مدرسة التنغيص الحماواتي
ــــــــــــــــــــــــــــــــــــ
بإختصار أنا هااعمل مدرسة، مالكم مبرقين كدة ليه ؟! ماتبرقوش كدة أحسن تحولوا ... آه مدرسة وهو أنا شوية ... وفيها هاأعلم الستات إللي ناويين يجوزوا بناتهم أو ولادهم
كيف يكونون حماوات مفتريات مستبدات مصاصات للدماء ... أنا قلبي علي البلد وعشان كدة بحاول أحافظ علي نوعية الحماوات الفاتنات وهاأعمل إعلان في الجرايد القومية والمعارضة وهااكتب فيه
إعلانات مبوبة
ـــــــــــــــــــــــــــــــ
تعلن مدرسة فيفي عن حاجتها لشغل المناصب التالية
عدد عشرة مدرسات خبيرات في أصول النكد الحماواتي وذلك في إطار سعينا المتواصل للحفاظ علي نوعية الحاجة فيفي من الإنقراض .... يشترط في المتقدمات لشغل الوظيفة أن لا يقل السن عن سبعين سنة ... وأن يكن المتقدمات ذوات خبرة من لا تقل عن خمس سنين في التنكيد والتغتيت علي زوجات الأبناء ونفضل المفتريات علي الأبناء كمان
كما يجب أن تتوافر في المتقدمات الآتي
ـ اللسان المبرد طوله لا يقل عن نص متر ... هانقيس بالمسطرة وسيتم أستبعاد قصيرات اللسان
ـ القلب الميت .. هانكشف عليه بالسماعة وإللي هايطلع قلبها بيدق هانطردها شر طردة ويشترط ان يكون ميت وشبعان موت من نحو ربع قرن علي الأقل
ـ عينان قاسيتان بتطق نار وشرار .. كل عين وعين تندب فيها رصاصة حتي لا تستهين بها زوجة الأبن
ـ متخرجة من معهد التمثيل البيتي
علي من تجد في نفسها توافر هذه الشروط التقدم لأقرب فرع لمدرستنا ... أوعي تقولي لعدوتك عليه
مدارسنا تعطيك خبرة تؤهلك للسفر للخارج
أفكارنا متميزة ... متفردة ... متعجرفة
شعارنا حماتي يانينا هاتطلع عينيا
مقرنا الرئيسي
بيت الست فيفي جنب بياعة الفجل ... وإللي يسأل مايتوهش
علي من تجد في نفسها توافر هذه الشروط التقدم لأقرب فرع لمدرستنا ... أوعي تقولي لعدوتك عليه
مدارسنا تعطيك خبرة تؤهلك للسفر للخارج
أفكارنا متميزة ... متفردة ... متعجرفة
شعارنا حماتي يانينا هاتطلع عينيا
مقرنا الرئيسي
بيت الست فيفي جنب بياعة الفجل ... وإللي يسأل مايتوهش
دروسنا متفردة وجديدة ومتنوعة
تليفون زيرو خمس أصفار
الدفع بالدولار واليورو ...ولا نقبل الفكة
تعالي ياحاجة ماتخافيش الدرس عندنا أحسن منه مافيش
الدرس الأول
ـــــــــــــــــــــــــــــــ
الحما حما حتي لو كانت ملاك من السما
أوعي تنخي ... أوعي تطيبي .. خليكي متأنزحة ومتمسكة بولادك
أنتي أولي بفلوس ولادك ... لعبتنا لعبة نفس
وإللي نفسه أطول هو إللي بيكسب
وأوعي تعملي بالمثل اللي بيقول ربي ياخايبة للغايبة ... خليكي واعية مش خايبة
وأوعي تعملي بالمثل اللي بيقول ربي ياخايبة للغايبة ... خليكي واعية مش خايبة
الدرس التاني
ـــــــــــــــــــــــــ
أبنك بعد عنك
... أتشد للمقروصة مراته
ولا يهمك ... هانرجعه مع بعض
خطوة
خ ط و ة
الحل الطازة ... عند فيفي هاتلاقيه
أمسكي قلبك ... مش اليمين ياشيخة ... إللي في الحتة الشمال ياحاجة ... ماتبوظيش الطبخة
قولي ورايا .. بمسكنة وشحتفة
آآآآآآآآآآآآآآآآه قلبي ..مش قادرة هاأموت ألحقني بالدكتور
لو معاكي في الشقة سخسخي .. أقعي علي الأرض بشويشششششششششش ... أوعي تتكسري بالراحة علي نفسك
هايجري بيكي علي الدكاترة ... رسم قلب وكشوفات
ممكن في مرة تانية تمسكي كبدك ... آآآآآآآآآآآآآىه ياكبدي
وأجري بيه علي الدكاترة
خلي بالك الدفع علي أبنك
مع تحيات مدارس فيفي لتعليم الحماوات الفاتنات الساحرات
هناك 108 تعليقات:
حرام عليكي .. انت عايزة دكاترة المرارة ما يبطلوش شغل و لا ايه :)
فكرة مميتة الله يعين الزوجات
دمتى بكل خير
فيفي....فييييفيييي طنط فيييفيييي
انا حماتي عاوزه تيجي المدرسة بتاعتك...ياااادوبك مكمله ال 75
بس عماله تزن عليا...قال إيه اجبلها مريلة الاول ..لزوم المدرسة
وعاوزه كمااان شنطة مدرسة من ام عجل..اللي بتتجر على الارض...علشان مش حتقدر تشيلها....و يكون مرسوم عليها باربي
وقاال إيه عاوزه جزمة جديده و شراب ابيض لغاااية الركبة
و عاوزه شريطة بمبى تحطها فى شعرها و هيه رايحه المدرسة
كل ده جميل و كويس....بس المشكله فى حاجتين
الاول انا مش لاقيه شريطة...فهيه زعلانه و حرنت و قالت والله ما انا رايحه من غيرها
التانيه بقى ...مش تقدر تنزل السلم علشان تيجي...و بتقولي شيليني.....
ممكن تيجي تديها درس خصوصي
احمدك يا رب
انا حماتى اقل من 70 لولولوى
اما الحق افنجر المدونة دى قبل ما تنتشر و تعرفها حماتى
فيفى احترررررسى
انتى كده بتعادى كل الزوجات و البنات كمان
انا هربط حوالى حزام متفجرات و اخدك بالحضن فداء كل الزوجات
والله الفكرة كويسة
بس فيه زوجات قد الحماوات دول 10 مرات في موضوع اه يا قلبي واه يا كبدي وابنك عيان وامك عملت و و و و و الخ
وبصراحة رايي تعملي لهم برده فصل في المدرسة
اهو تاخدي ثواب في الاتنين
ولو دخلتني انتخابات
تاخدي اصوات جميع الاطراف
تحياتي
يلهوتى ايه ده الله يكون فى العون انا مش هكمل تعليق الموضوع محرج
يعنى كده انا لما اروح اتجوز لازم اشوف حماتى واخده شهاده من المدرسة دى ولا لا
طب انا عندى مشروع حلو كمان
تفتحى مدرسه مضادة
يعنى اللى تشرحيه فى المدرسة دى تشرحى المضاد بتاعه فى مدرسه للزوجات بقى وكده يبقى مشروع استثمارى
يالنساء!
صدق من قال إن كيدهن عظيم .
تحياتي :)
ههههههههههههههههههههههه
لا بقى انا أمى ضامنها ... ست طيبة
اما بالنسبة لمراتى فى المستقبل
هختارها يتيمة
أو لقيطة أصلاً مش مهم
انما انا مش حمل حد يعمل معايا كدة
سلام
ماشاء الله هو كدة ياحاجة فيفى بتحبى تفيدى الناس من خبراتك اللوزعيه
ربنا يخليكى لحموات مصر
والحصه بكام ياحاجة فيفى
هي المصاريف كام ؟والفصول الفصول مكيفه ولا لا ؟والشهاده معتمده من وزارة التربيه والتعليم ؟ وفيه باص ولا ؟ والزي لونه ايه؟و ... بعدين بقى
همسه
لازم كلنا يا رجال نشجع المدرسة دى ... لان من غير وجود حماوات زى فيفى هنضيع احنا فى الرجلين ومراتاتنا هتبقى فاضيالنا بقى وانته اتاخرت ليه وكنت فين وايه اللى مسهرك لوش الفجر والكلام ده ... خليهم احسن ملهيين فى حماتاتهم
ورب ضارة نافعة ... هذا والله ولى التوفيق وكل دعواتنا معاكى يا نصيرة الحموات
وبالنسبه للشهاده
بتتعادل م وزاره التربيه والتعليم
اصل ناوي ادخل بناتي فيها
اه اهو يتودكوا ويتعلمو اصل اللعبه
السلام عليكم ورحمة الله وبركاته
يافيفى عندى لكى تلموذة تديكى وتدى المدرسات بتاعتك دروس وتخرجهن(بأعتبار نون النسوة )بروفسيرررررررات ..
بجد مش بهزر
فيها كل الشروط بتاعتك
مش انا ماتبصيش كده ليا!!!!
ده مرات اخويا الله يرحمه
والوليه من (قدرتها الفائقةالمتمكنة )مش بس قتلت جوزها وبقت ارملة
لأ موتت اخويا من الغيظ والطلبات ومعاه 2 من اجواز بناتها الاخريات
بس فيه واحد معسلج معها شوية(فى الانعاش دلوقتى)
تسلمى يافيفى انت وكل الحموات الفاتنات السكرات اللى زيك.
ههههههههههههههههههههه
حلوه بجد
بس حرام عليكى
كده مش هيبقى فى حياه اصلا ولا حد هيتجوز من اساسه
بس بجد تسلم ايدك
تقبلى تحياتى
هههههههههه
ادى الافكار ولا بلاش يا ست فيفى
الحمد لله حماتى لسه تحت الستين ولا تصلح لتلك الاعمال
لذلك انا ممكن ابعتلك ستى يا دوب عندها 90 سنة وخبرة كمان
يعنى ممكن تمسك رئيس مجلس ادارة وتاخد نص المرتب والنص تانى ليه طبعا
شاورلى نفسك وردى عليه احنا فى الخدمة
المهم تقضى على البنت سوسو وامثالها من المجتمع
تحياتى
الله يعينا ويرحمنا
حرام عليكى يا شيخه:))
لا كده تستاهلي بقى
وربنا يعافينا من شر الحماوات الشرانيين
:))
لكن اسلوب جميل ولك خالص تحياتي
عايزين مدارس من دى كتيييير
محتاجينلها فى وطننا القومى مصر
بس الدفع بالدولار؟؟؟
عايزين أسعار إقتصادية
تليق بالأسرة المصرية
أسلوب ممتع فى الكتابة الساخرة
بالتوفيق
هههههههههههههههههههههههههه
لا بوست جااااااااااامد
ولا كلمه
ربنا يستر يارب وحماتى تطلع عاقلة وحلوة كده وتكون خلصت الدنيا
هههههههههههههههههههههه
لا يا رب تطلع حماتى كويسه وانا والله طيبه ومش هعمل فيها حاجه يارب
حتى لو هى عملت فى ايه
...............................
بصى اعملى مدرسه كمان للزوجات ازى تتعامل مع الحموات اللى هتتخرج من مدرستك
............................ز
تحياتى
سندريلا
كده برده ؟
كنت فاكرة حليقى عندك وظيفة
لكن طلعت المدرسة للى عندهم خبرة و الى ناوييين يجوزا بس
و انا لا من دول و لا من دول
تحياتى القلبية
:)
ههههههههههه يا عينى يا بنتى
بجد عقدتينى خالص ربنا يكرمك
المدرسه دى بتشترط مجموع معين عشان اى واحده تعرف تدخلها؟؟
تصدقي ياست انت
انا مرارتي اتفقعت مني خلاص
ارحمي امي
بقي
انا لي عندك سؤال
متكتبي حلقه عن حماتك
وعامايلها فيكي
اصل شكلك معقده
ههههه
احنا المستفدين من المصلحة ده
نحن معشر الدكاترة
:D
خربتيها يا حاجة خدى رايحة فين
دانا هبلغ عنك بتوع الاموال التايهة ينبشوا فى التراخيص بتاعتك
ولا ايه هيبقوا الحموات والمدامات
واحنا يا عينى تتخرب جيوبنا
اكتر ماهيا خربانة
تقبلى تحياتى
على فكره بقى دى فكره نميسه عويصه لئيمه من أفكار الست فيفى علشان تجمع البيض كله فى مدرسه واحده قصدى سله واحده وبعدين تدشه وتعمله عجه وتخلص من كل الحماوات بضربه واحده....أوعوا حد من الحماوات يروح يا جماعه المدرسه دى....امال مين اللى حينكد على زوجاتنا حبيباتنا.....تحياتى للبوست اللذيذ يا مفقوعه وابقى طللى علينا...شكرا
السلام عليكم ورحمة الله وبركاته
حراااااااااااااام عليكش يافيفي
براحة شوية
مدرسة كدة دفعة واحدة
طب واحدة واحدة
افتحي الأول فصول محو الأمية
وبعد كدة بقى خدي الأمهات من البداية كدة عشان يكبروا حموات على ايدك
وكل بثوابه
ولا حول ولا قوة إلا بالله
ولا عزاء لكل البناتيت اللى هايجوزا من حموات اتعلموا على ايدك
تحياتي
ههههههههههههههههههههههههههههههههههههههههههههههههههه
تحفة بجد البوست ده تحفة تحفة تحفة
انا عمالة اضحك لحد دلوقت جميل اوي و دمه خفيف موووووووووووووووووت
لا و مدرسة جامدة طيب مش عايزين ناس في البيبي كلاس
إعلان هام
تم بحمد الله افتتاح فرعنا الجديد في المدونات مدونة حكاوي القهاوي
تعاطفك واحده مش كفاية أتبرع و لو بزيارة
تعالوا زورونا باي باي
http://hakawyelahawy.blogspot.com
ياربي على الاذى اللي انتي فيه
ده انتي المفروض يحطوكي فموسوعة الحماوات الفاتنات
يابنتي ايه العقد اللي انتي فيه دي
طب ايه رأيك بئى ان انا هعمل جمعية مضادة ليكي هخلي كل مراة ابن تدفع 5جنية ونشتري رصاص ونمشي نموت في الحموات
ولا على ايه انتو مش بينفع معاكم حاجة ممكن نكلف نفسنا ونلائيكم فالاخر بتطلعولنا لسانكم!
يالهوى أيه كل ده ده انتى شفتى كتير على كده
انا لسة جديدة خالص ومخطوبة من كام شهر بس شفت شوية حاجات ياسلام ربنا يحفظنا ونكمل على خير
ايه رأيك ندى دروس للوقاية من غلاسة الحموات لو عندك استعداد يالا ايدك فى ايدى ونعمل مدونة نسميها ضد غلاسة الحموات
وده ميلى للتواصل
rohbosbos@gmail.com
تحياتى
ههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههه
لا حلوة صحيح يعنى
انا امى اتصلت بيا وعايزة تسجل عنك يا طنط فيفى
اصلها شايفة كل المواصفات تنطبق عليها دة غير انها مجننة مرات اخويا اللى امها داعية عليها
بسالحلق يتقال الست مش قادرة على جوزى
اصل واقفة لها زى اللقمة فى الزور كل ماتيجي تهوب ناحيته ابرق لها تخاف على طول
معلش يا طنط هى رسوم التسجيل كام؟؟
هههههههههههههههههههه
ربنا يعينك يا سوسو يا حبيبتى
والنبى يا حاجة معايا زيارة لسوسو ممكن أدخلهالها اوضة الفيران ولا ممنوع ؟؟
إيه ؟
عايزة تعرفى إيه اللفة دى ؟؟
طبعا تلاقيكى طمعتى فيها
دى فضلة خيرك 3 قطط يخلصوا على الفيران اللى مع البنية الغلبانة دى
أهى معاكى اهى
أمانة فى رقبتك يا فيفى
أما اشوف بقى أخبار الامانات معاكى ايه ؟؟؟؟؟؟؟؟
بقى كل دا ومحتاجين مدرسه كمان
صدقيني ياطنط كل واحده هتبقى مدرسه لوحدها
وهتتركني انتي عالرف
احسن حاجه اصبري وانتي هتشوفي جيل قادم من الحموات عنده اساليب مفتكسه بدل اسلوب ماري منيب اللي بطل من زمااااااان
أعجبنى أسم مدونتك فمررت للتحيه
........
مدونتك لطيفه سعدت بتصفحها
يخربيت فقرك يا فيفى
يعنى أكلتى البت سوسو وكمان هتدى دروس
الله يسهلوا ياااابااااا
يا جمالو يا جمالو
ده انتى هتكسبى أولوفات ويمكن تعملى دورة للحموات المش متجوزات تجوزيهم كمان
فلة عليكى يا فيفى
هههههههههههه بجد والله دمك خفيف موووووت
سعدت جدا بمروري علي مدونتك اللذيذه دي ارجو منك ان تسمحيلي بمتابعه جديدك
اختك شيتوس
كدة بقى احتلال رسمى للمدونة :))
والله حماتك دى مش ناوية تجيبها البر هتفتح مدرسة كمان ؟؟ انا لو منك ابلغ الأدارة التعليمية والضرايب :))
تحياتى :)
هههههههههههه
شفتى بقى الخبره الى اكتسبتيها من الست فيفى
لو كنتى فضلتى عمرك كله كنتى ها تعرفى كل ده؟
لو حماتى طلعت كده ها عرف انها متخرجه من عندك
تحياتى
اتنشرلك بوست فى جريدة الأسرة العربية .. العدد بتاع النهاردة
تحياتى
هههههههههههههههههههههههه
ونعم الدروس
كليات ايه ومعاهد ايه
هو فيه احلى من كده
والله انتى شكلك مش ناوى يجيبها البر
هههههههههه
الله يكون فى عون الجيل الجديد من الزوجات اللى حمواتهم هيتخرجوا فى المدرسة ديه
ربنا يستر
اللهم اني لا اسألك رد القضاء ولكني أسالك اللطف فيه
آمين
الحق احوش المؤخر بتاع الوليه مراتي اللي هتجوزها ان شاء الله من دلوقتي
فتكم بعافيه
أبنتى الغالية
لي عتاب عندك كل الدموية دي و الشر الكبير في كتاباتك عن الحماوات لا يتناسب
مع رقة مشاعرك ..فكيف بالله عليك تأتين بكل هذا القتل للمشاعر؟
هذاأن دل يدل علي أنك مبدعة و لكنك تذكريني بشر الفنان عادل أدهم
لي رجاء خففي الضغط قليلا علي الحموات
فهن أمهات
ههههههههههههههههههههههه
ههههههههههههههههههههه
هههههههههههههههههههه
التعليم في تطور يا جدعان
ضحكتيني ع اول النهار
قال هم عمرهم مش اقل من سبعين
وهتؤهليهم للسفر للخارج كمااااااان
وعجبيييييييي
بس كده البلد هتولع
مهو اكيد حماه من الحموات هتتمرد وتعمل مدرسه للبنات لمقاومة اضطهاد وفتونة وافترى الحموات
تخيلي بقى
ههههههههه
سلام يا عسل
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يلهوى هموت من كتر الضحك اية العسل دة
تحياتى
مدونة امورةخااااااااااااااااااالص
ايه ياست انت
انت لسه هنا
امشي بقي
لسه مصر بخير
ونعم الافكار يا سوسو للحفاظ على النوع النادر ده من الحموات
أريـ السمر ـج√•
====================
خلي الشعب يعيش ياسمر
يعني ان ماكناش احنا نشغل الدكاترة مين هايشغلهم يعني
البركة في الحماوات
واحدة مفروسة
======================
اهي دي الستات ولا بلاش
اديكي جاية برجليكي لحد عندي عشان حماتك تتعلم تفرسك وتزهقك
وعشان كدة انا هاديها الدرس الخصوصي في بيتها
بس بشرط كل يوم تمليلي بطني بأكلة حلوة والدفع فوري
والمواصلات عليكم
طيارة خصوصي عشان انا مش احب الزحمة
قوس قزح
===============
يابت عيب ده انا قد تيتة
ماتزعليش نفسك خدي كوباية عصير قصب وانتي تخفي
kochia
====================
تضارب مصالح يعني
يعني انزل العيا السوق
وانزل معاه الدوا يبقي لازمته ايه
ده احنا كدة نقفل من اولها
ادم المصرى
=================
عادي عادي
ابقي كمل بعدين
ها وبعدين
اسلام الحضرى
===================
هي فكرة برضه
بس انا الحر نزل علي نافوخي وسيحها
وماعنديش افكار اليومين دول
او ماعنديش نفس يعني
أحمد كمال
--------------
ماحدش بيغلب كله هاياخد حقه بالزوق بالعافية هاناخد حقنا ...
مهيج الجماهير
======================
ربنا يبعد عنك شر الحماوات الفاتنات
رئـــــيسـة حزب الأحلام
========================
الحصة الواحدة بميت دورار
كل دورار يقول هاللوه للدورار اللي جنبه
hamssah
==============
لو مامعاكيش دورلات ممكن يوروهات
مافيش مشاكل انا متساهلة خالص في المسألة دي
ميت يورو يكفي
تكييف ايه ياحاجة اللي عاوزاه احنا عندنا مروحة مركزية تهوي الفصول كلها
الزي بقي علي كل لون يابطسطة
اهم حاجة يكون مزهر والوانه كتير وحلوة
انا عاوزة ستات تفتح النفس
عاوزين مدرسة متفردة في الطابع
Eldebug
==================
يادي النصيبة
تصدق عندك حق
اتاري الواد ابني كل مايلاقي الحالة رايقة يشعللها
دكتور بهــدوء
===================
وزارة مين يابا
ده احنا الوزارة والغفارة وكله
norahaty
================
لا ياختي احسن تيجي تخلص عليا وانا لسة مادخلتش دنيا
فارس بلا جواد
================
ده هو ده زيت وسمن الجواز
وهو الجوازة من غير حماة تبقي جوازة
همس الاحباب
================
انت هاتوزع ايراد المدرسة بمعرفتك
وانا هنا لازمتي ايه
كان غيرك اشطر يابابا
blue-wave
===============
ليه بس ده كله عشان مصلحة البلد
دكتور حر
==================
يرحمكم الله
فزلوكة
===============
اسعارنا اقل كتير من الجهد المبذول
ده انا هالديهم عصارة خشاشة تجاربي
sendrlla
================
لو رجعتي للقديم هاتلاقي البت سوسو سبقت وكتبت عن كيف تتعاملين مع الحماة النكدية
اللي مش انا طبعا
عاليا حليم
===========
لو عاوزة شغلانة
انا ممكن امسكك جرس الفسحة ترنيه
appy
===============
انتي تعقدينا شوية واحنا نعقدك شويتين
عادي يعني
وما الدنيا الا عقدة بشنيطة
بطوط حبوب
=================
المدرسة دي بتشترط ان مجموع حاصل ضرب اتنين في واحد يدينا حماة واحدة تطلع عينيك
زفته وقطران
================
انا حماتي كانت سورية وعلمتني الاكل هو ده اللي افتكره عنها
الزهايمر بقي مابيسعفش الواحدة مننا
funckydoctor
=============
هاتقوللي
طبعا
سؤال بقي ببلاش من نفسي
اللي قلبه بيدق يبقي سليم ولا عيان
اصل انا قلبي بيدق وحاسة اني عاوزة اكل ايس كريم
هيثم الدهشان
===================
يافتاح ياعليم
يارزاق ياكريم
هو احنا لسة استفتحنا
عاوز تقفلها قبل مانفتحها ياراجل
اموال ايه اللي هاتبلغ عنها
مش لما يبقي فيه اموال ياراجل
Mohamed Dawod
=====================
لا مش فاهمني
انا احب النكد يبقي منتشر
مش كفاية اللحمة اللي شحت عاوز النكد كمان يخلص
جيهان علي
====================\
العلم نورون ياأبلة
فصول محو اللأمية مابتكسبش
شهد الكلمات
==================
انا زرت حكاوي القهاوي وعجبتني
الي الأماااااااااااام ياشهودة
نوره الخشن ــ آي و كفاية
============================
عاوزة تموتيني يانورا
يهون عليكي العيش والمش اللي اكلناه علي شط الترعة سوي ياقاسية
bos bos
=================
نعمل مانعملش ليه
اهو كلها افكار
بت خيخة وأى كلام
==================\
انا جاية يوم الجمعة الجاية معاكم اطبق علي نفسكم الخروجة الجاية
بس الغدا عليكم
سبهللة
===============
لا
ده احنا اللي هانديها مرتب ونديها فصل كمان
احنا عندنا مفهومية ونعرف نقدر المواهب لما نشوفها
حاجات جوايا
=================
ياختي عليها
ياختي
قطاقيطو بني
انا هاخدهم منك واربيهملك وارجعهم لك اسود
ده القطط دي حبيبتي
سوسو بتخاف من القطط وهاتزعل منك لو دخلتلها قطة
حبيبـــــــة القمـــــر
==========================
اساليبنا هي الاصل برضه
وع الاصل دور
حامد
==============
سعدت بزيارتك
شكرا
Doba
============
لا انا ضد جواز الحماوات
انا عاوزاهم متفرغات للتنكيد علي العيال
شيتوس
=================
اي خدمة
المدونة تحت امركم في اي خناقة
Foxology
==============
أشتاتاً أشتوت
ضرايب ايه ياأخينا
فال الله ولا فالك
قال ضرايب قال
nody_1987
=================
احنا في الخدمة
احنا هاننتشر ونتوغل عشان مافيش حماة تتخرج من ورانا
أسوور
================
شكرا ياأسور
بس مش تقوليلي انهي بوست عشان ابقي علي نور
aya
==============
بيقولك الدهن في العتاقي
كلبوشستان
==================
مؤخر ايه
هو احنا بيهمنا مؤخر ولا مقدم
محمود
===============
دم وقتل
انا بخاف من الدم خالص
زُمُرده
===============
التمرد والعصيان اخرته وحشة
سارة علي
=================
جديدة امورة خالص دي
انتي اللي اموورة خالص مالص
زفته وقطران
================
حد يعامل ضيوفه كدة يازفتة هانم
3ala asm masr
===================
كل حاجة في بلدنا هاتنقرض
حتي الحب مسيره ينقرض
السلام عليكم
مدونة محبط أفندى
مدونة ..بس للمحبطين ..
ومين فينا مش محبط من حاجة ؟؟
بس يلا بينا ..نحاول اننا نخرج من الاحباط دة
ونشوف اخرتها ايه!!
ونعيش مع الامل ..وياااارب
:)
نتمنى من الجميع المتابعه .. والمشاركة ..والمساعده
الميل ..
amohbat@yaho.com
بس فكره برضه تتلهوا مع بعض شويه و ترحمونا منكم حتى و لو ساعه
و ترجعوا مهدودين تناموا لتانى يوم و تنسونا شويه
ربنا يبعد عنا الظالم و المفترى
كمان مدرسة على كدا بقا اللى هتجيب مجموع هتخش كلية ايه هههههههههههههههههههههههههههه
تعالي ياحاجة ماتخافيش الدرس عندنا أحسن منه مافيش
حلو الشعار على فكرة
يا جماعة خلو بالكو ان الحما ام برضة ربت وكبرت اولادها وتتمنى لهم السعادة اكيد العيب فى زوجات اليومين دول مش عندهم فن ودبلوماسية المعاملة الواحدة من دول اول ما تتجوز عيزا تملك جوزها ويبقى حكر عليا لسان حالها بيقول شوف بقى امك دى تنساها خالص اكن الراجل دى جة من المريخ علشان يتجوز الست دى مش لية ام ربنا والاخلاق اوصت بيها وشكرا مطلق كان مفروس من مراتة
ماينفعش اقدم فى المدرسة ديه ؟ واهو كله تعليم مش هيخسر ههههههه
بس انا مش متوفرة فيه الشروط بتاعتكم خالص
ماتعملوا ملحق للاشبال ينوبكم فيه ثواب :)
كده الواحد لما يفكر يتاهل يشوف واحده بره المواصفات لتكون خريجه جامعة الحاجحه فيفى
هههههههههههههه
حلوة فكره المدرسه دي
ههههههههههههههههههههه
صيدلانيه طالعه نازله
=======================
لا يابطتي المدرسة بتاعتنا مش هانتخانق فيها احنا هانوفر مجهودنا للاحتلال العسكري للستات
هو احنا هبل
wanna b a physician
=========================
هات خمسة جنيه واستلم الشعار ومعاه مفتاحه
MEDUS
=================
وهو فيه حد غلط ولا يقدر يغلط في الحماوات
احنا اهوه بنطلع الست هي اللي غلطانة
فيه اكتر من كدة ايه ؟
وبعدين ماهو فيه حماوات للرجالة بتبقي مفترية برضه ولا احنا مالناش نفس نفضفض
وهي الفضفضة بقي فيها راجل وست هي كمان
علي كل منورني
Miss. Sosa
==================
ومستعجلة علي ايه ؟
بكرة ييجي عليكي الدور وتبقي حماة قد الدنيا وساعتها ابقي كسري الدنيا براحتك واحنا هانساعدك
رئيس جمهوريه نفسى
=========================
حرص لنفسك
semsem
==========================
اتفضلي
منورة
بيتك ومطرحك
إرسال تعليق