السبت، 14 يونيو، 2008

فاصل .... إذاعي ... ونعود لفيفي

تحديث
ــــــــــــــــــــــــــــــــ
أختكم مفقوعة منزلة بوست في مدونة فرنسا والرايق
روحوا زوروها
وسجلوا رأيكم هناك
ـــــــــــــــــــــــــــــــــــــــــــــــــــــــــــــــــــــــــــــــــــــــــ
أنا وجوزي والنت
________________
صوابعي بتاكلني مش قادرة بقي....

ياريت يوم الجمعة ده يخلص بسرعة عشان أرجع أكتب وأتابع مدونتي
لما أقوم كدة أحط صوابعي في ماية ساقعة جايز تبطل تاكلني
مافيش فايدة
وبعد برهة صغيرة

ريدي ... أستدي ... جووووووو

دي أنا في طُرقة بيتنا ... بأتجهز للإنقضاض علي الكمبيوتر ... إثر سماعي لمفاتيح جوزي بتشخلل إيذاناً بخروجه من البيت
هييييييييييييييييييييييه

جالي إفراج ... جوزي نزل يشتري الفطار.... لما أشوف المدونة بتاعتي عاملة أيه

وتعدي الدقائق فوريرة وأسمع صوت موتور عربية جوزي بيقرب

هوب تلاقيني أفط أنط جري من قدام الكمبيوتر عشان ألحق أداري أثار الجريمة وأرجع كل حاجة مكانها

ماتستغربوش دي أحداث يوم أجازة جوزي من شغله ... فقد وعدته وعد مشدد إني مش هاأقعدعلي النت ولا صوابعي هاتكتك تكتوكة صغنونة علي أحرف الكي بورد حبيبي
أيوة حبيبي ... مش بزمتكم من حق جوزي يغير من حبيبي
عندك كمان لما بنبقي زعلانين أنا وجوزي مع بعضينا ... عادي أي أتنين متجوزين بيزعلوا مع بعض أومال أيه ؟! أنتم فاكرين الحياة لونها بمبي
لأ دي الحياة لونها بمبي وكوحلي وكل الألوان ... يقوم جوزي مايلاقيش غير طريقة واحدة يعاقبني بيها وهي أنه يخبي كابل الكمبيوتر ...وهو ده العقاب المناسب للمرأة المناسبة في الوقت المناسب .... وأنا أقعد طوووول الليل أدور علي الكابل ... فيييييين حبيبي فيييييييين ... وطبعاً مش بألاقيه.... كان غيري أشطر ....

بقولكم أيه ... مش أحنا أصحاب

تعملوا معايا جمعية أقبضها أنا الأول عشان أشتري أسبير كابل ... يعني بالبلدي كدة كابل أحتياطي

ينفعني في اليوم إللي تطلع فيه زعابيب جوزي

أختكم مفقوعة مزنوقة ياجدعان

ومن قدم شيء بيداه ألتقاه

ويابخت من ساعدني ... بكرة لما يتزنق أكيد راح أساعده
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عرضت لكم بالتقريب ماتمت إذاعته في الراديو ... الذي كان ردي علي سؤال ... ماهو موقف من في البيت من أقبالك أو إدمانك للنت ... وقد عرضت قطة الصحراء مشكورة السؤال في مدونتها علي لسان مدونة الإذاعة
التي عنوانها
http://dear.to/cairo وهاتلاقوا حلقات البرنامج فى البوكس على يمين المدونةhttp://netonradio.blogspot.com/الدعوة عامة للنقاش والحوار للجميع دون استثناء
أبقوا روحوا أسمعوا الحلقة هناك
وشكراً لبرنامج أنت تسأل والكمبيوتر يجيب

هناك 106 تعليقات:

واحدة مفروسة يقول...

هههههههههههههههههه
مفقوعه يا اختي انتي بتحكي عننا كلنا و لا ايه
هههههههههههههههههه
انا بقى ياختي بحاول اعمل لجوزي تنوييم مغماطيسى لما ما يكونشي فيه برامج كوره.....ياااا ده انت شكلك تعبان ...ياه ده انت مرهق قوم نام و من الكلام ده كتير قوم الاقيه بيتاوب و يقولى انا حدخل اريح شويه...اقول الحمد لله جالي الفرج و اول لما اطمن انه دخل اجري زي الرهوان و اقعد على الكمبيوتر ههههههههههههههه
اما بقى الدعاء اللي بيصاحب بقيه الادعيه بتاعتي اليوميه
اللهم كتر الماتشات
اللهم كتر برامج الكوره
اللهم كتر مشاكلهم و برامجهم
ههههههههههه
امال يا اختي اصل كل الحاجات ديه بتخليه فى البيت و مشش حاسس بيا خااااالص
ههههههههههههههه

appy يقول...

ده النت بقى ادمان يا بنتى يا بختك بطلتيه ههههههههههههه
انا معنديش رقيب عليه هههههههههه بالعند فيكى تعالى اقعدى عندى
مبروك الاذاعه يا حبيبى

هيثم الدهشان يقول...

عادى بس انا ممكن اعمل حاجة حلوة نتفق انا المدام على وقت كل واحد فينا يقعد فيه على الكمبيوتر علشان بطريقتك دى يبقى انا مش هاعرف اقعد على المدونة خالص الا لو اشترينا كل واحد جهاز خاص بيه لانه لو جهاز واحد انا ممكن ارميها من فوق برج القاهرة علشان انا اقعد مع حبى الاول ( الكى بورد )

همس الاحباب يقول...

هو فعلا النت بقى ادمان
ولو على الكابل سهل غتدى كابلات احتياطى كتير ابقى اديك واحد هدية عندا فى فيفى هانم
والف مبروك ياستى على البرنامج العام
وعقبال الفضائيات
تحياتى وتقديرى

tamer.sala7 يقول...

ده علي كدة انتي عايزة لينك في الوريد

ربنا يستر عليا انا لو اتجوزت واحدة شرط اساسي تكون جاهلة تكنولوجيا وربنا يستر ومتطلعش مدونة والا البيت حيبقي سيبر ونخلف عيال من علي الماسنجر ونربيهم في البلوج سبوت

كوارث يقول...

انا موافق على موضوع الجمعية
اؤيدك وبشدة
وبعدين بالراحة عالراجل شوية
ده غلباااااااان

HERO يقول...

ياسلاااام
ايه الحلاوة دي ؟
يعني جوزك ليه درة في البيت ؟
بس مش تزوديها بقى علشان الغيرة مش تزيد وممكن يقتله ههههههههه

تحياتي

موناليزا يقول...

ايه نظام لوى الدراع ده
لا ياسوسو لازم تعترضى هو مش متشطر غير على الجهاز ولا ايه

mohra يقول...

لما يخبى الكابل ابقى امسحى قناه الرياضه

GeHaD-----(male) يقول...

انتى كمان مدمنه كمبيوتر
طيب هو جوزك جابه ليه علشان مواكبه العصر ولا الحاح منك
علي العموم لو محتاجه كابل استبن ممكن تعملي طريقه حلوه خالص
تقومي حاطه صباعه ورا الكمبيوتر مكان الكابل وبعدين تقومي حاطه الصباع اللي في الايد التانيه في الفيشه الجهاز هيشتغل بس انتي مش هتعرفي تردي علي البوستات
بهزر طبعا هههههههه

ملحوظه لو مش قادر علي الكمبيوتر علشان ادمنتيه ممكن تجيبي حاجه تسليكي
اتاري مثلا ....
تحياتي

حبيبـــــــة القمـــــر يقول...

تعددت الاسباب والادمان واحد
بجد مصيبه لما الواحد يرتبط بحاجه واحده بالشكل دا لكن هنعمل ايه زي مايكون فيه مغناطيييييييييييييس بيشد وربنا
كل ماالواحد يحاول يبعد يرجع يلزق اكتر من الاول

حاجات جوايا يقول...

هههههههههه
مبروك يا سوسو عالبرنامج
سمعته وجيت اباركلك لقيتك نزلتى الموضوع
عقبال ما نسمع حلقة عن مغامراتك مع فيفى

بس بجد الحلقة كانت جميلة جداااا

عقبال كل مرة ان شاء الله

دمتى بخير حبيبتى

سالى

maha miho يقول...

هههههههههههههههههه
بيفكرني ببابا
بس انا واختي بأه نقوم ما نلاقش الكيسة مرة
مرة ما نلاقيش الماوس
مرة ما نلاقيش الكي بورد

الرجااااااااااالة
اهلا بيهم

المـــفـــــــقــــــــوعـــــة مــرارتـهــا يقول...

واحدة مفروسة
====================
ربنا يخليلنا الماتشات وتعليقات مابعد الماتشات وأفلام الرعب والأكشن إللي بتجذب الرجالة بعيد عن ستاتهم

المـــفـــــــقــــــــوعـــــة مــرارتـهــا يقول...

appy
==================
يابختك .. ولا يابختك علي أيه ؟
مانتي كلها اقل من سنة وتكوني في حزب المتزوجين المحتاجين لأسبير كابل

المـــفـــــــقــــــــوعـــــة مــرارتـهــا يقول...

هيثم الدهشان
====================
انت تتشرط علي عروستك قبل الجواز تكون داخلة بالكمبيوتر بتاعها منعاً للمشاكل وكله يتكتب في القايمة

المـــفـــــــقــــــــوعـــــة مــرارتـهــا يقول...

همس الاحباب ...
====================
بص بقي لما هاشوفك مش هااسلم عليك غير لما تناولني الكابل
انت اللي جبته لنفسك انا شبطت خلاااااص

المـــفـــــــقــــــــوعـــــة مــرارتـهــا يقول...

tamer.sala7
===================
ههههههههههههه
هاتبقوا عائلة نتاوية
مالها ... هاتبقوا ذي الفل

المـــفـــــــقــــــــوعـــــة مــرارتـهــا يقول...

كوارث .........
======================
خلاص انت تقبضها بعدي
بس هاتعمل ايه بيها
هاتشتري كابل انت كمان

المـــفـــــــقــــــــوعـــــة مــرارتـهــا يقول...

HERO
=================
هو مين اللي يقتله ده انا كنت خلصت عليه وخليته يحصله

المـــفـــــــقــــــــوعـــــة مــرارتـهــا يقول...

موناليزا ...
=====================
هااعترض علي ايه والا ايه
خلي المركب تمشي وخلاص

المـــفـــــــقــــــــوعـــــة مــرارتـهــا يقول...

mohra
==============
كله الا كدة
ماهو ممكن يخبي الكابل يوم اتنين
لكن لولاغيت القنوات الرياضية هايفضالي علي طول

المـــفـــــــقــــــــوعـــــة مــرارتـهــا يقول...

GeHaD-----(male
=====================
ههههههههههههههههههههه
ماشي ياعم باين عليك جاسوس من عند الأعداء عاوز تكهربني
وعاوزني أدمن حاجة كمان
مش كفاية علينا النت

المـــفـــــــقــــــــوعـــــة مــرارتـهــا يقول...

حبيبـــــــة القمـــــر
===========================
مفروض يتعمل مستشفي لعلاج إدمان النت والكمبيوتر

المـــفـــــــقــــــــوعـــــة مــرارتـهــا يقول...

حاجات جوايا
==================
ميرسي ياسلسول ... ربنا يخليكي ياجميل

المـــفـــــــقــــــــوعـــــة مــرارتـهــا يقول...

maha miho
===================
بابايا كان بيعمل كدة ... بس كنت بأقول عشان عندي دراسة وممكن يكون خايف عليا ... لكن بعد الجواز كمان ييجي واحد يعمل كدة برضه معايا ... بزيادة بقي
هي الست مفروض تتعامل علي إنها قاصر لحد أمتي ؟

بطوط حبوب يقول...

ههههههههههههه
بقالى كتير كنت محروم من مواضيعك
لعن الله من ايقظ الامتحانات

بس تصدقى العقاب ده عقاب جامد لسه لحد الان وانا طويل وحلو كده-فى عين امى - امى بتعاقبنى بنفس العقاب
بس الظاهر انه مش بالطووووووووووووول كان غيرى اطول

Unique يقول...

هههههههههههههه

ادمان الكمبيوتر ده مالوش حل

بس خللي بالك لا فيفي هانم تمسكها عليكي

وتعملك مشاكل

ههههه

wanna b a physician يقول...

كبل احتياطى
وكمان نساعدك لا حول ولا قوة الا بالله
احنا عايزين اللى يساعدنا هاتى انتى مساعدة
ومن قدم شىء بيداه التقاه وهنيالك يا فاعل الخير والثواب

رئيس جمهوريه نفسى يقول...

طب انتى جوزك انا بقاء الوالد العزيز قبل ما اجيب النت فى البيت كنت برجع متاخر وده كان بيعمل ازمات جبت النت بخلص شغل والمشواير الضروريه واقعد على النت عملت ازمات ربنا يسهل ولما اتجوز حخلى المدام تدمن نت علشان نبقى مرتاحين
فى اتنين جنيه على باب البلوج تبرع للكابل الاحتياطى

Reem يقول...

اتوقع انه ده العقاب اللي هيستعمله
جوزي اللي ما شفتوش لسه اصل فعلا النت بقى ادمان ربنا يستر
بس دي هتبقى حركة ندلة منه اوي بس لو امه طلعت زي حماتك مش هتسغرب
مش هيجيب من بره يعني

صحفية روشة يقول...

هههههههههههههه
انا مش عارفة لما اتجوز هيبقى دة حالى بردة ولا لا
انا اميد هستنى اقرب فرصة عشان استخدم الكمبيوتر
__________________________________
ميفوتكش البوست الجديد (فال الله ولا فالك)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

عمرو النوبى يقول...

ههههههههههههههههههههههههههههههه
ههههههههههههههههههههههههههههههه
حلوه حكاية الكابل دى اوى
وعلى فكـره محدش هيفيدك غيرى انا
تعالى خدى من السيبر عندى بدل الكابل عشرة واعلنى الحرب بيهم
وبكده مش هيبقى فى عقاب تانى
ههههههههههههههههههههههههههههه
انما بقا لحكاية النت دى بقا حكاية
ادمان واى ادمان ده انا ياما شوفت ايام سوده فى البيت بسبب ادمانى للنت
بس الحمد لله نفزت الى فى دماغى وفتحت سيبر وبقيت اقعد على النت براحتى اكل عيش بقا حد يقدر يعترض
ههههههههههههههههههههههههههههههه

Migo Mishmish يقول...

بصي يا سوسو انا عندي خطة لاوذعيه بديله الا وهي - الخطة يعني
خبي كابل النت في اي يوم كدة بس بعد ما تكوني ظبطي نفسك طبعاً ودخلتي عالنت وقرايتي اللي فيها من يمنها لشمالها وتاويه زي مابيعلموا بتوع المخدرات حطيه جوة المرتبه في خزنه باسمك في البنك فوق السطوح في اوضة الجنياني في اي حته. وبعدين كلمي جوزك وانتي بتعيطي ومقهورة وحاسيسه انه هيجيلك ضيق تنفس وذبحه - بعد الشر طبعاً بس ما طلب العلا ومالقهاش يطلبها تاني بعد شوية - وقوليله انك مش لاقيه الكابل وخليه بنفسه يدور وانتي مفحومة من العياط. هتلاقيه ركب على حمارة الابيض - الحصنة غاليه - ومسك سيفه الخشب طبعاً - علشان الحديد غلي - ويقولك ولا يهمك يا حبيبتي انا معنديش اغلى منك - كلهم بيقعوا في الفخ ده لانهم متخيلين اننا عاجزين نعمل حاجتنا بإيدنا مش فاهمين ان الموضوع كله على بعضه كسل مش اكتر - وينزل يجبلك كابل
قوم يبقى كدة عندك كابلين واحد جابه جوزك علشان تستخدمية وواحد اسبير جابه جوزك برضه علشان تستخدميه
وعلى فكرة لو معرفتيش تعيطي ابشري بصل وغرقي بيه منديل ورق وشمي ومقوليش كل فتحه في وشك هاتجيب ميه حتى ودانك
جربي وقوليلي ايه الاخبار

اه سؤال مش برئ اصل انا لسه عروسة جديدة وحاولت اقنع ميجو ان اللاب توب عالريس بس معرفتش. الا صحيح هو اللاب توب علاريس ولا العروسة؟
Love,
MishMish

صيدلانيه طالعه نازله يقول...

بصى يا سوسو لو بحثت وراكى اكيد حاكتشف انك متجوزه جوزى
ههههههههههههههههه
بجد و الله كل اما نتخانق يقوللى مفيش بلوج تانى و ابصله و اسكت
بعد شويه الاقيه فاتح اللابتوب بتاعه و بيقوللى عندك كومنت جديد
و يسألنى اما يبقى الرد من ولد تعرفيه منين ده
ابصله و اضحك و اقولله صاحبى من الحضانه

•√أريـ السمر ـج√• يقول...

موتينى من الضحك ..
لانى مسمية الكمبيوتر جوزى حبيبى اقوم اصبح عليه .. امسى كده قبل النوم و اول ما افتح عيونى افوق و انا بطمن عليه

ما تقلقيش احنا مش حنتخلى عنك و حنعمل رابطة للمدونات و نجيب كابلات احتياطى علشان الحالات الطارئة :)

مبروك الحلقة عن البوست جميلة اوى و دمها زي السكر

بالتوفيق دايما يارب

دمتى بكل الحب و الخير

Bongo يقول...
أزال المؤلف هذا التعليق.
Bongo يقول...

سمعت الحلقة .. لذيذة اوووي

ربنا يقويكي

بس ما تخليه يقعد معاكي علي النت احسن ما تستني لما ينزل و بعدين تقعدي :D

صحيح انا اول مرة اسمع عن الاذاعة دي ؟!
هي اسمها ايه ؟

دكتور بهــدوء يقول...

دا اللي الستات بيعملوه
احنا يا طلبه بنقعد فال ايه بنزاكر واحنا
هع هع هع
بنتابع بلوجاتنا
وربك يستر ع النتيجه
دعواتك يا سوسو وهديه النتيجه
كابل وكابل داتا وشويه جمبرااات عشان تطري الاعده

شفقة هانم واحسان بك يقول...

عايزة كام يا مفقوعة وانا اسلفك؟ بس خلى بالك انتى كده هتخدى مهنتى انا واحسان وانتى حره مش عايزين نقطع على بعض

كاتب مصري يقول...

ربنا يستر عليكي يا ستي ومرارتك تخف
دي المرة الأولى الي أتشرف بزيارة مدونتك يارب انت كمان تشرفيني في مدونتي واعتبري دي دعوة للزيارة والتعليق بس بجد مش مجاملة..
مدونتي هناhttp://kanyatklam.blogspot.com/
تحيتي يا ستي

كاتب مصري يقول...

ألف ألف ألف شكر ع الزيارة السريعة جدا دي ويارب تبقى زيارات دائمة وتعليقات مستمرة
وسلامة مرارتك
تحيتي

واحد من البلد دى يقول...

السلام عليكم
حالك لا يخفى علينا أختاه
ونعانى منه جميعا نحن -المتزوجون-
وخصوصا إذا كان الطرف الآخر ليس لديه ميولا (نتية كمبيوترية)
ربنا معاكى و أول ما اعرف حد بيعمل جمعيات حاقولك على طوووول

تحياتى و دعواتى

سومه...مجنونه فى بلد عاقل يقول...

هههههههههه ادخلى الجامعيه مع عبدو الرايق
تحياتى ليككى سومه_87

NoRaaMaHdy يقول...

مبروك يا سوسو على البرنامج

بس انتى مش شايفه ان كدا ظلم لازم تعملى اضراب يابنتى

يعنى هو يشيل الكبل ويخلى فيفى هى اللى تقعد

لالالالالالالالالا ..مش ينفع خالص

على فكره انا كدا هاقلق من موضوع الجواز يعنى انا ممكن اتحرم من النت )):

شكلى كدا هاعيد النظر من جديد واعمل شرط مشروط ..اه ماهو لازم الواحد يتعلم من تجارب اللى قبله (:

Nour eldin يقول...

طبعا كالعادة مواضيعك جامدة جدا
ووالله كلنا بنعانى من ادمان النت
بالمناسبة كنت عايز استئذنك لأنى جبت سيرتك فى البوست الاخير عندى
ابقى قوليلى رأيك
...
نور الدين محمود

نوره الخشن يقول...

شكلو فمرة هيئفشك ويبئى مسرح الجريمة ملحئتيش تلميه ويرتكب هو بئى الجريمة ونجيب مفيد فوزي يصور ونتفرج عليها فحديث المدينة

لأ بس غلس مفيد هيجيبلك حقك منو متقلقيش

Esraa Hamed يقول...

ههههههههههههههه
انا مش عارفة صحيح ايه الحل لادمان النت اللي احنا فيه ده انا كمان 24 ساعة ع النت
حراااااااام يعني
نفسي ابطل ادمان ده شوية

المـــفـــــــقــــــــوعـــــة مــرارتـهــا يقول...

بطوط حبوب
===================
منور يابطوط ... التعليقات بتبقي ضلمة من غيرك
لكن انت تتحرم من الكمبيوتر ويتشال الكابل مبلوعة عشان مذاكرتك لكن انا اتحرم ليه ؟
انا مخلصة من زماااااااان

المـــفـــــــقــــــــوعـــــة مــرارتـهــا يقول...

Unique
==================
دعواتك معانا
وربنا يجعل كلامنا خفيف عليها

المـــفـــــــقــــــــوعـــــة مــرارتـهــا يقول...

wanna b a physician
========================
ماهي الجمعية هاتلف علينا
انت فاكرني هااقبضها وأخلع
بكرة يجيلك الدور

المـــفـــــــقــــــــوعـــــة مــرارتـهــا يقول...

رئيس جمهوريه نفسى
====================
هي مالهاش غير حل واحد تجيب اتنين كمبيوتر في البيت واحد ليك وواحد للمدام
واوعي تنسي تعملها بلوجر تتسلي فيه وتتشغل بيه

المـــفـــــــقــــــــوعـــــة مــرارتـهــا يقول...

Reem
==================
دي كانت حلركة وحشة من طرف سيادته زعلتني منه اوي

المـــفـــــــقــــــــوعـــــة مــرارتـهــا يقول...

صحفية روشة
=================
انا اعرف واحدة بطلت الكمبيوتر لما اتجوزت بس مش عشان حاجة لا عشان جوزها مايدخلش النت لانه بيستخدمه في حاجات مش ولا بد فخافت يقلدها ويدخل تلاقي نفسها بتدخل نت لبلوجر وهو يدخل الحاجات اللي مايعلم بيها الا ربنا ...

المـــفـــــــقــــــــوعـــــة مــرارتـهــا يقول...

عمرو النوبى
==================
برافو عليك
كدة مافيش حد ليه عندك حاجة
شغل بقي
ربنا يقويك

المـــفـــــــقــــــــوعـــــة مــرارتـهــا يقول...

Migo Mishmish
=======================
اعملوا جمعية واشتروه سوي
عشان بعد الجواز مايجيش يقول اللاب توب ده بتاعي

المـــفـــــــقــــــــوعـــــة مــرارتـهــا يقول...

صيدلانيه طالعه نازله
==========================
وعلي ايه .. الرجالة كلها تحسي انهم عجينة واحدة
كلهم ذي بعض

المـــفـــــــقــــــــوعـــــة مــرارتـهــا يقول...

•√أريـ السمر ـج
=====================
احنا لازم نتعاون في الحالات اللي ذي دي
احنا البلوجراوية مالناش الا بعضينا

المـــفـــــــقــــــــوعـــــة مــرارتـهــا يقول...

Bongo
===================
يقعد معايا فين ؟
ده لو قعد الخناقات هاتشتغل انا هاابقي عاوزة اقعد علي البلوج وهو هايبقي عاوز يقري الجرايد
الاذاعة اسمها اذاعة البرنامج العام
علي الاف ام جنب الشباب والرياضة علي ايدك الشمال

المـــفـــــــقــــــــوعـــــة مــرارتـهــا يقول...

دكتور بهــدوء
=====================
يارب تنجح .. الدعوة من قلبي ومن غير كابلات كمان
بالتوفيق يادكتور

المـــفـــــــقــــــــوعـــــة مــرارتـهــا يقول...

شفقة هانم واحسان بك
=======================
اكتبيلي شيك بألف جنيه ... اشتري الكابل وأمشي حالي بالباقي

المـــفـــــــقــــــــوعـــــة مــرارتـهــا يقول...

كاتب مصري
=================
انا زرتك قبل ماتكتب تعليقك
بالتوفيق

المـــفـــــــقــــــــوعـــــة مــرارتـهــا يقول...

واحد من البلد دى
=========================
انا جوزي بيستخدم الكمبيوتر بس رافض يعمل بلوجر ليه رغم محايلتي لكي يعمل له واحد ليعرض فيه أفكاره

المـــفـــــــقــــــــوعـــــة مــرارتـهــا يقول...

سومه...مجنونه فى بلد عاقل
=========================
مابلااااااااااااااش
عبدو ده ماينفعش يمسك جمعية
هاياخد الفلوس يشتري بيها يخت
يفسحنا فيه

المـــفـــــــقــــــــوعـــــة مــرارتـهــا يقول...

NoRaaMaHdy
===================
ولا تتحرمي ولا حاجة
لما يكون البيه بتاعك في شغله اقعدي علي النت
لكن وهو في البيت خاصمي النت شوية عشان مش يزعل منك جوزك
ان شاء الله

Baker يقول...

يا ستى لو على الكبل بسيطه
انا بشتغل فى راديوشاك و ممكن اجيبلك كابل على حسابى
انتى تؤمرى بس

المـــفـــــــقــــــــوعـــــة مــرارتـهــا يقول...

Nour eldin
=====================
انا اكيد هاازورك بس ارد علي التعليقات وفوريررررة علي عندك

المـــفـــــــقــــــــوعـــــة مــرارتـهــا يقول...

نوره الخشن
===============
بلاش مفيد اصله لحد مايجيبلي حقي منه يكون طلع عيني انا كمان

المـــفـــــــقــــــــوعـــــة مــرارتـهــا يقول...

Esraa Hamed
=================
هي بتيجي عليا فترات
ساعات تلاقيني مقبلة علي النت وساعات تلاقيني بأرد علي التعليقات بالعافية
واهي ماشية

المـــفـــــــقــــــــوعـــــة مــرارتـهــا يقول...

Baker
==============
ماتكمل جميلك وتظبطلي كمبيوتر كدة وانفصل خالص عن كمبيوتر البيت ويبقالي كمبيوتر لوحدي ماحدش شريكي فيه

نونو يقول...

مبروووووووووووووووووووك
هدخل معاكي الجمعية
عاووزة شتري روتر وخط نت لوحدييييييييييي
تحيتي

كيكى يقول...

اذيك اية اخبارتك
سورى على التاخير
عقبال ما عرفت النتيجة
وقهرتم والحمد الله نجحت
دة يعنى لو عايزة تعرفى..ماشى ماشى
انا عايزة اقبض الجمعية الاول
علشان اجيب الشرابات..مليش دعوة انا الاول
يعنى انا الاول

بنت مصريه يقول...

هههههههههههههههههههه
انا سمعتها يا مفقوعه ف البرنامج بس كويس انك مش قليلالهم اسمك والا فيفى هتزعل وانتى عارفه بقى زعل فيفى
ههههههههههههههه
مبروك يا قمر

FaceMoon يقول...

هههههههههههه
والله انتى سكر
ويارب يشفينا كلنا من الادمان
وانا مستعدة اساعدك فى الجمعية ونشترى الكابل بس تبقى افتكرينى لما اتجوز عشان اشترى واحد ليا انا كمان
تحياتى

shaimaa samir يقول...

ههههههههههههههههههههههههه
يا جميلة
هههههههههههههههه
ضحكتينى جدااااااااا

كان بيعقبك ازاى بقا قبل موضوع المدونة!!
امر حيرنى جدا
ههههههههه

وحشتينى خالص
ادعيلى اخر امتحان يوم الاربع

My Hope$ يقول...

ههههههههههههه
لا بجد
اانا الحوار دة
مع ماما
لكن لسة مجربتش مع جوزي لو اتجوزت يعني
هعمل اية
بس اكيد هتصرف
مش هنغلب يامعشر النساء
ومبروك الاذاعة
سلام

Sherif يقول...

باعانى زيك من نفس الموقف

هو انا كل ماشوفك الاقيك قدام الكمبيوتر ؟ .. هو التعليق اليومى الذى اسمعه

أنا عملى بعيد .. باسافر يوميا .. وده السلوى اللى بتسرى عنى .. لانى مش باسهر بره وانا بارجع تمانية مساءا مش شايف قدامى

ايه الحل ؟ مش عارف ؟

أشكرك لمرورك وآسف لتقصيرى

المـــفـــــــقــــــــوعـــــة مــرارتـهــا يقول...

نونو...
====================
خط نت لوحدك ليه ... وخط البيت ماله
ولا عاوزاه اسرع

المـــفـــــــقــــــــوعـــــة مــرارتـهــا يقول...

كيكى
================
الف مبروك علي النجاح ... طبعا مهتمة
انتي لسة مااشتريتيش شرابات لحد دلوقتي ؟!
وبعدين الشتا خلص هاتشتري شرابات ليه دلوقتي ؟

المـــفـــــــقــــــــوعـــــة مــرارتـهــا يقول...

بنت مصريه
==================
لا عادي حماتي مالهاش في الراديو ليها في الدش بس

المـــفـــــــقــــــــوعـــــة مــرارتـهــا يقول...

FaceMoon
=================
لما اقبض الجمعية ابقي اجيبلك واحد هدية تشيليه في جهازك

المـــفـــــــقــــــــوعـــــة مــرارتـهــا يقول...

shaimaa samir
====================
كان بيسيبني اتفلق من العياط اصل محسوبتك زنانة حبتين

المـــفـــــــقــــــــوعـــــة مــرارتـهــا يقول...

My Hope$
==================
الحوار ده كان بيحصل مع بابايا ودلوقتي جوزي مسك الراية وبيكمل مشوار بابايا

المـــفـــــــقــــــــوعـــــة مــرارتـهــا يقول...

Sherif
==================
ده شيء طبيعي
ولا يهمك تعالي في الوقت اللي تحبه
انا مش هاازعل

امل يقول...

ههههههه أنا بروح البيت الزق قدام الجهاز وأبقى نفسي اريح شوية بس بستخسر .. ده فعلا ادمااااان بس ونس برضه بدل ما الواحد يزهق .. تحياتي وحمد الله على السلامه .. مش عايزة اقول سلامي لفيفي هههههههه

زفته يقول...

مفقوعه حبيبتي
انا سعيده انك موجوده
خفت تكون حماتك كلتك

habiba يقول...

والله يااختى اختلفت الشخصيات والرأى واحد... كمان تقول الحكمه الشهيرة.

وانا بصراحه بعانى من المشكله دى بس مع ماما واخواتى لانى لسه مش متجوزه وكنت بفكر قبل ماقرا مدونتك بوقت قليل قوى انى انزل مدونه فى الموضوع ده.

وان شاء الله هنزلها يعنى ..اسلوبك لذيذ وخفيف الظل مزيد من التوفيق يارب

.:.-=- ELGaZaLy-=-.:. يقول...

هههههههههههههههههههههههههههه

ادمان بجد

بس البوست تحفة..ضحكنى بجد...وحالة توم وجيرى دى جميلة اوى

زُمُرده يقول...

هي دي بقت المشكله
ادمان النت
اه انا ساعات بحلم اني ع الجهاز
وايييييييه شغاله
ربنا يساعدك

كل عريس لازم يقدم جهاز كمبيوتر وكابله ووصله النت ويا الشبكه

اه مهو ده التطور الطبيعي للجواز

المـــفـــــــقــــــــوعـــــة مــرارتـهــا يقول...

امل
=================
دي فيفي راجعة بس هي صوابعها واجعاها قامت تريح قمت ساهيتها وقعدت علي المدونة
هو انا ليا بركة الا الغالية

المـــفـــــــقــــــــوعـــــة مــرارتـهــا يقول...

زفته
===============
حماتي مالهاش في السمين تحب بيقف في زورها ومش بيتبلع

المـــفـــــــقــــــــوعـــــة مــرارتـهــا يقول...

habiba
================
كلنا بيعدي علينا المواقف دي
بس ياريت ناخد الامور ببساطة احسن مايجيلنا الضغط والعصبي

المـــفـــــــقــــــــوعـــــة مــرارتـهــا يقول...

.:.-=- ELGaZaLy-=-.:.
==========================
وماالدنيا الا فيلم كارتون كبير شويتين

المـــفـــــــقــــــــوعـــــة مــرارتـهــا يقول...

زُمُرده
===============
بس خلي بالك الكمبيوتر وخط النت هايبقي بدل الشبكة مااحنا مش هاننهب بقي وناخد شبكة كمان

الحشرى يقول...

أولا سموك نورتى مدونتى
وبجد أية خفت الدم والجمال دة
وبأعتبار أن حماتك ملاااااااااااك أبقى
سلمى عليها وقولى لها نرجو المزيد من تعليقاتها على مدونتك بأعتبار أنك مرات أبنها بس برجاء متجبش معاها الفتوات الى بيضربوا كفاية علينا الحكومة قايمة بالواجب وزيادة ومش حرمانا من حاجة
بالنسبة لجوزك العزيز
وضحى لسيادتة أن مستقبل الرياضة فى
مصر والعالم متوقف على متابعتة الدقيقة والمركزةفى كل ثانية على كل انواع النشاط الرياضى من أول سباق
الصراصير فى أسيا الى سباق الزلاحف البحرية فى المحيط الى سباق القوارب النفاثةفى امريكا
ومفيش مانع من حلة محشى جنب سعادتة وهو بيتفرج علشان اول ميخلص من الماتش هينام من غير أحم ولا دستور
على العموم منتظر زيارتك فى مدونتاى

http://kalamfekalamm.blogspot.com

و

http://kalamfekalamm-mohamed.blogspot.com/
مع تحياتى لحماتك الشربات

المـــفـــــــقــــــــوعـــــة مــرارتـهــا يقول...

الحشرى
==================
فعلاً مصر محتاجاه يامنعم
ده انا لو جوزي مااتفرجش علي ماتش مصر بتلعب فيه اللعيبة بتبقي مش موزونة وبتخسر الماتش بالثُلُث
منور مدونتي المتواضعة

ayman badr يقول...

موضوع جميل ويستاهل يتذاع واستمعت بيه جدا
تحياتى

المـــفـــــــقــــــــوعـــــة مــرارتـهــا يقول...

ayman badr
======================
ميرسي علي زوقك
ربنا يخليك وتقرالي

ranim يقول...

هههههههههههههههههههه تحفه اوي البوست ده ما شاء الله ايه بس الحلوه ديييييييي انا نفسيييي اشوفك جدااااااااااا

arabcooL يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه

Abedo Ahmed يقول...

مع شركة اركان المملكه للتنظيف,ومكافحه الحشرات,وكشف التسربات,وتسليك المجارى,ونقل العفش,وتنظيف البيوت انت
شركة تنظيف منازل بخميس مشيط
تتعامل مع افضل شركة بالمملكه ككل لانها تتعامل باقل الاسعار المتاحه فى مجال العمل
شركة كشف تسربات المياه بخميس مشيط
ونحن نوفر لك كل ما هو جديد وبخصم 30%فى مجال الحساب اذا معنا انت فى كل امان ممكن
اتصل بشركة اركان المملكه لانها الافضل دائما فى كل المجالات
شركة تسليك مجارى بخميس مشيط
هكذا شركة اركان المملكه تقدم الخدمه الممتازه التى بدونها لا تستطيعوا العمل الجاد
اننا نتعامل بالافضليه الكامله لاننا نتعامل بكل الاسعار البسيطه والممكنه
شركة مكافحه حشرات بخميس مشيط
نتعامل باقل الاسعار الممكنه والممتاحه فى هذا المجال وخاصه مدينه خميس مشيط
شركة نقل عفش بخميس مشيط
مع شركة اركان المملكه انت فى ايدى امينه لاننا بكل امان وحرفيه فى كافه المجالات الحديثه والعصريه
شركة كشف تسربات المياه بجازان
لدينا الخبره الكبيره فى مجال كشف التسربات اليوميه والتى من الافضل الاهتمام الكامل والشامل بها
شركة نقل اثاث بجازان
هكذا نحن معك دائما فى مجال التسليك والمكافحه فى كل وقت وكل مكان ندعمك بكل جهد
شركة تسليك مجارى بجازان
وايضا فى مدينه نجران لسنا الوحيدون ولكننا متميزون عن غيرنا فى كافه المجالات
شركة تسليك مجارى بنجران
ولدينا الخبره الطويله فى رش المبيدات والمكافحه بكل وقت وكل مكان
شركة رش مبيدات بجازان
ولدينا ايضا باع طويل فى المقاولات لاننا شركة متماسكه ولها الافضليه الكبيره فى هذا المجال
شركة مقاولات بجازان
نتعامل باقل الاسعار الممكنه والمتاحه لدى العميل والوصول الى الدقه الكامله

Abedo Ahmed يقول...

لا داعى للقلق وانت تتعامل مع شركة اركان المملكه للتنظيف والمكافحه والتسليك
شركة كشف تسربات المياه بابها
وغير ذالك من كافه انواع التنظيف فى المملكه السعوديه باكملها اذا
كل ما عليكم هو زياره صفحتنا للتطلع على اقل الاسعار المتاحه
والتى تفى احتياجاتكم الخاصه
شركة تسليك مجارى بابها
شركة مكافحة حشرات بابها
لاننا نتعامل بمنتهى الدقه والفعاله والاهميه الكبيره مع شركة
اركان المملكه لاداعى للقلق نحن معك دائما
شركة تنظيف بابها
شركة تنظيف فلل بابها
شركة تنظيف منازل بابها
اتصلوا بنا دائما تجدونا فى كل وقت وكل مكان
مع اركان المملكه انت الافضل دائما وهكذا نتعامل بكل صدق والعمل الجاد والوافر فى هذا المجال مجال التنظيف
شركة تنظيف بالاحساءاذا معنا انت فى ايدى امينه نتعامل معك باقل الاسعار الممكنه فى كافه المجالات
اذا اتصلوا نصلكم فى كل وقت وكل مكان لدينا الامكانيات الوفيره والكامله من اجل العمل الجاد والدئوب
العمل بامانه سمه من سمات شركة اركان المملكه التى لها باع طويل فلى العمل اليومى والفعالشركة مكافحه حشرات بالاحساءاذا نحن نتقدم اليك باقل السعار المتاحه والممكنه فى مجال التنظيف والمكافحه على حد سواء
اتصلوا نصلكم فى كل وقت وكل مكان فى كافه ارجاء المملكه السعوديهشركة تنظيف بالطائفمعنا انت الافضل دائما بالمملكه نقدم لكم العمل الجاد والهادف والفعال

rana يقول...

الكثير منا يعانى من مشاكل تسربات المياه ولكنة لم يجد الحل الامثل الذى يخلصة من هذا العناء ولكن من الان لا تبحثوا كثيرا عن شركات متخصصة فى مجال تسرب المياه لان شركتنا شركة كشف تسربات المياه بالدمام سوف تخلصكم من حل تلك المشاكل نهائيا وذلك يكون على ايدى مهندسون متخصصون فى الكشق على اماكن تسرب المياه وذلك باستخدام جهاز كشف تسربات المياه بدون تكسير الجدران او الارضيات وبعد ما تتواج اماكن التسرب تقوم بمعالجتها فى الحال ونحن يوجد لدينا فروع فى جميع انحاء المملكة واليكم بعض تلك الافرع شركة كشف تسربات المياه بالخبرشركة كشف تسربات المياه بالاحساء وذلك لمن يرغب فى التواصل مع الشركة ومعرفة ما تقدمة الشركة من خدمات وسوف نطرح عليكم بعض الخدمات التى تقدمها الشركة تقدم الشركة خدمات التنظيف وخدمات تسليك المجارى
شركة تنظيف بالاحساء
شركة تنظيف بالجبيل
شركة تسليك مجارى بالدمام
شركة تسليك مجارى بالخبر
فاذا اردتم التواصل مع الشركة اليكم ارقام الشركة
جوال رقم0558973863

خدمات متميزة يقول...

نقدم لكم خدمات شركة المثالي جروب بالجبيل من خلال شركة تنظيف منازل بالجبيل والتي تعد الشركة الاولي بالجبيل التي تستطيع خدمة عملائها بافضل واحدث الامكانيات وتوفير جميع خدمات النظافة الشاملة للمنازل والشقق والفلل والبيوت والقصور والمجالس والكنب والسجاد والموكيت وغيرها من خدمات التنظيف الاخري فتعد شركة تنظيف بالجبيل حقا افضل شركة تنظيف بالجبيل حيث تستطيع ان توفر لعملائها النظافة الشاملة باعلي جودة ممكنة وبارخص الاسعار المثالية التي لا تتوفر الا مع شركة المثالي جروب للتنظيف , تخصصت شركة المثالي جروب للتنظيف بالجبيل في تقديم جميع خدمات التنظيف فلدينا شركة تنظيف مجالس بالجبيل والتي تقدم خدمات تنظيف المجالس والكنب والمفروشات والستائر والسجاد والموكيت بافضل الاجهزة فلدينا خدمة تنظيف المجالس بالبخار والتي تعطي جودة وكفاءة مثالية لا تتوفر الا مع شركة تنظيف بالجبيل ايضا توفر الشركة خدمة تنظيف الشقق من خلال شركة تنظيف شقق بالجبيل والتي تستعين في تنفيز خدماتها بامهر العمالة المتخصصة ذات الكفاءة العالية والخبرة الكبيرة بمجالات التظيف منذ عشرات السنوات حيث تعتمد شركة تنظيف منازل بالجبيل علي خبرة 24 عاما في هذا المجال جعلتها تتفوق دائما علي غيرها من شركات التنظيف بالجبيل وتصبح افضل شركة تنظيف فلل بالجبيل لديها الامكانيات والقدرات والعمالة والادوات والخبرة وبذلك نضمن لعملائنا بالجبيل افضل جودة ودقة مثالية بارخص الاسعار فلدينا ارخص شركة تنظيف بالجبيل كل هذه الخدمات تقدمها شركة المثالي جروب للخدمات المنزلية وايضا لن تغفل الخدمات الاخري للنظافة بالجبيل بل اعدت جميع فروعها وتخصصت من اجل خدمة عملائها والحصول علي ثقتهم الكبيرة فلدينا

شركة تنظيف منازل بالجبيل
شركة تنظيف خزانات بالجبيل
شركة تنظيف مسابح بالجبيل

خدمات متميزة يقول...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر

خدمات متميزة يقول...

تقدم شركة المثالي جروب للنظافة العامة احدي خدماتها المتميزة بمحافظة القطيف والتي يبحث عنها الكثير من اهالي محافظة القطيف الا وهي شركة تنظيف منازل بالقطيف والتي تقدم خدمات تنظيف المنازل - تنظيفالشقق - تنظيف الفلل -تنظيف المجالس - تنظيف البيوت - تنظيف الخزانات -تنظيف المسابح والتي من خلاللها تستطيع شركة المثالي جروب لخدمات التنظيف تقديم افضل خدمات النظافة العامة بمحافظة القطيف بالاعتماد علي كافة الاسليب الحديثة والعمالة الماهرة فمع شركة تنظيف منازل بالقطيف انتم دائما في امان فلدينا

شركة تنظيف منازل بالقطيف
شركة تنظيف بالقطيف
شركة تنظيف شقق بالقطيف
شركة تنظيف فلل بالقطيف
شركة تنظيف مجالس بالقطيف