السبت، 7 مارس 2009

كل سنة وانتم معايا طيبين


يقول الرجل الخمسيني الذي يبكيني كثيراً ويسعدني قليلاً ان الاحتفال بعيد الميلاد يجب أن يكون بلبس ملابس الحداد علي سنة ولت وأنتهت ورغم زعمه هذا أجده يحتفل بعيد ميلاده ...حقاً يكون الاحتفال علي الضيق ولكن من قال أن إحتفالي بعيد ميلادي يكون علي الواسع العريض


مالمانع في أن أطفيء شمعتي وعلي وجهي إبتسامة ... فانا لا أبكي علي عام خاصمني وآذن بالرحيل ولكني أستقبل عامي الجديد بوجه مبتسم سعيد جايز يحن عليا ويكون عاماً من الانجازات والنجاحات


سأحتفل بسنة جديدة رغم انف المتشائمين فأنا سعيدة


ولم لا أسعد وأنا أعيش وسط أجواء من الصداقات الجديدة التي تهون علينا الطريق


فاتيما التي جلست بجواري في لحظاتي الحرجة لتعيد لي ثقتي في نفسي وتميل علي قلبي لتحادثه وتخرجه من لحظات إكتئابه التي كادت تفتك به


محمد غاليا الذي أصبح أخي و لم تلده أمي وجعل من الدنيا مكاناً أفضل لكي نعيش فيه وأعاد لي ثقتي بأن مصر مازالت تلد شباباً تفخر بأنهم من بلدك... ومعرفتي بأخي العزيز محمد هي خير دليل علي أن الصدفة قد تكون خير الف مرة من الف ميعاد


رئيسة حزب الأحلام التي أثبتت لي بأن بيتنا كان أرض خصبة لخلق مجموعة بنات مرهفات الإحساس قد لا يستيطيعون التعبير عن ذواتهن باللسان ولكن القلم أصدق تعبيراً من كل ألسنة العالم


لم لا أحتفل وفي حياتي هؤلاء وغيرهم وغيرهم الكثيرون


لم لا أحتفل وأنا مدونة أملأ الدنيا الصماء ضجيجاً

سأحتفل معكم

كل سنة وانا طيبة وانتم معايا طيبين ومالين عليا الدنيا

هناك 32 تعليقًا:

Ahmed يقول...

كل سنه أحسن من اللي قبلها ان شاء الله

د.خالدأمين يقول...

سلام عليكم


كل سنه وانتي طيبه


ويارب تزورينا



ونتشرف بيكي


وهابي بيرز زايتويو ههههههههههههه

mohamed ghalia يقول...

أختى العزيزة
كل سنة وإنتى طيبة وبخير وفى سعادة وهنا وسرور
كل سنة وإنتى إلى طاعة الله أقرب
كل سنة وإنتى بينا
كل سنة وكل الى بتحبيهم حواليكى وبخير
وبالتوفيق دايما فى كل حيات وفى حياتك الصحفية
دمتى فى سعادة

صبرني يارب يقول...

كل سنه وانتى طيبه يا جميل

ويارب عقبال ميت سنه نجاح وسعاده وحب وكل حاجه حلوه تتمنيها

مين الى بيزعل من عيد ميلاده ده ؟؟؟

يمكن يااختي احنا كمان نبقى نزعل برضه لما نكبر شويه

بس انا لسه ما بازعلش ولا حاجه

تحياتي ليكى يا جميل ويارب دايما بخير

koukawy يقول...

انا صحباتي كلهم بيجي عليهم عيد ميلادهم يزعلوا عشان بيحسوا انهم بيعجزوا سنه
انا بالعكس شايفه ان كل فتره في العمر و ليها جمالها
و ربنا ما بيعملش حاجه وحشه فأكيد مرور السنين عليني مش حاجه وحشه

كل سنه و انتي بصحه و سعاده و هناء و كل سنه تلاقيه اخ و صديقه و عون جديد

رئـــــيسـة حزب الأحلام يقول...

كل سنة وانتى طيبة وبالصحة والسعادة
ووفقك الله وجعله عليك عام ملئ باالسعادة عليك وعلى اسرتك وكل عام والجميع بكل خير ,وسعادة وبوسيلى العيال
تحياتى لكى

حسام غانم يقول...

كل سنة وانت طيبة

وعقبال خمسيييييييييييين سنة

محمد فارس يقول...

السلام عليكم ورحمة الله وبركاته
الاخت العزيزه *والاستاذه الفاضله
كل عام وانت بخير وبصحه وسعاده وهناء وسرور
مع تمنياتي لك بعمر مملئ بالحيويه
والنشاط الدائم
وعقبال100000000عام

موناليزا يقول...

كل سنةة وانتى طيبة ياسوسو
وعقبال110 سنة
ويارب السنة دى تكون سنة سعيدة عليكى وعلينا جميعا يارب

فين التورت والجاتوه ياسوسو؟:)

مسدس صغير يقول...

كل عام وانتى الى الله اقرب
وفى سعادة تغمر قلبك
وفى ود يزيح همك
وفى يقين يدفع كربك
وفى حب يملأ الدنيا ليمسح الكره من الاعداء قبل الاصدقاء.
كل سنة وانتى طيبة وبصحة وعافية وخير وسعادة وهناء وسرور..

wanna b a physician يقول...

كل سنة وانتى طيبة وبخير

وكل سنة وانتى منوره التدوين وبينا


تحياتى

يــوم جــديد يقول...

كل عام وأنت تقتربين من أحلامك أكثر

dodda يقول...

اولا
كلسنه وانت طيبه

لان انت بجد طيبه اوى


سعدت جدا بمقابلتك

جمالك الداخلى يملأبسمتك ويضفى نورا على وجهك ادامه الله عليكى

احتفلى وافرحى
ماشاء الله ..
اكرمك الله بكثير من الاسباب للفرح
لا ترفضى هبة الله

ربنا يفرح قلبك ويديم عليكى الفرح
امين

فاتيما يقول...

اولا إيه الكلام الحلو دا عنى ؟؟!!
يا سحورة أنا اللى سعيدة بوجودى معاكى اكتر منك بكتييييير
ثانيا مين الراجل الخمسينى دا بقى عشان كلامه مش عاجبنى ..و الواحد المفروض يحتفل بسنة مرت من حياته حلوة يحمد ربنا على ما حصل فيها و وحشة لأنها راحت خلاص و الجاى أحسن
ثالثا سلوى الجميلة هتطلع مش كدا لمين يعنى ماهو كلكم وردات من بستان واحد رائع
رابعاً ربنا يطول عمرك و ينعم عليكى بالصحة و السعادة مع طارق و تجوزى ولاد ولادك إن شاء الله
و خامساً خدتينا فى دوكه و مقولتيش عيد ميلادك الكام .....
وش بيغمز

حاجات جوايا يقول...

كل سنة وانتى طيبة يا سحورة
عقبال 100 سنة بالصحة والفرحة وراحة البال

صيدلانيه طالعه نازله يقول...

كل سنه و انتى طيبه يا سوسو و دايما من نجاح الى نجاح و تفضلى مبسوطه و فرحانه و مفيش حاجه تزعلك ابدا و يبعد عنك نكد حماتك قادر يا كريم

قوس قزح يقول...

كل سنة وانتى طيبة يا جميل
و طبعا تحتفلى و لما تبقى فى الخمسين يا ستى ابقى البس اللى تلبسيه يوم عيد ميلادك
لكن دلوقتى انتى لسه صغننة ..يعنى تلبسى فوشيا كمان

عقبال 100 سنة و كل سنة تكون اسعد و احلى من اللى قبلها

mohamed يقول...

كل سنة وأنتي طيبة :):)

مش عارف فيها ايه اما الانسان يكون محقق ومتحقق وسعيد :)

وسلامي للأستاذ طارق

إيناس حليم يقول...

:))
كل سنة وانت طيبة وعقبال ميليووووووون سنة

كل سنة احلى من اللي قبلها :)

Foxology يقول...

كل عام وانتى بخير وان شاء الله الجاى احسن :)

تحياتى :)

Kiara يقول...

كل سنه وانتي طيبه ياقمر


وافرحي وعيشي

الشموع البيضاء يقول...

كل سنة وانتى طيبه

الطائر الحزين يقول...

كل عام انت بخير

maiosha يقول...

كل سنة وانتى طيبة يا مفقوعتى
وعقبال 100000000000000 سنة

كلهم خير وسلام ان شاء الله

ســـهــــر يقول...

كل سنه وانتى طيبة يا قمراية
وكل سنه وانتى منورة عالم التدوين كله

حنين القلب يقول...

كل سنه وانتى طيبه

ودايما بخير يا رب
وسنه جديده سعيده عليكى يا سوسو

بالمناسبه انا قريت الكتاب بتاعك راااااااااااااااااائع كنت هموت من الضحك

تسلم الايادى يا سوسو ويبارك ليكى فى زوجك واولادك وفيفي
هههههههههههههههههههههههه

عابرة السبيل يقول...

عندك حق
احنا نحتفل بسنة جديدة ربنا كتبلنا نعيشها مش نكتاب

المـــفـــــــقــــــــوعـــــة مــرارتـهــا يقول...

انا داخلالكم من عند فاتيما دلوقتي
ربنا يسعدها يارب ويسعدكم كلكم
ومايحرمنيش من طلتكم عليا ياأحلي ناس في الدنيا كلها تسلم تعليقاتكم

Bongo يقول...

كل سنة و انتي طيبة
و يارب السنة الجديدة احسن و احسن

مبروووووووووووووووووووووووووووووك من هنا لبكرة علي توقيع الكتاب , و معلش انها متأخرة لظروف الكلية و الأبحاث والذي منه ..
:D

hasona يقول...

السلام عليكم

كل سنة وانت طيبة

وان شاء الله يكون الاحتفال جميل

صاحب المضيفة يقول...

كل عام وانت في طاعة وسعادة وهنا وود وقرب من الرحمن

كل عام وانتي الى الله اقرب وعلى طاعته ادوم


تحياتي

mahasen saber يقول...

كل سنه وانتى بالف خير سا جميله يا ساحره
ويا رب دايما للافضل يا حبيبتى

انا عارفه انى ساعات بقصر فى زيارتك بس اعذرينى مشاغل كتير واكيد مش بمزاجى انى مزركيش يا سحوره

بس ممكن لو سمحتى تحطى لينك حلقة النيل الثقافيه فى المدونه لانى معرفتش اشوفك وكتير يحب اننا نشوف الحلقه

يا ربى تكونى مسجلاها

كل سنه وانتى واسرتك وكل من تحبين بالف خير وسلام