وراكم وراكم والزمن طويييييييييييل ... أنتم فاكريني مشيت أنا مش ماشية إلا لما أطلع كل إللي في قلبيده أنا فيفي والأجر علي الله
الحاضر يعلن بسلامته الغايب ... مادريتوش مش عيد الأم أتغير أسمه في البطاقة ...
الحاضر يعلن بسلامته الغايب ... مادريتوش مش عيد الأم أتغير أسمه في البطاقة ...
وبقي أسمه عيد الأم ومعاها الحماة
والست سوسو هانم داخلة عليا يوميها بأيد وري وأيد قدام ...
بنت اللذينا ... هي فتنت وقالت أنها دخلت بألبوم الصور الصيني ... وهو ألبوم الصور هدية تملي العين برضه ؟ !...
بقي فيه واحدة في الدنيا تقل عقلها وتجيب هدية لحماة المستقبل أقل من حتة دهب ...
خسارة فيا ؟!
ده أنا لولا صبري علي جوزي .. لكان ولادي أتشردوا .. وهو أنا صبرت عليه شوية ... ده حتي الناس كانوا بيفتكروني مش متجوزة وجالي عرسااااان ياااما وأنا أرفض وأقول أنا هأفضل علي زمة جوزي ومش هاأتطلق منه عشان خاطر ولادي ... بقي ده جزاتي ... ضيعت شبابي وصحتي عليهم ... بعد كدة كل واحد منكم ... مناديله تبقي معاه في جيبه أحنا مش فاتحينها سبيل هنا وبنوزع مناديل علي البطاقة ... أصلي ناوية أبكيكم كتير هنا ...والدموع هاتبقي للركب
تقوم المحروسة بعد كل ده تهاديني بألبوم صور وكمان صيني .. أنا كل عفش بيتي سينييه ... الأصلي يوكل
وبعدين بتعتب عليا أني قلت لمامتها أن أبني مايسترش وعنده رُبعين طايرين .. الحق عليا إني بأوعيهم .. أصلي حبيت البنية وخفت عليها .. قبل ماأعرفها كويس ... و آخرة خدمة الوز أيه ؟ بيقولك علقة .. أنا كنت فاكراها هاتقدر ... وتشيلني فوق راسها العمر كله ... وبعدين ماهو أبن سبعة يبقي الربعين بايظين ولا لأة ... أنا عداني العيب وقزح وإللي يقول غير كدة كذاب
والهدية دي كووووم وإللي حصل في الزيارة بعد كدة كوم تاني
الواد أتجن باين ... بيفتح النيش قال .. وهي كانت تطلع مين بسلامتها الهانم عشان تشرب في كوبايات مخصوصة ... أنا الحق عليا إني أعتبرتها هي وأمها من العيلة وبوريها الواقع علي الطبيعة .... أنا كدة لما أحب حد أقرفه ...
وبعدين بتعتب عليا أني قلت لمامتها أن أبني مايسترش وعنده رُبعين طايرين .. الحق عليا إني بأوعيهم .. أصلي حبيت البنية وخفت عليها .. قبل ماأعرفها كويس ... و آخرة خدمة الوز أيه ؟ بيقولك علقة .. أنا كنت فاكراها هاتقدر ... وتشيلني فوق راسها العمر كله ... وبعدين ماهو أبن سبعة يبقي الربعين بايظين ولا لأة ... أنا عداني العيب وقزح وإللي يقول غير كدة كذاب
والهدية دي كووووم وإللي حصل في الزيارة بعد كدة كوم تاني
الواد أتجن باين ... بيفتح النيش قال .. وهي كانت تطلع مين بسلامتها الهانم عشان تشرب في كوبايات مخصوصة ... أنا الحق عليا إني أعتبرتها هي وأمها من العيلة وبوريها الواقع علي الطبيعة .... أنا كدة لما أحب حد أقرفه ...
أنا لا أكذب ولا أتجمل ... هو ده سلو بلدنا ... نشرب في كوبايات متنوعة عشان الزهق والملل .. وأهو كله شُرب ... هما إللي قلالات الزوق بقي أبني يعزمهم علي حاجة يطفحوها وهما يقولوا لأ ... وبعدين أنا أعرفها منين الهانم دي
واحدة شافها في الشارع وخطبها .. مش جايز تطلع طماعة وتطمع في النيش بتاعي ... وتكون فاكرة إني عشان ماليش بنت يبقي هي إللي هاتورثني.. الشر برة وبعيد ... ربنا يطول في عمري ... وبعدين فيها أيه لما يسمعوا الحومار إللي قلته لأبني .. وهو أنا كنت قلته في وشهم ...وحتي لو كنت قلته في وشهم ...وأيه يعني ..ده المثل بيقول في وشك ولا أغشك
سيبكم أنتم من الحكاية العبيطة دي ... بذمتكم هي دي حكاية تتحكي من أصله .. واحدة بتمسك في الهايفة وتتصدر
أظن قالت لكم الأستاذ عمل أيه ؟؟؟ قال أيه بيأكلها في بُقها السمك قال ... أنا كان هاين عليا أديه بالطحينة في وشه ... أنا قلت مادام بيأكلها وهي لسة حيالله خطيبته أمال هايهبب أيه لما يتنيلوا ويتجوزوا ... أكيد هايدخلوني في زير النسيان ... ياعيني عليكي يافيفي ... ياللي هاتتزنقي في الزير يافيفي .. ياخسارة شبابك يافيفي
طب ياريت بس يختارولي زير أكس أكس لارج عشان عندي لوبيا الأماكن المغلقة
كفاية كدة لما أقوم أكل أحسن سيرة السمك جوعتني
جوووووووووووود باي عليكم ورحمة الله وبركاته
سيبكم أنتم من الحكاية العبيطة دي ... بذمتكم هي دي حكاية تتحكي من أصله .. واحدة بتمسك في الهايفة وتتصدر
أظن قالت لكم الأستاذ عمل أيه ؟؟؟ قال أيه بيأكلها في بُقها السمك قال ... أنا كان هاين عليا أديه بالطحينة في وشه ... أنا قلت مادام بيأكلها وهي لسة حيالله خطيبته أمال هايهبب أيه لما يتنيلوا ويتجوزوا ... أكيد هايدخلوني في زير النسيان ... ياعيني عليكي يافيفي ... ياللي هاتتزنقي في الزير يافيفي .. ياخسارة شبابك يافيفي
طب ياريت بس يختارولي زير أكس أكس لارج عشان عندي لوبيا الأماكن المغلقة
كفاية كدة لما أقوم أكل أحسن سيرة السمك جوعتني
جوووووووووووود باي عليكم ورحمة الله وبركاته
هناك 81 تعليقًا:
اول تعليق عند حماة بنتى
ههههههههه
رائع والله
عدى الجمايل يا سوسو وخلى بالك من البنت
ازيك ياطنط قيقى
اخبار حضرتك ايه انا قلت اسلم عليمى الاول
ممكن اسلم على البت الغلبانة اللى عندك سلميلى عليها وعلى العيال
تحياتى للجميع
ههههههه
والله يا ست فيفى عداكى العيب وقزح
بس العيب عليكى انتى برده
مفروض كنتى خبطيه بالطحينة فى وشه
يعنى ايه ياكلها السمك فى بقها وانتى قاعدة طيشة يعنى وبعدين مش خايف من الشوك اللى فى سمك مفروض ياكل امه الاول وبعدين بكرة يتجوزا وتعالى قابلينى لو بصوا فى وش بعض على الاكل ولا تزعلى نفسك يا ست فيفى دول برده عيال صغيرة
ههههههههه
تحياتى وتقديرى
... ياعيني عليكي يافيفي ... ياللي هاتتزنقي في الزير يافيفي .. ياخسارة شبابك يافيفي
أنا كدة لما أحب حد أقرفة
وهي كانت تطلع مين بسلامتها الهانم عشان تشرب في كوبايات مخصوصة ... أنا الحق عليا إني أعتبرتها هي وأمها من العيلة
فيفى خدى عليهم تعهد موثق فى الشهر العقارى يمضى علية ابنك قبل عروستة الى هى بالزوق ولا بالعافية برضة بنتك
أنك رقم واحد وهما الاتنين رقم عشرة يأما الفتوات موجودين فى الخدمة
وطبعا من حقك تقرفيهم بالطول والعرض
أمال يرحموكى من ممارسة دور الحماة الى كنتى مستنياة من زمان
وبعدين والكلام للعروسة مش تحمدى ربنا أنها شربتك فى كوباية زجاج بدك ما كانت جابت قلة فخار وأنتى عارفة أن لقلل لها أستخدامات أخرى
قال أيه بيأكلها في بُقها السمك قال ... أنا كان هاين عليا أديه بالطحينة في وشه ... أنا قلت مادام بيأكلها وهي لسة حيالله خطيبته أمال هايهبب أيه لما يتنيلوا
أنا نفسى أعرف يعنى هى الحكاية زنقت معاكم قدام فيفى طب يا عريس لقمة لفيفى ولقمة للعروسة
الرحمة حلوة
برضة مستنيكم فى مدونتاى
http://kalamfekalamm-mohamed.blogspot.com/
و
http://kalamfekalamm.blogspot.com
ومتنسونيش فى سمكية بس تكون فيها بطارخ
وتكون فيفى مشفتهاش
تحياتى
اية دة هي فيفي اخدت منك المدونة
حتي دي مش سيباكي تتهني بيها
ياعني عليكي يامفقوعة ياختي
ههههههه
يعني يافيفي انت شايفة دة حب
ياشيخة امال لوبتكرهيها هتعملي اية
حبك قاسي
يا قاسي ياراجون
هههههه
سلامتك ياحببتي من الزير
ان شا الله العدو
يلا سلام
ازيك يا طنط
انا جايه امسي اصلي سمعت سيرة السمك قمت جاية
وحياتك يا طنط انا لسه موكله الراجل اللي جوه ده سمك
إلا ما فكر ينضفلي حته و يحطها فى بقى ...إلا يقولي نضفيلي يا مفروسه
شفتي الخيبكه
بس سيبك انتي الرك على التربيه ..انتي ماعرفتيش ....تنشفيه كده .....رجلة آخر زمن قال يوكل الست فى بقها....قال...وكيب سايب امه عينها حتطلع على اللقمه
اخيييييه
إلا يا طنط صحيح انتي مش اتجوزتي ليه يعنى ....؟
من قلة و قصر ديل ..و لا مافيش نفس
...اصل لو ناويه....انا عندي وااحد....نفسي اخلص منه و اعمل فيكي معروووف
هههههههه
بس و النب تقولي ااااااه ...اصلي مفروسه و مفسي اتفك
سوسو ايه رايك...حزغلل عنيها....و اخد حريتي انا و اطلق يديااااااااا
همس الاحباب
================
معاك حماة حماة بنتك
لكن حماة بنتك دي دخلتها في الأوضة الضلمة أحسن بتساهيني وتدخل المدونة من ورايا
اهو انا من ساعتها بأغلط نفسي
كان مفروض ارشهم بالطحينة
بس من خضتي أتلجمت
دي حتي البت سوسو وشها مقشف وكان محتاج ماسك طحينة ينضفه
رئـــــيسـة حزب الأحلام
=========================
دفعتوا فلوس النت ؟
لو عاوزاني اسلفك هااسلفك
انا فييسة وكريمة وممكن اسلفك
الحشرى
==================
غلبت معاهم افهمهم اني رقم واحد وهما رقم خمسين
بس مافيش فايدة فيهم
القلة دي هاتنزل فوق راسها تعقلها لو مابطلتش دلع ومياصة
My Hope$
=================
ربنا مايوريكي ياختي علي الزير وعمايله
انا لسة في الزير من ساعتها لدرجة اني رفضت اجوز ابني التاني احسن يرميني في زير هو كماااااان
واحدة مفروسة
===================
انا اتاخد ألا ضرة
ليه شايفاني بايرة
ده العرسان واقفين علي الباب اكوام اكوام
انا بس احن وأشاور
وبعدين انا بأحب جوزي وهو بيحبني
ياعوازل فلفلوا
(وش مطلع لسانه )
الله!
سمك
طب كنتي جوزتهوني انا كنت ولا هتكلم والله وكنت جبتلك الزير اللي انتي عوزاه وهجيب كوبياتي معايا اشرب فيهم كمان
ايه رأيك
هههههههههههههه
ربنا يهنيهمي يارب وتشوفي احفادهم مش ولادهم وبس
وبراحة عالسمك اللي ياكل لوحدة يشبع!!!
معلش بقى يامفقوعة هانم ماهى اصل الدنيا يوم لك ويوم عليك
وبعدين بصراحة مش المفروض ان اللى اتعمل فيكى تعمليه فى الناس ...
سيبى العيال يعيشوا حياتهم وبعدين ده انا كنت ناوية اقولك شوفيلى حد اتجوزه من عندك انما كده خلااااااااااااااص نفدت بجلدى ومبروك عليكى الزير
هي الست دي مش هاتفصل شوية و تبطل تخبيط في الست سوسو هو في زي الست سوسو
في اخلاقها و ادابها و حنيتها
يالا ربنا يهد القوي و ترجعلنا يا سوسو بالسلامة
تحياتي
لأااااااااا
انا موش طايقة الست دى
خلاص خلاص
هبلعها عشان خاطر البونية المحبوسة دى و موش عارفين أراضيها
يا ترى إنت فين يا مرزوووووق ؟؟
يا أخت تانت فيفى
أنا موش هقولك الكوبايات أبصر إيه
و ألبون الصور مدرك إيه
و لا حاجة من الحاجات دى خاااالص
أنا بس هقولك
الحمدلله
إن معندكيش بنات
و إلا كان كل اللى بتعمليه فى مرات إبنك دا
هيقعدلك فى البت الحيلة اللى عندك
و يظهر إن دا اللى مقوى قلبك على البت الغلبانة دى
و قسماً عظماإ الا البت يجرالها حا....
خلاص
خلاص
ما تشاوروش
موش هشتم عشان البت مفقوعة رهينة
إللهى و إنت جاهى و انتى بتاكلى السمك المرة الجايى شوكة توقف فى زورك ميعرفوش يطلعوها ....
هه
انا من الاول وانا بقول انك مظلومه حتى اسألى مفقوعه
وفى واحد زمان هنا جه طلب ايدك فابقى شوفى الطلب ده
هههههههههههههههههههه
اهم حاجة يكون الزير واسع من الوسط ومن الاكتاف عشان الحر ده يعنى ميرضيناش فيفى تقعد حرانة دى واحدة كل حاجتها سينييه يا جماعة دى مش أقل من زير ماضى عليه نابليون
تحياتى ليكى ولفيفى
انتى اللى جيتى فى طريقى رغم تحذيراتى بابعاد اى حماة عن وجهى
اتقى الله وارحمى نفسك شوية مش هتعيشى اكتر ماعيشتى سيبى ذكرى حلوة الناس تفتكرك بيها
كفاية عليكى كده لاتفكرينى بقوى سوسو عليكى
بموت فيكى وفى خفة دمك
الا يا جماعة تبئى مصيبة لو فعلا فيفى هى اللى قاعده على الكمبيوتر
وخنقت سوسو ولا عملت فيها حاجة؟؟
دمتى بألف خير اختى الكريمة
تحياتى
ومازلت فى انتظار انك تعملى المدونة دى فى كتاب وانا اول واحدة هاشترى منه عشر نسخ
اولا احب اطمن علي سوسو احسن تكوني أكلتيها مع السمك
ثانيا : كيف حال الحماه النكديه اللي معذبه مراه ابنها هو انتي لم يصادفك حماه ولا ايه يافيفي ولا حماتك كانت مطلعاهم عليكي
تقومي تستقوي علي الغلبانه
حرام عليكي
الظالم ليه يوم
وبعدين انتي بتكتبي في البلوج دا ليه
حتي في دي حشريه اعوذ بالله منك يا سوسو
اللهم اجعله خير
ازي حضرتك
صدقيني ماكنتش اقصد اللي قلته عليكي
ولا اااااي حاجه
بس سيبيني اخرج
سيبيني اروح لماما
مم مم ممكن اخد سوسو معايا هيا فيييين
عاااااااااااااااااااااااااا
انتي اكلتيها
طلعيها تاني
ماليش دعوه
ياخسااااره شبابك يا حبااااااابتي
:(((
هههههههههههههههههههههههههههههههههههه
يا خبر على الكوميديا لالالالا احنا لازم نعمله مسلسل واحلى حاجة انه هيبقى كذا موسم بأة :))
برجاء زيارة الكيت كات وخدى الواجب وحليه اللهم بلغت اللهم فاشهد :))
تحياتى :)
الله يهديكي يا مدام فيفي
بس يعني انتي مش شايفه انك زودتيها حبتين قولي تلاته كمان
انا ضحكت كتير قوي من كلامك حتى في الفترا خفة الدم بتاعتك خلتني اغفرلك
عموما اعتبريها بنتك اللي هتشيلك في عينها مش اللي هتورثك وبعدين هو احنا يعني هنعيش تاني قد ايه
ومتنسيش هتحتاجيها يعني هتحتاجيها وربنا يكمك ويسعد ايامك
لكي مني كل التحيه
ايه يا سوسو
هو حد شاف المدونة ولا ايييييييييه؟؟؟
==================
معلش يا حاجة زي بنتك برضه وممكن تعلميها يعني وتعرفيها غلطها يعني
هتخسروا بعض عشان هدية يعني
تحياتي
بلا الافكار السودة دي
شكرا على الموضوع
تحياتي
أخرة خدمة الوز كيسين رابسوا هدية :)
د/هيما
ههههههههههههه
والله
والله
والله
فيفى دى عثل
حتة ثكر
بجد
بجد
بجد
انتى مفترية يا بت يا سوسو
شاطرة يا فيفى
خليكى قافلة عالبت سوسو واقعدى انتى نورينا كده دايما
متجيبى حتة سمك يا فيفى
بلاش طفاسة
هاااااااتى
يا سوسو الحقيييييييييييينى
فيفى ماسكة ف زمارة رقبتتتتتتتتتتى
تعاليلى يامه
العواف
حكاية الكوبايات المتنوعة دى فكرتنى ببكيزة و زغلول
:)
ست شيك و متجددة يا بنتى حد يطول يبقى عنده حماة متطورة و كول زى فيفى ؟
سيبك منهم فعلا ناس بتيجى فى الهايفه وتتصدر
المهم سيبك انتى
المهم تكون اكلتى السمك بالهنا والشفا
يعنى انتى زعلانه عشان بياكلها سمك طيب مش يمكن عشان عندك حساسية منه لو اكل تانى كان عادى
طيب معلش يا ست فيفى خليها على الله وتعالى انتى على نفسك
بسزير اية انتى مقامك زير برضوة
استنو كده هو انتو بتحبو الست دي ولاايه
انت ياست انت
قال مش عاجبك الالبوم
دهب ايه ياام دهب
ده خشساره فيكي
مش كفايه الدهي الل ختيه من ابنك
امشي ياست انت
نوره الخشن ــ آي و كفاية
===========================
ياطفسة .. بقي فيه واحدة تتجوز عشان أكلة سمك
شكلها البت سوسو طفسة ذيك وعشان كدة اتجوزته هي راخرة
إلا مافيه حاجة تتحب
habiba
==================
أمشي كدة
هو أنا امشي في جوازة أبداً
ده علي راي المثل أمشي في جنازة ولا تمشيش في جوازة
شهد الكلمات
================
عندك هنا
انتي اتجنننتي ولا أيه
فيه حد عاقل يقول لسوسو ست
لا وقدامي كمان
انا هنا ست الستات ولافيش غيري ست
انما المخفيةمايتقالش عليها غير بت
فاتيما
==============
انتي بتدعي عليا
انتي اتجننتي
بقي فيه حد يدعي علي فيفي هانم
ده اللي كان ناقص
تحبي انتقم منك في سوسو الرهينة
بطوط حبوب
==================
ماانا عارفة
بس البت سوسو طلعت قطاعة أرزاق
وماقالتليش عليه
انا عرفت بالصدفة
والواد ياعيني عليه من الفرحة أغمن عليه واختفي
ayman badr
===============
وهو انا هاسترخص في الزير بتاعي
ده ان ماكانش زير مدفوع فيه الشيء الفلاني ياإما بلاش
موناليزا
=================
كل ده ومش هاسيب ذكري حلوة
ده ان ماكانتش البت سوسو بذات نفسها تقول الله يرحمك ياحماتي ويبشبش الطوبة اللي تحت راسك
انتوا اللي هاتقولوها بعضمة لسانكم وهاتترحموا علي يومياتي ليل ويا نهار
سبهللة عالاخر
===================
ولو اتعملت كتاب بقي ؟
الفلوس تروح لمين
لسووووووووسو ولا لفيفي
صحصحي معايا وركزي في السؤال كويس
وياريت تجاوبي كالآتي عشان ماتتهوريش وبعدين تتعوري
انا نصيبي في الصفقة دي
تسعة وتسعين في المية وماعنديش مانع أدي لسوسو واحد في المية تشتري بيه شاش وقطن تعالج بيه روحها
GeHaD-----(male
======================
سوسو لحمها مر
عمري ماافكر ادوقها علي طرف لساني حتي
انت ياأسمك أيه عاوزني اتعب نفسي وادور علي مدونة جديدة ومدونة مرات ابني موجودة
ياعييييييييييييب الشوم ياولااااااد
الناس مابقاتش ترحم فيفي ووقتها السمين
دكتور بهــدوء
===================
يادي النيلة عليكم
انتم بتترعشوا كدة ليه
ده انا لو عايزة اجيب ايُها واحد فيكم كنت جبته
لكن ان حونينة وقلبي ابيض وماليش الا البت سوسو عشان اطلع قرفي فيها
Foxology
==================
ومين هايقوم ببطولتي
انا ياتجيبولي فاتن حمامة تقوم بدوري يابلاش
فتونة حبيبتي
ده انا وهي كنا اصحاب في اسكولة واحدة
بس هي خرجت من المدارس وراحت اشتغلت في السيما وانا خرجت من المدارس واشتغلت حماة قد الدنيا
انا مذنب
=================
ربني مايحوجني لأمثالها
هي عاوزة تورث النيش بتاعي
انا متأكدة
جاني هاتف في المنام قاللي كدة
وعاوزة تورث مكوة الشعر بتاعتي
حتي انا موصية واحدة قريبتي تيجي تاخد النيش والمكوة بتوعي وتوزعهم رحمة ونور علي روحي
نونو
================
كلامك توجهولي انا
خلاص زمن سوسو ولي وعدي ولا عمره هدي
بصي بقي انا لو ابويا جابلي هدية نص كُم أرجعه بيها من علي الباب
هو انا يهمني حد
عاشقة الحب
================
بقي افكار فيفي يتقال عليها سودة ياشيخة
أومال أفكار البت سوسو يتقال عليها أيه ؟
فكري كويس قبل ماتردي
احسن انا نابي أزرق غطيس
Dr-hema
=================
أيدك علي الكيسين رابسو
اللي يوعد بحاجة هنا لازم يجيبها
انتم فاكرين دخول الحمام ذي النوم فيه
Doba
=================
الله يعافيكي ياختي
بقي عاوزظة حتة سمكة من بتاعتي يانصابة
جاية تضحكي عليا بالبقين الحمضانين دول عشان حتة سمكة ياطفسة
عاليا حليم
==================
ده انا كان الموجي .. عارفاه
يقعد في الريسيبسن بتاعي
وجوزي يتحايل عليا عشان أصبله الساقع في كوباية شيك وأنا لأة لأة
هي الكوبايات دي مش بفلوس يابنتي
لست أدرى
===============
السمك بتاع الخطوبة المشؤمة أياها نزل سم عليا وكنت عمالة أنكت وأهري منهم
بس السمك دلوقتي ليه طعم تاني وخصوصاً جوة الزير
wanna b a physician
========================
ماتستنضفلنا زلعة كبيرة كدة علي زوقك ندخل فيها
احسن الناس مقامات والزير بقي موضة قديمة
وانا احب أمشي علي الموضة
زفته ...
==================
مابلاش انتي ياست زفتة
بدال مااسميكي زفتتين وحتة
إن مافيه حاجة تتحب ايه بس هو حد لائي عرسان اساسا
خلاص عليكي وعلي سوسو المفقوعة
اقنعيها بنفسك
وهي تقدم مصوغات التعييين للعريس المذكور ومادام بتحبي السمك يبقي اكيد هاتحبي مفقوعة عشان ريحة الزفارة بس
وانا عن نفسي هااقسم شغل الحماوات عليكم
انتي شوية وهي شوية
دي اكيد هاترحب مادام فيها تقسيم
بس البت سوسو خايبة في الطبيخ والمسح والكنس لازم تكوني لهلوبة وييجي منك عشان هاتتمرمطي معاها في شغل البيت يابنتي
دي سوسو وانا عارفاها مابترحمش
ومبروك عليكي ياضرة مرات أبني
ونخدمك في الأفراح ياسوسو
جامد اوى والله البوست ده
كل دى وصله قالتها فيفى؟
ربنا يديها الصحه
هههههههههههههه
بصراحه يا فيفى انتى كل كلامك صح يعنى ايه ياكلها السمك فى بقها وهما مخطوبين امال بعد الجواز حيأكلها ايه جمبرى جامبو لا ده كلام انتى غلطانه انك سكتى عليه ساعتها
اهى دلوقتى ماليه المدونه كلام عليكى و مقطعه فى فروتك سورى قصدى الفرير السينييه بتاعك
خدى بالك منها كويس احسن البت دى مش سهله
وكمان سمك يا نهار ابيض
انتى عارفه دلوقتى كيلو السمك بكام
لكن العيب مش عليهم
العيب عليكى
انتى اللى مدليعاهم
ههههههههههههههههههه
والله واحتليتي المدونه يافيفي
بس ايه دا من اولها زير وزنقه
استني اوصيلك على نوع فاخر واصيل تدخلي فيه متحبيش تخرجي ابدااا
بس ابقى سلميلي على سوسو
اوعي تنسي
ههههه
فعلا دلع مرق قال يأكلها فى بقها قال
ومتخافيش هوثى على تلاجة مش زير :D
تحياتى
نريد متطوعون لإنجاح فكرة المدونة
ومن يجد في نفسه حب الخير فليتفضل
elkhatbah60@yahoo.com
3ala asm masr
===================
الصحة بمب
خمسة وخميسة علي عينيكم
صيدلانيه طالعه نازله
======================
لو البت دي مش سهلة فأنا مش سهلتين
ماتخافيش عليا
انا هااطلع من جتتها القديم والجديد
اوعى تفكر
==============انا لو عليا أكلهم طحينة من غير سمك
بس الواد ابني هو اللي جاب السمك بمعرفته
حبيبـــــــة القمـــــر
==============================
سوسو راااااااااااااااح وانتهي
العهد ده عهد فيفي وبس
funckydoctor
====================
تلاجة ايه
لا ماينفعش
انا واحدة ست وهايجيلي برد
السلام عليكم ورحمة الله وبركاته
فيفى العزيزة اللذيذة
ولا يهمك ياحبيبتى
والمثل بيقولك ربىّ ياخايبة للغايبه
ومسيرك يامرات الابن تبقى حما وتيج المحروسه الصغيرة توريكى اللى وريته لحماتك
حبيبتى ما تزعليش ماهى دى سنة الحياة وانتى برضه خدت راجل ملوا هدومه من امه مش كده؟
ما تزعليش وفرحى وهيسىوالبسى الفستان اجديد بتاعك
وكيييييييييييييييييييييييييييدى الاعادىىىىىىىىىىىىىىىىىىىىىىىىىىى
تحياتى يافوفا
هههههههههههههههههههههههههههه
كنتى ردى عليها وقوليها
وانتى تتنسى ازاى اصلاً؟؟؟؟؟
الله يكون فى عونك ياحبيبتى
منوراانى ديما ياقمر..
السلام عليكم ورحمة الله وبركاته
شكلي محتاج وقت علشان افهم
انتي احيانا بتكتبي بلسان حماتك صح؟
ولا ايه؟؟؟
بس بوست رائع الحقيقة وحوار واقعي وصريح
تحياتي
ياسلام علي الدنيا....الناس بقت تطمع
في النيش....و الله انا طمعت في السمك
والطحينة....و حاسس بالجوع من البوست اللذيذ هذا....يا الله بالهنا و الشفا
عليك و علي كل من قرأ البوست...
تحياتي و تقديري
norahaty
===================
ومنين أجيب الفستان
ماعندكيش فستان سلف اتهني بيه شوية
دعاء مواجهات
===================
ماعاش ولا كان اللي ينسي فيفي اصلا
هو انا شوية في بلاد الحماوات الفاتنات
الباحث عن الحقيقة
====================
تمااااااااااااااااام كدة
الله ينور عليك
الربان
======================
وهو النيش بتاعي شوية
ده مليان علي آخره
حاجات أثرية ماتلاقيش ذيها اليومين دول
ده كفاية الشفشق اللي فيه
ده لواحده كان بخمسة جنيه بحالهم
احلى حاجه ان مدونتك متخصصه فى حاجه واحده وهى العكننه على الحموات
وده اتجاه كويس بينى وبينك
ان المدونه يبقى ظاهر من اسمها بتقول ايه
بس انا شايف انك تنوعى شويه فى الموضوعات اللى بتقديمها
لان واضح انك تمتلكى ادوات كاتبه محترفه
تحياتى
هههههههههههههههههههههههه
شوفتي ياسوسو اهي طلعت مش تقصد اي حاجه من اللي كانت في بالك خااااااااااالص وطلعت قطه خالص اهو وكمان بتاكل سمك عشان جعانه مش بقولك قطه :))
تحياتي ليكي :)
ايه يا ست فيفى
انتى حابسة سوسو ولا ايه
ولا هى زعلانة
محدش بيشوفك فى المدونة يعنى
ارجو انك تكونى بخير وما تكونيش زعلانة يا ست سوسو
ههههههه اسفه يا سحوره بقالى كتير مفيش كمبيوتر مفيش نت معلش ايه يا بنتى الاحتلال دا ...حماتك فيفى بتفكرنى بمحدثين النعمه بتزلكم باللى عملته
يا ستار يا رب
تحياتى ليكى سومه_87
صالح سعيد
=================
طب اقترح عليا موضوعات تانية إلهي يسترك احسن أنا عندي جفاف في الأفكار
ولولا ان الموضوعات مكتوبة ومتسيفة منمدة كنت هاتلاقي مخي بيهش وينش
Eno
===============
البت المفعوصة سوسو طوووووول عمرها ظالمة ومايتاخدش علي كلامها
منورة المدونة
عقبال مانزورك في بيت عدلك يابطوطة
همس الاحباب
==================
ماتخافش انا حديد
وازعل من ايه بس ؟
انا بس عندي تمارين سباحة
طبعا عمرك ماهاتروح تمارين السباحة مع بنوتك ... ماهي الست اللي بتشقي بالعيال رايحة جاية
والرجالة عليهم يتأمروا وبس
لا ويتشرطوا عاوزين سباحة وكراتيه ويوسي ماث وقرآن
وأنتم تعبانين في حاجة
فيه حاجة بس انا لاحظتها ان المدونة المشتركة سحبت زباين مدونتي الخاصة فده عمل لي شوية قلق
برضه مدونتي الخاصة ليها الأولوية
بس برضه هاآجي هو انا اقدر أتأخر
سومه...مجنونه فى بلد عاقل
===========================
اقفي معوج وأتكلمي عدل
انتي حبيبة مرات أبني آه
بس حطيها حلقة في ودانك
فيفي نسمة
فيفي فلة
فيفي شمسة
فيفي فيها الفيتامينات كلها
تاخدي قرص فيتامينات تروم عضمك
هههههههههههههههههه مسخرو البوستات دييييييي انا مصرة اخلص البلوج واحلي حاجة اني اعتقد ان لا نهاية لهااااااااهههههههههههههههههه ودي احلي حاجة
تحياتي
إرسال تعليق