل لمدة اربعة وعشرون ساعة

المـــفـــــــقــــــــوعـــــة مــرارتـهــا يقول...

dina seliman
=====================
سوسو في الحفظ والصون شايلاها أمانة ماتستاهلش عشان آخد فيها تأبيدة

المـــفـــــــقــــــــوعـــــة مــرارتـهــا يقول...

بت خيخة وأى كلام
=====================

خدي انتي طبق السد الحنك ده ... واسكتي بدال ماخليهم يقولوا واخيخاتااااااااااه
واحسرتاه علي الشابتاه

المـــفـــــــقــــــــوعـــــة مــرارتـهــا يقول...

wanna b a physician
=========================
الجري نص الجدعنة ... اهو انت كدة تعجبني
ابقي تعالي ماتقطعش الجوابات

المـــفـــــــقــــــــوعـــــة مــرارتـهــا يقول...

hamssah ........
=====================
روقابة .. يعني ايه ؟
دي جاية من قصف الرقبة

تنوري في أيتها وقت

المـــفـــــــقــــــــوعـــــة مــرارتـهــا يقول...

رئـــــيسـة حزب الأحلام
===========================
أنا وراكوا وراكوا والزمن طويل ... بس لما أبقي أشوفك

فاتيما يقول...

إمممممممممم
ممممممممم
كدا يا فيفى ؟؟؟
مااااااشى
أنا بشجب و أعترض
و أدينى ساكتة بس من غير شاش خلاص
بس دا عشان خاطر سوسو بس وحياة أعز قططك
المثل بيقول أصبر على الجار الإيه ؟؟

المـــفـــــــقــــــــوعـــــة مــرارتـهــا يقول...

فاتيما
=============
انتي لسة صاحية ... روحي نامي
كفاية مناقرة كدة النهاردة
البوست الجاي وعليكي خير

اهو ده عيبه يقول...

يااااما
ايه الرعب ده
بقى انا اجى الاقى فيفى هى اللى واقفه ع الباب وكمان فى ايدها السكينة
لا والنبى انا مش حمل كده
حد يقولها تنصرف لحسن انا بخاف
وطلعوا سوسو من بطنها لحسن باين عليها شفطتها

المـــفـــــــقــــــــوعـــــة مــرارتـهــا يقول...

اهو ده عيبه
===================
انا ماأكولش غير كندوز .. سوسو دي جملي عجوز تقف في زوري تخلص عليا ..
ماتخافيش الأمن مستتب والحالة منغنغة وانا دخلتي عليكم في المدونة بالدنيا

NoRaaMaHdy يقول...

انا اعترض


لا ياست فيفى انتى احنا عايزين سوسو

وكمان شبكه ايه اللى بتتكلمى عليها

وهى انتى لسه عايزة شبكه ..ياستى ماتروحى بتكم بقى وقومى من على البت

هاجبلك الواد بليه والواد زنقر يتصرفو معكى

وهاالم عيال الحته كلها لحد ماتطلعى سوسو

ياسوسو يابلاش وحده غيرها مابنقراش

وقد اذعر من اخوف ..انا بقول اهو


سوسو

سوسو

سوسو

تسقط فيفى مش عايزينها

سوسو انتى فين يابنتى


ياعينى ياضنايا اكلتك الست دى


ارجع تانى الاقى سوسو موجوده

والا هانفذ تهديدى

وانا قولت اهو

يلا سلامانجو

صيدلانيه طالعه نازله يقول...

و الله يا طنط يا ما قلنالها دى حماتشك دى زى مامتشك و مايصحش تعملى فيها كده و هيا ابدا اللى فى دماغها فى دماغها و ما فيش فايده
يالا بقى عمرها ووقف لحد هنا
و محدش بياخد اكتر من نصيبه
على فكره يا طنط انا بحب القطط جداااااااا تحبى كل يوم ابعتلك اكل للقطه و لا آجى احميهالك بنفسى

معلش بقى يا مفروسه كل وقت و له اذان
و ارقص للقرد فى دولته
هههههههههههههه

صوت من مصر يقول...

الجرى نص الجدعنه
انا بجرىىىىىىىىىىىىىىىىىىىىىى

Eldebug يقول...

حاول التعليق فى وقت اخر ... تيت تيت تيت

المستنصر بالله يقول...

اول مره ازور مدونتك بجد مدونة جميله بالتوفيق

المـــفـــــــقــــــــوعـــــة مــرارتـهــا يقول...

NoRaaMaHdy
=====================
وبعدبن معااااااكي ؟
اتقي شر فيفي اذا غضبت
سيبها ياحنفي المرة دي ... دي لسة صغيرة ماتعرفش مصلحتها فييييييين

المـــفـــــــقــــــــوعـــــة مــرارتـهــا يقول...

صيدلانيه طالعه نازله
==========================
قرد ليه بس مااحنا كنا ماشيين كويس ... كدة هاتزعليني منك وانا زعلي مش حلو .. وأسألي البت سوسو

المـــفـــــــقــــــــوعـــــة مــرارتـهــا يقول...

صوت من مصر
=================
ليه كدة بس يعني ده جزاتي اني جيت اضيع وقتي الثمين معاكم
ده لولا القطة ماتت ماكانش زماني شميت خبر باللي بيحصل من وري ضهري
أمسكووووووه ... كان فيه ربع جنيه مخروم علي الترابيزة هاتوه منه

المـــفـــــــقــــــــوعـــــة مــرارتـهــا يقول...

Eldebug
==================
آلووووووووووووووه .. آلوووووووه ألوه ياأمم آلووووووووووووووه
يادي الخطوط وسنينها انت هوائي ولا ايه ؟

المـــفـــــــقــــــــوعـــــة مــرارتـهــا يقول...

المستنصر بالله
=====================
منورة بوجودي ... طووول عمر جيراني يدلعوني ويقولولي يانجفة من كتر النور اللي بادلدقه علي المنشطقة

المستنصر بالله يقول...

على فكره انا كده فهمت السر ليه الدنيا بتنور عندى لما بادخل مدونتك
تحياتى ليكى

دكتور بهــدوء يقول...

سوسوووو
يا سووووسووو
حدش شاف سوسو يا ولااااا
ارجعي ياسووووسوووو

هيه اللهم احفظنا عملت فيكي ايييه
طب العيال سولام
طب الكومبيوتر مانصهرش ولا اتتحجر م نظراتها التحت حمراااء ليه؟؟؟
لا اله الا الله
نهبوا جهازك يا نقاوه عينيىىىى
============================
جاي من تحت اللحـ....سوري م فوق الكتاب اطمن وارجع تاني دعواااااااتك

Miss. Sosa يقول...

ما تخفيش ياسوسو جورج بوس بنفسه جاي يحررلك المدونة

هو تليفون صغير اقوله ابن لادن بيبث افكاره عبر مدونتك وهم يجوا ينسفوها ويعاملوا فيفي معاملة صدام

المـــفـــــــقــــــــوعـــــة مــرارتـهــا يقول...

المستنصر بالله
===================
شفت بقي النجفة اللي بيتنا منورة عندكم ازاي ؟
عشان كدة لازم نلم من بعضينا ونشتريلها لمبات بدل اللي اتحرقت .. ربنا مايحرقلك لمبة

المـــفـــــــقــــــــوعـــــة مــرارتـهــا يقول...

دكتور بهــدوء ........
==========================
بلاها سوسو خد فيفي
صدقني فيفي ألذ وهاأوزع لحمة علي المدونين ... بدال كوباية شربات هاديك شاندوتش لحمة فيه احسن من كدة في الدنيا ده انا من بيت كرم
ربنا معاك

المـــفـــــــقــــــــوعـــــة مــرارتـهــا يقول...

Miss. Sosa
=====================
بوش معايا علي الخط ... وبيقولي شاوريلي بس علي اللي يزعلك وان اقتصلك منه

خلاص يابوش دي سوسة وغلطت مش هاتكررها تاني

مدحت محمد يقول...

ههههههههههههههه

الله يرحمك كنتى ست طيبة

كراكيب يقول...

يا حبيبتي يا عين امك يا سوسو يا حسرة قلبي عليكي
احمممممم اوعى تكون حماتك بتقرا الكومنتات كمان يا دي النصييييييييبة
طب نعدل كلامنا بقى
ايه يا سوسو حرام عليكي ماهي حماتك سكرة وزي الفل اهي
دي نسمة دي تتحط على الجرح يشيط أأ أقصد يطيب
ياريت كل الحموات في طيبتها ورقتها و..... وقلبي معاكي يا بنتي

د/أبويحيى وادم يقول...

السلام عليكم ورحمه الله وبركاته
آختى الكريمة
لما أراك لم تشاركى معنا فى حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

بنوته مصرية يقول...

يااااااااااه يا طنط انا كان نفسي اشوفك من زمان

واشتكي من مرات ابنك دي دي مفتارية وقاوية

دانتي عثل اهوو امال كنا فكرينك نكادية وقوية ليه



هههههههههههههههه الواحد ينفد بجلده احسن

معلشي يا صحبتي احنا مش قد فيفي يختي
ههههههههههه
الله يكون في عونك بجد

المـــفـــــــقــــــــوعـــــة مــرارتـهــا يقول...

مدحت محمد
===================
الرحمة تجوز علي الحي والميت .. ربنا يرحمها دي كانت مفترية وقوية ومستقوية

المـــفـــــــقــــــــوعـــــة مــرارتـهــا يقول...

كراكيب
=================
لأ باين عليكي ناصحة وبتفهمي
حتة لحمة ذيادة هنا للمازمازيل

المـــفـــــــقــــــــوعـــــة مــرارتـهــا يقول...

د/أبويحيى وادم
======================
الحقيقة انا باحب استخدم العامية .. لأن الساخر يفضل فيه العامية
فعشان كدة مااقدرش اشارك مع حضرتك
وماقدرش اطالب غيري بحاجة انا مش هاينفع أعملها
ربنا يوفقك

المـــفـــــــقــــــــوعـــــة مــرارتـهــا يقول...

بنوته مصرية
====================
البركة في المخفية علي عينها سوسو
ده انتي لو شفتيني تحبيني وتتمني كدة من قلبك إني أكون حماتك أنتي
ماعلش نصيبك كدة اني مش حماتك

HERO يقول...

ولا يهمك منها خليكي ثابتة ولو عزتي اي حاجة مش تتصلي بيا لو سمحت

انا حاسس انك اتجوزتي ابنها من وراها مثلا بينكوا طار قديم مش عارف مش مستريح للعلاقة ما بينكوا ربنا معاكي

تحياتي

dodda يقول...

اممم
طب من بكره احب اشوف بقى ان اسم المدونه اتغير "مرات ابنى ملاااك"

ساعتها بس حجيبلك هديه مرصعه بالقنابل...قصدى بالاماظ
;O)

سمرا يقول...

بصي يامدام فيفي
هو انا صيحي مش متجوزه
بس انت لوحدك اصلا فاقعه مرارتي
من هنا ورايح

لو حتتكلمي

متفقعيش مرارتي الله يسترك
كفياه مفقوعه ف مرارتها واحده
متخليهومش اتنين

سمرا يقول...

سوسو ياحبيبتي
ولا يهمك ياماما

وراكي رجاله
ان شالله تحتل مدونات مصر


كفايه فقع مراره

NoRaaMaHdy يقول...

لالالالالا من الواضح انك مش تعرفينى

وانا بقولك اهو انذار اخير

رجعى سوسو احسن لك

خافى على نفسك..بدل مابعت صاروخ نتى ميلى وتكونى انتى الهدف

وكمان حنفى مين


بقولك زنقر وبليه تقولى حنفى ..شكلك طيبه قوى

رجعى سوسو ..انا بقول اهو

دا انذار اخيييييييييييييييير

يلا ومفيش سلام كمان هه بس

المـــفـــــــقــــــــوعـــــة مــرارتـهــا يقول...

HERO
===================
معاك فيفي اللذيذة
انت فاكر أبني يقدر يتجوز من غير رضايا ده انا كنت حرمته من طلتي عليه وكان زمانه قاعد علي باب بيتي مستني الرضا والسماح

المـــفـــــــقــــــــوعـــــة مــرارتـهــا يقول...

dodda ...
====================
طب هي كانت بتنافقني وبتحاول تضحك عليا .. قال ملاك قال .. طب انا بقي اخليها ملاك ليه .. وهو فيه ملاك يتجوز أبن فيفي فلذة كبدها

المـــفـــــــقــــــــوعـــــة مــرارتـهــا يقول...

سمرا ....
=====================
بعد الشر عليكي من فقع المرارة خدي عشر اقراص أسبرين وانتي هاتبقي عال العال

المـــفـــــــقــــــــوعـــــة مــرارتـهــا يقول...

NoRaaMaHdy
=====================
انتي جيتي تاني
انتي بتهدديني ببلية .. انا مايخوفنيش غير كورة كافار

nonoymm يقول...

ياخبر يا خبر
بجد دة ولا ايه
انتي فيين يا مفقوعة

Soooo يقول...

هايله موووووووووووووووووووووت النقله دي

فكره ملعوبه صح الصح

وبالنوسبه للحاجه فيفي
انا من الاول كنت حاسس انا بتتبلى عليكي
طب ده المثل بيقول .. اعز من الولد .. تطلع البنت لامها

ومنتظرين انك تفضحي سوسو الشهيره بابو سريع

وربنا ينصرك على كيد الحاقدين
الله معاكي يا فيفي


ملحوظه
انتي عرفتي منين اني لابس بورتقاني؟؟؟؟
ده انا اتسرعت بجد والله العظيم لما لقيت الكلمه دي
شكلك سرك باتع ياحاجه فيفي
دستووووور ياهل البيت
حابس كابس لابس



سلاموووووووووووز

momken يقول...

اهلا اهلا اهلا بست الكل
تعرفى يا طانط والله انا باجى فى صفك طول عمرى
وعارف انك طيبه ومؤدبه وميطلعش منك العيبه
ادانتى متربيه عالغالى

بس عاوز اقولك ان البعيده الى اسمها سحر برضه من حقها تفضض مع شويه المقطيع الى لماهم حوليها

بدل ما يجلها كبت ولا اكتئاب
سيبيها تبعبع
وعلى رأى ياسر عرفات
( يا جبل ما يهزك ريح)
ويعنى كلامها بيذهب ادراج الرياح
وانا من موقعى هذا اؤيد وابايع حضرتك
وتنورى المدونه
بلسانك الى زى السكر ده

تحياتى

همس الاحباب يقول...

يا سلام عليه انا
فعلا لكل ظالم نهاية هههههههه
جاءلك الموت يا تارك الصلاة
مش قولتلك فيفى دى ملاك
وزى القمر وليها افضال عليكى
كدبت انا
انا يا ست فيفى من اكبر المؤيدين لحضرتك ودايما بشكر فيكى حتى اسالى سوسو ولا بلاش سوسو
مسير الحق يبان ونعرف الحقيقة يا فيفى هانم
وسلامى للست سوسو ههههههه
تحباتى

المـــفـــــــقــــــــوعـــــة مــرارتـهــا يقول...

nonoymm
----------------
ماتخافيش عليها ... سوسو دي عاملة ذي القط بسبع أرواح
انا شايلاها في الحفظ والصون

المـــفـــــــقــــــــوعـــــة مــرارتـهــا يقول...

Soooo
================
ماتتخضش كدة أومال ... البرتقان مالي البلد ...ده انت ذي أبني الصغنن

المـــفـــــــقــــــــوعـــــة مــرارتـهــا يقول...

momken
===================
انت تستاهل حتة مخلل مع الشانتوتش عشان الكلام الحلو ده

المـــفـــــــقــــــــوعـــــة مــرارتـهــا يقول...

همس الاحباب ...
=====================
مش كنت تعقلها البت المجنونة دي ؟
اهي الفاس وقعت في الراس وهاقتص منها

مش عايز أتجوز يقول...

لذيذة أوي..بس من غير الهااع هاع هاع دي لأنها بتفكرني بالضحكة المصطنعة للبطل الشرير في أفلام الكارتون

يلا معلش الأيام دول

لسة نونة يقول...

هههههههه

مدونة جميلة

ماشاء الله عليكى

اختى الفاضلة لقد اجبت على سؤالك كما وضعت بوست خاص بما اشرتى الية


تحياتى

الجدة فصيحة يقول...

السلام عليكم ورحمة الله وبركاته


بعد طول انتظار تشرفنا بمعرفة الحماة الجهنمية فيفي
أهلا وسهلا يا فندم

ونوصيكي بالمفقوع مرارتها خيرا


تحياتي

مصطفى عثمان يقول...

فيفي فيفي
نداء من الشعب المصري
عايزين سوسووو عايزين سوسوووو
وديتي البنت فين
على فكرة مش هتعرفي توصلي لولادي لانهم لسه مجوش ااساسا
رجعلنا سوسو
عايزين سوسووووووووووووو

زهرة الياسمين يقول...

يا عينى عليكى يا مفقوعه
كنتى طيبه و بنت حلال

صلطح يقول...

السلام عليكم

====================
رغم انى اول مرة ادخل المدونة لكن ان شاء الله اتابعها مش عشان البوستات الى بتنزليها
ولكن عشان اعرف العركه بتاعت حضرتك وحماتك حتوصل لفين

===========================
وصلطح صلطح ياعم الحاج

alexandrany يقول...

طيب
بما اني اول مرة أدخل المدونه دي
وبما اني مش فاهم حاجه خااااااااااااااالص
وبما اني الصراحه يعني مش لاقي وقت اقرا دلوقتي كل اللي فاتني
فحبيت اسجل حضور بقي وأمري الي الله

أنا معاك يا فيفي بيه
انا معاااك
:)

مروة جمعة يقول...

ايه الحرب الشعواء دي
صباح الفل يا فيفي
هههههههههههه

Abeer يقول...

اول مرة ادخل هنا بس شكلها مش هتكون الاخيرة
ومن أول مرة .. بطالب بخروج المدعوة فيفي وعودة المقهورة سوسو الى ديارها
والسلام ختام

ayman badr يقول...

ايوة هى دى الديمقراطية وإلا فلا لازم تتاح فرصة التعبير عن الرأى
بوست يجنن ومستنيين تصريحات الريسة فيفى فى البوستات الجاية
سلام

NoRaaMaHdy يقول...

انتى بتتريقه على بليه ولا ايه يافيفى هانم

ولااااه يازنقر هات العده ياض

وتعالى هنا ...انا بقى قاعده فى المدونه

لحد ماتظهر سوسو

بليه قفل المكان ..ماحدش يدخل ولا يخرج الا لما اعرف


ياانا ياانتى يافيفى


ارجعى لعقلك احسن وهاتى سوسو

خمسة فضفضة يقول...

السلام عليكم ورحمة الله وبركاته

ياخبر ياخبر ياخبر المدونه بقي فيها فيفي

لا وكمان هاتدبح اللي دخل هنا مرتين

اما اروح الحق اخبي تعليقاتي لتعرف اني زبونه دايمه هنا وتيجي تلبدلي علي باب المدون والبلد اليومين دول فيها ازمة لحمه
والجزارين ماهيصدقوا يلاقوا دبيحه رخيصه

سلام ياسوسو ياختي العمر مش باعزقه

امل يقول...

السلام عليكم ورحمة الله
ازيك يا فيفي انا بريئة والله انا حتى بعت لك السلام البوست اللي فات مكنتش اعرف انك هتيجي على طول كده غلطة ملحوقة منوره المدونة طيب بالمرة بقى سلميلي على مفقوعة عشان ترجع البوست الجاي هي كمان ههههههه تحياتي لسيادتك

شهد الكلمات يقول...

شكل الست دي بتتكلم عليا انا لابسة برتقالي دلوقتي يعني اقوم لها ولا اية يا سحر

يظهر كدة انها سمعت كلامي المرة اللي فاتت لما قولتلك هاتعملي اية لو عرفت و جاية تطلع عنينا
بس ما تخافيش الصياعة ادب مش هز كتاف
و لو قالتهم نيلي نيلي هانقولهالها شريهان شريهان
و اللي عاجبة علي الكحل يتكحل و اللي مش عاجبه يتفضل يرحل

Gannah يقول...

طنط فيفى
ازيك يا طنط. منورة المدونة اوعى تزعلى من مفقوعة دى بتحبك خالص واحنا كمان يا طنطى
روقى كده ووفرى السكاكين وبلاها دم
دا حتى انت باين عليك طيبة واميرة امال مفقوعة بتكتب فيك شعر ليه؟!!
باى يا طنطى
تحياتى

(احمد سكر ) يقول...

هههههههههههههه
احتلال

احتلال

هتطلعه على عنيكى يافيفى

بس بجد ماشاء الله عليكى

بجد بوست دمه خفيف اوى

تحياتى لاختى الجميله

اخيكى
احمد سكر

Desert cat يقول...

ان شاء الله غدا السبت 14/6
يتم اذاعه حكاية حضرتك انا والنت
فى البرنامج الاذاعى انت تسال والكمبيوتر يجيب
http://netonradio.blogspot.com/
الذى يذاع يوميا ما عدا الجمعه الساعه 9.10 صباحا على اذاعه البر نامج العام
تحياتى
وتمنياتنا بدوام التواصل

همس يقول...

ياربنا هيا وراكى وراكى

حموات اخر زمن

اقلك اعملى مدونة تانيه وسميها

المستخبيه من حماتها

وربنا يهدى الكل

تحياتى يا مفقوعه

والف سلامه من الفقعه

سومه...مجنونه فى بلد عاقل يقول...

ايه يا سوسو مختفيه ليه حماتك جتلك ولا ايييييييييه
تحياتى ليكى سومه_87

اوعى تفكر يقول...

هههههههههههههههههههههه
حماتك خطفت منك المدونه
بس انا يا ستى الحاجه طول عمرى بقولها عيب
حماتك دى ست طيبه
وهى مفيش فايده
يا ستى يهديك يرضيكى
برضه مفيش فايده
بجد انا اصلا داخل المدونه دى غلط

صبرني يارب يقول...

كويس يا مفقوعه ان جت على الشبكه بس ما قالتش ا عمل فرح كمان

Geo Amr يقول...

دة اصعب من الاحتلال الانجليز لمصر

شفقة هانم واحسان بك يقول...

اخ معلش يا مفقوعة يا حبيبتى راحت عليكى بقى
انتى اللى جبتيه لنفسك بقى فيه حد فى الزمن ده يشتكى حماته بردوا ....معقول المجانين بس هما اللى بيعملوا كده يا ماما
معلش خيرها فى غيرها ونورتى يا فيفى ولو ان صعبان عليا المفقوعة كده بقت المرحومة

المـــفـــــــقــــــــوعـــــة مــرارتـهــا يقول...

مش عايز أتجوز ...
===================
سيبك أنت من الضحكة
عندي عروسة ليك إنما أيه ؟
مامتها ماتتخيرش عني كدة
هاتبقي حما سُقع خالص

المـــفـــــــقــــــــوعـــــة مــرارتـهــا يقول...

لسة نونة
==================
منورة أنا جاية المدونة أهوه أشقر عليكي

المـــفـــــــقــــــــوعـــــة مــرارتـهــا يقول...

الجدة فصيحة
===================
وانتي برضه هاتوصيني علي سوسو
دي ان ماشيلتهاش الأرض أعبيها في أكياس سودة وأرميها في الترعة
هي تؤمر بس

المـــفـــــــقــــــــوعـــــة مــرارتـهــا يقول...

مصطفى عثمان
========================
انا قلبي أسود ومش بأنسي
وهااعمل ذي الساحرة الشريرة أول ماتجيب عيل هاأخطفه

المـــفـــــــقــــــــوعـــــة مــرارتـهــا يقول...

زهرة الياسمين
=====================
ده انتي اللي طيبة
سوسو دي سوسة ومش سهلة أبداً

المـــفـــــــقــــــــوعـــــة مــرارتـهــا يقول...

صلطح
==============
صلطح ياأبني مادامت فيفي دخلت عركة يبقي هي اللي تكسبها
ده سلو بلدنا

المـــفـــــــقــــــــوعـــــة مــرارتـهــا يقول...

alexandrany
===================
أنت من أبناء العهد الجديد
وأنا العهد الجديد يبقي انت من أبنائي
هات ميت جنيه

المـــفـــــــقــــــــوعـــــة مــرارتـهــا يقول...

مروة جمعة
====================
صباح الفل والياسمين
منورة مدونة فيفي

المـــفـــــــقــــــــوعـــــة مــرارتـهــا يقول...

Abeer ...
===================
سوسو مش هاترجع
سوسو رااااااااااح

المـــفـــــــقــــــــوعـــــة مــرارتـهــا يقول...

ayman badr
=================
خد عندك واحد تصريح فيفاوي للأخ أيمن
عندك واحد شانتاوتش لحمة وصلحه

المـــفـــــــقــــــــوعـــــة مــرارتـهــا يقول...

NoRaaMaHdy
=====================
سوسو باح .. سوسو راااااااح
أرجعي لعقلك أنتي وشيلي سنقر بدال مايحصلها

المـــفـــــــقــــــــوعـــــة مــرارتـهــا يقول...

خمسة فضفضة
=====================
وعليكم السلام ورحمة الله وبركاته
مادمتي رميتي السلام يبقي سماح المرة دي

المـــفـــــــقــــــــوعـــــة مــرارتـهــا يقول...

امل
==============
سلامك يوصل
بت ياسوسو أمل بتسلم عليكي

المـــفـــــــقــــــــوعـــــة مــرارتـهــا يقول...

شهد الكلمات
=====================
هو انتي فاكرة انها هاتكتب عني وتطلع منها كدة ذي الشعرة من العجينة لازم آخد بطاري منها

المـــفـــــــقــــــــوعـــــة مــرارتـهــا يقول...

Gannah
====================
بقي مفقوعة بتحبني قال
حبها بورص مكسح

المـــفـــــــقــــــــوعـــــة مــرارتـهــا يقول...

(احمد سكر )
=====================
منور ياسكر
مش هاتاخدني فسحة بالطيارة بقي علي حسابك

المـــفـــــــقــــــــوعـــــة مــرارتـهــا يقول...

Desert cat
====================
شكرا علي تبليغك الخبر
بس انا صحيت النهاردة بعد تسعة ونص
وفاتني البرنامج

المـــفـــــــقــــــــوعـــــة مــرارتـهــا يقول...

همس
==================
أحم أحم فيفي هنا

المـــفـــــــقــــــــوعـــــة مــرارتـهــا يقول...

سومه...مجنونه فى بلد عاقل
==============================
عاوزة أخرج بقي معاكم
يشمعني سوسو
والا انتم تخرجوا سوسو وفيفي لأة

المـــفـــــــقــــــــوعـــــة مــرارتـهــا يقول...

اوعى تفكر
=====================
العقل زينة
هي اللي جبته لنفسها
وجنت علي نفسها سوسو

المـــفـــــــقــــــــوعـــــة مــرارتـهــا يقول...

صبرني يارب
=====================
انا لو حبيت أعمل فرح كنت عملته من زمان ... هو انا بيهمني

المـــفـــــــقــــــــوعـــــة مــرارتـهــا يقول...

Geo Amr
====================
ده احنا اللي علمنا الأنجليز يعني ايه أحتلال

المـــفـــــــقــــــــوعـــــة مــرارتـهــا يقول...

شفقة هانم واحسان بك
=========================
صدقوني انا الذ
ده انا حتة سكر واقع عليه عسل مبوظه

Desert cat يقول...

ممكن حضرتك تسمعيه فى البـ box
من الموقع
htto://desr.to/cairo
او المدونة
http://netonradio.blogspot.com/

حاجات جوايا يقول...

اهلاااااااااااااا
فيفى
مش ممكن
ده انا كنت هموت واتعرف عليكى يا حبيبة القلب من جووووووه
وياما نصحت سوسو تعاملك بالذوق واللطف وتكون ايدها فرطة معاكى
ده انتى حبيبتى وروووووووووحى
حتى كنت شايلالك باكو الشيكولاتة الجالاكسى ده ورا التفاحة عندى فى المدونة عشان أديهولك اول ما أشوفك
كليه يللا بسرعة قبل ما سوسو تيجى لا تاكله منك وتقول مجوعاااااااانى ما انتى عارفاها علطول عينها عاللى فى ايدك
أيوووووووووووه كلى يا حجبيبتى بالهنا والشفا
تاخدى عصير تبلعى
تحبى عصير ايه ؟
ايه ؟ جريب فروت ؟
وماله يا حبيبتى غالى والطلب رخيص أصلك متعرفيش التفاحة دى وراها ايه ؟؟ دى مليانة خيررررررررررر


أيوووه بالهنا يا حبيبتى
ألف هناااااااااااا

عن إذنك بقى أصلى مسافرة سويسرا



هع هع هع
الشيكولاتة فيها سم قاتل
والعصر فيه بودرة نمل وسم فيران

هع هع هع


أوعوا حد يلحقها خلينا نخلص البنية المسكينة سوسو من براثنها



سلام يا سوسو هابقى اطل عليكى بقى من سويسرا

باااااااى

سالى

المـــفـــــــقــــــــوعـــــة مــرارتـهــا يقول...

Desert cat
===================
شكرا ياقطة علي اهتمامك
نخدمك في الأفراح يارب

المـــفـــــــقــــــــوعـــــة مــرارتـهــا يقول...

حاجات جوايا ...
=======================
انا فيفي طول عمري واعية وناصحة وعمري ماآخد حاجة من حد غير لما أدوق قطتي منها ... هي قطتي آه غالية عندي بس مش أغلي عندي من نفسي
وبعدينده سممابيموتش
القطة ذي القردة أهيه عمالة ترمح وبتقولك كماااااااااااان

حاجات جوايا يقول...

عاااااااااااااااااا

مفيش فايده

صحيح زى القطط بسبع أرواح

ده انا كنت خلاص بحضر فى الشنط وناوية أهاجر على سويسرا

يللا مفيش نصيب المرة دى

خيرها فى غيرها

هههههههههههههههههههه

ده انتى حبيبتى يا فيفى
ههههههههههههههههههههههه

Ms3a_miso يقول...

والله احلى حاجه فيكي انك بتفشي غلك هنا بدال ماتتجنني
وقدامها ماتقوليش تلت التلاته كام
احنا جايين نهدي النفوس

المـــفـــــــقــــــــوعـــــة مــرارتـهــا يقول...

حاجات جوايا
=================
انتي هاجري علي لبنان وخديني وياكي
ارجع شبابي هناك واعمل ذي نانسي
وتمن الطيارة عليكي
والفندق عليكي
والقطة عليا

المـــفـــــــقــــــــوعـــــة مــرارتـهــا يقول...

Ms3a_miso
====================
فش الغل ممنوع بأمر فرماني من فيفي
احنا نودي سوسو العباسية بدال ماتغلط في الذات الفيفاوية

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه